انا بنت عمري 21سنة علي قدر من الجمال وذا مؤهل عالي مخطوبة منذ 7سنوات ابن عمي وانا كنت في الثانوية العامة وكان من بلد بعيدة عن بلدي ورغم ان هوة ابن عمي مكنتش أعرفة وتعرفت عليه في احدي الافراح وبعدين ابوة وابويه أتعرفوا علي بعض وبدأ العلاقة بين الاسرتين قويه وبعد ذلك تقدم ابوه لخطبتي لأبنه بناء علي طلب ابنه وانا في الثانويه العامة وكان ابويه مصمم اني اكمل دراستي وهوة يسافر يأمن مستقبلة لأنه حالته المادية متمكنهوش انه يجهز شقه ويدير بيت وسافر أحدي الدول الاروبيه فرنسا منذ اربع سنوات وانا اكملت تعليمي الجامعي علي أمل انه يعمل أقامة ويسافر علي طول وفعلا عمل الاوراق ولكن لم يكتمل لأنه حدث فيه أخطاء ورفع دعوي للحكومة الفرنسيه ومش عارف هيصدر الحكم امتي قريب ولا بعيد مع العلم انة فقد فلوسة طول الاربع سنين في عمل أوراق الاقامة يعني مش هيقدر يشتري شقة ولا يكون قد المسئولية وبابا حددله ميعاد علي شهر 12 لو معملشي الورق ونزل هيفسخ الخطوبة لأن الناس بدأو يقولو كلام عليه وخطيبي يعني لأخر شهر 12 هوه ال هيحسم الموضوع وانا بدعي ربنا انه يستلمها علي شهر 12 علشان مايحصلش مشاكل بس مقرره في نفسي لو مستلمهاش علي شهر 12 هسيبوة لأن معني كدا انه هيعد لحين الله وأعلم وانا صبرت كتير من كلام الناس والكلام ال تقال عليه طول الاربع سنين واعصابي معدتش مستحمله صدمات اكتر من كده وانا ديما بدعي ربنا وبصلي صلاة الاستخارة وقيام الليل وبصوم وبدعي ربنا
في أوقات الاجابة انه يستلمها علي اخر شهر 12 لأني هقع في مشاكل مش هقدر أحلها لأني بحبه جدا وتعلقت بيه
وحلمت أحلام كتيرة وبتكرر معايه////////
حلمت اني بأكل سمك مقلي وأرز في جماعة
ثاني حلم/// حلمت امي لي ان خطيبي رجع من السفر سمين وطويل ووجه أبيضمع العلم انه في الحقيقة نحيف
ثالث حلم///////بحلم كتير اني بطير في السماء من بيت الي بيت وبنتصر علي الاعداء
رابع حلم///////بحلم اني بلاقي فلوس علي الارض
وأسفه علي الاطاله
تفسير الاحلام
فسرولي حلمي ضميري يأنبني بسبب خطيبي
اضيف بتاريخ: Monday, November 15th, 2010 في 07:38
كلمات مشاكل وحلول: ابن العم, الثانويه العامة, الخطوبة, تفسير الاحلام, مخطوبة
عاوزه راي كويس مين البنت التستحمل طول الثانويه تحب واحد بعيد عنها دي غلطتك بصراحه وهل في الفتره دي مكلمتيش اي حد وكان بيتصل عليكي ثانيا هو ليه طول الفتره دي مكونش مستقبل المفروض مصريف الجواز كلها بالشقه والعفش شغل عام واحد يعني واضح انه مقضيها هناك والله اعلم انصحك صلي صلاه الستخاره وافرضي عليه حلول جزريه في اقرب وقت وانصحك الموضع من البدايه غلط انتي كنتي هتستني يسافر كبيرك قوي سنه او سنتين وربنا يوفقك بس بامانه حاجه تخنق
في بداية الموضوع بحييكي على وفائك وانتظارك لحابيبك ، ولان كل احلامك ولله الحمد تبشر بالخير انصحك ان تتكلمي مع خطيبك بغرض توضيح الحالة اللى انت فيها وتحدديله مهلة معينة بموافقتكم لتكوني بعدها حرية التصرف ومن غير تأنيب ضمير……….ومتنسيش ان بباكي عنده حق في اي قرار يلأخذه لأنه هو اللي قدام الناس أكتر //////////////////وأخيرا بتمنالك التوفيق الأخ ـــــــــــ “A.A.A”
الاول هقولك سبحان الله
