انا بنت 18 سنه 3 الثانوية العامة قسم ادبي عندي مشكله ان اي حد بيقولي انه بيحبني بصدقه وبيطلع بيكذب عليا مع اني شكلا مش وحشه بالعكس
كمان دمي خفيف وبحب الهزار والناس كلها بتحبني اول مره كنت احب حد كان في اولي ثانوي كلمته بس حسيت بعد فتره انه مش بيحبني والتاني كان في بدايه 2 ثانوي حبيته اوي وطلع بيكلم واحده انا كنت اعرفها ولما سبته قررت اكلم صحبه عشان اغيظه بس صحبه ده بيقول انه بيحبني اوى ومش بيحاول يزعلني خالص ولحد دلوقتي معايا بس في واحد رابع علي طول بحس انه جمبي وكل شويه بيقولي انا مش زي اي حد انا بحبك بجد وانا للاسف دلوقتي بكلم 2 في وقت واحد ومش عارفه ابعد عن واحد فيهم ومش عارفه اعمل ايه تعبت نفسيا وعصبيا وعلي طول مخنوقه ساعات بحس ان اللي انا فيه ده لعب عيال بس انا مش عيله بالعكس انا دماغي كبيره نفسي في حل لمشكلتي دي
مشاكل حب المراهقة
نفسي اميز بين مين بيحبني او بيخدعني
اضيف بتاريخ: Wednesday, August 14th, 2013 في 03:15
كلمات مشاكل وحلول: الثانوية, الثانوية العامة, الحب, بنت, حب المراهقة
العيب فيك انت مش اعرف تختار
البنت سمعة حاولي تبعدي هتتعبي و في الاخر هترتاحي
انا راى حاولى تبعدى عن الاتنين وشوفى مين اكتر واحد هيسال عليكى اكتر ومثلا قولى لكل واحد ماما مثلا عاوزة تكلمك شوفى رد كل واحد فيهم وبجد هتعرفى مين بيحبك اكتر وشريك وخليكى معاه واتمنى ليكى التوفيق يا قمر
انا لا اريد ان اقول اي شئ انا اريد ان اقول فقط انني احب هارون اكثر من نفسي والله
خلي حبك لله ورسوله ولاهلك ولدراستك هم دول اللي يستاهلون الحب الصادق والحقيقي واياك والشباب ومجالستهم اوالتكلم معهم في غير امورالدراسة كي تحفظ شرفك وكرامتك وسمعةاهلك وماتجني عليهابتصرفات غيراخلاقيةفتندم طول عمرك وتخسري اعزماعندك من الشرف والكرامة وربي يسترعليك ويهديك
انت حاولي نتسين كل شيء وتوكلي على الله وخلي امور الدنيا التافهه وخلي حبك للنبي صلى الله عليه وسلم والله عز وجل واحمدي الله انت في نعمه وانت مو تعبانه ولاشيء روحي صلي ركعتين واقرءي شويه من القران الكريم
عمري 13 سنه صف اول متوسط الجنسيه سعوديه
انا بقى مش عارفة بحل ليكى ولا لنفسى بجد خليتينى اضحك ع حالى نا حبيت واحد بقالى اربع سنين وهو من النوع اللى ما بيتكلمش كلام رومانسى ولا حتى كلمة بحبك ولا اهتمام ولا سؤال خلانى كلمت واحد تانى بيسمعنى كلام الله اعلم بيحبنى ولا لا بس كل للى اعرفه انى محتاجله ليه ف الفترة دى انا نفسى احب واكلم شخص واحد مش احب واحد واكلم التانى انا بكدب ع نفسى حد يقولى اعمل ايه بالله عليكو انا تعبانة والله نفسيا وعصبيا وجسديا
النتى بتحبية اكثر والانتى حسة ان هو بيحبك اكتر هو الى يستحائق ويستحاء حبك
انتي على كدا حاتجربي كل الشباب اللي تعرفيهم وداغلط كبير في حقك وحق اهلك وكرامتك اتقي الله في روحك ماترخصيهاابداومش كل واحديسمعك كلمةحلوه انوخلاص بيحبك دول ذياب وشياطين عاوزين يتسلوا فيك احذري منهم وابعدي عنهم احسنلك وربي يهديك ويسترعليك
