أنا فتاة عندى 24عاما تم خطوبتى علي شاب 34عاما خطوبة صالونات وبعد 6 شهور من الخطوبة أصاب بجلطة في القدم ثم جلطة في القلب وشفط ماء من علي الرئة مع العلم أنه أنسان ذوى اخلاق عالية ومع العلم أيضا أننى أحبه وهو مثلي يحبنى ولكن اهلي يرفضون هذه الخطوبة بسبب مرضه فهل استجيب لفسخ الخطوبة أم لا .
مشاكل الخطوبة
هل يجوز فسخ الخطوبة لمرض خطيبى
اضيف بتاريخ: Wednesday, January 19th, 2011 في 09:07
كلمات مشاكل وحلول: الخطوبة, خطوبة, شاب, صالونات, فتاة, فسخ الخطوبة, مرض, مشاكل البنات, مشاكل الخطوبة
انت لوتحبيه بجد اوعي تتخلي عنه في الظروف اللي هوفيهاخليك بجنبه وفهمي اهلك انكم تحبوابعض وانك لن تستغني عنه وربك بيعفي عنه وبيشفيه من مرضه وتاكدي ان هذالواجب عليك تجاه خطيبك المريض وعمره ماينسى لك وقفتك معه وتكبري في نظره ونظراهله وربي يسعدك ويشفي لك خطيبك
المفروض ماتتخلي عنه في الظروف دي مريض محتاج لرعايتك والاهتمام به حتي يشفى باذن الله واذاشوفت انه حيطول مرضه فالافضل لك ان ترتبط بغيره ودي سنةالحياة
خليكي جمبه لغاية ربنا. يشفيه وبعد مايخف فكري اذا كنتي تقدري علي الاستمرار ولا لاه بدل متسيبيه بعد الزواج ويكون اصعب استخيري ربنا
ممكن تتركيه لو انتي عارفه ان مرضه هيطول مثلا وحياتك هتبقي جحيم معاه ودا مش حرام هو قدام الناس انك معندكيش اصل لكن معلش يعني هو انتي هتعذبي نفسك العمر كله عشان حب شهور وتضيعي عمرك بس دا في حاله واحده لو مرضه هيطول او مفيش امل في العلاج اما اذا كان المرض يشفي منه فساعديه وظلي معه حتي نهايه المطاف
لو سبتيه تبقي قليلة الاصل ومعندكيش دم تفتكري لو كنتي انتي مكانه كان هو هيسيبك اسمحيلي اقولك انك لا حبتية ولا عمرك هتحبيه وعمرك ما هتكوني امينة عليه ولا علي بيته لو اتجوزتيه اتقي الله فيه
من وجهة نظري دي خيانة غير محرمة شرعيا..
لو عايزة تسيبيه خليها لبعد ما يشفى مش وهو مريض..
رفقا به..
اوعى تسيبه حرام عليكى هتبقى انتى والمرض عليه انتى بتقولى انه بيحبك قوى عاوزه تسيبه عشان يموت هوة يستاهل منك كده المرض ده ابتلاء انتى لا قدر الله كنتى ممكن تبقى مكانه ابقى جمبه واوعيه تسيبيه واعينيه على مرضه والله يشفيه ويوفقكم
انا عايزة اعرف ازاي بتقولي بتحبيه وازاي مش عارفة تقرري اوعي تكوني انانية محدش ضامن نفسه واقفي جمبه واوعي تسيبيه
سبحان من له الدوام
علي فكره الجلطات منشتره جدا الفتره دي بين الشباب يعني خطيبك مش حاله شاذه انتي شوفي لو دا الانسان اللي بيحاول يسعدك خليكي جانبه انا عندي اتجوز راجل يسعدني ساعه احسن من راجل سليم يشقيني عمر كامل علي فكره لو حنين معاكي عمرك ماهتفتكري غير الساعه مهما طالت فتره المرض لو لو كان راجل مش كويس وبصحته مهما عمل مش هتفتكري غير القسوه وعلي فكره اهلك عندهم حق لانهم خايفين عليكي بس انتي قولي لهم لو انا مكانه وهو وقف جانبي او سابني كان ايه هيبق رايكم في الموقفين ربنا يعينك ويشفيه وتفرحي بعمركم سوا وباولادكم ايه ماحدش قال امين لسه قولوا امين
