انا بحب واحد من اربع سنين وهو بيحبني جدااا اتقدملي من اول سنه كلمته فيها لكن اترفض واتقدم تاني وتالت تقريبا كل سنه اتقدم فيها بس لما كان بيتقدم محدش كان بيقولي وما كانش ينفع اكلم بابا لانه كان حيسالني عرفتي من فين بس اخويا عرف اني بكلمه ضربني جامد بس حبيبي لما عرف اتقدم لاخويا واخويا صده ورغم ده كله قالي حيتقدملي تاني بس قالي انه اخر مره حيتقدم ليها فيها وبيقولي ان المفروض تعملي حاجه ومتبقيش جبانه وان لو كلمت بابا بابا مش حيضربني بس انا نفسي بابا يوافق من غير ما انا اتدخل علي فكره بابا حبيبي الله يرحمه كان صاحب بابا كتير وحبيبي كان صاحب اخويا بس لما اتقدملي اخويا ساب الصداقه اسفه علي الاطاله اعمل ايه وهو قالي انه متمسك بيه بس هو عمل ال عليه ولو سابني عنده حق
اذاكان الشاب يحبك واخلاقه كويسه مايتقدم لاهلك ويارايت يجيب معه راجل كبير يعرف ابوك وله تقدير عنده عشان يقنع ابوك بالموافقة عل الزواج من الشاب هذا وربنايوفق بينكم ويجمعكم عل الخير
خليه يشوف حد قريب من باباكي يجيبه معاه وهو جاي، ويسأله عن أسباب الرفض ويحاول يصلحها أو يقنعه.
إنما يترفض ويمشي كده يبقى مبيعملش جديد، هيفضل مرفوض طول عمره.
وطالما بتتعرضي للضرب بسببه فخليك محايدة أحسن وساعدي حبيبك من بعيد لبعيد.
انا مشكلتى زيك كده بالظبط وهو قريبنا من بعيد وكلهم عرفين فى البيت انى بحبه وعايزاه ومقدرش استغنى عنه واتقدملى اكتر من مره فى التلفون عشان يجى بس حتى مفكروش يقولو ليه تشرف وبيقولو ليه ربنا يسهل وامى تقول ليه لما يقولها عايز اجى حتى اقرأ فاتحه تقوله كأنك قريتها والله بس مش دلوقتى وهو برضه بيقولى لازم تعملى حاجه كلميهم بس انا مش قادر اقلهم بابا رافض يسمع اى كلمه فى الموضوع ده ويقولى مفيش بنت محترمه تقول عايزاجوز علما بانى فى اخر سنه كلية وانا زهقت احنا اديلنا اربع سنين دلوقت مع العلم ان ماما راضيه واخواتى اصحابه جدا وكلهم حاولو يكلموا بابا بس مش بيسمع ليهم بحجة انى لو ربنا كرمنى واتجوزنا هعيش بعيدا عنهم وكمان شغله فى السياحه فبابا بيقول ده مش شغل ثابت اسفه على الاطاله بس انا حابه اقولك لو بتحبيه اصبرى وخليك جنبه ومتتخليش عنه وربنا يكرمك وتتجوزيه وتيجى تكتببى ان ربنا تمملك بخير يارب انا وانت ويحقق للمسلمين جيعا كل امنيهم
اولا شوفي حد كبير يكلمهم ويقنعهم جدك او عمك حد يبقى كبير العيله او بيثقوا فرايه لو مفيش يبقى
ثانيا امتعنى عن الاكل لحد ماترفعي وتخسي وتبقى عضمه
ويجيلك هالات سودا وبقا وحسسيهم انك بتضيعي من اديهم لو مخدتيش دا
وكل مايشوفوكي عنيكي منفخه ومحمره ومنيله وكل يوم عيطي
والله انا مش عارفه ايه سبب الرفض يمكن يبقى العيب فيه بس لو شايفه ان اهلك ظالمينك اعملى كدا
وحسسيهم اكنك فاضلك دقيقتين وتخشي تنتحري
والله يابنتي مره عملتها فماما وعورت نفسي والله يسامحنى بقا مش بقولك عورى نفسك اوعى يابت بس المهم لما امى شافت التعويره اتخضت وعيطت الحجه ههههه ربنا يسامحنى بقا
و بابا لما يشوفك كدا مدهوله ساعتها هيشاور عقله وهيحس ان مادام سعادتك مع دا خلاص اشربي بقا هههه
يعني هيقولك غوري انتى وهو كتكو القرف هههه بهزر
اصدي ان اهلك مش هيهمهم غير سعادتك بس انتى حاولى وهو كمان تانى ويارب بجد تبقوا لبعض ويجمعكو قريب ويحنن قلب اهلك عليه آمييين
وبردو فكري تانى يمكن اهلك شايفين حاجه يعني ايه اللى هيخلى اخوكى يقاطعو وبابا كان بيحب ابوه يعني اكيد في سبب عشان كل دا
اصدي متخليش حبك يعميكي واتفاهمى مع اهلك واعرفي السبب ايه يمكن تحلوه سوا