احببت شخص جدا لاول مره وملك مشاعرى بعد محاولات منه وفجاه وقبل ميعادالتقدم لاهلى تركنى وبعد فتره رجع وبعد محاولات كثيره رجعتله وزاد حبى له لانى حسيت انه صادق جدا وانه ندمان على مافعل وكانت والدتى تعلم كل شئ ووافقت هذه المره وساعدته بكل الطرق وبدون تفسيرلكى يقف على رجليه ويستطيع ان ينهض بنفسه ويرفع من مستواه المادى وفجاه تغيربكل المقاييس معى وبدا يفعل اكثرشئ اكرهه وهى القسوه فصارحته بهذا وقلت له ساشتكى منك لنفسك لاننى لا استطيع ان اشكى لاحد مكنتش عايزه اهزصورته فى نظر اى انسان حتى ولوكانت والدته لقيت رد فعل غيرمنتظر قالى انا مش قادراصفالك ازاى تعتبى عليه انتى جرحتينى ضحكت ضحكت اوى قلتله انا بعتب عشان اسمع كلمه واحده هى اسف انا هتغير عشانك لكن للاسف بعديومين بعتلى مع واحده قريبته بيقولى كل شئ قسمه ونصيب اتحايلت عليه انا ووالدتى حتى لا يضيع كل الحب ده رفض قال لا مش عايزها حسيت بسكينه جوه قلبى بجدحسيت بيها وهى داخله بدون رحمه كرهت الحب ولكن مش عارفه انساه مع العلم ان كلامى مكنش جارح ابدا وهذا بشهادة ناس كتيراوى كنت بدورله على اعذار لحد النهارده انا بدورله ولكن كل يوم بيقل فى نظرى اكتر
نفسى انساه حاسه انى هتجنن محتاجه المساعده بجد لان الغدر والخيانه صعبه اوى وهوغدر بيه وبقلبى اللى حبه اوى ولسه بيحبه ولكن لا يتمناه حبيب وزوج ساعدونى ان وجدتم مواساه جديده لقلبى الجريح
اختي انا مش بلومك انتي بلوم امك اللي مفروض انها تسال عن الشاب وتتاكد من دينه واخلاقه وتربيته ومن اهله وتعرف هل هوفعلا يحبك وقادريتحمل المسؤلية واعباءالحياةالزوجية لكنها لم تفعل وعلى نياتهاظنت انه العريس المناسب لك من خلال كلامه ووعوده الكاذبةوالمخادعة بانه سوف يحطكي جواة عيونه ويحافظ عليك ومش هيقصر معاكي بشي والى اخره من الكلام المعسول اللي بقوله كل الشباب عندالارتباط بالبنت اللي تقدمون لها صدقيني تلك هي الحقيقةواحمدي الله انك عرفتي حقيقته قبل التورط في الارتباط به وتاكدي انه شخص سافل وحقير ومخادع وربنا مش هيوفقه ويوقعه في شر اعماله لانه ظلمك وخدعك وفي الاخر سابك تعاني كلهذا من غيرسبب انسيه خالص وفكري في روحك وارمي الماضي وراءظهرك تماما وربنا بيعوضك ويكرمك بخيرمنه مليون مرة بابن الحلال اللي فعلا يستاهلك ويقدرك ويصونك ويسعدك في حياتك القادمة اتمنى لك دوام التوفيق والسعادة وحسن الاختيارالجيد للعريس من كل النواحي وتحياتي لك ياست البنات
عارفة الحل اية فى ايدك انتى سيبك من كل كاجة وفكرى فى نفسك وفكرى فى حلمك وفكرى فى الى انتى عاوزة تحققية وبعدين فكرى هتعملى اية بعد كدة
فكك منه ده واد مايسهلكيش حبي اللي يحبك ومش هقدر أقولك أكتر من كده
اسالى ممتك ماهو الحل امهات اخر زمن واللة حرام على ممتك مش علية ومن الاخر هو ميستهلش حبك ولا قلبك الكبير دة ونصيحتى ليك فكرى كويس قوى بعد كدة لو حبيتى تانى ويريت يا ريت يكون الانسان الى هتتجوزية فهمة هتتجوزية سعتها هطلعى كل الى عنك من غير ما تحسبى على حاجة ولا تخافى من حاجة ولو النسان دة استحمل تعرف على طول ان دة بيحبك وعمرة ما هيسيبك ابدا حتى لو كان حبة مش معبر
رغم اني قصتك مش واضحه الا اني اقول ليكي
هذا الانسان لايحبك فخساره تحبيه وتسكنيه في اطهر مكان وهو القلب
اطرديه شر طرده واللي نسيك انساه واللي يبيعك بيعه
p حبيبه قلبى سلامتك من الوجع انا حاسه بيكى
بس كان نفسى اعرف معلومات عن المشكله يعنى عشان نقدر نوصل لحل سوا
يعنى مثلا سنك المعامله بينكو الظروف اللى حوليكى وحاجات تانى كنت عايزه اعرفها
ونتكلم سوا فيه وكمان معلومات تخصه عشان بس تبقى اقتنعتى بالحل
بس طبقا لكلامك كداانتى بتقولى انه اختفى مره واحده قبل التقدم لاهلك
ليه ياترى السبب انا كنت محتاج اعرف منك برضو معلومات عن كدا
بس دا فى حد ذاته مش قلقك ؟؟؟ انه يتخلى عنك فى اهم لحظه
معملش حساب لاوضعك قصاد اهلك ايه حتى لو ماكنتيش انتى لسه قلتلهم
فا اكيد انتى كنتى مهيئه لاستقبال حاجه زى كدا
يعنى لاراعى مشاعرك ولا راعى صورتك قصاد اهلك
ومع ذلك اديتلو فرصه تانى وبدون اى مقدمات ببتغير
وتغير يجرحك كمان يعنى ياريته انسحب بهدوء من حياتك
وديه للمره التانيه اللى يسبيك ومايقدرش فيه مشاعرك
يبقى دا مالوش امان هو ممكن بيحتاج ليك واول ام يخلص احتياجه مايحسش بيكى
انا مقدره يعنى ايه بتحبه بس دا باعك مرتين يعنى تضمنى منين انه مش يبعيك بعد الجواز
لا قدر عشره ولا مشاعر ولا وقوفك جانبه انتى ربنا بيحبك صدقنى
انسى وبصى لحياتك وانجحى فيه اكتر عشان تخليه يندم انه سابك
ونجاحك دلوقتنى هيرفع من معنوياتك كتير وحاولى تشيل اى ذكرى منه من قصاد عينك
حاولى تكلمنى لانى عايزه افهم منك حاجات كتير وانتى كمان هترتاحى لما تتكلمى
والحاجات اللى عايزه اعرفها منك ممكن تغير نظهره تفكيرنافيه يعنى ممكن يكون عنده سبب قوى
يبعد به وخلاكى تكرهييه؟؟؟؟ دا اللى كنت عايزه اعرفه من خلال كلامنا مع بعض اكتر
بس انتى مش مفسره حاجات كتير ****