جببتي خانتني مع واحد صديقي و زميلي في الشارع بتعنا هي بتيجي في شارعنا عشان بيتيجي بيت العيله وانا مش عارف اتعرفو علي بعض ازاي وبعد شوي عرفت انهم علي صله ببعض وعاملين علاقه مع بعض والمشكله الكبيره وديه مصيبه ان هو مسجل اربع مرات اداب ومرتين شذوذ وانا خايف عليها اوي انا روحت وضربته وعملتله كسر في ايده ورجله لحد انهارده بيعرج منها وبرضو زي ماهما اعمل ايه انا لو فضلت كدا ولله العظيم هموته وهموتها وخلص نفسي من العذاب ده ونبي قولولي اعمل ايه انا مش قادر وشكرا
مشاكل الشباب مع البنات
حبيبتي خانتني مع صديقي الشاذ والمنحرف
اضيف بتاريخ: Thursday, May 12th, 2011 في 17:34
كلمات مشاكل وحلول: علاقة, مشاكل الشباب, مشاكل الشباب مع البنات
اولا- البنت دي ساقطة وفاجرة ولاتستاهل انك تعمل كدا في روحك ثانيا- دام انها ماشيه مع الواد الشاذ والمنحرف ده اكيد حصل بينهما علاقات جنسية وهل ترضى ان تتزوج بواحدة زبالة كهذة البنت ثالثا- لوفرضنا انك ضربته وجرى له حاجة هتروح في 60داهية علششان واحدة ماتستاهلش رابعا- انساها خالص ولاتعبرها واعتبرها ولاكانها موجودة وربنا بيكرمك بابنة الحلال اللي تستاهلك وتقدرك وتسعدك ربي يوفقك ويصلح حالك ويستر عليك
بص يا صاحبى افضل حل سيبك من البنت دى ولو انت لسة بتفكر فيها احسن حاجة متكلمهاش ولا تعبرها ولا كئنها موجودة وهى هتجيلك تحت رجليك احتقرتهم احترموك احترمتهم احتقروق
فكك منهم هى اصلا مش محترمه عشان تعرف واحد زى دا واكيد يعنى عارفه حقيقته ولا ايه صلى علنبى كدا ومتفكرش فيهم متوديش نفسك فى داهيا عشان واحده متستاهلش وربنا يوفقك
بص يا غالي تمورة الحنين اوي في فيلم عمر وسلمي قالها انا بجد خايف عليكي وسابها انت كمان اعمل زية قولها حقيقة الولد رجعت عن اللي بتعملة لنفسها مرجعتش برضة لنفسها وانت شوف حياتك وانسي البنت دي خالص احسنلك من كل النواحي اللي تبيعك مرة تبيعك الف مرة مش هقولك غير كدة
هههههههههههههههههههه الاعمى قال للاعمى بركة اننا انجمعنا يعني جمع و وفق بين الاثنين اللي شبه بعض مش عارفة انت ازاي لسة بتفكر فيها بعد كل ده سيبك منها و دور على واحدة بنت ناس متربية تصونك و تحبك بجد
هو انت شغال نفسك بيها ليه طالما بتحب واحد تانى الافضل تسيبها طالما حبت واحد تانى وخليك محافظ على كرامتك أفضل
يا عم الحاج هو اللى خلقها مخلقش غيرها
اخي انا اري ان هذه الانسانه لاتستحق السطور القليله التي كتبتها عنها … وللاسف نحن دائما عالم الرجال يجري وراء من يرفضه … ويهرب من الذي يبحث عنه … فهي لاتستحقك ابدا ..ولاتستحق كل هذا الاهتمام والمتابعه منك … فهي قد اختارت من هو علي شاكلتها …وتأكد بأن هناك مشكله سوف تحدث لها معه …اكيد ..لان الخطأ لايستمر الي الابد … لان الله سبحانه وتعالي يمهل مرات ومرات …ثم يكون عقابه شدبد … فأرجوا ان تنساها نهائيا في لاتستحق اي شئ منك … ولاتستعمل القوه في حل هذه المشاكل … لان القلوب ليس لها معايير في الاختيار …وهذه حكمه من الله سبحانه وتعالي …. فلا يمكن ان نعترض علي ذلك … دعواتي لك بكل توفيق ان شاء الله
يا اخى هتموته وتموتها وتضيع مستقبلك عشان الحمارة اللى متستاهلش تعمل عشانها اى حاجة بص انت اخترت غلط من الاول يريت تبعد عن الحيوانة دى وتدور على بنت ناس محترمين وتكون مؤدبة وكمان هو مسجل اربع مرات آداب ومرتين شذوذ!ههههههههههه*****ومستنى ايه تانى ان شاء الله!
