انا والله بكتبلكم مشكلتى وانا ببكى ونفسى الاقى حل انا كتب كتابى ف العيد واهلى عاوزين يكتبولى مؤخر 10 الاف جنية وخطيبى عاوز يكتب 5 قلتلة شوية قالى هى الجواز تجارة فلوس وبعدين 5 حلو قلتلة دة بيحفظ حقى قالى مش بالفلوس قلتلة معرفشى طبعا هوة ميعرفشى ان بابا عاوز يكتب عشرة لاننا متفقناش يوم الخطوبة ع المؤخر فامى دلوقتى بتقلى دة كدة يبقى واطى ونتن لما يتكلم ف المؤخر وابويا بردة زعلان ومش راضى يبينلى مش عارفة اعمل اية وبيقلى انتى كتبتى حاجتك زوتى ف تمن قلتلة لا عمرى قالى اصل ف ناس بتعمل كدة وتكتب الطاق طاقين قلتلة لا انا بكتب بالسعر بس انا بصراحة بزود 20 جنية ف بعض الحجات وسعات مش بزود انا بقى مش عارفة احل المشكلة ازاى وتعبت وخايفة الموضوع يتفشكل بسبب المؤخر والقايمة دلونى بالله عليكم اعمل اية وهل فعلا حطيبى دة يبقى وحش لانة بيدقق ف القايمة وكدة لما بقلة حيحصل مشاكل يقلى لا كلامى الى حيتنفز وكل الناس بتعمل كدة بالله عليكم ساعدونى اعمل اية انا تعبت خلاص وهوة لسة حيجى لبابا يعرض علية موضوع المؤخر دة بس هوة ميعرفشى انى حكيت لبابا طبعا انا تعبانة والله وحاسة انى مليش حظ ف الدنيا وان مليش الفرح دلونى اعمل اية معاة
أنا خطيبي شخص كويس ومحترم وخلوق
وجاب لي دبلة بس
ولسه متكلمش ف اتفاقات مع والدي
بس فاتحني ف موضوع القايمة دا
وقالي انه مش متطمن ليها وشايفها تخوين ومش بس كدا
دا مش عاوز يكتب لي دهب عدد جرامات مايقابل الشبكة ال مجبهاش ولا يكتب لي مؤخر كمان !!
هو مادياته ضعيفة جدا وقالنا اصبروا عليا وقولنا ماشي بس اتفاجئت ف مكالمته بالكلام دا
وصدمني وقولت له انا مش موافقة بالكلام دا وانت كدا ال مخونا ولازم تيجي وتتفق مع بابا ونشوف الدنيا فيها اي وياما نكمل سوا بما يرضي الله حسب العرف وحسب الشرع
ي اما كل واحد يروح لحاله وربنا يصلح احوالنا
قالي بس انا بحبك ومتمسك بيكي والموضوع مش فلوس
قولت له مجرد ضمان حق واني اتطمن لك
ازاي لا هتدفع مهر ولا هتكتب
عاوز تتجوز ببلاش
اي رأيكم؟!
