انا وحبييبى نعرف بعض من حوالى 7 سنوات وحصلت اكتر من مره بعدنا عن بعض حوالى 4 مرات
وبالاخص اول مره لما كسر قلبى وبعد عنى بدون اسباب بعد ما كلم اهلى ودخل
بيتنا وكسر فرحتى اكتشفت انه راح خطب بنت خالته وسابها ورجعنا تانى وحنيت يومين وبعدين بعدت ورجعنا تالت وجه لاهلى وانا برضه موفقتش بظروفه وبعدين اخر مرة رجعنا قربنا من بعض اووووى لدرجت انا مشاعرنا تتطورات لاافعال وهو كان بيحكيلى عن مواقف عديت عليه ونزوات بس مش هيعملها تانى مع بنات وستات وبعدين فى مره اعترف لى انه راح مع واحدة شقتها وحصل مابينها شبه اتصال عاطفى بس مش اووووى انا خت قرار ان ابعد عنه يومين افكر اعمل ايه عشان ماياثر عليا بالرغم انه بيتاسفلى كتير وبيعتذر وندمان بس انا مش عارفه اامان له تانى مش حاسه معاه بالثقه
مشاكل الحب الفاشل
حبيبي بيخونني واعترف بس مش عارفه اسمحه
اضيف بتاريخ: Thursday, August 30th, 2012 في 01:55
شوفى اولا حل مشكلتك بيعتمد على تكوينك الشخصى هل انتى عصبيه او لا هل انتى غيوره او لا هل انتى من النوع الى بينسى الاساءه ولا لا هل انتى بتترددى فى قراراتك ولا لا والسؤال الاهم هو بيقولك الكلام ده ليه هل هو بيقولو عايز ياخد منك حاجه ولا لا كل ده هيكونلو اجابه حقيقيه بينك وبين نفسك ثانيا _ فى اغلب الاحاول الولاد يحبو يتباهو بنفسهم انهم يعرفو بنات وده بس علشان يحسسك انو الفلانينيو الى البنات بتدوب فيه وهو فى الاصل غير كده تماما لاكن لنفترض انو اجتمع ببنت واتنين وعشره نرجع نسئل من جديد هل هو اجبرهم على الجماع ولا كانت نزوه بين الطرفين بالتاكيد كانت نزوه والعامل مشترك بين الطرفين يعنى الطرفين عندهم رغبه وكان الشيطان ثالثهم _ رابعا انا مبنكرش انو اساء حتى لنفسو وانه مخطئ بكل المقاييس لاكن هل هو الانسان الى بتحسي فيه برجوله ونخوه وهو الى هيسعد ايامك _ على فكره انا رسالتى الك مجرد اسئله انتى بس الى عندك الجواب _ لاكن فى النهايه احب اقولك ان الحب الحقيقي هو ما ينشا بعد الزواج لانه بيعتمد على المشاركه و تحمل الصعاب والمشقه الحب الحقيقي هو اخلاص الزوجه لزوجها والزوج لزوجتو الحب الحقيقي هو الاحساس بالامان هل ممكن تجدى ده بعد الزواج ؟؟؟؟
غلطته إنه صارحك، لأن من الواجب الشرعي السكوت وإخفاء الذنوب إنما هو طلع ساذج وصارحك.
ع العموم أنا شايف إن صعب تكملي معاه، لكن إن قدرتي تنسي الموقف تقدري تكملي عادي.
بصى يا حببتى هو ممكن يكون حب يجرب حاجه وجربها بدل ماهو اعتزر وندما واعترف بحد ذاته دها اول الصح وبعد كدة هسيبك لقلبك علشان انا عارفه اللى بيحب بيسامح من ميمو
السلام عليكم اتا مختلف عن الاخرين فى فى رأيى لو انتى حاسه انك بجد تقدرى تسامحيه وتنسى كل الكلام اللى قاله توكلى على الله وارتبطى بيه غير كده يبقى بلاش منعا للمشاكل لانك فى يوم من الايام هتفتكرى الكلام ده واخيرا لازم يبقى صوتك من دماغك
بسم الله الرحمن الرحيم :
* نصيحتي تنهي الخطوبة دي :
1 انتوا بتبعدوا عن بعض مرات و مرات من دلوقتي ، أمال بعد كده لو اتجوزتوا – هتعملوا إيه ؟!!
