السلام عليكم انا شب من الاردن وكنت اشتغل واموري تمام الحمدالله والدي انصاب بالسرطان وكان في مرحلة متأخرة وقرر انو يزوجني قبل مايموت لاني ابنو الوحيد وحكالي هي البيت موجود وما في غير انا وامك وهون بلشت معاناتي اتزوجت وصار كتير مشاكل بين امي وزوجتي وكان ابوي بدو يبيع بيتو ويشتريلي شقة لحالي وانا ما ارضيت لانو عندي اختين والهم حق في البيت الحمدالله هديت الامور وانا سافرت للعمل وزوجتي كانت دايما عند اهلها الله رزقني ببنت والحمدالله هاي بنتي كل حياتي وبعد فترة والدي اتوفى ورجعت على الاردن واشتغلت هون وكان شغلي ممتاز والحمدالله لغاية ما الشغل وقف عندي عمة معها فلوس وحكتلي انت زلمة امين وشغيل شو رأيك نفتح شغل وعلى النص مني الفلوس ومنك الشغل اتفقنا انا واياها وبلشت شغل وكان الامور جيدة الحمدالله ولسى في بداية شغلي كانت زوجتي على وجة ولادة وصارت مشاكل بيني وبينها بدها تولد بمستشفى خاص لانو عندها مشاكل بتصير اثناء الولادة وبصير خطر على حياتها المهم راحت عند بيت اهلها وطلبت مستشفى خاص وصارت بدها بيت لحالها وما بدها تسكن مع امي والكل اقنعني انو حقها ولازم ترتاح وانا حكتلهم ما معي شو اعمل كيف هلا بدي افرش بيت كامل وامي حكتلي بغضب عليك ازا ما بترجعها عندك بنت وهاي التانية على الطريق رحت اخدت قرض عشان استأجر بيت واعفشة الله يسامحني وصار عندي مشاكل في الشغل المحل الي استأجرتة عملو بنفس المجمع توسعة وضلت لاكثر من سنة طبعا كل المي والتراب والحجار والطين تزل علي وانا محلي محل مكياج وعطور واكسسوارات بطل عندي شغل والبضاعة اتدمرت وبطل معي ادفع ايجار البيت ولا القرض ولا اصرف على اولادي وعمتي بطالبني بالارباح ووالدتي ما بدها نرجع على البيت ارجعت اخدت كمان قرض دفعت ايجار البيت واعطيت عمتي المطلقة وعندها ابن وحيد بدرس هندسة وبتحكيلي خطيتو برقبتك بطلت اعرف شو اعمل انجنيت حكيت انا شو ذنبي بكل الي بصير معي وصلت معي لمرحلة علي 10000 دينار ديون وما معي اشي امي اقترحت علي انبيع البيت واسد ديوني واعطي عمتي فلوسها طبعا انا نص البيت الي ومسجل امي صارت تشرط علي عشان انا اضعيف وكنت راح انحبس من ديوني انا بطلعلي من البيت 40000 دينار اعطتني 20000 دينار وراحت اشترت بيت تاني وسجلتو بأسم اخواتي وانا اعطيت عمتي 14000 دينار وسديت ديون وما اقدرت اسكر التزاماتي والله يا ناس كنت عايش ومبسوط بس خلص ربنا كاتبلي التعب رحلت على بيت تاني ووصلت فية بعت الغاز والغسالة والثلاجة عشان ادفع القروض عشان ما انحبس لا انا ولا زوجتي اجو اهلها اخدوها من البيت واخدو العفش وطلعو روحت ما لقيت حدا في البيت حكو معي حكولي بس تقدر تشتري عفش جديد بتحكي معنا وراحت زوجتي رفعت علي قضية نفقة وانا هلا الي 9 اشهر مش شايف بناتي وحكمت المحكمة بنفقة 350 دينار شهري على دخلي القديم وباثر رجعي من 9 اشهر وانا ما معي 20 دينار واجو الشرطة واخدوني من المحل وانحبست واتعرفت على مهندس في السجن وحكيتلو قصتي طبعا هوة امام المصلين وحكالي والله غير اساعدك وانا عندي شغل وعندي بيت اول ما اطلع انا راح اساعدك وحلف على القران انا انحبست اسبوعين واطلعت اهلي دفعو نص المبلغ وعملو تسوية وكان لازم التزم كل شهر 500 دينار لانها تسوية وكان علي قروض ودين هاد المهندس حكالي اكفلني انا مكسور من عطاء بس ازا وقفت معي والله غير اخليك اتوقف على اجريك وتبدا حياتك من جديد صدقتة ولما اطلعت تواصلت مع زوجتو واكفلتو بقضيتين وحدة 4500 دينار وحدة 12000 الف دينار