اية ياعم سوبر مان الرعب الااحنا فية داة كلامك دا شكلة بعد الثورة ولسة بتقول حبيبتك بعد ماخنتك هي الرجالة حصلها اية انتا بتستعرض نفسك ولا اية ياعم فوق قبل متلاقي نفسك برة سيبك منهم يتحرقو بجاز ولا اقولك روح اعمل مظاهرة في ميدان التحرير يمكن يتشنقو نصيحتي يا صديقي فكك منهم هما الاتنين يولعو بجاز وسيبك ودور علي انسانة تستاهل حبك
ههههههههههههههههههههههه والله انتا عسل وانتا مالك تودي نفسك في 60 دهيه ليه وانتا مالكط وانتا كيف تحب واحده ليها علاقه بشاب واقدر لما انتا ضربته مات في يدك هاضيع مستقبلك علي شان بنت الله يلعن ابو البنت اللي هاضيع مستقبلك وحياتك علي شانها الباب اللي يجي منه الريح سده واستريح قال حبيبتك قال حبك برص حرام عليك نفسك ولما تيجي تحب تدور علي بنت ناس مودبه ومحترمه وعارفه طريق ربنا انتا انصحها اخر مره وعارفها انه مسجل قواضي وشاذ وسمعة سمعة مش عاوزه تسمع كلامك يبقه في 600 داهيه يبقه كده رضيت ضمرك امام ربنا وبين نفسك واستحلفك بربك خالي بالك من حالك لو حصل ليك شي حرقة ابوك وامك عليك اغلي من مليون مره من بنت ماشيه مع غيرك
انت تاعب نفسك ليه
انت عاوزها زوجه ولا حاجه تانيه
لو زوجه يبقى متنفعش
وانت كمان لو فكرت انها تكون زوجه يبقى انت مش طبيعى
ربنا بين ليك الامور
وانت برده مصصم تدخل الكهف المظلم
يا اخى انت راجل ازاى تقبل تتجوز واحده كانت ماشيه مع غيرك
سيبك منها ومنه خالص
وربنا هيكرمك ببنت شريفه وعفيفه
صاحبي
انت بتقول انها خانتك معاه انت ليه ضربته هو ؟؟؟؟ هو اكيد مذنب وغلطان ويستاهل اكتر من كدا
بس مفكرتش هي ازاى بتخونك كدا وانت رايح تتخانق علشانها واللى زى دي تستحق انك تتخانق عشانها تتخانق لو كان عكاسها مثلا لكن دي بنت .. زباله اوى.. فكك منها بجد دي بنت
تعبانه مولا اخر تلات اربع حاجات ههه
انت مستنى ايه يلا خد قرار انك مش حتكلمها تانى
خد قرار انك مش حتضربك الكتكوت اللى مشيت معاه
خد قرار انك لو شفتها كانك شوفت كلب في الطريق ولا تعبرها
خد قرار انك هتلتزم بدينك وتخطب بنت محترمه ومتدينه
يلا يا عم مفيش وووووووووقت
“” وربنا يكرمك ويوفقك “”
انا شايفه انهم لايقين على بعض وكويس انك عرفتها قبل ما ترتبط بيها
على فكرة هى ممكن تسببه فيك لو هى حصله حاجة ولا كدة ممكن لو هى مش متربية بمعنى اصح توديك فى داهية ابعد وادعيله ربنا يهديها يا ما تقول لحد كبير من عنده بس يكون فى دليل على كدة وتريح نفسك وتكون بردوا مسكتش على الغلط اللى شايفه وكبر دى اصلا متستهلش ولا تنفع تبقى زوجة لشخص محترم ربنا يهديها ويوفقك…………..
