انا طالبة في ثانوية اولى ثانوى وهتجنن خايفة اوى من موضوع الثانوية العامة دى كل ناس بتخوفنى عايزة حد يقولى اعمل اية انا جبت في تالتةاعدادى272.5 من 300 وناقصة في رسم 5.5 وعربي ناقصة سؤال درجات 3وحاسب االالى 2 المهم انا بقول كدة عشان تعرفو مستويا وخلاص المهم انا عايزة حد مش يكون نابغة يكون متوسط زى ودخل ثانوى عام ويقول جاب كام وازاى ذاكر ولية انا قلقانة لدرجة انى قلبي بيدق كل مفكر انى في ثانوي عام وكمان عايزة اعرف انو الاسهل ايطالى ولا فرنش رغم انى مدرستى مفهاش ايطالى بس قولو انون اسهل المهم انا قلقانة جدااا وخايفة اوىىىىىى وخايفة مجبشي مجموع عايزة حد مش يكون نابغة ويقولى ثانوية عامة دى بسيطة عايزة الطبيعي والواقعى عايزة مساعدة بجد وشكراااا انا بموت من قلق لدرجة ان جة في دماغى يقولو لغو الايطالي ومش هيبقي في ايطالي وانقص درجات ايطالى كلهااااا واضيع انا خايفة انقص درجة لانها هتفرق عايزة حل فعلى
مشاكل الثانوية العامة
ثانوية عامة وهتجنن محتاجة مساعدة
اضيف بتاريخ: Saturday, September 11th, 2010 في 06:44
كلمات مشاكل وحلول: اعدادي, الثانوية العامة, ايطالي, ثانوي, ثانوي عام, ثانوية عامة, حل
انتوا كلكم خلصتوا ثانوية وممكن تكونوا خلصتوا تعليم اصلا انا دلوقتي في ٣ث 2021 محتاج نصيحه منكم لوجه الله
بصي يااختي الثانوية العامة دي سالت عليها ناس كتير الكل قال سهلة بالمزاكرة وانتي شدي حيلك وزاكري ومعظم اللي قالولي كدة كانوا يجيبوا مجموع فوق التسعين واتوكلي على الله
بصي انا داخله اولي ثانوي بردك وكنت جايبه في تالته 277ونص وكنت داخله عام وانها سهله جدا والناس اللي بتقول عليها صعبه اكيد مش بتذاكر وكده بصي هو انا مش هكذب عليكي انا خت حصتين او تلاته فرنساوي سهل جدا وجميبل اوي واما الرياضه خت حصه لقيتها سهله بردك لان كل الحاجات قديمه هو عموما بيعتمدعلي انك فاكره الاقديم والعربي هو سهل بس الفروع بتاعتوا لما كترت حسيت انو صعب اوي بس خت نصيحت ناس اكبر مني وشجعوني وكده ولقيتوا انو سهل جدا وبقيت المواد لسه مش جربتها بس مش تخافي من حاجه قبل ماتجربها وان الله لايضيع اجر من احسن عمل وبالنسبه للخوف فهو حاجه طبيعيه اللي مش بيكون خايف ده الفاشل بجد
انا السنه دي في 3ثانوي وبنصحك انك تخدي ايطالي او الماني ومتفكريش في الفرنساوي والاحسن يكون ايطالي لانه سهل جدا وربنا يوفقك ويوفقنا كلنا
ادعولي يا جماعه ادخل كليه الشرطه
انا بذاكر وخايفه اوي ومهما بقعد اذاكر بيجي في الاخر مش بعرف احل وبحس كتير اني مخنوقه اوي من المذاكره
انا السنادي في 2 وقلقانه جدا
بس مافيش حل يا قمر غير انك تستعيني بربنا وتعملي اللي عليكي وثقي في ربنا
وربنا معانا اجمعين
يا جماعةانا تانية السنة دى ومش عارفة اذاكر ممكن طريقة مذاكرة
انا فى اولى ثانوى وجبت فى تالته اعدادى 282 من 300 الحمد لله ةاختارت فرنساوى كل الناس كانت بتقول لى انه صعب بس هو سهل جداا المهم انى من ساعة مادخلت الثانويه العامه دى وانا حاسه انى متضايقه وانى مش حجيب مجموع مش عارفه ليه وكمان مش قادره اذاكر والمواد كتيره اوى يعنى لغبطه فظيعه بس انا نفسى اعرف السبب احنا ليه دايما لما ندخل الثانوى بنبقى دايما خايفين ..؟
انا اولا اسمى محمد فى تانية ثانوى هقولكم كلكم الحل انتم مش هتصدقوا بس انا هقول وخلاص بصو يا جماعة اولا لازم تقولوا قل لن يصيبنا الا ما كتب الله لنا وده كلنا مؤمنين بيه بس الجديد ان انت لو عندك ارادة هتوصل وده مش شعارات هو بس شوية تظبيط فى مواعيد المذاكرة وانا ثانيا هقلكم على حل حلو اوى للمذاكرة انتم ممكن تذاكرم 3ساعات والعبو 3ساعات والله هتجمعوا كم معلومات مالوش مثيل بس المشكلة هتبقى فى وقت الدروس صح بس وانا زيكم مش عارف اذاكر والله بس انا جبت فى اولى ثانوى 90%والله من غير ما افتح كتيب ومن غير ما احفظ ولا قانون
انا طالبه بالثانويه العامه ارجو من الوزير الاهتمام بالدبلومات لان بيتعبوا زينا بردك حرام واديهم حقهم زينا زيهم حتى ولو تفتحلهم الجامعه المفتوحه على الاقل ويكون كتر خيرك اوووووى.
