السلام عليكم. بداية انا متزوجة ولدي ولد وبنت … ليس لدي اي مشاكل اجتماعية او مادية والحمد لله. البارز في هذه الايام اني ابحث عن شقة جديدة ..
حلمت اني دخلت محل شوزات المفترض ان اغلبه كوتشيهات على امل اني اشتري كوتشي .. والمحل ده محل برندات كبيرة … وانا بلف كانت معايا داليا اختي.. ولقيت شوز معجبنيش مية في المية ومكانش كوتشي زي منا عايزة.. كان لونه اسود.. وبصيت على الاستاند اللي محطوط عليه لقيت جنبه شوزات شفتها قبل كده بتتباع رخيصة جدا وبيبيعوها في المحل ده غالي جدا… المهم خدت الشوز الاسود ده وكان فلات وقيسته لقيت شكله مترب ووحش .. قلعته وقلت هادور على حاجة تاني… بالصدفة بافتح فترينة عاملة زي الخزنة كده لقيت فيها كوتشي ازرق مبهج جدا وبالظبط زي منا عايزة وانبسطت اوي اني لقيته وقلت هو ده… بس مش فاكرة اي حاجة بعد كده ..
رؤية الحذاء في المنام تبشر بخير لصاحبها فهي تدل على الارض او المكان المعين فمن لبس حذاءاجديدا غادر الى مكان اورض جديدة ويدل ايضا على الوقاية والحماية وعلى الستر لانه يستر القدم اما لون الحذاء ازرق فهو للمتزوجة يعني فسحة جديدة وامل في التفاؤل بحياة سعيدة والله اعلم