ولا حاجة .. سيبهم ومالكش دعوى بيهم .. اللي نسيك انساه ولا يهمك جفاه ده ياما غيره راح تلقاه
حبيبتك متستحقش كل ده واحده مبتحبكش وماشيه مع غيرك بتحبها على ايه سيبك منها خالص دى هتوديك فى داهيه
السلام عليكم ورحمة الله وبركاتة بصراحة انا رايى انك تشيل الموضوع من دماغك طالما هيا عارفة كدة ومش راضية تبعد عنة يبقا هيا الجانية على نفسها كدة هتجيب لنفسك وجع الدماغ انصحها مرة واتنين وتلاتة مش سمعت كلامك يبقا خلاص ابعد عنها لان كدة هتسبب بضياعك وتعبك بايديك ربنا يهديها ويهدية لو لك نصيب فيها هتاخدها بس نصيحة طالما هيا عارفة كدا عنة ومكملة كلام معاة سيبها وربنا يوفقك
طيب ما تكلمها وتعرفها الكلام ده لو فضلت على حالها يبقا هي فيها حاجة غلط وبتحب الشذوذ ده فيه ومتستاهلش تعمل حاجة تإذي نفسك علشانها
بسم الله الرحمن الرحيم
الي الاخ العزيز اولا هي ماتستاهل انك تحبها طالما سارت مع هذا الشاب وهي اكيد تعرف اخلاقه وبعد كدة تعيش حياتك معاها ازاى واكيد هتبقي فيه مشاكل فنصيحتى لك ان تتركها وشأنها ولا تفكر فيها بس ممكن تتصل باي حد من قرايبها وتبلغه من اى رقم موبيل يكون مش مسجل باسمك وارمي الخط بعد كدة باللي بينها وبين هذا الشاب وان سلوكه غير كويس وثانيا اخي الفاضل من باعك بيعه اتركها وسيبها وشوف اللي تستاهلك وتستامنها علي دينك وبيتك واسرتك واولادك والله المستعان والموفق وهو ارحم الراحمين مع تمنياتي لك بالتوفيق والسداد وحياة هادئة من غير اى مشاكل وارجو التعليق علي كلامي وتصحيح اى خطا اكون قد وقعت فيه وشكرا
ابعد عنهم واشترى نفسك انت شاغل نفسك ليه ابعد وسبهم لربنا هو المستعان وعيش حياتك مع حد تانى انت كده هضيع نفسك ليه صدقنى مفيش حد يستهال انك تضحى بنفسك عشانه ابعد عنهم احسن وكبر دماغك احسن وربنا يبعتلك واحدة بنت حلال
يا بن الحلال وايه رازقك علي واحدة زي دي الخاين ملوش دية اقطع علاقتك بيها فورا ولا دي تنفع حبيبتك ولا ده ينفع صاحبك الاتنين ميستاهلوش
انا مش فاهمة انت ايه اللي جابرك اصلا ماتسيبهم يشبعوا ببعض لحد ما ربنا يسلط عليهم اللي يعمل معاهم زي ما عملوا معاك
ازاي حبيبتك دي ?
على اي اساس انت بتربط نفسك بيها?
انت بتجري ورا واحده لادين ولا اخلاق ولابتحبك
دي ماشيه وراء نزواتها
ابعد عنها واشتري نفسك
انا هسالك سؤال انت عندك استعداد تضيع نفسك وتضيع حياتك عشان واحدة خاينة وواحد مسجل اداب ؟؟ تفتكر دول يستاهلوا تعمل في نفسك كدة ؟؟ افتكر مفيش حد سيتاهل تمن حريتك ولو ساعة واحدة هتقضيها حبس بسببهم هى خانتك وسابتك وراحت لواحد زى دة منتظر منها ايه انها ترجعلك تانى سيبك منها ومنه وربنا يكرمك باللي تستاهل حبك
أخى الحبيب أو ابنى الحبيب سيبك من الكلام الفاضى ده لأن فعلا ممكن لو فضلت تفكر بنفس الطريقه تضيع نفسك وتخسر كل شىء ده مش حب اللى بتحكى عليه لان مفيش فى ديننا الاسلامى حاجه بتقول شاب يمشى ويتعرف على بنت ويصاحبها وأكيد بيحصل بينهم حاجات كلنا عارفينها وطبعا ربنا كمان مش بيحب اللى بيعملوا كده.
المهم اسمع نصيحتى لو عايز تكسب أكيد برده فى الحته عندكم ولاد وشباب كويسين وما بيعملوش زيك وزى الولد اللى انته ضربته وكسرت له ايده. شوف أنا حاسس انك مش بتصلى وده أكبر سبب يخليك تفكر الأفكار دى . يبقى أول حاجه علشان ترتاح وتنسى البنات والكلام الفاضى انك تشوف مسجد قريب وتحاول تحفظ قرأن مع مجموعه من المسجد هتلاقى حياتك اتغيرت 180 درجه وكمان ربنا يرضى عليك لكن تضيع نفسك علشان بنت وتكسر ايد صاحبك ده حرام ويخليه هو كمان يفكر زى تفكيرك وما تقولش هو ما يقدرشى يعمل معايه حاجه لأن ده صوت الشيطان وما حدش عارف الشر ممكن يجيى منين.ابنى الحبيب كلامى من قلبى ونفسى تغير طريقك للأحسن وتعرف اللى بينصحك للخير عايز لك الخير وتحياتى لك وأتمنى ترد على رسالتى حتى أطمئن على ان قلبك اتغير وبقى يحب ربنا أكتر ( الله أكبر الله أكبر ).