اولا انا بشكر كل شخص هيفسرلى حلمى
انا عندى تلت احلام التلت احلام دول فى فترات متباعده عن بعض بس فكراهم اوى وشغالين دماغى جدا انى اعرف تفسيرهم ومن واحد من قريب
اولا انا بنت مش متجوزة ولا مرتبطة عندى 21 سنة مكتئبة شوية
اول حلم كنت بطلع سلم عمارة قديمة سلم من السلالم العالية اوى وكنت بتعب جدا علشان اطلع السلالم دى وكنت فعلا تعبانة جوه الحلم وانا بطلع السلم ومكنتش بطلع كمان انا كنت بحاول اعدى درجة درجة بصعوبة كبيرة جدا المهم طلعت بصعوبة بعد مطلعت لقيت باب ضيق اوى وقصير دخلت نفسى فيه وكان صعب برده بعد ما عديت لقيت ناس بتصقفلى اتمنى تفسيره
تانى حلم حلمت انى عروسة بس الفرح كان خلاص هيبدء وانا لبست لاكن معملتش المكياج بتاعى وكنت محبطة اوى لانه خلاص فات الوقت
تالت حلم حلمت انى فى بحر وبسبح فيه وبعدين لقيت شق بين صخرة وكان فيه سمك صغير ملون حاولت امسكه وبعدين بقيت بصطاد وبيطلع سمك كبير لحد مبقا عندى كمية حلوة اوى وكنت فرحانة وانا جوة الحلم
اتمنى منكم التقسير ولكم منى جزيل الشكر والتحية
السلام عليكم
الأخت الفاضلة تحية : إن صدقت هذه الرؤى فهي كالتالي ، الأؤلى والثانية تدل على صعوبات تواجهك ونكد ، لكن الرؤيا الثالثة بُشرى كبيرة ، السباحة في البحر والسمك ، ولحُسن حظك أنكِ لم تصطادي السمك الصغير قيل أنه ليس جيداً أما إصطياد السمك الكبير فهي البشرى والخير والرزق وقد يكون تحقيق أمنية ، أنتِ قلتِ في بادئ الأمر أنكِ مكتئبة قليلاً ، كوني مُتفائلة وتوكلي على الله عز وجل وكوني معه سبحانه تري الخير ، والسلام ،