انا بنت ميسحيه عندى 19سنه و فى ولد مسلم بيحبنى اوى..انا عايزه اسيبه لان العلاقه دى مينفعش تستمر..انا مش عارف اسيبه عمالة كل حاجه ممكن تخالى يسبنى و يكرهنى بس هو برده بيحبنى..هو بيقول ان هو غير دينه بس انا خايف عليه..نفسى فى حل يخالنى اسيبه و هو موافق و حساس انه مش مجروح و ان انا الغلطانه مش هو و ان انا مستهلهوش عايز طريق اسيبه بيه بس يحس ان هو الكسبان ان هو سابنى حتى لو الطريق دى هتخالى يكرهنى المهم مصلحته و انى ميكونش لى اثر او ضرر فى حياته كبير
مشاكل حب المراهقة
مسيحية وبحب مسلم بس لازم اسيبه
اضيف بتاريخ: Friday, June 1st, 2012 في 11:54
كلمات مشاكل وحلول: حب المراهقة, مشاكل البنات, مشاكل الحب
واحد باع دينة مش هيبيعك يعنى
اذا كنتي تحبيه غيري دينك وكوني مسلمه واذا اردتي تركه فارتبطي بمسيحي مثلك ينسيك هذا الشخص
هدا الانسان يا اختي مرتد عن الاسلام ومفيهش الخير متنسايش احنا المسلمين مكنسمحوش فديننا بسهولة حيت الاسلام تاج فوق راس كل مسلم كيفما سمح فدينو غيسمح فيك حتى انت يعني هو شخص معندوش ضمير الله ايهديه اللهم امين واسمحيلي على لهجتي ادا ما كانت مفهومة
حولى تكرهيه فيكى باى طريقه ومتتصليش بيه ولو هوا اتصل مترديش عليه او كلميه باى طريقه تخليه يعرف ان انتى مش عايزاه فى اكتر من حل تخليه يبعد عنك ده لو انتى عايزاه كده البنات لما بتكون عايزاه حاجه مبتغلبش
العقيدة طالما اتغيرت يبقا اعرفي انه ممكن يسيبك في اي وقت ,, طالما ضحى بالعقيدة اعرفي انه ممكن يضحي بيكي عشان اي حاجة تانية ,, حاولي تبعدي عنه باي طريقة كانت ومش تديه فرصة يقرب منك ..
ممم مليهوش خير فى دينة هيبقالة خير فيكى ابتعدى عنة هياخد منك الى عاوزة وبعد كدة هيضربك بالجزمة
يا ustazi
كلامك صحيح .. بس اتوقع ان الدلائل من القرآن وغيرة اتوقع انها ما تفيد :””(
لان البنت ذي مسيحية .. بس اتمنى من كلامك إنه يحرك قلبها
والسلام عليكم
يا جماعة بالحب ما في دين
انا بقى العكس بحب واحدة مسيحية معايا فى الشغل بجد بحبها ومعجبين ببعض بس مش عارف اعمل اى انا فكرت اكتر من مرة وقلت نفسى بجد العلاقة دى كلها شبهات ولن يرضى عنها اى من الاطراف حتى ولو رضينا نحن الشباب فالعقول لا تتغير انا بنصحك بجد ابعدى عن اى علاقة تدمرك وتدمر حياتك لكن اقل شئ اتركية باحترام وبكل ثقة ولو بجد بيحبك هيفهم دا
بصى بصراحه ان من رأي اتمسكى بيه لو كنتى بتحبيه مفيش قوه ف الدنيا تمنع اتنين بيحبو بعض من انهم يكونو مع بعض حتى لو كانت الديانه وهو نفسو استغنى عن دينو علشانك ومش حرام ان مسيحيه تتجوز مسلم ع فكره انا مسلمه بس بحب برضه ومشكلتى اكبر من اى مشكه
ببساطة سواء هو مسلم او مسيحى طالما اتخلى عن دينه عشان خاطر اى حاجة يبقى هيتخلى عنك لاتفه الاسباب ولازم انتى تواجيه بكدا ومعتقدش ان العلاقة دى ممكن تكمل
