الحلم الاول
من حوالي 9 سنين رايت رؤيا
رايت سيدنا الحسن حفيد الرسول صل الله عليه وسلم
فتح كف يدي ووضع به بذرة واغلقها جيدا وقالي لي
الحسين بعتلك دي وبيقولك حافظي عليها
وقت الرؤيا كنت متزوجه وبعدها بكم شهر توفي زوجي
ومعي 3 ابناء
الحلم الثانى
عمتي او عمة ابويا اتوفت وغمرها حوالي 110 سنه وكانت بخيله الله يرحمها
شفتها قاعده علي كرسي
وزي مايكون كل عيلتها في مناسبه
وهيه امهم
بس مقيده ف الكرسي
باساور ف جنزير ف الكرسي
وكانت مخنوقه انهم عاملين فيها كده
مقيدينها
ومتضيقه جدا
مش فاكرة حصل احداث مش فكرهاها
بس لقيتها اتحولت لطائر غريب الشكل مرعب
له جناحات تخوف
كانها زي مصاص الدماء
وجناحات كبيرة
مشي الطائر علي بطنه وجناحاته فوق
ورمي نفسه من مكان عالي
في البحر
وغرق
انا لقيتني روحت وراها ورميت نفسي ف البحر
مش عارفه كانت نيتي انقذها ولاايه
والبحر كان ظلمه
لما رميت نفسي
نمت علي وش البحر
متبلتش حتي
كان البحر كانه مرتبه كاوتش مرنه مليانه ميه
بقي شايلني وانا نايمه
ودي تاني مرة اشوف اني نايمه علي البحر بالطريقه دي
لقيت شاب علي وشه زي قطرات ماء
ماشي علي وش البحر
واخد ايدي قومني
ومشيت زيه علي وش البحر
وقالي الخاصيه دي
فيكي
وف جيل تاني بعدكم
وطلعت من البحر
ده اللي فكراه
رغم اني ليس لدي اي خبره في تفسير الاحلام ولكن لاتقلقي من ذلك تقربي من الله دائما بالصلاه والدعاء ونامي وانتي علي وضوء دائما ربنا يوفقك