مشاكل الشباب مع البنات

بعد الحب سابتني واتخطبت هل هي خيانة

انا هطول عليكو شويه بس ياريت تستحملونى
انا شاب سنى22 اتعرفت على انسانه بس مش مصرية كانت بمصر واتعرفت عليها وعلى العيله بتاعتها وبعدين لما سافرت اتكلمنا نت فا هل ده يسمى بحب النت ؟ وحبينا بعض سنتين
* كنت بحبها اوى محولتش بيوم انى اكلم غيرها وكنت مسافرلها
كانت بتكلمنى كانها بتحبنى اوى وبتموت فيا كمان
فى الاخر عرفت انها وانا على علاقه بيها عرفت واحد وكانت بتكلمنى وبتحبنى وكمان اتضح انها كانت بتكلمو هوا كمان
وحاليا اتخطبت فهل دى خيانه
وليه مش واجهتنى بالكلام ده
ياريت مكونش تقلت عليكو لان من ساعه ما عرفت وانا بموت بموت لانى حبيتها حب صادق مفيهوش خيانه ولا لعب بالمشاعر
فكرت انى اسيب الناس واروح اتعامل مع ناس تانيه ومحدش يعرف طريقى
فهل تفكيرى صح لانى كل ما بكون بالبيت بتفكرها
ارجو مكنتش تقلت عليكو

مشاكل وحلول ذات صلة

اضيف بتاريخ: Tuesday, December 7th, 2010 في 03:00

كلمات مشاكل وحلول: , , , , , , ,

3 رد to “بعد الحب سابتني واتخطبت هل هي خيانة”

  1. ا/نهله طلعت
    07/12/2010 at 12:51

    اخى فى الله انت من البدايه غلطان اولا هى مش مصريه يعنى متعرفش العادات ولا التقليد ولا حاجه مننا والدليل على كده ان هى عرفت واحد وهى بتحبك وبالنسبه ليه عادى راجع نفسك ولا تلوم عليها بالا بالعكس لوم على نفسك انك حلمت حلم اكبر من خيالك وتقلب بى كبوس عليك واعتبر ان دى مجرد لعبه وعادت خلاص مش هقولك علاقه اهدا كده متخليش الموضوع ياخد اكبر من حجمه عندك وبكره تعرف مصريه جداعه وساعتها هتعرف الفرق يا بطل (نهله طلعت)

  2. د\ هشام
    07/12/2010 at 04:56

    اخى الغالى :
    تسمحلى ابدأ من اخر انت ما انتهيت
    انت عاوز تحل المشكلة بمشكلة تانى يعنى اية فكرت انى اسيب الناس واروح اتعامل مع ناس تانيه ومحدش يعرف طريقى تفكيرك اكيد خطأ
    وبعدين انت عارف سر مشكلتك انه كان حب نت وبالفعل هو حب نت والعلاقة من الاول كانت خاطئة بمعنى انها قبلت انك تكلمهاوتحبها سنتين فأكيد بسهولة انها تقبل اى حد تانى تكلمه والمفروض انك تكون سألت السؤال ده لنفسك؟ عشان كدة ماتزعلش حاول تكون هادى واتقرب من ربنا اكتر وماتزعلش اعتبرها كانت نزوه وانتهت من حياتك واكيد ربنا هيرزقك ببنت الحلال ان شاء الله اللى هتكون احسن منها وهتنسي كل اللى حاصلك بس ياريت لو عاوز ترتبط بجد تدخل البيت من بابه وبلاش موضوع الكلام ده………….. ربنا يوفقك

  3. صلوا على نبيكم محمد(مسلمه
    07/12/2010 at 04:15

    انت ربنا بيحبك انه كشف ليك حقيقتها الرجل الصح مفيش واحده تهزه مهما كانت يعنى لو هى جميله فيه اجمل منها ابحث عن زوجه صالحه متدينه ميكونش ليها فى التعارف وعمل العلاقات اختار صاحبه الدين عمرها ما هتخونك ويا ريت متعملش اى علاقه مع اى واحده الا لو مستعد وقادر على الارتباط والزواج يبقى اتقدم لوحده صاحبه الدين عمرها ما كلمت حد وتبقى انتى اول حب فى حياتها واخر حب

اترك رداً أو حلاً لهذه المشكلة