انا عمري ٢٠ متزوجة لي سنة ونص، زوجي قبل الزواج كان صاحب اخوي توأم روحه. في بداية زواجنا قدم زوجي على بعثة على اساس نروح سوا وما تسهلت معه واضطررنا نروح على حساب ابوه. ورجعنا بعد 4 شهور لانه خسر فلوسه وما يبي يخلي ابوه يصرف عليه مع انه مقتدر وهو وحيد والديه. مشكلتي بدأت لما رجعنا السعودية اشتغل بشركة عمه وتيسرت امورنا الحمدلله بس صار يشك كثير وما اقول بخيل بس يحاسب عالفلس، تكلمت معه ببداية المشكلة واللي فهمته انه يحسبني زعلانة منه لاني ضيعت سنة ما درستها بسببه او احتقره لانه ما قدر يكمل على حسابه ؟ حاولت افهمه ان كل تفكيره غلط وعجزت. وتعايشت مع شخصيته الجديدة لاني جد احبه. بعد خمس شهور قعدت امه تزن علي احمل واجيب ولد يغير علينا الجو بالبيت -عايشين بدور لحالنا مع اهله- وانا ما كنت راضية لين يرجع زوجي لطبيعته. وبعد فترة كذا تخاصمنا وقعدت عند اهلي فترة اكتشفت وقتها اني حامل اصلا لي5 اسابيع ورجعتله. مشكلتي انه للحين يشك ويحاسب عالفلس واخرها ما يبيني اتخصص باللي ابيه مع انه كان من شروط العقد ! وش الحل معه ؟
يااختي الزواج مودة والفة ومحبة وتفاهم بين الزوجين فاذا كانت تلك مفقودة في حياتكم الزوجية فلن تستقر حياتكم تماما ولن تري السعادة مع هذا الشخص وطالما انه يشك فيك فالشك مدمر لكل حياة زوجية وعمره لن يترك هذا الشك ابدا مهما كانت الظروف ومسالة البخل الذي فيه فانت من حقك ان تاخذي منه ماتحتاجين له وهو ملزوم بالانفاق عليك وعلى الذي في بطنك وعلى كل شوون البيت واحتياجاته فلابد ان تشركي احد من العقلاءمن اهلك حتى يتكلمون معه ويجدون لك حلا لتلك المشكلة قبل استفالحها فان تعذرت كل الوسائل معه ولم يتغييرللافضل ويتقي الله فيك ويعاملك معاملة حسنة مثل بقية الازواج مع زوجاتهم فالطلاق خير لك من العيشة مع شخص كهذا شكاك وبخيل جدا ولايحترم ولايقدرالحياة الزوجية وتاكدي انك تعمل الصح لاجل صون كرامتك وكرامة اهلك وللحفاظ على حقوقك كزوجة له وام لولده اوبنته الحاملة به