مشاكل البنات قبل الزواج

عريس مطلق ومعاه طفل وامي رافضاه

انا فتاه ابلغ من العمر 20 مازلت ادرس فى الكليه الصف الثالث من بورسعيد تقدم لى شاب ملتزم جدا وعلى خلق كبيره وهو من الفيوم وانا استخرت ربنا ولقيت الراحه ولكن المشكله ان هذا الشاب كان متزوج من قبل ولكن زواجه هذا انتهى بالطلاق بسبب اهل زوجته ومشاكل مع زوجته وقد تاكدت من ذلك مع العلم ان هذا الشاب له منها طفل وهذا الطفل مع الام الان وكمان ان هذا الشاب والده مسجون على ذمه قضيه قتل25 سنه (ذله شيطان ) وايضا تاكد من ذلك مع العلم ان والده رجل كويس جدا ومحترم
انا موافقه على هذا الشاب لدينه واخلاقه لكن:
عندى خوف من ابنه يعيش معانا وخايفه ساعتها مقدرشى استحمل تربيته لانى اعلم انه من زوجته الاولى ده خوفى الشخصى
اما بالنسبه الى كل اهلى فهم موافقين على اخلاق ودين هذا الشاب بالاجماع ولكن امى تقولى لى لو تزوجتيه مش هكون مبسوطه ليكى او فرحانه وكمان بتقولى ليه تاخدى واحد مطلق وكمان باباه مسجون وانا اشهد الله ان كل هذا لا يفرق معى على اد ما ابحث على من يتقى الله وصاحب دين واخلاق وهو كذلك
والان انا مش عارفه اقنع امى او اهلى بالزواج او الخطوبه بسبب رفضهم السابق وكل شوية امى تقول لى ظروفه مش حلوه مع العلم ان هو عنده شقه كويسه ويعمل بوظيفه كويسه جدا
عايزه اعرف اعمل اية علشان اتزوجه لانى لن ارضى باحد غيره
وهل امى كلامها صحيح ام هى على خطا وهل يجوز انى ارفضه علشان خاطر امى مع انى عيزاه انا زوج ليا مع العلم انى والدى موافق عليه ولكن والدى يريد راحت امى ايضا
ارجوكم جوبونى ضرورى اوى لانى مدمره وكمان جوبونى بالتفصيل

مشاكل وحلول ذات صلة

اضيف بتاريخ: Monday, February 25th, 2019 في 05:46

كلمات مشاكل وحلول: , , , , , , , ,

3 رد to “عريس مطلق ومعاه طفل وامي رافضاه”

  1. البرنس
    16/08/2019 at 01:27

    شوفي يااختي انت شابة صغيرة 20 سنة ليه عاوزه الزواج من شخص مطلق وعنده ابن وابوه مسجون على قضية الله عالم ايه هي وامك كلامها صح مليون مرة صدقيني لن تكون سعيدة في حياتك معه واحتمال كبير طليقته تسبب لكم مشاكل بسب الولد او هو يرجعها عشان ابنه الصغير وكمان حكاية ابوه المسجون هذة سوف توثر على حياتكم الزوجية وخصوصا اذا جاوك اولاد هتقولي لهم ايه لما يسالو عن جدهم انت عايزه حياة جديدة مع شخص في مثل عمرك ولك حرية القرار

  2. ابتسامة امل
    26/05/2019 at 02:49

    ما دام صاحب دين وخلق اجتهدي انك تقنعي اهلك بس لازم الاول هو يسألو كويس عنه يتأكدو من اخلاقه لان الواحد بيجمل نفسه وبتخفى عيوبه لما يكون عايز يخطب وكمان عاطفة الواحدة بتأثر في رؤيتها للأمور

    وقولي لأهلك ان حرام شرعا ان يمنعوكي من الجواز من صاحب الدين والخلق اللي اتقدملك وان ربنا وضع الخيار في يدك في قبوله او رفضه ما دام صاحب دين وخلق
    اي نعم لو واحد مش اخلاق ولا دين ليهم الرفض …ربنا يوفقك ويقدرلك الخير واهم حاجة الاستخارة والدعاء ابحثي عن حكم عضل النساء عن الزواج بالكفؤ واطلعيهم عليها وان كونو متجوز وعنده طفل ده ما يمنعش ان توافقي حتى لو فرض الطفل بقى معاكي ايه المشكلة في طفل بريء ايه اللي يكرهك فيه !!؟؟ ما ارتكبش ذنب وعلاقة امه بجوزك انتهت ولا هو جريمة مثلا

  3. منة الله
    26/02/2019 at 04:21

    انتي اللي قولتي “عندى خوف من ابنه يعيش معانا وخايفه ساعتها مقدرشى استحمل تربيته ” يعني مش ها تستحملي تربية الاطفال صعبة جدا والاطفال بيغلبوا الواحد ومش ها تستحملي وها تبقي في الاخر مرات اب شريرة .. انتي لسه صغيرة واحسن بلاش تورطي نفسك

اترك رداً أو حلاً لهذه المشكلة