مشاكل الشباب مع البنات

ابتديت اشك انها بتحبنى

السلام عليكم انا عندي 19 سنه حبيت واحده من ع النت كنا بنتكلم كتير ع النت انا عارف ومتاكد انها بحبنى زى ما انا بحبها ووالله انا حبيتها من كل قلبى وانا كمان مش من الشباب اللى بيلعبوا بمشاعر البنات المهم اخوها شك انها بتكلم شاب راح قاطع النت من البيت كلمتها ع الموبايل ساعات ترد و ساعات لاء ومره ردت عليا ندهتنى باسم بنت لان اخوها كان قاعد جنبها ولما خلصنا الكلام بسرعه شك اكتر وقال انه حياخد منها الموبايل اتصلت بيها بعد كام يوم قالتلى انت اتسببتلى في مشاكل كتير اوى ؟؟؟؟ ازاى بتحبنى وتقولى كدا قلتلها انا اسف ان كنت اتسببتلك في مشاكل وانا مش هتصل بيكي تانى ع الموبايل لما تكونى انتى فاضيه اتصلى بيا وانا هكلمك علطول وبقالها اسبوع متصلتش بيا اعمل ايه ارجوكم انا بموت من التفكير انا تعبت اوى وجزاكم الله كل خير

مشاكل وحلول ذات صلة

اضيف بتاريخ: Saturday, March 5th, 2011 في 09:19

كلمات مشاكل وحلول: , , , , ,

17 رد to “ابتديت اشك انها بتحبنى”

  1. الحب مثل لدغة الثعبان
    29/12/2011 at 21:57

    انا بئى حيران اوى وتعبان اوى ومش عارف بجد اعمل اية انا بئى مشكلتى غريبة شوية انا حبيت بنت والله بحبها اوى واتعرفت عليها على الفيس واتقابلنا فى الكلية وحبينا بعض انا بحبها اوى وهى كمان بتحبنى بس كل مبكلمها على الفيس بترد علية والاقيها فاجاة قطع الكلام وبلاقيها فى الوقت الا هى قطعت في الكلام بتكون نشرة على الوول بس انا بضايق اوى منها ومش عارف حبها لية دة جد ولا تسلية والنبى عرفونى

  2. سمسمة
    18/08/2011 at 03:23

    السلام عليكم انا عن نفسى مش هقول حل للمشكلة بس فى حاجة تانية عاوزة اتكلم فيها مش معنى ان بنت عملت كدة او مقدرتش الحب دة ان كل البنات كدة وبتوع تسلية بالعكس فى بنات كتير محترمة وبتفكر بعقلها واذا كان على التسلية فمفيش اكتر من الولاد الى بيتسلو ورغم كدة مبنقولش ان كل الولاد بيتسلو صوابعكو مش زى بعضها

  3. الشبح الجا رح
    02/07/2011 at 02:32

    اااسبوع مش حاجة انتا اصبر شهر او حاول تسيبها احد ماتحس بيك وبعدك على الاقل فترة وهيا هتحس بيتغير منك لوبتحبك هتجرى وراك وعشان الموضوع ميتعبكش حاول تشوف وحدة سلى وقتك معها لحد مترجعلك وماوعى تنتظر

  4. امير الظلام
    06/05/2011 at 15:54

    السلام عليكم انا والله فى نفس مشكلتك دى بالظبط بس لما بقتها مش مهتمه قولتلها مش هينفع اكلمها اكمل معاكى الا لما يكون بنا علاقه رسميه وهيا بعديها متكلمتش للاسف كانت حابه تتسلى وخلاص سيبك منها لان اغلب البنات بتوع تسليه وخلاصوربنا يرزقك ويوفقك لما يحبه ويرضه

  5. احمد شعبان
    11/04/2011 at 21:31

    والله هي لو بتحبك بجد المفروض تكلمك حتي ولو دقيقة ان شاء الله من سنترال وانا شايف انك تتقدملها رسمي وتعمل اللي عليك ادام ربنا وساعتها هتعرف انها بتحبك ولا لأ

