انا اول مره احب ومكونتش عاوز احب وجات كده يعني بمعني اصح ده ابن عم واحده صحبتي معرفش ازاي حبيته اوازاي عملت كده وكنت رااافضه جدا اني اكلمه في التليفون جدا جدا كمان وبعدين اضطرتني الظروف اني اكلمه وده بسبب صاحبتي اللي هيه بنت عمه وتقولي بيحبك ومش بيحبك ومفيش حد بيحب حد مش بيكلمه في التليفون والكلام ده وبعدين انا بئيت بحبه جدا جدا وشويه اتقلب الحال بقيت انا اللي بكلمه بعد ما كان هو اللي هيمووت ويكلمني وبرضو لسه بحبه وحصل موقف في يوم مع اني واثقه فيه ثقه عمياء معرفش جبتها من اين كنت بكلمه فجاه حسيت انه فتح الاسبيكر بقوله فتحته ليه ضحك وقالي هزعل منك انتي افتكرتي ايه ومش عارفه ايه المهم قعدت ساكته خالص وبعدين شويه الشحن فصل وتاني يوم قولت لبنت عمه هو كان عندهم فاخد التليفون وبيقولي ازيك ومش عارفه ايه قالي انتي قفلتي ولا مين اللي قفل يمكن انا قولتله ممكن زعل ومشي واخدت التليفون بنت عمه تاني وحكيتلها وهيه مكنتش مصدقه وقالتي مش يعمل كده ومش عارفه ايه وقولتلها مش تقوليله فجاه بعد يومين لقيتها قالتلي انا قولتله وهو قالي انتي صدقتي ومش عارفه ايه للعلم بنت عمه دي زي اخته جدااا وبيحبو بعض جدا زي الاخوات وبعدين هو كان قايلي لما تجيلها قوليلي عشان انا روحت كذا مره وهو مش يعرف وبعدين انا هروح بكره يعني عشان ازورها لانها تعبانه فانبارح اتصلت بيه كتييير عشان اقوله كده مش فتح عليا واكيد زعل اني قولتلها كده والله اعلم كان في نيته ايه ومش فتح بعتله رساله الصبح اني كنت عاوزه اطمن عليه واقوله اني هروح عندها وكده وشكرا ولام واسفه لو دايئتك ومش اتصلت ولا اي حاجه بعدها ولا هو كمان وقولت كده برضو لبنت عمه صاحبتي ومع ذلك بحبه والله بحبه جداا ومش عارفه اعمل ايه على فكره انا عندي 17 سنه واول مره احب في حياتي ومكونتش عاوزه احب وكل يوم بدعي على اللي خلاني اعرف حتى ايه هو حب انا كنت ماشيه بكتاب الله وحافظه القران ومكونتش اعرف اي كلمه من الكلام ده وكنت في حالي الي ان دخلت الثانوي عرفت حاجات مكنش ينفع اني اعرفها وده كان في سنه اولى اما في سنه تانيه اللي انا حاليا فيها حبيت ومكونتش عاوزه احب انا مش عارفه اعمل ايه على فكره انا بقول ثانوي لانه للاسف ثانوي فني وانا كنت جايبه مجموع كبير يدخلني عام بس للاسف قدر الله وما شاء فعل مرضيتش اتقل على اهلي وانا بقولك مع ان كل اللي حكيته ممكن حد يقول اني هبله ومش عارفه حاجه والله انا وانا بكتب ببكي على كل حاجه وياريتني كنت فضلت زي ما انا الحمد لله وقدر الله وما شاء فعل وارجو حد يجاوبني بالله عليكو امانه اامنهالكو امام الله سلامي ليكواا كلكوو واسفه لو طولت عليكو
الحب قبل الزواج
حبيت وندمت بعد فوات الاوان
اضيف بتاريخ: Sunday, February 19th, 2012 في 03:55
كلمات مشاكل وحلول: الحب, الزواج, مشاكل الحب
انا معاكم فى الردود دى وانا حاسة بيكى لانى زيك بالضبط مشكلتى زيك بس انا حاسة انو الشخص الى انا بكلمة بيحبنى وهوة طيب جدا انا مش عارفة ازاى ابعد عنة دة لما ميتصلش انا بتعفرت انا زيكى بس انا اكبر منك بسنة وفضلى شهر وهدخل الكلية هوة دة الى مخلينى بكلمة علشان عارفة انو هنبقى حلاص فى الكلية وهوة قالى لما ندخل اولىى كلية قولى لبباكى عليا انك بتحبينى بس متقولهوش دلوقتى علشان دى اوقات امتحانات وبابا لو عرف مش هيوافق طبعا انا حسة من كلامة انو صادق بس بحس انو بيحب واحدة تانى وهية صحبتى بيفضل يبصلها قوى مع انها حبيبة صحبة انا مش عارفة هوة بيحبنى ولا لا بس انا حبيتة