عارفة لية لان انا قصتي نفس قصة خطيبك بالظبط والله بس للاسف انا سبت خطيبتي من شهر 6 واتجوزت وانا منتظر حكم محكمة في اخر شهر 12 يعني ظروفنا زى بعض بس انصحك لو ماستلمشي يبقي لازم ترتاحي وتريحي نفسك ويبقي كل شيء قسمة ونصيب انا مابعرفشي افسر بس حبيت اقول راي وربنا يرجعة بالسلامة وتتجوزو وتخلفو لاني مقدر الظروف دي كنت عايشها
المال ولفضه واكل الحوم وطيران والخضار خير انشاء الله ولاكن اذا كانت الفلوس ورق اطال الله رزقن لكي وهوا امامك ولاكن انتي لا تنضري اليه 00 رزقم بسماء وانتم لا دوعدون 00
ولارض خير ولو ورق اذا سقطت من اليد فهو ليس خير واذا من سماء فهو رزق وانشاء الله ان اكون انجزت الحلم ولحلم من الشياطين احذر ليس كل ما تحلم به حقيقي ويوجد اساطير تدعوك ان تكون من احدا مملكة الجان احذر
ان شاء الله خير ودى احلام فى اللى بيتحقق واللى مش بيتحقق انتى صلى ودعى ربنا يكون خيرواقرا الفاتحة قبل ماتنامى والاكل والفلوس فى الحلم ده رزق من ربنا وان شاء الله هيتم الزواج بخير بس اعزمينى فى الفرح
ان شاءالله خير والاحلام دى بتحدد ايه اللى هيحصل بعد كدااحلام صح واحلام خطا
وان شاء الله خير وهتكونه لبعض بس اعزمينى على الفرح سلمى
انتم عمالين تتعبوا الولد معاكوا وضيع كل فلوسه عشان في الاخر لو معملش الاوراق على شهر 12 هتفسخوا الخطوبه .. يعني هيتبهدل معاكي وكمان في احتمال انك متكونيش من نصيبه ولو حب يبدا حياته مع واحده غيرك مش هيبقى معاه فلوس يبدا بيها حياته اصلا .. ده ايه الظلم ده انتي لازم تواجهي باباكي بالكلام ده لان حرام عليه شقى الولد طول الاربع سنين اللي سافرهم برا عشان يامن مستقبلك معاه وفي الاخر تسيبيه بالبساطه دي انتي لو بتحبيه تقفي معاه وتساعديه لحد مايقف على رجليه ويجمع مبلغ .. ده لو انتي بتحبيه انما مادام انتي مستعده تفسخي الخطوبه زي ماقلتي يبقى اشك انك فكرتي فيه او ان انتي عندك ذره وفاء او حتى تقدري سفره عشانك واحب اعرفك انه لو مكنش بيجبك بجد مكنش سافر وكان شاف اي بنت غيرك وهيلاقي كتير يقبلوا بيه وبمستواه المادي
وانتي احسن حاجه تعمليها تعرفي باباكي انك بتحبي ابن عمك ومش معقوله هتستغني عنه عشان هو خسر فلوسه وياريت تفكريه باللي عمله عشانك
وبنصحك كمان لما تدعي تكوني واثقه ميه بالميه ان هو هيستلم الورق ع شهر 12 لانك استعنتي بالله وتوكلتي عليه في دعائك وهو اكيد مش هيخذلك
وياريت لو تتصلي بخطيبك تقويه وترفعي من معنوياته عشان هو كمان ياخد موقف من عنده ويتمسك بيكي زياده مش يحس انه هيخسرك
واذا محصلش نصيب بينكم اعرفي انك عملتي اللي عليكي واتمسكتي فيه وبذلتي قصارى جهدك وان ده اللي ربنا اختاره ليكي واكيد فيه الخير وهيعوضك باللي احسن منه
من الواضح انك بتحلمى باللى انتى عوزاه
بس انا هقولك على حاجه تانيه انتى نسيتيها انتى نسيتى النصيب
وكمان الغيبه بتعته طولت وانت بتقولى انك اتعلقتى بيه طيب ازاى وهو بقاله اربع سنين غايب ومن اربع سنين كان عندك 17 سنه وصعب على واحده فى سن زى ده تحكم على مشاعرها لانها بتكون مراهقه سيبى ابوكى هو اللى يتصرف لانه اعلم منك وخبرته فى الحياه افضل منك بكتير واعتقد ان خطيبك لو بيحبك كان هد الدنيا ونزلك وعمل كل حاجه علشان يتمم الجواز خاصه ان فى الدول الاوربيه سنه واحده غربه تكفى لعيشه كويسه واقول لكى عليكى ان تستعينى بالصبر والصلاه فانها زاد المؤمن
ثالث حلم///////بحلم كتير اني بطير في السماء من بيت الي بيت وبنتصر علي الاعداء
رابع حلم///////بحلم اني بلاقي فلوس علي الارض
عايزة اعرف تفسير الحلمين دول يا جماعه لو سمحتم