  6. سوما
    10/04/2011 at 01:03

    ممكن تكون فى ظروف منعاها او ظروفها مش مساعدها انها تكلمك

  7. صاحب المشكله
    30/03/2011 at 16:53

    استاذ ايمن انت بتقول انك عشت مئات قصص الحب
    يا نهار ملوحه اسف في اللفظ بس ازاى حد يقدر يحب كدا انا مش عارف يمكن يكون قلبك كبيررررررررررررر اوووووووى كدا الله اعلم ومئات البنات ده روميو يا عم ميقدرش يعمل كدا اما موضوع جوازك وجابلك الهم ده لان انت مش بتحب مراتك لانك من خلال قصصك الخياليه اللى بتحكى عنها فاكيد بتشك في حبها ليك لانك مش واثق في واحده بعد ملالالاين قصص حبكدي بصراحه معزور تحب تانى وربنا يهدينا ويهديك يا رب ..

  8. صاحب المشكله
    30/03/2011 at 16:44

    اخت بسمه امل انتى كلامك صح كله ومظبوط ووينفع حل ممتاز بردوا وبشكرك ع تقديم الحل ده بس انا عملت اللى عليا وزياده واتصلت بيها ومردتش عليا وبعتلها رسايل ومردتش عليا ؟ انا اعمل ايه اكتر من كدا ؟ انا كدا اتاكدت انهنا مش عاوزه نكمل مع بعض اما موضوع الحب من النت ده واللى بيقول مش موجود قلنا موجود يا عم في كل مكان ربنا خلقه ليه هو الواحد لما بيقعد ع النت بيسيب قلبه بره جسمه او بيفصله عنه ؟؟ مش فاهم ؟؟ ما علينا انا حابب اقول بس حاجه لكل شاب واحده سابته والله يا جماعه العمليه مش مستاهله ان الواحد يتعب ويبفكر ويتعقد وتجيله مشكله نفسيه بسبب الموضوع ده انا قريت مشاكل شباب كتير هنا اللى كانوا مانتمين هههه ومكملوش مع بعض اللى يقول انا مش حقدر اعيش من غيرها ؟ مانت كنت عايش ازاى من غيرها الاول ؟ اللى يقول انا اغمى عليا ورحت المستشفي ؟ طب ما الراجل الصح هو اللى يتحكم في مشاعره كويس ؟ عموما احنا الرجاله قليل مننا اللى بيحب باخلاص فبرجو من كل واحده لقيت ابن الحلال اللى يصونها تحافظ عليه لان زى ما قلت احنا الرجاله قليل مننا اللى بيحب باخلاص وبقول للشباب .. مش مستاهله .. ومش اى حد عنده قصه حب فاشله زى بتاعتى يقول مفيش حب لاو الله في بس احنا منستعجلش في اختيار الشريك المناسب عشان نسد فراغ عاطفي عندنا

  9. بسمة امل
    25/03/2011 at 11:10

    اخي
    صحيح انو السن صغير على الزواج بس انت بتقدر تروح وتخطبها من اهلها .ممكن هي بتكون بتعمل كده عشان تخليك تفكر انك تتقدم ليها رسمي وده حلم اي بنت على الكرة الارضية.وممكن فعلا يكون في عندها مشاكل بسبب كلامها معاك وده انت الي ممكن تحلو.حتى لو رافضة تتصل بيك .انت روحلها لبيتها واطلب ايدها على الاقل خطبة يعني لمدة وبعدها زواج .اتمسك بيها بس هي لو رفضت انك تتقدم ليها .فبتكون انت عملت الي عليك ودنبها على نفسها.
    اما بالنسبة للاخ الي قال انو مافيش حب ع النت او بالكرة الارضية فده غلط .لانو الحب موجود واحنا الي بنخليه يا يعيش يا موت وميكنش ليه وجود.
    انت قلت انك مبتحبش مراتك مع انها محترمة وبتعمل شغل البيت كويس وجميلة .يبقة اسفة انت مش فاهم معنى الحب ايه.الحب ثقة وصدق الحب مش جمال خارجي لا جمال داخلي لما تكون حبيبتك حنونة فاهمة الحياة صادقة باحساسها تلاقي فيها حجات موجودة عن الكل بس هي بتميزها الحب انك تحب شخص صعب المزاج تحبو لنفسو مش عشان هو بيعملك كل حاجة.الحب غير كل ده.عارف انا بابا وماما اتجوزو عن حب ولسى لغاية دلوقتي بيحبو بعض واختي كمان هي وزوجها 11 سنة مجوزين عن حب وحبهم بيزيد اكتر واكتر وفي كتير غيرهم.حاول تحب مراتك لانو اكيد هي بتحبك.اسفة اني طلعت من الموضوع بس ياصاحب المشكلة روح اتقدم ليها وشوف هي حتقول ايه لو وفقت يبقى ربنا يبارك ليكم في حبكم وادا رفضت يبقى على الاقل عرفت انك انسان غير كل الناس وانها مقدرتش تتمسك بيك اكتر .بتمنى ليك كل السعاده ياااااااااااااااااااارب
    اختك بسمة امل