ياجماعه حرام اللى انتو بيتقولو دا بتشتمو الولد والبنت بتقولولها تغير دينها هى اصلا بتقول انها عاوزة تسيبو انتو ليه ببتقولولها تغير دينها انتو ناسيين ان دينا مش اجبار ولا ايه هى اللى المفروض تعملو انها تقولو انهم مش هينفعو يكملو مع بعض لان العلاقه دى مرفوضه ف مجتمعنا وهو المفروض يبقى فاهم دا هى دى الطريقه الوحيده لكن لو هى عاوزة تغير دينها وبايرادتها يعنى مفيش اجبار يبقى عادى وكده هيقدرو يكملو مع بعض بس لازم تغيرها لدينها دا يكون على اقتناع
مع احترامى لدين المسيحيه بس الواضح كدا ان دا انسان مايعرفش حاجه عن الاسلام ولاتلاقيه عمره ركعها فى حياته انا مش مستوعبه ازاى فى انسان مسلم عاوز يتخلى عن دينه عشان واحده !يعنى هو بيحبها اكتر من ربنا عز وجل (استغفر الله العظيم )الاسلام برىءمن الناس اللى زيه انصحك انك تبعدى عنه لانه الانسان دا اتخلى عن اكبر نعمه انعمها الله علينا نحن المسلمين وهى (الاسلام) فمابالك بأه لو اتجوزتوا تفتكر ى انه مش هيتخلى عنك ؟! ربنا يهديكى ويهديه كلميه وقولى له قوم صلى لربنا عشان يغفر لك ويقرأ قران الكلام ده لو انتى بتحبيه بجد
حبيبتي اني لاني احبج واتمنالج الخير والبركة بحياتج لانج كاخت اليه
اني مسلمة المهم الان انج محتآرة تتركي او لا . . ؟ !
اني اقول لج الحل :
اتبعي الاتي اختبري حبه لج من خلال ان تجيبي ان بنت مسلمة !
وان تتصل عليه وتطلب التعارف منه لو وافق التعارف بهآ فهدا لا يحبك
ثآني خطوة اليتي المطلوبة قولي له تقدم لخطبتي لو وافق يعني تمام
لو ما وافق يعني هو يريد مسلمة وليس مسيحية
آكيد هو لا يريد جلب المشاكل لنفسه ولاهله بان يتزوجك فانتي مسيحية وهو مسلم!
الاختلاف كبير بلديانات والمذآهب الخ . .
لو تزوجك اول ايام طبيعي يكون طيب معاكيي ولكن تخيلي لما تكبري وتعجزي معاهه
هو اكيد رح يبتدي بتدين لانه هيصير كبير
لما يحط قرآن ايهه هيكون شعورك . . ؟
لو قلتي له اقفله مثلا او وطي صوتو شوي هيثولك طبعا انتي مسيحية ما تحبي الاسلام والقرآن
شفتي هدا اقل شي مكن يصير من حبكم وزواجكم
والحب لازم اخره زواج اذ كان صادق
اسئليه لو موافق يتزوجك ويعيش حياتنه معاكي
وبصي ل و تجوزتي
يريت ربنا يهديكي عارفة ان لاحلول صعبة لكن لو ودك جربيها مو ندمانة صدقيني
ده عيل تفه وميعرفش شي عن الدين في حد في الدنيا يخسر دينو عشان وحده طيب انتي وماشي تغيري دينك لاكن هولا طبعا وبعدين هو شكلو مش عارف اي حاجه في اي حاجه لو انتي بتحبيه حقيقي غيري انتي دينك وعلي فاكره مفيش احسن من دين محمد عليه افضل الصلاه والسلام وياريت تقوليلو يصلي ويقرب لي ربنا والليف يه الخير يقدمهولو وربنا مش هيرضه بكده ابدن
اللي يبيع دينه علشان واحدة أكيد هيبيع الانسانة دي قي يوم من الايام ولو عايزة تبقي مسلمة وتنقذي نفسك من النار دوري علي شاب يتقي الله يكون سبب في دخولك الجنة وسيبك من هذا الشاب الذي لا يصلح لأي شيء
ياحبيبتى انتى لازم تنسية وتقربى من ربنا وتقعدى مع اب اعترافك وتحكيلو وهو هايرشدك ياحبيبتى او ممكن تقعدى مع تاسونى وتقوليلها وهى هتحل المشكلة بتعتك بس ارجوكى يا حبيبتى اوعى تنسى تقعدى مع اب اعترافك او تاسونى علشان هما اكبر مننا وعندهم خبرة من فضليك قربى من ربنا ونسى الولد دة علشان مسببش ليكى مشاكل
فعلا!!!!!!!
