الحب على النت

حبيت واحد على النت .. قولولي اعمل ايه؟

انا بنت عندي 17 سنه و4 شهور اتعرفت على شخص على النت كان بيعتبرني اخته بيحكيلي تفاصيل اليوم وبيرن عليا نحكي بالساعات كان انسان كويس جدا وهو كده فعلا.

انا حبيته جدا بس هو كان بيحب واحده وسابته واتجوزت وقتها هو تعب ده إلا هو حكهولي نعرف بعض من اول دخولنا الثانوي يعني من اولي ثانوي واحنا دلوقت في تالته ثانوي هو كان بيكره اي حاجه فيها كلمة بعد

احنا واجهنا مشاكل كتير مع أهلنا واهلو هو بس اتفوقنا علي كل ده وعدينا كل المشاكل سوا هو مطلبش مني غير اصبر عليه سنتين بس يدخل الكلية ويحقق حلمه وبعدها نتخطب

عمرو في الفترة دى ما ضايقني بأي شكل ولا قالي حاجه تضايقني وكنا اليوم مش بنعدي غير سوا.

وبعدها في اخر السنه الفاتت قالي انو بيحبني واني اهم حد في حياته كان مضغوط من اهله علشان يذاكر وفعلا انا بشهد علي ده بياخد اي خمس دقايق علشان نتكلم بس.

وكانت كل حاجه كويسه إلا من بعض الخناقات وبتتحل إلا اني ابتديت الاحظ بروده وانانيته في حبه ليا يعني هو انا اتعرضت لمشاكل جامده من اهلي وهو كل همه هنتكلم ازاي مفكرش في الضغط إلا انا فيه.

والفترة الأخيرة دى ابتديت الاحظ انو مازال بيحب حبيبته الاولي وانو محبنيش اختصار هو محبنيش انا ده إلا حسيتوا وانا حاولت انسحب بهدوء وامشي بس هو كان بيرفض وخلي والدته تكلمني بس انا حسيت انو محبنيش شعور قوي مسيطر عليا انو محبنيش قررت ابعد معرفش اذا انا صح ولا لا؟ اكمل في إلا يعملوا ولا انتظر السنتين دول؟ قولولي اعمل ايه انا محتاره وخايفه جدا مش عارفه اعمل ايه

متمسك بيا بطريقه قوية جدا يستقبل اي حاجه الا كلمة بعد لدرجة وصلت انو يبكي في التليفون لم قررت ابعد عايزني جنبو بيقولي اقسملك انا بحبك وعمري ما حبيت حد زى ما حبيتك اعطيني فرصه وخليكي للنهاية بس انا مش عارفه اعمل ايه

مشاكل وحلول ذات صلة

اضيف بتاريخ: Saturday, April 17th, 2021 في 04:30

كلمات مشاكل وحلول: , , , , ,

ردود to “حبيت واحد على النت .. قولولي اعمل ايه؟”

  1. ...
    26/04/2021 at 22:17

    اختبريه…الحب مش بالكلام ف لو هوا افعاله مش بتدل علي انه بيحبك خالص ، ممكن كمان تاخدي راي حد كبير بس بلاش مامتك او باباكي عشان يبقي من وجهة نظر محايدة و الاحسن يكون شخص اتجوز و ساب عشان عندهم خبرة

اترك رداً أو حلاً لهذه المشكلة