انا بنت عندها 20 سنه بحلم حلم دايما بحلم بيه من وانا فى اعدادى تخنقت من الحلم لانى عايزة اعرف تفسيره ايه لان كل اللى بيحصلى فيه مشاكل كتير ومن كتر ما حلمه بخاف انام علشان محلمش بيه تانى
انا بحلم ان حد بيطاردنى وكل لما لما يجرى ورايه اطير فى السما وكل الناس بتتفرج عليه وبيستغربوا انا بطير ازاى وقبل الدراسه ماتبتدى احلم الحلم دا ايام ماكنت فى المدرسه احلم ان انا اتأخرت على المدرسه ويحصل حاجه واهرب ومرحش وايام الامتحانات برده بيحصلى حاجه ومش بروح ايام الجامعه برده بيجيلى نفس الحلم لدرجه ان انا مش بعرف انام ايام الامتحانات وبفضل صاحيه ومن كتر ما نفسي انام حتى لو خمس دقايق بعد اعيط ومش بعرف اذاكر
انا لما دخلت الجامعه عرفت ناس وحشه كتير ومريت الصعوبات دى وبعدت عنهم انا فكرت ان ممكن الحلم دا تفسيره كدا بس فضلت احلم نفس الحلم الغريب دا انا مش من النوع اللى يكون عندها مشكله وتهرب انا من النوع اللى بتحب تحل مشاكل الناس وحليت مشاكل مع الناس اللى كنت اعرفها بس انا عايزة اعرف ليه الحلم دا وربنا ببيعاقبنى مثلا بس ربنا لو بيعاقبنى هيعقببنى من اعدادى ليه انا تعبت ياجماعه من كتر ما بحلم الحلم الغريب دا وبتعب اكنر من كتر التفكير فيه وان انا مش بعرف انام بسببه هو حلم بالنسبالى واللى بعيشه فيه مش حلو خاالص بحس انه كابووووس فظيع
لدرجت ان انا لما بفكر فيه بحلمه وانا صاحيه يعنى بتخيل كل اللى بيحصل ادامى وبشوف نفسي وانا بطير
انا كنت دايما وانا صغيره بقول لمامتى كان نفسى اكون طائر او عصفورة تطير ولحد دلوقتى كان نفسي اكون طائر يطير فى السما انا بعترض على خلق ربنا بس مجرد حلم خيالى زى مااى حد بيحلم
تفسير الاحلام
بحلم ان انا طايره فى السما
اضيف بتاريخ: Thursday, November 30th, 2017 في 00:19
كلمات مشاكل وحلول: احلام, بنت, حلم
الأخت الفاضلة تحية : هذه أحلام كوابيس تلاحقك منذ مُدّة ، وهذه الأحلام لا تُفسّر ، الرؤى الصادقة هي التي تُفسّر ، مُشكلتك هذه بحاجة الى حل عملي تقومي به صباحاً ومساءاً إذا أردتِ الخلاص من هذه الأحلام المُزعجة ، حاولي قدر الإمكان أن تكوني دائماً على طهارة من الحدثيْن الأصغر والأكبر ، عندما تأوي الى الفِراش أي النوم ، إقرئي سورة الفاتحة الشريفة ، وبعدها إقرئي آية الكرسي الشريفة ، وأقرئي آيتيْن من سورة الإسراء ( وإذا قرأت القران جعلنا بَيْنَك وَبَيْن الَّذِين لا يؤمنون بالآخرة حجاباً مستورا) وجعلنا على قلوبهم أكنّة أن يفقهوه وفي آذانهم وقرا وإذا ذكرت رَبِّك في القرآن وحده ولّوا على أدبارهم نُفورا ) وأقرئي أول 11 آية من سورة الصّافات وأخر سورة الحشر ( لو أنزلنا هذا القرآن على جبل لرأيته خاشعاً متصدعاً من خشية الله. إلى آخر السورة وسورة الإخلاص والفلق. والنَّاس ،وقبل أن تقرئي القرآن دائماً إستعيذي بالله من الشيطان الرجيم ، وأقرئي هذه الآيات يومياً بعد طلوع الشمس وبعد العشاء ، أيضاً عندما تأوي إلى فِرَاشِك قولي ( باسمك ربّي وضعتُ جنبي وبإسمك أرفعُه إن أمسكت نفسي فأرحمها وإن أرسلتها فاحفظها بِمَا تحفظُ به عِبادٓك الصَّالِحِين ) وإن زدتي في القراءة والذكر والإستغفار والتسبيح كان خيراً أكثر ، إعملي بهذا ولا تتكاسلي أنتِ ومن يقرأه كذلك يعمل به ، أسأل الله السميع المجيب لكم الحفظ ، والسلام