اللهم يا مقلب القلوب والابصار ثبت قلبي على دينك.
الشخص ده مش عارف حاجة عن الاسلام و الاسلام بريء منه طول ما هو عايز يغير دينه عشانك … و عايزة قولك حاجة اذا هو غير دينه اللي هو المفروض اغلى حاجة عنده عشانك فدي مش تضحية ابدا … هيبقا سهل عليه اوي انه يبيعك او يغيرك بوحدة ثانية…
اختي اقبلي به وانشاء الله تهتدين على يده وتصبحين مسلمه واعلمي ان الاسلام نعمه عظيمه ..ولكن للاسف انتم لا تعرفون معنى الاسلام..فهو الدين الصحيح وحتى النبي عيسى “ع”قد وصى بأتباع النبي محمد “ص”ودينه الاسلام
علاقة فاشلة ومثيرة للفتنة والمشاكل الي كل واحد فيكم في غنى عنها واذا كان سهل علية انة يغير دينة عشانك فمتستغربيش اذا غيرك انت شخصيا بواحدة تانية
طبعا كلنا اخوه مسلمين ومسيحين وانا مسلمه الحمد لله ولازم كلنا نحترم جميع الديانات السماويه بس انتى لازم تسبيه من غير تفكير للن انتى متعرفيش هو لو غير ديانته هيبقى مرتد عن الدين وده عندنا فى الاسلام كبيره وربنا امرنا بمحاربه المرتدين عن الاسلام واكيد بردوا فى المسيحيه كده انا معرفش صراحه ايه النظام عندكوا اقطعى علاقتك بيه تماما وابعدى عنه لانك هتاذيه وهضريه هو واهله ده رايى
أنا شايفة أنك لازم تبعدى أنتوا مراهقين ومش مقدرين حجم المشكلة
لازم تبعدوا خالص وياريت بلاش موضوع تغيير الدين ده لأنه حرام ليكى أو ليه ونفاق كمان
وطلاما أنتى عايزة تضحى لازم تقوليه”بكرهك بجد” وحسسيه بكدة عشان مصلحتكوا
معلش كدة أفضل
يبدو أن هذا المسلم لا يفهم الاسلام.. فالمسلم له أن يتزوج المسيحية دون أن يغير دينه ودون أن تغير دينها، وللمرأة المسيحية في الإسلام أن تحتفظ بدينها وتمارس طقوس عباداتها وهي في بيت زوجها المسلم ، ولها أيضا حق زيارة الكنيسة وأداء كافة طقوس الكنيسة بحسب دينها، ولها أيضا أن تحتفل بأعيادها.. وعلى الزوج المسلم أن يحترم ذلك فلقد حفظ الإسلام للمرأة غير المسيحة من أهل الكتاب أن تحتفظ بمعتقداتها وتمارس طقوسها!
مع كامل إحترامي لقيدتك الدينية المسيحية بحب أقول أسألك : هل هذا ما يعلمكم دينكم تحطيم مشاعر شاب بطريقة غير مباشرة ألاتخجيل من نفسك حسبي الله ونعم الوكيل
وبخصوص تغيره لعقيدته الدينية فهذا الإنسان أصلا ما بعرف أي شئ عن الإسلام
أقول لك أنك تصارحيه بكل الحقيقة وتحاولي تفهميه عشان يفهم أن علاقته بك حرام و أصلا العلاقات الغير الشرعية حرام
أؤكد عليها صارحيه
وربنا يهديك للطريق الصحيح
الاحسن ليكى انك تقعدى معاة وتكلمية براحة وتقليلو ان علاقتكو مش هتنفع وانك خايفة علية وعلى مصلحتة بس بصراحة وضعك صعب جدا لازم توقفى العلاقة قبل ما تكبر تقليلو انك مسيحية ودينو غير دينك وانك يعنى تقليلو انك خايفة تجرحية وتحكيلو بكل صراحة يمكن يسيبك يا اما تكلمى شاب تانى وهو يشوفك معاة وانتى بتكلمية يمكن يسيبك
اختى العزيزة الاجابة صعبة حولى تتعقلى وهو ايضا مع انى مستغرب هل يوجد حب اسمى من حب الخالق من يفرط فى دينة و المولى عز وجل يفرط فى اى انسان فلا يوجد حب لمخلوق يعلو على حب الخالق عز وجل انا ارى الحل اما ان تتزوجوا على دنكم انتم ال2 كل واحد على دينة او خلية يكرهك باى طريقة حتى لا تتسببوا فى مشكلة فى وقط الوطن جريح لا يتحمل اى مشاكل تعصف بة الاختيار لكى دون ان تظلمى نفسك او تظلمية!