اهلك خايفين عليك وعايزين يضمنوا حقك ومستقبلك معه وخطيبك دي امكانياته وعلى قدرحاله ارى انك تتكلمي مع ابوك وامك وتفهميهم انك راضية بالموخرللي جابه الشاب وانك سعيدة بده وتاكدي انهم هوافقوا عليه ويتنهى الاشكال ده وربنا يتمم لك بالخيرياقمورة ويسعدك وعقبال ليلة الدخلة نشاء الله
موضوع المؤخر والقائمة متوقف على العرف الجاري وطبيعة المستوى الإجتماعي لكن كما ذكر إللي أوله شرط آخره نور ولم تتفقا من الأول فالحال الآن أن خطيبك يضغط عليك وفي الحقيقة يجب توسيط أناس في الوسط لتلقي مثل هذه الخبطات حتي لا تنجرح العلاقة في الماديات وستظلي تذكرين له أنه كان مستعد ينهي الموضوع لأجل حفنة من المال. الحمد لله أنتم لا تتكلمون في آلاف مؤلفة لذا أرى أن يكون العقل هو السيد وليس الخطيب وأنه اللي سينفذ كلامه أو غير ذلك لا عنترية في الزواج ولكن مودة ورحمة. وعليه فليكن هناك من يحسم الأمر وعليك بتحمل النتائج علما بأن القائمة والمؤخر ليست الأساس في الإستقرار لكن خيانة الأمانه وسيلة للهدم وزيادتك في أثمان الأغراض تنبئ عن تربص كل طرف بالآخر. راجعي نفسك لتري مدي المكسب والخسارة وما هو الفارق وطبعا إتفقي مع أهلك لأنهم أهلك أولا وقد تتسببين في القطيعة بطاعة خطيب أهوج إن كان يضغ العقد في المنشار.وياليتك توسطي أصحاب الحكمة وتكثري من الإستغفار عسى الله أن يكتب لك مخرجا. وسواء كانت قائمة أو لا تكون وما بها فهي حفظ للحقوق والمؤخر حق للزوجة يدفع ويستحق لها في أي وقت فيجب إستبصار الأمور جيدا ومعرفة مهر المثل ممن هم أقرب لك كأخواتك وقد تكون لكل حالة ظروفها. هداكم الله لما أختلف فيه من الحق ووسع عليكم
فعلا مهندس عندك حق بس اعمل اية هما لسة بيتكلموا وخطيبى متمسك بالمؤخر وانا زهقت
موضوع الموخر كان المفروض تتفقوا علية من البداية ودا محصلش نصيحتى ليكى حاولى تيجى على اهلك شوية وتضغطى عليهم يوافقوا على الموخر بتاعة وفهميهم ان لو جوزك ناوى يبيعك مش هيبص لموخر البايع مبيدورش انا كنت خاطب وجايب شبكة بعشر الاف وسبت البنت وانا عارف انى مش هاخد العشر الاف فالبايع مبيدورش
يا انسه قولى لخطيبك وافقك مش هتجى على دى بس انتى بتفكر فى يوم انك تسبنى لقدر الله ده لو سبتنى و احنا مش هتخل عن بعض ابدا بسطلما بيحبك و انتى بتحبيه هوا يرضه و جيى على نفسه شويه عشان اليوم ده يعدى بس فى الاخر خلاص انتى هتكون اهل خالى اهل يقليلو شويه بس قول لخطيبك اهالى بيحبونى و بيخافو عاليا بزياده عيزينى امنو ليا حياتى لو حصل حاجه من بعدك لقدر الله وكده و سيسى موقفك
بصراحة انا مع خطيبك عن طريق تجربة شخصية ممكن تسالى سؤال لنفسك هو لية ارتبط بيكى اكيد ب علشان بيحبك وعمرة ما هيقبل يعيش معاكى وهو مش بيحبك صح ومش هتفرق الفلوس بس الاساس دة دة جواز مش مشروع ومتقوليش اضمن حقى عارفة لية علشان 5000 جنية مش هيخلوكى سعيدة
لما بيتك يتخرب وهو كمان لو عايز يطلقك هيطلق ويقولك اجرى فى المحاكم او يسيبك كدة
اجلسى مع خطيبك وفكروا فى مستقبلكم وحطوا الله امام اعينكم وربنا يسعدكم
ما دام انتي راضية بالمؤخر خلاص صارحي امك وابوك وقولي لهم انا راضية فيه وانا ما ني سلعه للبيع بقيمة محددة
يمكن تكون هيا دي امكانيات خطيبك ليه بابا وماما يوقفو الموضوع
دي سترة بنت مش شركة مقاولات مع احترامي الكبير ليهم هما صح خايفين عليكي وبيضمنو حقك
بس يعني دا ديننا بيقول تزوج ولو بخاتم من حديد .. وحنا بنتكلم في فلوس
لالا بصي حاولي معلش تقنعي ماما وبابا تاني انهم كدا بيبوزو حياتك ووارد المشاكل دي تحصل كتير بس لما نراعي ربنا في نفسنا وفي غيرنا لما هيباركلنا في حياتنا