صدقينى صدئينى ده انسان بيلعب بيكى وبمشعرك وبكره يعرف وحده تانية ويعمل فيها كده وهتبقى حياته بس صدقينى لو فضلتى معاه هتندمى فى الاخر انا كنت زيك وادينى بدفع تمن غلطة غلطها غظب عنى
أقول الناس أشكال …………………………. وطبعا وانا نفس حياتك المرتبة … ولكن الدليل مشرود؟كوني حرية ؟
يا صغيرة انتى 17 عاما اتقى الله فى شرف اهلك وبعد ما تخلصى دراستك هيجيلك احسن منه بمائة مرة وانا اعتقد ان هذا الولد خائن جدا وندل وبنت عمه غير محترمة وعاوزين بخلوكى حقيرة عندهم وبعدين يرموكى يا بنتى روحى ذاكرى دروسك واتنيلى على عينك خلاص بحب صوته حبك برص منك له وليه وهو كان بيسمع زمايله علشان يفضحك ويفضخ اهلك
واضح فعلا انك بتحبية بس لازم كمان يكون بيحبك اكتر ولازم تتأكدى من ده الحب اللى بجد بيكون كله اخلاص وامانة وخوف لو بيحبك بجد هيخاف عليكي اكتر من نفسة انتى لسة صغيرة ودخلتى الحب بدري انسي انك حبيتى حتى لو مش هتقدري تنسي حاولى تتناسي خليكي دايما غالية لان الواحد مش بيحب الواحدة الرخيصة ولا السهلة خلي حبك فوق الجميع وصعب ان حد يوصلة الا اللى يستاهلة فكرى كويس ف كلامى ودايما اتأكدى من الشخص اللى بيدخل حياتك
ايه جو الحقيقة والسراب دا
دا واحد مش محترم ومش بيحبك وبيلعب بيكي وصحبتك دي لو بتحبك مكنتش خلتك تكلميه لانها عارفة ان انتي طيبة وعلي نياتك
فكك من الحورات دي احسن
بصى , انا شاب و فاهم الحركات دى كويس
والله الولد دا مش بيحبك و بيشتغلك , و لو فضلتى ماشيه معاه حيبعدك عن ربنا جدا و حيخليكى تعملى حاجات تندمى عليها.
هى دايمابتبتدى كدا … مكالمات فى التليفون وشات على النت و بعدين يقولك انا عايز اشوفك او ابعتى لى صورتك …ويقابلك و بعدين يمسك إيدك و شويه فى شويه تلاقى نفسك بتعملى حاجات مكنتيش تتخيلى انك تعمليها.
إبعدى دلوقتى و حافظى على نفسك نضيفه …عشان ربنا يبارك لك بالحلال لما يجى الأوان ان شاء الله
انتى بتقولى انك 17 سنة يعنى لسه صغيرة وكلنا بنمر بمراحل كتيرة فى حياتنا بنحس فيها اننا بنتعلق بناس وبنحبهم ومنقدرش نستغنى عنهم لكن الحب اللى انتى عوزاه وكل البنات عاوزينه مش بسهولة بنلاقيه اهم حاجة ياما تختارى الشخص الصح يا اما تستنيه يجيلك لحد عندك ويبقى علاقتك فى النور قدام اهلك متستعجليش واستمتعى بحياتك وبكل لحظة فيها واختارى بعقلك وقلبك لا قلبك لوحدة ولا عقلك لوحده وهيجى وقت هتلاقى اللى كنتى بتدورى عليه واوعى تفكرى لحظة انه اخر راجل فى الدنيا لان الدنيا مبتقفش عند حد وخاصة لو كان شخص لعبى واتعلمى متديش قلبك الا للى يستحقه
اولا احب اقولك دي مش صاحبه كويسه خالص اللي تعمل في صاحبتها كده وتخليها تكلم وهي عارفه اد ايه صحبتها خام ومحترمه .. نصيحتي ليكي يا قمر تبعدي عنها وعنه وتحاولي تنسيه ولو اني عارفه انو كل ده صعب اوي بس مش مستحيل .. توبي لربنا وارجعيلوا وهو برحمته ان شاء الله هيقبل وانسي كل اللي فات وابدئي صفحه جديده .. وصدقيني لو الشخص دا كويس وعايزك كان هيدخل من الباب مش ينط من الشباك ! احنا في زمن وحش يا حبيبتي وحتى الصحاب اكبر الطعنات بتيجي منهم .. فانتي انتبهي لمذاكرتك وتوبي لربك والجأيله وهو الوحيد اللي هيكون جنبك ويساعدك صدقيني …