اختى العزيزه بدال بتحبيه وهو بيحبك يبقى تقفى جمبه ومتسيبيهوش ده انسان محتاجك وممكن فعلا ده يكون اختبار من ربنا اصبرى وادعى ربنا يشفيه انتى ممكن بسببه يكون مصيرك الجنه وبالنسبه لاهلك خليهم يحطوكى مكانه لو كان انتى اللى حصلك كده كان هيسيبك اعتقد اللى يحب انسان مستحيل يتخلى عنده الحب يعنى مشاركه فى الفرح والحزن وده اثبات لقوة الحب وطبعا رحمة ربنا اكبر من اى شئ ان شاء الله ربنا يشفيه كمان بعدك عنه هيجرحه اوى وحالته النفسيه هتسوء الحاله النفسيه هى الاساس لعلاج اى مرض ربنا يقويكى ويصبرك انا حاسه بيكى لان حكايتى نفس حكايتك وانا مسبتوش رغم اعتراض اهلى بس خليتهم يحطونى مكانه واكيد لما يفكروا هيقدروا
شكر جزيلا علي ردكم وفعلا أنا استفت منكم
مشكلتك صعبه جدا حصلت لواحد قريبتى بعد الجواز بأسبوع واحد بس
وقفت جمبه بكل ما تملك مع ان منكنتش بتحبه قبل الجواز لكن حبيته ظلنه جوزها وحصل اللى حصل ووقفت جمبه يشاء ربنا بعد سنه من مرضه يرجع طبيعى جدا ويعوضها ومينساش ليها اى حاجه عملتها معاه وشيلها فوق دماغه وحياتهم سعيده جدا كأنهم بيحبوا بعض قبل الجواز بخمس سنين
المهم اكيد فهمتى
لكن طبعا فى الأول والأخر لازم تسمعى كلام اهلك ومتخرجيش عن طوعهم ومتتخليش عن خطيبك بسهوله واعملى اللى عليكى قدام ربنا واللى فى الخير يقدمه ربنا
بالتوفيق ان شاء الله
بجد الاعمار بيد الله يمكن ربنا يشفية لية انتى بتجرحية وممكن تكونى سبب فى قضاء الله ارجوكى اقفى بجانبه ولو الدكتور قرر بعدم زواجه ممكن هو ما ينجرحش قد ما انتى هتسيبة بمجرد مرض فارجو ان يقرر الدكتور
اقفي جمب خطيبك البنت الاصيله هي الي بتقف جمب راجلها
لازم تسبيه لانك حكمتى على نفسك بالفشل السبب
انك متعاطفه معاه وده احساس كويس جدا بس الاحساس ممكن يروح مع اول مشكله
انا اسف انى بقولك كده بس ده رائى
اختى الفاضله لو خطيبك انسان محترم و يعرف ربنا كويس و يتقى الله فيكى يبقا خليكى معاه و خليكى واقفه جنبو فى منحتو يعنى على سبيل المثال لو انتى كنتى تعبانه اقدر الله كانوا اهلك كانوا هيخلوكى معاهولا كان سابك او برود على سبيل المثال لو اخوكى مريض و خطب و اكتسفتو خطيبتو انو تعبان ترضيها على اخوكى انى خطبيتو تسيبوا عشان مريض ولا تفضل معاه لغايط لما ربنايكرموا و يقوم بالسلامه و تفضلوا مع بعض على الحلوة و المرة
قال رسول الله صلى الله عليه وسلم:(اذا جائكم من ترضون دينه وخلقه فزوجوه) وان شاء الله ربنا قادر يشفيه ده غير انك هتبقى غاليه عندو جدا وحاولى تقنعى اهلك لانك مطالبه برضاهم برضو بس قوليلهم ان ممكن ترتبطى بواحد تانى ويتعب بعد الزواج وانتى وقتها مش هتعملى حاجه وبردو حطى نفسك مكانه ده مش بأيده ده رأيى وانصحك تصلى استخاره
بصي يا اختي خطيبك ده لو كان مريض وخبى عليكي يبقي من حقك انك تفسخي الخطوبة دي نهائي لانه كذاب بس في حالتك دي يبقي حرام عليكي لو عملتي معاه كده لانه اختارك من بين كل الدنيا دي وهو سليم ودلوقتي هو محتاج ليكي اوي بجد لانك الوحيدة اللي تقدري تخرجيه من الازمة اللي هو فيها دلوقتي وبعدين احنا مش كانوا اهلنا زمان يعلمونا ويقولوا لينا الصديق وقت الضيق طيب ده حبيبك وعمرك حرام لو سيبتيه حد لو دلوقتي يخرج من ازمة وبعدين انتي صاحبة القرار علشان متعشيش عمرك كله تتعذبي لو حصله حاجة