انا داخل تالته ثانوي بمجموع 96.5% . بس المشكله اني كنت واخد كيميا في تانيه و ممكن تقولولي انهو افضل ليا اكمل احياء او اكمل ريلضه
الثانوية العامة دى كابوس انا فية بقالى سنتين انا مش بحبطك بس حاولى تفكرى كويس اوى علشان ندمان بجد انا فى الضياع جايب فى سنة اولى درجات كويسة جدااا
جيت فى سنة تانية اتشجعت اكتر الوزير الجديد ربنا ينتقم منة جة خرب الدنيا اكتر ما هى خربانة الامتحانات من برة المنهج يلا ربنا يسامحة ونصيحة خدى مادة فرنساوى وادخلى ادبى افضل ليكى
يا جماعة قولولى اذاكر ازاى واعمل اية واللغة الاسهل اية لو سمحتم ؟؟؟؟؟؟؟؟؟؟
يا جماعة حد يقول سر التفوق فى الثانوية العامة
انا السنة دي هدخل تانية ثانوي وبدأت الدروس كلها من يوم31-7بس للاسف الاسيف مش بذاكر او بمعني اصح مش قادرة اذاكر معرفش ليه,,,,,,,انا مش خايفة من الثانوية العامة بس اللي بعمله ده حرام اوي ف حقي وحق ماما وبابا ….بليييييييييييييز قولولي اعمل ايه انا مش قادرة اذاكر انا بعيط كتير عشان مش بذاكر ماما بتقوللي ايه اللي جرالك مكنتيش كدا ليه بطلتي تذاكري,,,,,,,,,,,بليز قولولي اعمل ايه
انا طالب ثانوى عام لسه مخلص تانيه السنه دى الحمد لله جبت 96.5 وبأقل مجهود
انا ممكن اقول ان الفرنساوى كان الاسهل لانه مبيخرجش عن الكتاب
انتى لو قريتى عن امتحانات السنا دى والضجه اللى عملوها وقالو من بره المنهج بس بجد بجد الامتحانات كانت تافهه للغايه يمكن الانجلش كان الاصعب
ادخلى وربنا معاكى ان شاء الله ولو عاوزه اى مساعده انا تحت امرك
متلقيش من حاجة الثانوية سهلة جدا بس اهتمي واعملي اللي عليكي وخلي الموضوع على ربنا….
بصي انا طالب طالع تالتة ثانوى بمجموع 91.7% الحمد لله
بس انا كنت بعمل اللى على مزاجى والله
كنت بحب المزيكا و بروح مسابقات مزيكا عزف و تمثيل بس كنت بركز اوى فى الحصة بحيث ان بأقل جهد
بس الكيمياء هى اللى كانت بتاخد منى مجهود
وهى اللى رفعتنى فى المجموع بعكس بقية الناس الكيمياء هى اللى منزلاهم
انا اللى نزلنى الفرنسساوى والتفاضل ناقص فيهم حوالى 10 درجات لوحديهم ا
انتى انصحك بالتركيز بس فى الحصة مع الضغت على نفسك فى آخر 3 شهور
وربنا يوفقك
شوفى يا عسل انا اخدت ثانوية عامة وجبتها 98,5 ,ولعلم انا جبتها ويعلم الله كيف كان ظروفنا بغزة حصار وقطع كهرباء وظروف صعبة صعبة وما تخفيش طول مانتى بتدرس وبتركيز ربنا يحوقف معاكى وحينجحك يارب يوفقك يارب وحقولك على قصة برضو السنة هاى اخوية والله يااختى ما درس غير ليلة الامتحان وماحد توقع الو النجاج ويوم النتيجة يعلم الله كيف كان حلتنا لنو تعب بس يوم الامتحان وجاب معدل الحمد لله 77% كانت فرحة حلوة فى البيت وعقبالك يارب تبشرينا وانتى بمعدل عالى جدا ويتمنالك التوفيق يارب من ارض غزة الحبية اليكى اختى الفاضلة فى جمهوية مصر العربية
الثانوية العامة سهلة مش صعبة بس محتاجة تركيز شوية.المذاكرة عمرها مكانت بالوقت بس المهم انك لما تذكرى تذكرى بنفس عشان تفهمى ومتحفظيش حاجة الا لما تكونة جبتى اخرك معاها لان الحفظ حيتنسى بس الفهم مش حيتنسى و انا كنت فثانوية عامة 2008 و انت عارفة السنة دى كانت الامتحنات صعبة ازاى بس زى مبقولك اعملى اللى عليكى وقربى لربنا عشان دى اهم حاجة والفرنش مش صعب هو الايطالى اسهل بس ممكن الامتحان ميجيش مللى انت مذكراه لان كل مدرس بيركز على حاجة انما الفرنش محدد وكمان هيا ميول و ربنا يوفقك ولو محتاجة اى مساعدة قولى
بصى انا كنت ثانويه عامه من زمن من حوالى 7 سنين تقريبا واقدر افيدك بجد واكون ان شاء الله سند ليك وخير صديق واخ انا كنت فرنساوى ماده بجد جميله وهايفه وبمعنى الكلمه والله بدون مزاكره 47ونص فيها ف اختاريها وتوكلى على الله انما الايطالى انا مقدرش افيدك فيه والثانويه دى فتره من عمرك هتعدى هتعدى سواء زاكرتى او لا وربنا معاكى ***