انا كنت مرتبطة وحصل مشاكل معاه كتير، قررت اسأل شاب زيو عن افعالو هو كدا بيحبني ولا لاء، الشاب دا لقيتو من النت، قولت فرصه لا يعرفني ولا اعرفو ومش هيجامل ولا هيمسكها ذلة عليا، واتعرفت عليت وحكيتلو، وقالي الشخص دا بيلعب بيكي فعلا ولما كدبتو وقولت دا كداب عرفت فعلا ان دا كداب وسيبتو واتعرفت ع دا وبقينا صحاب اوي وبعدها باسبوع اتقابلنا فيس تو فيس.
بعدها بشهر ارتبطنا وكلم اخويا الكبير وقالو اني محترمة ودا سبب انو عاوز يخطبني بس كدبنا ع اخويا وقولنا انه كان مساعد مدرسي في المركز يعني وعاوزني وكدا.
بس حصلنا مشاكل كتير اوي انا وهو احنا بنتكلم عن الجنس، واخر حاجة قررناها نتجوز عرفي بس طبعا دا هنقررو اما نصلي استخارة عشان هو خايف لا يجوزوني واحد غيرو متقدملي وهو لسه قصادو شويه صغيرين لحد ما يكون نفسو.
هنصلي استخارة ونقرر دا كان اتفاقنا وانا مرتبكة اوي معرفش هو كدا بيحبني ولا لاء بيحبني عشان عاوزني مبقاش لغيرو باي طريقة ولا مبيحبنيش عشان بيكلمني ساعات ف الجنس وعاوز نتجوز عرفي..
ارجو الرد وبدون الفاظ خارجة نصيحة لوجه الله وبدون شتايم او الفاظ خارجة واللي هيشتم ياريت ميردش
شوفي يا بنت الناس انتي الآن أمام ذئب جائع سوف ينهش عرضك وشرفك وسيتركك للندم والحسره وسيتركك تصارعي ويلات الحياه وانتي بدون شرف
احذري أن تتزوجي عرفي لانه هذا الذئب سوف يأخذ مبتغاه وبعد كدا ستجدينه فص ملح وذاب
احترمي نفسك إحترمي اسرتك إحترمي والدك ووالدتك وابعدي عن هذا الشاب الذئب
اللهم اني بلغت ف اللهم اشهد
اسمعي يا بنت الحلال الواد داااا ذئب وطبيعيا ستكونين انتي الفريسه .. خلي بالك س يأخذ شرفك وبعد ذلك سوف يتهرب منك ويبتعد عنك وسيقول لكي انا مش بتاع زواج .. حافظي علي نفسك حافظي علي شرفك حافظي علي ثقه والدك ووالدتك في شخصيتك .. دااااا خلاص القول والكلام
** اللهم اني بلغت ف اللهم اشهد