كنت بحب واحد وفضلت احبه سنتين وهو كان بيحبني اوي، واتقدملي وقرينا فاتحه وبعديها حصل مشاكل كتير او مقدرناش نحلها وسيبنا بعض، وعرفت بعد شهور انو خطب.
انا كنت عادي ومش معترضه بس بتعذب كل يوم من الوحدة وكان كل شويه يكلمني ويقولي انو بيحبني انا وحتى خطيبته من كتر مابيكلمها عني جت كلمتني وقالتلي انو كان بيحبك اوي.
وكل ماحد يدخل حياتي كنت بخاف منه اوي ودا كان بيخلي الموضوع يفشل.
وبعد سنه ونص من عذاب لقيت صاحبتي قالتلي ان حد شاف صورتي عندها واعجب بيا وعايز يتعرف عليا وانو داخل جد وادتني وقت افكر.
وخلال الوقت دا لقيت اللي كنت بحبه في الاول وقارين فاتحه بيكلمني وبيقولي انو ساب خطيبته قبل الفرح باسبوع ،وفضل يفكرني بايامنا مع بعض، بس مش مديني اي عقاد نافع انو عايزنا نرجع او لا مافتحش الموضوع دا خالص، وانا ضعفت بس مش مبينالو ومعرفاه ان عايشه حياتي عادي ومش فارق معايا حاجه.
بس انا مش متاكده ان اللي بيحصلي دا ضعف عشان بحبه ولا تعب عشان رجع وفكرني بذكريات انا نسيتها قلب عليا المواجع يعني، والنهارده نزلت قابلت الشاب التاني دا وارتحتله اوي وشايفه انو انسان كويس.
انا بين نارين ومش عارفه اعمل اي بقالي اسبوع مش بنام كويس ودماغي ع طول ف صداع قلولوي اعمل اي انا تعبانه اوووي
انا شايفة ان التانى اصدق و اوفى ، الاول ساب خطيبته و بعدين مدخلش الباب من بابه لم يحدثك عن الزواج فالبالتالى خدى اللى جاد و ناوى على الزواج مش اللى بيلعب ببنات الناس حتى لو انتى بتحبيه الاحترام اهم من الحب و الوفاء اصدق من الكلام الحلو.