السلام عليكم
ياحبيبتي انتي لسه صغيرة على الحب المفروض تهتمي بدراستك بس ولما تخلصي دراسة هتبقي واعية اكثر وبتعرف الناس اكثر وهتقدري تعرفي مين بيحبك بجد ومين بيضحك عليكي فنصيحتي ليكي اهتمي بعيلتك ودراستك ودينك وسيبك من الكلام ده ومتستعجليش كل حاجة هتيجي بوقتها. وربنا يوفقك
ياعسل دا مش راجل البنت بتتشرف انها تحب راجل يصونها ويجمل صورتها ف عيون الناس مش يفتح الاسبيكر ويسمعهم صوتها ولا يوريهم رسايل شغل الاطفال دا … دى اصلا شوية عيال عندها نقص فكرو كدا انهم كبرو وبقو رجالة والبنات بتموت فيهم .. اصبرى انتى العمر لسة قدامك وابقى اختارى راجل صح
ربنا يتوب عليكي يا اختي
افتكري يوم الحساب وموقف يوم القيامة والجنة والنار..وشوفي هل تحبي تدخلي النار وتتعذبي بسببه…اتقي الله وخافي منه وابعدي فورا عنه لأنه بيتسلى…ومشاعرك صدقيني وهم من نسج الشيطان…وبعد كدا لما تفكري هتقولي ازاي كنت ساذجة كدا وتعرفي انك ولا كنتي بتحبي ولا بتاع
على فكرة طالما فتح الاسبيكر يبأى احتمال بيسمع حد تاني
وللعلم مفيش شاب يستحق الثقة المطلقة
ومفيش شياب يستاهل إنك تضيعي نفسك وتكلميه في التليفون من غير خطوبة رسمية..
قولي له أنا مش هكلمك غير لما نتخطب رسمي علشان ده حرام وهيظهر على حقيقته على طول لو رفض أو وافق..
اه نسيت حاجه
ودي ليكي انتى
مترخصيش مشاعرك وتديها بسهوله لاي حد
اللي عايزك هيوصلك مهما كان مش من تليفون الناس هتحب بعضها
يعني احترمي مشاعرك عشان غيرك يحترمها..
واتعودى دايما متطلعيش اللي جواكي لاي حد خصوصا لناس متستاهلش الاهتمام
وخلي كل حاجه فمحلها ..
انا حاسه بيكي هو اول حب بيبقى كده
اهتمام واتصالات ورسايل وكلام كتييير كل يوم
وبعدها شويه شويه تخف الاتصالات ويخف الاهتمام لما يطمن انك وقعتي خلاص
يبدا يدور على غيرك هما الفصيله دي كده بيحبوا البدايات وبيملوا بسرعه
في كلام ليكي مفهمتوش بس يمكن انتى متحمسه وانتى بتكتبي 🙂
بصي بقى انتى عايزه تتغيري انوي النيه وقوي عزيمتك واحنا معاكى اهو هنا
كل ماتعملى خطوه كويسه اكتبيها هنا وانا متابعاكى وكلنا حواليكي
مين عالم يمكن ربنا الهمك تكتبي هنا عشان يسخر ناس تساعدك
ركزي معايا انا هطول بس استحمليني
1 ) خفي اتصالاتك شويه شويه متبعتيش رسايل تانى دوسي على قلبك بجزمه قديمه ومتهينيش نفسك انتى اغلى من كده بكتير
2) لو بتاخدي مع صاحبتك دي دروس او كده شوفي فاي حته تانيه دروس ولو بتزوريها من باب الصداقه قاطعيها اصلا دي مش كويسه هي السبب هي اللي جرجرتك للطريق الزفت ده منها لله
3) قولي للواد ده انا حكيت لماما عنك وشوفي ايه اللي هيحصل .. معروف طبعا
4) انتى مقتنعه ولو واحد في الميه انه بيحبك ؟ بالله انتى شايفه سنك يسمح ؟
هو معاه شقه معاه مرتب ؟ هو عنده كام سنه طيب ؟ يقدر يتقدم ؟ لو راجل يعملها بس هو مش راجل
5) لما فتح الاسبيكر مشتمتيهوش ليه ده حيوان يابنتي فوقي لو منك كنت هقفل السكه فوشه
دي حركه مفضوحه اوى افهميها
6) لاااازم تتوبي انتى فتانيه ثانوي ركزي في المزاكره وبس عشان ربنا يبارك فروحك انتى شكلك كويسه ولسه جواكي كويسه ولو كنتى غير كده مكنتيش كتبتي حاجه بس شكلك مش مقتنعه بافعالك
7) انتى قلتي دخلتى ثانوي فني عشان عايزه تخففي على اهلك ..
