حلمت اني كنت في مدرسة تقريبا او مكان فيه مدرج وزي ما يكون كان فيه عزاء او تجمع للرجالة في غرفة والستات في غرفة تانية وماما كانت حاضرة مع الستات وبابا مع الرجالة وانا كنت برة بستناهم في طرقة كدا زي بتاعت المدرسة وفجأة لقيت حبيبي القديم مع العلم اننا كنا بنحب بعض اوي وسبنا بعض عشان ماما موافقتش عليه بس انا مكنتش بفكر فيه ابدا الوقت دا ولقيتو جاي مبتسم وقالي فين مامتك قلتلو انها جوا دخل الغرفة وقالها انو عايز يطلب ايدي وهي موافقتش طبعا وهزقتو لانها كانت معترضة عليه من البداية , ف طلع ولقيتو لسة مبتسم قالي ميهمش ولسة مستسلمتش وانا مخضوضة كل دا وسألني عن بابا قاعد فين قلتلو وراح قالو عايز اطب ايد بنتك وبابا سألو عن شغله وكدا ووافق وطلع من عندو وقالي وفرحت اوي مع اني كنت نسيتو ومتوقعتش دا وحضني جامد وقالي وفيت بوعدي وهتبقي ليا واتقلب المكان بعدها للمأذون وكتب الكتاب وسألني وسألو عن اذا كنا موافقين على بعض ووافقنا وماما معترضتش زعلت شوية في الاول بس بعدها ساعدتني ووقفت معايا وشفتنا في الفرح وانا لابسة فستان ابيض وهوا لابس بدلة سودا وماسكين ايد بعض وطالعين من القاعة ودخلنا البيت وهوا قلع قميصو وقمت بعدها , ياريت اعرف تفسير الحلم دا ايه ؟!!
تفسير حلمك هو انك قد تتزوجي عماقريب وليس بالضرورة من هذا الشخص اللي تعرفيه وقد يحصل معارضة من اهلك عليه في البداية ولكمهم يوافقون عليه وتنتهي المشكلة وتلاقي الخير والسعادة والاستقرار معه في حياتكي والله اعلم