بصى طبعا انتى حقك تفسخى الخطوبة بس لما تيجى تفكرى بقلبك وعواطفك هتلاقى انك لازم تفضلى معاة لو انتى مكانة بعد الشر عنك طبعا وهو كان سابك كنتى هتقولى علية قليل الاصل اصبرى هتاخدى صواب وجايز ربنا يشفية اصبرى يا حبيبتى وليكى صواب عند ربنا وربنا يشفية ادعولوا يا جماعة ربنا ياخد بايدة ويشفية
انا افضل انك لو عاوزه تسبيه يبقه مش دلوقتى خالص خالص خالص لحد ما يخف شويه عشان لو سبتيه دلوقتى ممكن يحصله حاجه اكتر من كده
خلى اهلك يحطوكى مكانه يعنى انتى اللى عندك المرض ده وهو اللى سليم كانوا اهلك هيرفضوا بردو ولا كانوا هيقولوا ايه لو كان سابك اكيد كانوا هيفضلوا هيقطعوا فى فروته حرام عليكي ده هو محتجلك وانتى بتقولى انك بتحبيه وهو بيحبك ده اختبار من ربنا ليكي بالعكس حبك ليه هيخله العوامل النفسيه عنده تبقى احسن
وقولى لاهلك يتقوا ربنا لانك بردو ممكن تتجوزى واحد سليم وتانى يوم يجراله حاجه ساعتها اهلك هيقولوا ايه يعنى
دى حاجه بتاعة ربنا لكن تسيبيه فى عز ماهو محتجلك هتبقى قلة اصل واقنعى اهلك
ربنا يشفيه يارب ويزيح عنه ويتمملك على خير
(السلام عليكم)ياخوتى فى الله الاخت بتاخد رايكمعاوزة حد يساعدها فى الراى لو كانت عاوزة تسيبه وخلاص مكنتش تحتاج انها تكتب مشكلتها من فضلكم بلاش كلام اسى للاخوة اللى بينتقدو بصى يا اختى العزيزة انا ليا راى الانسان ده كان طبيعى وخطبك وانتى حبتيه وهو حبك وقدر ربنا جاله وهو معاكى وعلى فكره الجلطات دى كلها معناها انه بيزعل كتير وبيشيل فى نفسه خليكى اصيله معاه واصبرى عليه عشان الزعل عشانه تانى وحش ممكن يموت فيها حتى لو عاوزة تفسخى الخطوبه وانا عارفه انه حقك بلاش دلوقتى خالص استنى لما تشوفيه حيتحسن ولا حيحصله ايه وربنا قادر يعفى عنه وبعدين اللى عندك رغبه تعمليه اعمليه محدش يقدر يلومك بس بلاش دلوقتى خالص عشان هو مش ناقص تعب وحزن
لو كان جوزك كنت قلتلك ما تسيبهوش لكن فترة الخطوبة هى اختبار و كل شئ نصيب و هو ممكن ما يكنش نصيبك
ده من حقك وماحدش يقدر يلومك ، بس لو فيه سنة إخلاص زيادة تصبري معاه فترة لحد ماتعرفي ان الموضوع هايطول زيادة عن اللزوم ، لو كدة افسخي ؛ لأن مافيش حد عاقل يقدر يقول انك تضيعي عمرك علشان خطيبك العيان ، لو جوزك وأبو عيالك نقول آه علشان خاطر العشرة والعيال إنما مجرد خطيبك والحالة هطول يبقى عيشي حياتك
هذا اختبار من ربنا ليكى لان خطيبك محتجاك فى هذا الوقت حولى تعجلى بالزواج بى الان هذا الشخص هيكون سبب فى دخولك الجنة ودى بصراحة فرصة عظيمة الحياة مشمستهلة اهم راحة البال يا بنت الحلال
عادل سليم
السلام عليكم ورحمة الله وبركاته
الأخت الفاضلة : إن كان خطيبك هذا على خلق ودين كما تقولين فاصبري ولي الأجر والثواب وتأكدي ان الله سبحانه وتعالي سيعوضك بالخير ويبارك في زوجك واولادك . وهي تضمنين ان من تتزوجينه وهو سليم ومعافى ان لا يصاب بعد الزواج بسنة بمرض ما او يموت . وكل شيئ بقدر الله
افسخوا الخطوبة واستجيبي لطلب أهلك فسيأتى من يرميكي مثلما فعلتى
اقتليه وأجهزي على الباقى فيه فقد اصيب بجلطة في المرة السابقة وسيصاب بزبحة صدرية في المرة القادمة
العمر والصحة غير مضمونة فأقتليه وأنتظرى من يقتلك