السلام عليكم ورحمة الله وبركاته :-
أنا طالبة جامعية عمري 20 سنة وبدرس في كلية اللآداب قسم لغة إنجليزية
وعازبة
الحلم :-
حلمت إني بمشي بالشارع وكنت عند محل ملابس بس ما شريت وما ارتحت هناك وخفت وخرجت من المحل الا بدي أفوت على الجامعة لقيت جامعة غير جامعتي , لقيتها غير ولقيت حالي بمدرج كتير كبير ووكان في إحتفال عظيم وكانت الدنيا ليل والأضواء شغالة والناس كلها عم تحضر الاحتفال , هلئ أنا كنت تايهة بطريقة مو طبيعية وضليت امشي فلقيت حالي على منصة المسرح وخجلت من حالي كتير وقالولي لازم تطلعي بسرعة من هون الاحتفال رح يبدا والتصوير رح يشتغل فضليت أدور من وين بدي أطلع لقيت درج طلعو من بنتين أما أنا ما قدرت أطلع وصرت أمشي وخايفة ووصلت لممر مرتب كتير كلو جرانيت ولقيت وحدة كمان مرتبة وشيك وصرت أقلها لو سمحت أنا مو عارفة من وين أطلع من الجامعة مو عارة الطريق إستغربت وصارت بدها دلني على الطريق وبعدين الا كان فيه صينية جبنة بيضا متل الثلج كتير بيضا وناصعة البياض والجبنة كانت متل جبنة الكنافة والحلويات يعني متل القشطة مو قطع وطالت بإيدها لقمة كبيرة كتير وأصرت تطعمني وأنا ما بدي وصارت تقلي لازم تاكلي ضروري وبالآخر طعمتني غصب عني يعني هي حطت اللقمة واضطريت آكلها وكان طعمها لذيذ شو تفسير هالحلم ؟؟؟ وآسفة جدا على الإطالة . والكم كل الشكر والإحترام
تفسير الاحلام
رؤية احتفال كبير بالجامعة في الحلم
اضيف بتاريخ: Friday, December 29th, 2017 في 00:23
كلمات مشاكل وحلول: احلام, الجامعة, حلم, ملابس
وعليكم السلام ورحمة الله وبركاته : بل شُكراً على الإطالة ، الشرح يجب أن يكون مُفصلاً حتى تُفسّر الرؤيا بالشكل الصحيح ، أقول إن صدقت هذه الرؤيا هناك صعوبات تواجهك وخاصة في الدراسة لكنها ليست كثيرة جداً ، رؤيا الجبنة البيضاء لها أكثر من تفسير في البعض رزق وفي البعض للعازبة نكاح أي زواج ، المُهم في النهاية تزول عنك الصعوبات بإذن الله عز وجل ،