حلو اوي يبقى انتى عامله حسابهم اهو .. عشان خاطري متخونيش ثقتهم فيكي .. استاهلي الثقه دي عشان لو اتكشفتي كل حاجه هتتقلب جحيم صدقيني جحيم بمعنى الكلمه والدنيا هتتقلب وانتى مش ناقصه اكيد اللي فيكي كافيكي
8) ياريت تمسحي النمره من عندك اتجهى لربك قوليله انا مش هكلمك عشان كده حرام انا غلطت وربنا غفور رحيم .. هيقولك انا سالت شيخ قالي مش حرام قوليله انت بتحبني ؟ هيقولك اكيد قوليله طب مش انت تحب انى اكون مرتاحه .. يبقى مش نتكلم تانى عشان ربنا يرضى عنى وعنك ويباركلنا .. وانت لما تتخرج تبقى تتقدملى .. هاتيها واحده واحده عشان مياذيكيش
ولو نيته طيبه فعلا هيبان من التصرف اللي بعد كده
وهتلاقي كلامي صعب عليكي تنفيذه وشوشو طبعا هيفضل يوسوسلك بس انتى اتمسكي بربنا وهو مش هيردك خايبه ابدا
والتنفيذ صعب لكن لما تشوفي النتايج هتحسي ان الموضوع كان يستاهل اللي عملتيه
وادعى الدعاء ده .. اللهم لا تعلق قلبي بمن ليس لي واجعل لي في من احب نصيبا
وافتكري ياقمر انتى لسه في الاول لمي الموضوع بدل مايسرح وهتضربي نفسك اقلام بعد كده لو الامور اتطورت .. والله بنصحك لوجه الله واتمنالك الخير ربنا معاكى
السلام عليكم انتى بتقولى انا كنت ماشيه بكتاب الله وحافظه القران طيب وكنتى ليه ودلوقتى خلاص يعنى الفرصه ضاعت يعنى كملى وارجعى لربناواستغفريه شكل الشخص اللى انتى بتحبيه ده مش كويس انتى بتقولى فتح الاسبيكر طب ليه علشان يسمع اصحابه مثلا صوتك ويكون معجب بنفسه نصيحتى ليكى ابعدى عنه لانه بجد هيسببلك مشاكل كتيره ممكن يكون بيسجلك على التليفون وسعتها هتبقى وقعتى فى مشكله ملهاش اخر لحد هينفعك وزملتك نفسها مش هتنفعك وهتفقدى حجات كتيره حلوه فيكى هتفقدى ثقتك فى نفسك زى ما انتى عماله تقولى يارتنى ما حبيت ولا عرفت الحب هتفقدى ثقه اهالك فيكى وهتنزلى من نظرهم فوقى لنفسك قبل ما تقولى يترتنى انت لسه فى ايدك الموضوع غيرى رقمك استعين بالله فى نساينه وربنا هيوفقك انتى عارفه الجوهره غاليه ليه لاننا بنشوفها ومنقدرش نمتلكها بسهوله سلام
بصى يا حبيبتى انتى لسه صغيرة اوى حاولى تبعدى عن بنت عمه دى وتنسى الشاب دا خالص لانه مش بيحبك والحمد لله انتى لسه ف الاول ومحصلش حاجة ومتتكلميش عنه او تجيبى سيرته لحد ولا حتى لصحبتك وانتبهى لدراستك وقربى اكتر من ربنا واشغلى وقتك بصدقات تانية غير البنت دى صدقينى اللى انتى بتتكلمى عنه دا مش حب حقيقى دا بيتسلى بيكى انا عارفة ان كلامى صعب بس انا اكبر منك وخايفة عليكى وخلى بالك من نفسك وصحبى مامتك وعرفيها كل حاجة عنك وابعدى التفكير ف الشاب دا عنك نهائيا عشان تفرحى بحياتك وتعيشى حياة سعيدة
اختي : الحب شئ جميل جدا ولكن كما يقولون ان كل وقت وله اذان … فأنا اعتقد بأنك مازلتي صغيره علي هذا الكلام .. وامامك المستقبل كبير .. فأهتمي بنفسك ودراستك وحاولي ان تكملي تعليمك جيدا وسوف تقابلين من هو اقدر بكي ومن يحافظ عليكي وعلي مشاعرك .. ربنا يوفقك
السلام عليكم
كتير بنات تصير معن هالمشاكل
وكوني اكيدة انو بس هلا لأنو شي جديد عليكي انت اهتميتي
سواء بالشخص او حتى بالمشكلة اللي صارت بعدين
انا رأيي انو تنسي كل شي و خصوصا اذا عارفة هالشغلة ما وراها ارتباط بالقريب العاجل
لأنك ساعتا هتغرقي اكتر
اهتمي بدراستك بالقرآن العبي رياضةاحضري دروس دين اخرجي مع صاحباتك في كتير شغلات حلوة لا تحرمي حالك منا عشان حب مش بوقتو