بسم الله الرحمن الرحيم
أنا هشرح مشكلتي ببساطة أنا شاب عمري 33سنه تقدمت للبنت عمرها 18سنه وهي بنت أخو واحد صاحبي وكان قد سبق لها الزواج وتطلقت وعندها بنت مع زوجها الاول وعندما طلبت يدها للزواج وافقوا الأهل ولكن عندما جلست معها كانت لا تعطيني أي اهتمام علما بانني لم اخطبها إلا من شهرين فقط ولكن عندما اجلس معها أري في عيونها حزن كبير حتى أنني قلت فكري في الأمر ثانيه وقولي لي ردك ولكن للاسف لم ترد حتى عندما أتكلم معها على الهاتف تنهي المكالمة باي عذرا لذلك قررت أن اتركها هل ساكون أخطأت إذا تركتها بعد ثلاث مقابلات فقط مع العلم اني احبها
مشاكل الشباب قبل الزواج
تقدمت لبنت وحبيتها وهي مش سائلة فيا
اضيف بتاريخ: Tuesday, June 4th, 2019 في 18:17
كلمات مشاكل وحلول: الزواج, بنت, زواج, شاب
من وجهة نظري ان البنت لاتزال تحب زوجها الاول ابو بنتها وربما اهلها ضغطوا عليها عشان توافق على خطبتك منها عشان كدا انصحك انك تسيبها وتشتري سعادتك وربنا بيكرمك بحسن منها ان شاء الله
بلاش تتجوز واحدة مطلقة وكمان معاها اطفال وهي مش بتحبك اصلا ودا واضح جدا مترخصش نفسك
هما حلين الاول لو بتحبها وشاريها يبقي لازم تعملها دكتور نفسي بمعني إنك تصبر عليها وتحاول التقرب ليها بهدوء وتقربك ليها هيبدا من طفلتها بالاهتمام بالطفلة من حيث اللبس واللعب وهو ده طريق الدخول لقلب خطيبتك ومفتاح البدايه في إنها تصارحك بكل اللي جواها.الحل الثاني لو انتا ما عندكش صبر وعايز تبدأ حياتك من غير توتر وتفكير وتعب اعصاب ومناهده وطبطبه اخلص من الموضوع ده بهدوء وشوفلك بنت شرياك تحبك وتحبها وتبدأ حياتك معاها من غير قلق.. وأنا من رأيي شوف واحده فاضيه ما تكونش عاشت وخلفت احسنلك عشان الفرق كبير جدا جدا بين الحالتين.وربنا يوفقك.