احببت فتاة وجاهدت حتى تكون لي وتقدمت لها مرات عديدة لكن اهلها لم يقبلوا بي رغم اني لا عيب ظاهر في من حيث الشكل او الاخلاق او الحالة الاجتماعية او المادية وبعد معاناة كبيرة زوجوها لابن عمها ومرت سنين والان رجع الاتصال بيني وبينها ورغم تلك المدة لم ينسى احدنا الاخر وبقي حبنا يكبر ونحاول الان ان نستعيد ما فقدناه ونرتبط وبشكل رسمي لكن لانعرف كيف فحياتنا جحيم ولا تطاق وليس لها معنى ونحن مفترقان علما اني متزوج ولكن لا استطيع ان اخسرها مرة ثانية وهي كذلك .. ارشدوني للصواب واتمنى ان لا يكون الجواب هو اتجه لعائلتك ودع الماضي فلا استطيع ان افرط بها هي الشي الوحيد الذي اتمنى ان اعيش من اجله طوال حياتي ونحن حاليا على اتصال ونريد حلا يجعلنا سعداء .. شكرا جزيلا لكم مقدما .
الحب الاول
حبي الاول تزوجت مجبرة واريد استرجاعها
اضيف بتاريخ: Saturday, August 28th, 2010 في 01:47
كلمات مشاكل وحلول: الحب الاول, حب
انت لازم تنساها وتفكر بزوجتك واولادك لانه حرام تخبوا بيتين بيتك وبيتها وبصراحة كلامها معاك وهي متزوجة يعتبر خيانة كبيرة
طول ما انت قدامها حتي لو هي عايشة فالجنة هتتمرد عليها وانت كمان طول ما هى قدامك ومراتك ملاك برضة مش هتشوف غيرها سيبها لحياتها ولجوزها وبعدين انت فاكر انك تثق فيها وهي بتكلمك من ورا جوزها مش ممكن لو اتحقق اللي نفسكوا فية واتجوزتو وظهرت عيوبك ترجع تعرف هي قد اية ضيعت نعمة من بين ايديها وانت هى ازاي تثق فيك بعد ما قبلت تكلم واحدة متجوزة ومش ممكن انت بعد الجواز منها ترجع تكلم مراتك الاولي قولي ساعتها فين اثقة اللي هتبنوا عليها حياتكو لازم عشان تكمل حياة فيها حب لازم يبقي فيها ثقة ارجع لعقلك وحياتك واولادك وخليها ترجع لعقلها هتزعل هى منك شوية وانت قلبك هيوجعك شويتين بس صدقني كل دا هيروح لما تقع لا قدر الله في زنقة وتلاقي مراتك سانداك وساترة ضيقتك او لما تعييا وتلاقيها سهرانة جنبك وهي لما حد يضايقها وجوزها يقف زي الاسد في وشة او لما يحول يرضيها بكل الطرق او في اولادكو لما يطلعوا متربيين احسن تربية وبيقوللكوا جزاكم الله خيرا ويبروا بيكم ارجعوا لعقلكوا واسغفروا ربنا واعرفوا ان لو دا محصلش فكما تدين تدان ربنا يهديكوا
وانت متعرفش الخير فين ربنا سبحانه وتعالى اكيد بيوفقك للافضل وطلاما ربنا مخلهاش من نصيبك يبقا اكيد كان فى شر والخير اللى انت فيه دلوقتى الله اعلم لو كنت ارتبط كان حيحصل ايه وبص الحب اللى عندك دة من انها بعيدة ومقدرتش تاخدها صدقنى لو كانت معاك كنت ممكن تبقا بالنسبالك عادى الممنوع مرغوب
اسف جدا لكلامي هذا فأنت تقول انه لايوجد بك عيب ظاهر من حيث الاخلاق.. ما تفعله يا صديقي اكبر دليل ان بك عيب كبيييير من الناحيه الاخلاقيه و الدينيه فكيف تسمح لنفسك و كيف تسمح لك اخلاقك الحسنه كما تقول ان تكون علي اتصال بسيده متزوجه هل تريد خراب البيوت و ماذا تظن زوجها فاعل بكما ان عرف ما تفعلوه.. ماذا لو حدث هذا مع زوجتك؟ اتق الله يا محترم فكما تدين تدان — اعلم ان النصيب و الارزاق بيد الله -و لو كانت مكتوبالك كانت جاتلك من البدايهبسهوله و تزوجتها—وكيف اذا تزوجتها الان هل تظن ان تكون سعيد بها؟؟ لا اظن ذلك -لانك ستنظر لها انها خائنه لزوجها السابق و ستشك فيها باستمرار و ستقول ستكرر معي الموقف هذا يوما ما… استعيذ بالله من الشيطان الرجيم و أفعل ما يمليه عليه ضميرك..عن جابر بن عبدالله – رضي الله عنه – قال : قال رسول الله صلى الله عليه وسلم : ( إن إبليس يضع عرشه على الماء ثم يبعث سراياه ، فأدناهم منه منزلة أعظمهم فتنة ، يجيء أحدهم فيقول : فعلت كذا وكذا ، فيقول : ما صنعت شيئا ، ويجيء أحدهم فيقول : ما تركته حتى فرقت بينه وبين أهله ، فيدنيه منه ، ويقول : نعم أنت ) ( صحيح الجامع 1526 ) .
اولا طلاما اتجوزت وانت كمان يبقا خلاص لازم تنساها وتفكر فى حياتك وبيتك ومراتك لان مجرد الكلام معاها دى خيانه لمراتك وبردو هى نفس الموضوع ازى تبقا فى حضن راجل تانى وتفكر فيك وعايزة تسيبه ودة ابن عمها كمان يعنى مش حد غريب وانا بقولك ابعد من دلوقتى لان العلاقه بينكم ممكن تتطور للاسؤ وانت فاهمنى طبعا ثم حط نفسك مكان زوجها ترضا على مراتك انها تحب حد غيرك وتكلمه انتم بكدة بتظلمو الاتنين اللى معاكم واولادكم الكلام دة لو كانت هى مش متجوزه كنت اقولك فى امل للارتباط وانت عملت اللى عليك قبل كدة واتقدمت كذا مرة وربنا ماردش يبقا خلاص انسى وعيش حياتك وحاول تبعد عنها علشان ربنا يباركلك فى حياتك وزوجتك واولادك