انا بنت عذراء … حلمت انى قاعده ف بيتى وكنت حامل وبتألم، وندهت لماما تساعدنى عشان كنت حاسه انى هيحصلى إجهاض بس هى ماسمعتنيش، كنت قاعدة فى الضلمة بس كنت شايفه شويه ولاقتنى فعلا بنزل الجنين وكان فى ايدى وحاسه بيه، كان صغير اوى بس راسه كبيره شويه وكان كله دم وليه احمر بيتكون والحبل كان ف بطنه لسه، انا كنت خايفه منه ف رميته ع الارض جنبى وفضلت انادى على ماما لاقيته رجع ف ايدى تانى فضلت خايفه بس مابقتش عارفه اعمل ايه.
المشهد اتغير ولاقيتنى فجأه بنضف بيت العصافير بتاعتى ولاقيت اكتر عصفور بحبه نايم على نفسه خالص وكان باين انه بيتألم خالص فضلت امسكه واطبطب عليه لاقيته قعد يتقيأ حاجات طويلة تشبه الدود بس ماكنش دود.
المشهد اتغير تانى ولاقيتنى مع ناس صحابى مش قادره افتكرهم وكنا فى الشارع وبنبص ع فرح او حد عامل حفله وصحيت وقتها الساعه ٤ ونص الفجر.. هل الحلم ده ليه تفسير؟
