لسلام عليكم ورحمة الله وبركاته ..
انا عمري 27 عام ، آنسه، وقد حلمت حلم وأرجو من حضرتك تفسيره ،، حلمت بان فرحي غدا ولم اشتر فستان الزفاف واستغربت وقلت ياااه انا مش لسه مش اشتريت فستان الزفاف وفرحي بكره ، راجت بنت اختي قالتلي خلاص نروح نجيبه دلوقتي ، قولتلها دلوقتي بس الوقت متاخر ، قالتلي البسي عبايه سمراء وننزل نجيبه دلوقتي ، قولتلها خلاص ماشي بس هنلحق الوقت متاخر ، وماما قالتلي لا مش هينفع تزلوا دلوقتي الساعه 9 ونصف الوقت متاخر ، وانا قولت في بالي خلاص نخلي الفرح بعد بكره ونجيب الفستان بكره بس الحلم خلص على كلام ماما ،،، بس عايزه اقول لحضرتك ان حلم انه فرحي واني مش اشتريت فستان الفرح ده حلمت بيه اكتر من مره وارجو من حضرتك تفسيره .. وجزاكم الله كل خير …
ومعلشي بعتذر لحضرتك بس في حلم زوجة اخي حلمته ليا ، لو ممكن انا كتبته لحضرتك وارجو تفسيره ، وهي حلمته من كام يوم ،،
والحلم هو :
حلمت زوجة اخي حلم لي وهو : انه فرحي وعملناه في الشارع ومطرح ما حطينا الكوشه كان في زباله كتير ، وهي لاقتني خارجه من البيت ولابسه الفستان الابيض وكان شكله مش منفوش وفيه مراوح شكلها زي المراوح اللي كنا بنعملها واحنا صغيرين في المدرسه والمراوح دي قماش مش ورق ، وسالتني زوجة اخويا ليه مش اتمكيجت ووصفتلها في الحلم مكان للكوافير مش موجود وزي ما اكون تايهه مش مركزه، وقالتلي هتعملي ايه وانا قولتلها همكيج نفسي اي حاجه ، وقالتلي طيب ليه مقولتليش انا مش جايبه معايا اي مكياج ، طيب اصبري بقا هروح اجيبلك اي مكياج ، وكانت زوجة اخويا مش عايزه تسيبني لوحدي وكانت عايزه تخلي حد يقف معايا … ارجو التفسير ..
تفسير الاحلام
رؤية لي بالفرح ولقريبتي اني في ليلة الزفاف
اضيف بتاريخ: Wednesday, January 7th, 2015 في 21:43
كلمات مشاكل وحلول: احلام, الزفاف, بنت, حلم, فستان
انا مخطوبة وحلمت انى فرحى بكرة وكنت فى منزلنا القديم ونسيت اجيب فستان الفرح ولما والدى عرف أن نسيت اجيبه قالى اكلم خطيبى علشان يجبلى الفلوس وانزل تانى يوم بدرى قبل الفرح ادرو على فستان بسرعة وانا بتصل بخطيبى وكان معايا برشام بحاول ابلعه علشان عندى برد ومش عارفة خالص لحد ما باش ورمته واخدت واحدة تانية بلعتها بس بعد كذا محاولة وصحيت بس مكنش خطيبى رد عليا لما بكنت بحاول اكلمه
تفسير حلم الاول – انك قدتتزوجي من شخص ماتعرفيه خالص واهلك هم فقط اللي يعرفوه والعباية السودة في المنام تدل على الستر للمراة والعفاف وقرب الزواج نشاءالله والحلم الثاني تفسيره رؤية الفرح في الشارع تدل على حدوث مشاكل وفتن في الحياة وربما مصيبة قدتحصل والفستان الابيض يدل على صلاح وتقوى في الدين وللعازبة الزوج و رؤية الزبالة في المنام تدل على الدنيا وللعزباء قرب الزواج وتغير الحال ان كانت فقيرة وربما سعة في الرزق وخير وفير والله اعلم