وطلع الزلمة واجاني واتشكرني وحكالي اصبر علي كم يوم وانا واياك راح انبلش شغل المهم الزلمة باع بيتو برن على تلفونو مغلق اتفاجئت انو باع البيت وهرب وهوة ولادو ومرتو على تركيا وانا هلا اتورطت علية دفعة 500 دينار لكل واحد شهريا يعني لازم ادفع 1000 دينارشهري اقسم بالله هي عيشتي وهاي حياتي وانا كل يوم بفكر انتحر بس انا بخاف الله وانا هلا راح انحبس وممكن مؤبد كمان لانو ما معي ادفع والله بطلت انام ولا اكل ولا اشرب شو في حل مشان الله صرت افكر ما في غير الموت يريحني شو ذنبي شو اعملت ليش هيك صار معي بسنة وحدة انقلبت حياتي فوقاني تحتاني وانا ما الي ذنب بصير انتحر ربنا راح يسامحني بعرف انو ما راح يسامحني بس انا اتعبت والله انا ميت وانا حي مشكلتي ما الها حل
والمصيبة الحقوق واصحابها ، يعني البقاء عايش لو بالسجن فيه امل في وقت تنحل مشاكله ، لكن الميت مديون حتى الصلاة عليه لا تقبل
يعني فاكر اللي ينتحر خلاص يروح همه ويرتاح ، اول شيء يلقاه امامه السبب الذي جعله ينتحر يعذبه بنفس الطريقة ويرى اهله وامه وزوجته بالدنيا وهم يشحتو ويسألو الناس وزوجته متزوجة غيره واولاده عايشين بغير بيته ، لن تنتحر ثم تجد امامك الا العن من عيشتك بالدنيا بمئة ظعف ،هناك تفكر تنتحر بكل وسيلة لترجع للدنيا، كمل حياتك زي ما انت او قظيها في السجن مؤبد ، على الاقل تبقى تدعي وتصلي وتعمل شيء يسعدك في الاخر او يغير حياتك بعد الموت ،لا تعيش شقي في الدارين ، انا اعرف زميل قديم لي سمعت قريبا انه مسجون من ثمان سنوات بسبب حقوق مالية ، هو متزوج من اجنبية واخذ عدة قروض لاجل يعمر لها بيت ببلدها ولاهلها وغرمته ما لا يستطيع تسديده مدى الحياة لا اعلم ماذا عمل لها من مشاريع غير لكن سمعت ان سجنه طويل ولن يستطيعو اهله ولا قبيلته ان يسددو عنه ، وزوجته سافرت لبلدها من اول ما انسجن ،
بدي احكي معك وكون صادق وصريح معك وعايزك تسمعني للاخر اول شئ عظم الله اجرك في الحاج والدك واحسن لكم العزاء ثانيا انت ماعندك خبرة بالتجارة وهذا واضح من خلال كلامك وطريقتك في التعامل مع الاخرين وهذا الشئ هو من اوصلك الى هذا الوضع وخلا الديون تتراكم عليك عملت كويس انك بعت البيت لكن وين وديت مصاري ثمن البيت مبلغ 40 الف دينار مبلغ كبير ومش بسيط كان يفترض انك تسدد به كل ديونك للاخرين وتستثمر الباقي منه مش تروح تصرفه على اشياء مالها قيمة والهانم زوجتك مافيها خير لاهي ولااهلها كان مفروض توقف معاك في ازمتك مش تعمل هيك بنات الاصول ابدا مايعملوا عمايلها دي ابدا طلقها لابارك الله بها ولابااهلها ومسالة النفقة لبناتك الله يعيينك عليها واعمل زي بقية الرجال سافر للخارج واشتغل فرص العمل هناك متوفرة وبتلاقي الوضع افضل من بلدك بكثير حتى لو تهرب وامك ربنا يعطيها الصحة والعافية تروح تعيش عند وحدة من بناتها ماتخاف عليها ابدا هي هتكون اسعد مخلوقة لما تشوف حالك تحسنت وبقيت راجل ومعاك مصاري وسعيد في حياتك لكن وضعك السئ هذا يقلب عليها المواجع ويخليها مهمومة ومريضة من شانك صدقني مافي حل قدامك يااخي سوى السفر للخارج سوا الخليج او بلاد اوروبا وربك بيكرمك ان شاء الله اسعى ياعبدي وربك معاك بيفرج عنك اياك ان والانتحار والنفكير فيه فهذا حرام وفيه غضب لرب العالمين لو بقدر اساعدك والله مااتاخر عنك ابدا لكن يعلم الله بحالي وظروفي اتمنى اسمع عنك اخبار سارة باذن الله وربي يرزقك ويجعلك مخرجا مماانت فيه ويفرج كل همومك ومتاعبك ويبارك فيك انت وكل اخواننا المسلمين اجمعين