2 لما بترجعوا لبعض ، بترجعوا بدافع العاطفة الشديدة و الشهوة ، و بيحصل بينكم كتير و كتير ، يعني ما فيش قاعدة دينية و لا أخلاقية حبكم واقف عليها .
3 ما فيش حد بينسى خيانة حبيبه مهما طالت الأيام و الليالي ؛ يعني لا انتي هتنسي خيانته ( و ده هينكد عليكي حياتك ) ، و لا هو موثوق فيه إنه يبطل خيانة .
♥♥ و الخلاصة : الخيانة أقصر طرق إنهاء الحب و المودة بين أي حبيبين أو حتى صديقين .♥♥
*** والله أعلم ***
بصى ياحبيبتى… الصراحه كويسه بس مش معنى كده انك هتكملى حياتك هو يغلط وييجى يعترف ونقول ان الصؤاحه حلوه. لا سيبيه وربنا هيديكى اللى احسن منه:)
انا لو مكانك هسيبه لان واضح ان الثقه بنكم اتشالت وكدا مش هيرتاح بالك ابدا معاه والشك دخل بينكم لو تقدرى تبعدى عنه يبقى خير وبركه وانتى الكسبانه كمان اخلاقه مش تمام بصراحه…….
ده رأيى لو انا مكانك شوفى انتى بقى هتختارى ايه !
بصي انت اكيد عرفتي طبعه شخصيته وعارفه هو صادق في كلامه ولا لا …لو انتي حاسه انه صادق وبيحبك بجد سامحيه …وانتي بتقولي اقوله اني كنت مخطوبه ..
هو الراجل بيغير علي مراته او خطيبته او حتي حبيبته…
وده عادي ودليل علي الحب …
يخرب بييييييييييت الحب الي يخلينا نتجرح وبرضو ما نسيب الي نحبو بعادو صعب والقرب منو اصعب .. ممكن كثير ناس رح ينصحوكي انك تسامحيه لان الله كريم ويغفر ويسامح بس يا هل ترى لو انتي غلطي نفس الغلط كان رح يسامحك ويفكر في كلام ربنا؟؟؟ أو ان البنت الي تفرط في نفسها تبقى بنت واطية؟؟؟ انا لو مكانك كنت اختبرو واقولو انا رح سامحك بس حتى يكون بعلمك انا غلطت نفس غلطك وشوفي ردة فعله كيف تكون اذا قدر يمسك نفسو ويجرحكيش يبقى راجل وبجد يحبك ويستاهل تسامحيه اما اذا غلط في الحكي او حتى قرر يبعد تبقى تفهمي الباقي وتخلي عندك دم وتسيبيه بس قبل ما تسيبيه قوليلو ان سواء رجل أو امرأة كلنا معرضين للخطأ بس الحب يخلي لاانسان يسامح واذا انت اناني وما ترضى لحالك هيك شي فانت ما تستاهلش وحدة تضحي وتنجرح بسببك ..هذا رايي واكيد مش رح يعجب ناس كثير بس هيك حتى تقدري يا تسامحي يا تبعدي والا رح تضلي طول عمرك تتعذبي بسبب ماضيه والسلام عليكم ورحمة الله تعالى وبركاته
فقدان الثقة والامان = انهيار العلاقة تدريجيا البنت لما بتحب شاب بتكون عايزة تحس معاه بالثقة والامان ويعنى ايه واحد مع وحدة فى شقتها وحصل شبه اتصال عاطفى ازاى يعنى ؟؟! دا بتاع حوارات سيبك منه وان شاء الله ربنا يعوضيك بالاحسن منه تقبلى مرورى
فقدان الثقة والامان = انهيار العلاقة تدريجيا البنت لما بتحب شاب بتكون عايزة تحس معاه بالثقة والامان ويعنى ايه واحد مع وحدة فى شقتها وحصل شبه اتصال عاطفى ازاى يعنى ؟؟! دا بتاع حوارات سيبك منه وان شاء الله ربنا يعوديك بالاحسن منه تقبلى مرورى
احسن حاجه عملها انه صارحك بكده لانه كان ممكن يسكت ع الموضوع ده وميقولش حاجه ..
طالما هو جالك البيت وطلبك وافقي وسامحيه البني ادم دايما بيغلط .. وان شاء الله عمره ماهيرجع لكده تااني ..