انافى 2كلية بحب واحد معاة اعدادى واهلة عارفين بعلاقتنا واخدنا فترة كبيرة مع بعض وامى عرفت بالعلاقة وعند ما هيجى يتقدم امى وابى مترددين ومقدمين ليا خيارين اما اخدة واسيب الكلية او ارفضة واكمل فى الكلية وانا مش عارفة اعمل اية لانى عايزة اكمل وفى نفس الوقت انا عايزة الشخص دا ولو جى انا خايفة يرفضوا
انافى نفس عمرك حبيت بس على الاخر بيقلى انسينى لما تحبى
متحبيش اوى علشان متتجرحيش اوى
بصي يا حبيبة قلبي انتي دلوقتي في سن اسمه سن مراهقة وانتي زي اي بنت نفسك تحبي وتتحبي طبيعي جدا بس انا مش عاوزاكي تستعجلي عشان متغلطيش حاولي يا حبيبتي تفكري في مستقبلك بكرة هييجي عليكي وقت تحبي بجد وهو كمان يحبك واهتكوني في كلية مثلا ليه بقي تستعجلي من دلوقتي؟ بكرة ربنا يبعتلك ابن الحلال اللي تحبيه ويحبك ويكون صادق __ بصي انتي عشان تبعدي اقعدي اقنعي نفسك ان بكرة احلي واقعدي قولي الكلية ومستقبلي وكدا اشغلي نفسك بأي حاجة وبعدين يا حبيبتي متنسيش ان اانتي لسة سنك صغير عيشي حياتك واتمتعي وافرحي بسنك ومتستعجليش علي اي حاجة في الدنيا ونصيبك هيصيبك وربنا معاكي يا حبيبتي يارب 🙂
حبيبتي , اولا انا عمري 20 ومريت بتجارب حب وطبعا بغلم اهلي وكنت واعية جدا
بقلك انا شو اعمل لاعرف اذا بحبني او لا؟
اولا ما تكوني سهلة , مش انتي سهلة عفوا, انا عم قول حاولي دائما تقلي من نفسك لتشوفي مثلا هيكللمك او لا وكيف ,,
2, داءما ما تبيني حبك كتيير , لان الشاب بس يحس ان البنت بتحبو كتير بيتطمن وبخفف اهتمام
بالنسبة انو 2 بوقت واحد هقولك ع طريقة ما تخسري ولا واحد وتكوني صح
اولا انت متلخبطة مشاعرك
قولي للاتنين انو مهلوني فترة انا مشوشة
الي بحبك هيزعل بس هيمهلك ويضل معك
ولما تاخدي قرار بترتاحي
بتحسي مين الي ما فيكي تعيشي بدونو
ياقمر البنت سمعة وماينفعش تكلم دة ودة انتى لسة فى سن مراهقة وبعدين بتقولى ان دماغك كبيرة ومش عيلة طاب ازاى واحدة بالموصفات دى تدخل فى اربع علاقات فى سنتين انتى لسة صغيرة وهتقابلى فعلا الا يستهلك انت الا فى دة اعجاب او ابهار بس مش اكتر وخلاصة الكلام حافظى على سمعتك عشان ممكن اووووووووى اما تمر الايام وتحبى شخص ويجى يتقدملك ممكن يكون صاحبة واحد من الا كنتى بتكلميهم وهيبقى شكلك وحش وهتندمى
أختى العزيزة……….
ستمر عليكي الايام حتما وستحكمين انتى على نفسك وستجدين الاسى والالم فى ذلك ولكن شر البلية مايضحك حتضحكى ايه رأيك بقا مما كنتى فيه………
بصي ياستى انتى دماغك كبيرة ماقولناش حاجة ربنا يحفظهالك ويباركلك فيها بس مهما كبرت صدقينى لها حدود بالنسية للعمر والسن فقد يرى بعض منا خطئه فى سن المراهقة ولا يستطيع تصحيحه أو حتى لا يستطيع الخروج منه لكن الايام كفيلة وحدها وبمرورها ان تريكى اشياء لم تكونى تتوقعيها..