  10. ايمن
    18/03/2011 at 06:21

    ياعزيزي البنات العربيات للاسف اغلبهن يكذبن كثيرا ويدعين انهن يحبن الواحد ويموتن فيه وبعد شوية يزهقن ويحاولن قطع صلتهن به متحججات باعذار كاذبة ;;انا طبعا مااتهم كل البنات لان فيهن المؤدبات لكن صاحبتك من النوع العبيط الذي يندرج من بين قائمة البنات الكاذبات اسمعها نصيحة مني انا عمري 33 سنة وتعرفت فيما سبق بمئات الفتيات وعشت مئات قصص الحب لاكتشف اخيرا ان كل من عرفتهن من البنات على اختلاف ثقافاتهن واخلاقهن واعمارهن ومستوياتهن المادية والاجتماعية اكتشفت اخيرا انهن غالبيتهن كن كاذبات مخادعات ولقد تزوجت فتبين لي ان الزواج ايضا لايجلب الحب نعم رغم ان زوجتي جميلة ومؤدبة وماهرة في اعمال المنزل الخ لكن مع ذلك لايوجد حب لانه اصلا وكما قال نزار قباني :الحب في الارض وهم من تصورنا

  11. اسال مجرب
    16/03/2011 at 05:23

    انا هقولك كلمتين اللي بيحب حد ميقدرش يعود يوم من غير مايسمع صوته او حتي يطمن عليه ده حتي لو هتخلي واحده من اصحابها تكلمك وبعدين تطمنها او حتي تنزل سنترال وتكلمك حتي لو دقيقه واحده حاول تنساها ومتفكرش فيها 0الله يعينك

  12. صاحب المشكله
    13/03/2011 at 16:42

    شكرا لردودكم ولونى مختلف معاكم في حتت ان مفيش حب من ع النت لا في لان انا اعرف واحد وواحده حبوا بعض من النت واتجوزا وعايشن مع بعض اكتر من 3 سنين ومتافهمين مع بعض الحاجه التانيه انا عموما اقدر اتحمل مسؤليه بيت وافتح بيت بفضل ربنا انا شغال في بلد اوروبيه من 3 نسين بس انا كنت بتعتلها رساله وقلتلها انتى عايزه نكمل مع بعض ولا لاء هي مش ردت عليا الغايه دلوقتى انا انسان ليا كرامه ومش حتصل بيها تانى ولا حتقدملها لانها مردتش عليا بس والمصحف انا كنت ناوى اتقدملها بس لسه اخواتى 2 اكبر منى وانا مش ههين كرامتى اكتر من كدا تانى انا عملت اللى عليا وزياده وكنت مستعد اموت نفسي عشانها بس هي مش قدرت كل ده هي في بلد عربيه تانيه غير مصر يعني غم صعوبه الارتباط بس كنت مستعد اموت نفسي عشان اوصلها لكن لما مردتش عليا يبقي خلاص اللى باعنى ابيعه ومش حقول انى حقدر انساها كليا بس شويه شويه هنساهاوهقابل اللى احسن منها ولونى كنت شايف انها احسن واحده في الدنيا بس يلا مفيش نصيب اكيد اللى فيه الخير حيقدموا ربنا وشكرا مره تانيه لردودكم

