حلمت كأنى بكلم واحدة اسمها نصرة ( لها صلة قرابة بينا من بعيد ف الواقع ) ف بتسألنى اشترتيتى فستان فرحك ولا لا .. قلتلها لا لسة .. قالتلى ازاى ده اهم حاجة سيبى كل اللى معاكى وروحى دورى على فستان حلو ف روحت اتيليه بدور على فستان فرحى وبعدين ملقيتش اى حاجة عجبتنى ف قلت انا لازم انزل المحافظة ادور على 3 فساتين واحد للفرح والتانى للخطوبة والتالت للحنة وكنت فرحانة وسعيدة ف الحلم وكنت بسأل صحبتى ياترى الفلوس اللى معايا هتكفى اشترى التلات فساتين انا مش معايا الا 2500 جنيه وممكن اكملهم 3000 جنيه قالتلى ان شاء الله تكفى حتى لو اشتريتى فستان الزفاف دلوقتى وبعدين نبقى نأجر الاتنين التانيين . ف مرات عمى بتقولى حددتى ميعاد الفرح امتى ؟ قلتلها 18 / 9
وصحيت من الحلم .. فى نفس اليوم حلمت ..
ــــــــــــــــــــــــــــــــــــــــــــــــــــــــــــ
انه كان معايا عمى فى الاتيليه وكان فيه راجل وست عواجيز مفروض انهم اصحاب الاتيليه ف بحاول اختار فستان كويس للخطوبة وعمى شاورلى على فستان لونه احمر .. فاانا مكنش عجبنى اوى .. لكن قلت للست انى هدفع تمن ايجاره وهسافر الغردقة ادور هناك ( انا مش عايشة ف الغردقة فى الواقع ولا عمرى زرتها ) .. ولو ملقيتش يبقى هاخد ده وخلاص .. راحت ضحكت وقالتلى انا شوفتك قبل كده .. قلتلها منا اتعاملت معاكى قبل كده ف فرح بنت خالى قالتلى هبه .. قلتلها ايوة .. وأجرتلى الفستان بتاريخ 30 / 8 ــ ف بتقولى بس الوقت خلاص عليكى هتلحقى تدورى فى مكان تانى قلتلها مش مشكلة لسة باقى يومين
* انا غير متزوجة وعمرى 27 سنة