عالعموم…….
أنا عايز أقولك كل ما مراتى بيه تجارب مفيدة جدا فى حياتك مش حنقولك غلطى مفيش حد بيتولد عارف وفاهم كل حاجة..
لكن الافضل والاحسن الا نجعل من انفسنا صيدة سهلة بالكلام المعسول
تقييم الانسان الذى امامنا من خلاله معاملاته واخلاقه
اذا ارتبطى بشخص فى يوم من الايام الا تفكرى بأى شخص غيره مهما كانت صفاته الا اذا كان انسان سئ وتريدين التحرر منه حتى لا تظلمينه
وشكرا
صدقيني انتي اللي هتتعبي في لااخر وهتنجرحي اوي وههتعبي في حياتك واخر التسالي دا وحش ممكن تخليكي مع واحد منهم بس بس الاتنين كده انتي بتتتسلي بيهم وبتلعبي طب افرضي لو هما الاتنين عرفوا اللي انتي بتتكلمي معاهم هما الاتنين في نفس الوقت هيقولو عليكي ايه فكري انتي بتعملي ايه بس ولو عايزه رايي مش تتعلقي بحد لمجرد انو بيحبك علشان في ناس كتييييير اوي بيقولو الكلمه دي بس بتبقي تسالي مش حب بجد
انتي مش بتحبي حد فيهم
اللى بيحبك هيخاف عليكي
يعنى سبتى واحد كنتى حاسه انه بيحبك بجد عشان كان بيكلم واحده انتى تعرفيها على الرغم انه ممكن يكون فيه حاجه خلته يكلمها وانتى مش فاهماها وروحتى كلمتى صاحبوه واخرتها بقيتى بتكلمى ارعه صدقينى انتى اما مريضه نفسيا اما عايزه الحرق
بصي يا حبيبة قلبي انتي دلوقتي في سن اسمه سن مراهقة وانتي زي اي بنت نفسك تحبي وتتحبي طبيعي جدا بس انا مش عاوزاكي تستعجلي عشان متغلطيش حاولي يا حبيبتي تفكري في مستقبلك بكرة هييجي عليكي وقت تحبي بجد وهو كمان يحبك واهتكوني في كلية مثلا ليه بقي تستعجلي من دلوقتي؟ بكرة ربنا يبعتلك ابن الحلال اللي تحبيه ويحبك ويكون صادق __ بصي انتي عشان تبعدي اقعدي اقنعي نفسك ان بكرة احلي واقعدي قولي الكلية ومستقبلي وكدا اشغلي نفسك بأي حاجة وبعدين يا حبيبتي متنسيش ان اانتي لسة سنك صغير عيشي حياتك واتمتعي وافرحي بسنك ومتستعجليش علي اي حاجة في الدنيا ونصيبك هيصيبك وربنا معاكي يا حبيبتي يارب 🙂
انك تعرفي كتير غلط كدا هتنزلي من نظر اللي حوليكي واللي كلمتيهم واصحابك وهيخافوا منك حبيتي واتخدعتي ملوش لزمه تحبي تاني ابعدي هتتعبي شويه بس هترتاحي
انا في نفس عمرك وعديت بكدا احسن حاجه تعمليها ومتبقيش غلطانه انك تستني علي اي غلط ليهم وتبعدي ولما تبعدي هتتعبي فتره وبعد كدا صدقيني هترتاحي وحاولي بعد كدا اللي يجي يقولك بحبك قوليله انا لسه بدري واتالي وابعدي اللي بيتسلي هيبعد واللي بيحبك هيدخل البيت من بابه حاولي تبعدي علشان لما تتجوزي جوزك ميزلكيش بيها انتي خايفه حد يزعل منك لا متخافيش محدش هيزعل انتي ابعدي علشان ترتاحي هتتعبي فتره بس هترتاحي انا كنت زيك ولما بعدت تعبت فتره بس دلوقتي مرتاحه لا عامله زي الحرميه من ورا اهلي واكلمه ويحصلي مشاكل ولا حاسه اني بعمل حاجه غلط ملخص الموضوع حاولي تبعدي هتتعبي و في الاخر هترتاحي