  13. حياتى كلها لله
    10/03/2011 at 10:34

    اول حاجة مفيش حب من النت دة لان اتنين بيتكلموا من وراء ستار محدش شايف التانى ومحدش عارف اذا كان الكلام دة صدق ام كدب تانى حاجة انت 19 سنة يعنى لسه صغير طب انت ليه مستتعجل علي الحب كدا تالت حاجة ودة الاهم انت لو حبيتها بجد مكنتش تعرضها للمشاكل دى كنت تتقدم لها وترتبط بيها منعا لاي مشاكل وهسالك لو كانت دى اختك او قريبتك كنت ترضا ليها اللي حصل دة اكيد طبعا لاء اتقي الله وكما تدين تدان

  14. توتا
    09/03/2011 at 23:06

    اولا دى مش بتحبك دى كانت بتسلى نفسها شوية وزهقت وبعدت عنك فى بنات بتحب تعمل حورات تعبانة على الشباب وتقولك اخوها وابوها وعملتلى مشاكل وجايلى عريس والهبل دة كلة انت بئة لو راجل بجد ولا تعبرها خالص وسبها وابعد عنها

  15. sh.a
    07/03/2011 at 16:43

    على فكرة يا!!!
    انت مش حبيتها لان مافيش حب من ع النت لانه بيئا كلام وعبارة عن كتابة المهم لو انت بتحبها روح اتقدملها ومتقولش انك لسة صغيور والكلام دة لا لو عايزها وبتحبها اشتغل واتقدملها واهلها لما يشوفوك انت بتشتغل وهتشيل مسئولية هيديك بنتهم وان شاء الله اللى ربنا عايزه هيكون وخلى ايمانك بربك واملك فيه كير وان شاء الله تكون من نصيبك

  16. IvIeSsa
    07/03/2011 at 11:02

    والله أعزرني يا أستاذي الكريم مش بعترف خالص بموضوع إرتباط النت والشات والكلام ده نهائي..


    هو فعلآ إنت إتسببتلها في مشاكل ومادامت ليها أخ يبقا تأكد إنه صارم معاها جدآ بخصوص الموضوع ده وخاصة لو كان تراكمي وملاحظها بقالي كذا مرة ومن فترة مش أول مرة.. ربنا يهديها ويهديك ويفك عنها المشاكل وتنتبه لحالها ومصلحتها..


    بس يا أستاذي أنت 19 سنة تقريبآ يا في كلية يا في ثانوي لسه قدامك وقت طويل علي ماتكون قد خطوة رسميه بجد وحتعذبها معاك وحتفضلوا في مشاكل كده وحتتعبوا أنتوا الإتنين لو ده حصلكم يبقا من دلوقتي خليك أنت وهي علي يقين إن إللي حصلها ده ولا حاجة دي كانت مجرد مكالمة تليفون أو مكالمة نت وأخوها عمل فيها كده..


    أومال لو أكبر من كده أهلها طبعآ حيتسببلها بألم كبير بسبب المشاكل إللي حتكون بسببك..

  17. لله الامر من قبل ومن بعد
    05/03/2011 at 12:36

    يا اخى الكريم بالله عليك هذه لو اختك انت مش حتعمل معاها زى اخوها ماعمل ثانيا انت لو بتحبها بجد تبقى روح لاهلها وادخل البيت من بابه حتى تكون صادق فيما قلت انك مش من الشباب اللى بيلعبوا بمشاعر البنات ولا ايه رايك انت اقعد مع نفسك واحسبها كويس اذا كنت بتحبها روح واخطبها وفى هذه الحاله تبقى انت مش بتلعب بمشاعر البنات اما غير ذلك فانت بتعتبر بتلعب بمشاعر البنات وده حرام عليك واترك انا لك انت الخيار فى ذلك وربنا يوفقك فى حياتك

اترك رداً أو حلاً لهذه المشكلة