أنا بحب بنت جداً، وأنا من البحيرة وهيا من القاهرة. عملت قرار واتقدمتلها وأهلها وافقوا على الخطبة بشرط إني أعيش وأجيب شقة في القاهرة. فأنا عشان بحبها فعلاً، قررت أعمل اللي هما عايزينه، بس أهلي مكانوش راضيين على الحكاية دي. لكن أنا اقنعتهم والحمد لله اتفقنا واتخطبنا.
بعد سنة ونص من الخطوبة حصلت مشكلة، وأنا على فكرة مجند في الجيش، والخطوبة اتقلبت من ناحية أهلها. وأنا عايز أصلح الأمور وأرجع ليها، عشان بحبها فعلاً، وهي كمان عايزة ترجع. بس المشكلة إن أهلي مش راضيين يرجعوا للخطوبة، وهما عايزينها تيجي تعيش معانا في البلد، وده صعب على أهلها. فأنا مش عارف أعمل إيه.
