انا فتاه عندى 27 سنه مصريه كنت مخطوبه لشاب سعودى من و انا عندى 23 عن ارتطبات عاطفى و قصة حب سنتين و خطوبه 4 سنين اهله عايشين بمصر كان موضوعنا مليان مشاكل كتيره بسبب اهلى و اهله و تصاريح الزواج و مشاكل ضغطت علينا نفسيا اوى لدرجة ان فرحنا اتلغى و كملنا بعدها 8 شهور انا مضغوطه فيهم نفسيا و كنت بعمل انى كويسه و متقبله حاجات صعبه احد اسباب فشل موضوعنا انه معتمد على اهله ماديا جدا و كان الاتفاق انه هيستقل و يشتغل و سافر للهدف ده و سبب الاختلاف انه ممسكشى شغل فانا لاول مره فى حياتى اخد قرار البعد و بلغته هو و اهله و اهلى بفسخ الموضوع و هو مصر انه نكمل و ندم و بدا يتحرك بس انا لسه من جوايا خايفه جدا و مع العلم انه الموضوع واقف بس على والدى انه يقوم باحراءات الفسخ يعنى الحقوق و شبكته ترجعله و العفش اللى انا جبته و الكلام ده كل واحد ياخده حقه بما يرضى الله …و انا هو مبنتكلمشى خالص دلوقتى
الرؤيه : حلمت امبارح حلم غريب و فاكراه بتفاصيله انى نايمه و بعدين جت ست شكلها حلو بس انا عارفه انها شريره بجناحات عماله تفتح كل اقفال الشبابيك اللى فى بيتى و المنطقه السكنيه اللى انا فيها (انا بيتى على شبابيكوا حديد بس جيرانى لأ ) فى الحلم كل الشبابيك بحديد و هى بتفتحهم فانا قومت من السرير اشوف فى ليه لاقيت فى حالة هلع فى الشوارع و الناس كل كلامها ياساتر يارب ايه ده اللى فى السماء ده و واحد بيقول الست ده تبعهم قصده على اللى بتفتح الشبابيك المهم انا البيت كله نايم فخفت و نزلت اشوف فى ايه ببص على السماء لاقيت غيمه كبيره و تحتيه وحوش كتير اوى جيش من الوحوش باجنحه و شكلهم مرعب و على وضع استعداد للهجوم بس مستنيين الغيمه تضلم كل السماء و فى الحلم فهمت ان الست اللى فتحت الشبابيك عشان الوحوش ده تهجم على البيوت قمت جريت بكل قوتى و عايزه الحق اخواتى و اهلى عشان نايمين و صحيتهم كلهم و بابا جرى اخدنا كلنا و استخبى و شفت و انا بستخبى الوحوش ده بتاكل بنى ادمين و بتهاجمهم و صريخ ناس سامعاه بتموت.
هل الحلم ده ليه تفسير ولا ده ايه ؟ اشكركم
الاخت العزيزة مسالة فشل خطوبتك من هذا الشاب السعودي نرجعها للقضاء والقدر وكل شئ قسمة ونصيب ربنا عزوجل مااراد لك نصيب مع هذا الشخص والموضوع انتهى ولاعاوزك تعطيه اي اهتمام خالص وموضوع الحلم اللي رايته فرؤية المراة دي في المنام دلت على الدنيا فان كانت الست دي حلوة وجميلة فان حياتك ستكون جميلة وسعيدة وان كانت الست وحشة وقبيحة فدل على تعاسة وشقاء ومتاعب في الحياة وقولك انها تريد فتح شبابيك بيتكم فرؤية فتح النافذة – الشباك – للفتاة العزباء دل على تلقيها خبر سار وخير يحصل لها اما زواج او علاقة عاطفية اما اغلاق النافذة او الشباك فدل على قطع علاقة الفتاة بذلك الشخص اللي يريدها وانقطاع اخبارها عنه ورؤية السماء في المنام دلت على الخير والرجوع الى الله عزوجل والتوبة للعاصي من الذنوب وصلاح الحال لصاحبها ورؤية الناس في الشارع في المنام دلت على الامان والسرور والسعادة للرائي اما رؤية الوحوش في المنام فدلت على هموم ومتاعب سوف يلاقيها الشخص في حياته ودلت على كثرة الحاقدين والحاسدين له والله اعلم
الأخت الفاضلة تحية : إنسي هذا ولا تحدثي به وتوكلي على الله سبحانه وتعالى ولا تقلقي ،