السلام عليكم ورحمة الله وبركاته
أولا رح أضع المعلومات اللازمة لتفسير الحلم
أنا آنسة 21 سنة
بكالوريوس
مازلت أكمل تعليمي
عزباء
وحالتي الدينية الحمد لله جيدة
حلمت اني شفت ماما لابسة بلوز أحمر جديد وكتير حلو وبدها تستقبل ناس
وبعدين شفت حالي خاطبة على واحد حاليا عم يخطبوله بس طبعا هاد بالواقع مستحيل وهو أكبر مني
وأنا بقول لبابا انت شايفني قليلة ومستقل فيي بتاخد مهري بس 2000 دينار والمؤخر برضوا قليل ، أنا بالحلم استغربت ليش هيك مهري قليل وبحكي لبابا على الحساب بتحكي اذا اجى لبنتي بطلبلها اشي منيح بقله ليش هيك !!!
بعدين بفتح خزانة بابا الا لقيت فلوس بعملة الدينار بالهبل كانوا رزم رزم وهاد مهري وطلع بابا طالبلي مهر كبير وانا مو فاهمة ومؤخري برضو عالي
بحكم اني على غربة رح أتزوج
وبعدين اجى يوم عرسي وصحيت من النوم الا بابا بحكيلي بشرتك مرتاحة يعني انا كنت صايحة وجهي مفتح وكلو بوجود ماما الحلم وفي شغلات ناسيتها
وبعدين لبست البدلة الا هي مفتوحة من النص من قدام من عند الركبة ولتحت وانا مو شايلة شعر اليدين والرجلين مع اني بالاصل خفيف بس بالحلم ما كان خفيف كان كتير ، وشفت حالي هيك وانجنيت وما في وقت كتير وبعدين بحكي وبقول انا ليش ما حجزت بصالون أعمل ميك أب وأعمل شعري وحكيت وما في حجز
وشفت حالي عم أحكي مع العريس بس مو متذكرة شو كنت عم أحكي معه وكنا نحكي على شهر العسل أو على السفر
وحلمت حلم تاني اني ماشية بسوق لحالي وعم أتسوق ودخلت على محل اكسسوارات كتير حلو وبالحلم الاكسسوارات متل المجوهرات كتير قيمتهم عالية ولفت نظري خواتم كتير حلوين وطلبت اني أشوفهم –
وقبلها بيوم أو يومين ماما حلمت إنها شافت بقرة لابسة متل الناس عادي لابسة بلوزة وشرت وكانوا ملابسها بلون الأحمر والسكني والبقرة كانت حلوة مو بشعة أو كبيرة بالسن
تفسير الاحلام
حلم متداخل ورؤية جلوسي مع عريس
اضيف بتاريخ: Sunday, December 3rd, 2017 في 00:24
كلمات مشاكل وحلول: احلام, حلم, عزباء, فتاة
شوفي يابنتي خيرا رايت وشرا كفيت باذن الله تفسير حلمك الاول يدل على قرب الزواج لك وتكون حياتك سعيدة وسعة في العيش ورزق وفير من المال باذن الله ورؤية الشعر في المنام دل على طول العمر وزوال الهموم والمتاعب اما تفسير حلمك الثاني فرؤية الخواتم في المنام تدل للعزباء على الزواج والحياة السعيدة وصلاح الحال لها اما تفسير حلمك الثالث فرؤية البقرة في المنام دلت للعزباءعلى عفتها وحسن سمعتها وقرب الزواج لها هذا والله اعلم