مشاكل الخيانة الزوجية

سنة ونص جواز وجوزي رجع يلاحق طليقته

انا اتجوزت صالونات حد اكبر من ب10 سنين انا عندى 27 حاليا وقت الخطوبة كنا عادى مفيش مشاكل بس أهله كانو مستعجلين جدا وانا مكنتش مرتاحة للاستعجال ده المهم انا كنت آنسة وهو كان متجوز قبل كدة وواضح انهم كانو بيستعجلو عشان ما اكتشفش حاجات اكتر انا وافقت على أساس أنه ممكن يكون مظلوم ومن حقه فرصة تانية ومش عيب أنه كان متجوز لأن ليا قريب كدة.

المهم وباختصار بعد فترة من الزواج لقيته بيحاول يوصل لطليقته رغم أنها اتجوزت خلاص طبعا أنا بعد الحوار ده كرهته انا ماغصبتهوش عليا وقولت يمكن مع الايام يحبنى المهم بعد شهور أمى اتوفت وكنت فى اسوء حالاتى وانا كنت مريضة بسبب حالتى النفسية السيئة برضو أنا مش مرتاحة بعدها بشهور لقيته لسه بيدور وراها وحاطط صورها وانا مليش ولا صورة عنده حقيقى كرهته مهما يعمل خلاص مش بصدقه وللاسف يمكن ساعات بدعى عليه لأنه ظلمنى لما هو بيحبها بيتجوزنى ليه ويظلمنى ليه معاه فكرت فى الطلاق بس اهلى مش راضيين وحاليا احنا عايشين اه بس انا من جوايا بقيت بتمناله الشر وشايفة أنه ميستاهلش انى اخلف منه غير أنه كداب ومعرفش عنه اى حاجة لا بيعمل ايه فى شغله ولا اى حاجة احنا بقالنا سنة ونص جواز ياريت تنصحونى اعمل ايه انا تعبت حقيقى

مشاكل وحلول ذات صلة

اضيف بتاريخ: Wednesday, January 5th, 2022 في 00:18

كلمات مشاكل وحلول: , , , , , ,

ردود to “سنة ونص جواز وجوزي رجع يلاحق طليقته”

  1. ابوعبدالله
    16/12/2023 at 23:37

    يابنتي معك حق طالما تزوجك ليه محتفظ بصور طليقته السابقة
    اكيد انه لايزال يحبها وفي تواصل معها لازم تضع حدا لكلهذا
    وهو فعلا كاذب وخاين ولايقدر معنى الحياة الزوجية اذا مافيش
    بينكم ولاد فالافضل تطلق منه وربنا بيكرمك ويعوضك بزوج
    خيرمنه ان شاءالله

اترك رداً أو حلاً لهذه المشكلة