السلام عليكم ورحمة الله وبركاته كنت عايزة افسر حلم اذا سمحت
انا امي متوفيه بقالها 39 يوم اول ما توفت حلمت بيها اني دخلت الغرفة ولقيتها نايمة وكأنها خايفة ومرعوبة اول ما شوفتها بقولها انتي ماموتيش يا امي الحمد لله انا كان قلبي حاسس ردت اختي وقالت لي امك عايشة ازاي تدفنوها وهي عايشة ( للعلم اختي كمان متوفية وهي امي مدفونين مع بعض ) بعد كده بصيت لامي بقولها مالك يا امي خايفة كده ليه فيكي ايه قالتلي اختي انتي مستهونه بواحدة عايشة تدفن انتي مش متخيلة هي اترعبت قد ايه من اللي شافته انا قعدت اسألها مالها شافت ايه قعدت اختي تعيط وفجأة موبايلي رن قامت اختي قالتلي ان اللي بيتصل هو اللي هيقولي مالها امي
الحلم التاني… حلمت بأمي نايمة علي السرير والدكتور قاعد تحت رجليها وبيقولها يا حاجة لازم تاخدي العلاج بتاعك وتاكلي كويس انتي مش حاسة انتي اتنجدتي من ايه انتي اتدفنتي وانتي حية والحمد لله رجعتي للحياة تاني وهي عمالة تهز راسها كأنها بتقوله حاضر بعد شوية دخلت الاوضة ملقيتهاش دخلت سألت اخويا امي فين قالي تلقيها نايمه جوه قولتله امك مش في البيت وببص لقيتها بتفتح باب البيت وجاية من بره وبتقلع حذائها بزعق لها وبقولها ازاي تنزلي وانتي تعبانه شورتلي بأديها اني استني لحد ما تاخد نفسها من طلوع السلم سندتها لحد سريرها ولقيت اختي (المتوفية) قاعدة عالسرير ونيمت امي جنبها وقعدت ابوس في كل حته في امي وصحيت علي كده
اسفة جداااااااااااا للاطالة
تفسير الاحلام
حلمت بأمي انها عادت للحياة بعد دفنها
اضيف بتاريخ: Wednesday, January 3rd, 2018 في 10:30
كلمات مشاكل وحلول: احلام, بنت, حلم
وعليكم السلام ورحمة الله وبركاته : الأخت الفاضلة تحية ، أولاً شُكراً على الإطالة ، كلما كان الشرح عن الأوضاع أكثر كلما ساعد في تفسير الرؤيا بشكل صحيح ، شيء غريب في هذه الرؤيا أختك المتوفية في الحقيقة تقول لكم أنكم دفنتم والدتكم وهو حية ، هذا الخبر جاء في رؤيا أي منام ، لكن من أخبر به هي أختك وهي في العالم الآخر عالم الحق والصدق ، على كل حال إن صدقت هذه الرؤى الإثنتان وهي مكمّلات لبعضهما ، كون أمك حية وعادت للحياة من جديد هذا يدل على أنها لم يُمت ذكرها وهي راقدة فقط ، الميت الحقيقي هو من مات مُفلساً من الأعمال الصالحة وفوق ذلك كاهله مُثقل بالذنوب والأوزار ، إن شاء الله عز وجل أمك وأختك رحمهما الله بحال حسنة ، عليك بالدعاء والإستغفار لهما والصدقة عنهما ، والسلام