اختى ارجو منك الانصات الجيد الى نصيحتى اليكى:
ما تفعليه هو خطا كبير عليكى وعلى المجتمع باكمله من بدايه الامر كان عليكى انا تفكرى فى نتائج هذه العلاقه, ولكن لا مشكله اسمحى لى ان نفكر فى نتاتج هذه العلاقه معا.
هذه العلاقه لها احتمالين فى وجهة نظرى:
الاحتمال الاول: انه يكون فعلا بيحبك بناءا على تحليلك وفى هذه الحاله لابد ان يترك احدا منكم دينه اما:
1)ان تتركى انتى المسيحيه وتشهرى اسلامك (ولن اقول لكى تتركى مسيحك الذى أحبك حتى بذل ابنه الوحيد لكى لاتهلكى بل تكون لكى الحياة الابدية لن اقول لكى هذا لان السيد المسيح قال “اذا احب احدا منكم اب او اما او اخا او اختا او زوجا او زوجه او ابنا او ابنه اكثر منى فلا يستحقنى” اذا فانتى لو فعلتى هذا لا تستحقى المسيح ولا تستحقى الحياة الابدية) ولكن بكل تاكيد سوف تتركى والديكى واخواتك وكل عائلتك وفى هذه الحاله لن يكون لكى سندا فى الدنيا لن يكون لكى ابا تلجى اليه عندما يحدث بينك وبين زوجك اى خلاف لن يكون لكى ام ترتمى فى حضنها وتاخذى من حنانها وتستمعى الى نصيحتها لن يكون لكى اختا تشكى لها همك ولن يكون لكى اخا يسندكى بعد والدك يحن عليكى ويهذب اولادك ويحميكى ويحمى كرامتك من زوجك او غيره هل انتى مستعده لترك هولاء جميعا؟؟؟؟؟؟؟؟
2) ان يترك هو دينه ويدخل فى المسيحيه لانه بيحبك ومع العلم ان المسيحيه لم ولن تقبل باى انسان يعتنق المسيحيه لمجرد انه بحب وحده مسيحية وعايز يتجوزها, الكنيسه لم تقبل بهذا ابدا واذا كان يريد ان يدخل المسيحية عن اقتناع فاسالك كام سؤال هل هو يعرف السيد المسيح ؟ وهل يقبله مخلصا له؟؟ والاجابه لا انه يعرفك انتى ويريدك انتى ولا يريد السيد المسيح.
واذا اوهمك انه يعرف المسيح ويقبله مخلصا يكون انسان كذاب لانه لو كان يعرف السيد المسيح ويقبله مخلصا له ما كان انتظر حتى قابلكى واحبك بل كان اعتنق المسيحية من قبل رؤيتك.
اما الاحتمال الثانى فى وجهة نظرى: هو انه لا يحبك وان مشاعرك مضحوك عليها فى هذه الحاله سوف يستمر معك حتى ياخذ منكى ما يريد وبعد ذلك يرميكى هل تخيلتى نفسك من قبل انك فى هذا الموقف, احساس بالندم والحسرة لا تستطيعى الزواج بعد ذلك ولان تجدى عائله تحن عليكى تكونى منعزله فى المجتمع ومنبوذه بين العائلة موقف صعب عليكى ان تتخيليه.
هذان هما الاحتمالين لهذه العلاقة ولن تجدى ثالثا لهما.
فقولى لى يا سيدتى هل هذه علاقة مناسبه؟؟؟ هل تتخيلى نفسك فى احتمال من الاحتمالين؟؟؟؟؟؟
ان تتركى دينك او تتركى اهلك او ان تكونى مضحوك عليها ياخذ منكى ما يريد وبعد ذلك يتركك.
ولماذا تقللين من شانك وتقولى انك لا تستاهليه وهو ربما يكون مخادع؟؟؟؟؟؟؟؟؟!!!!!!!!!!
واذا كنتى حقا تريدى ان تتركيه فلماذا هذه الرومانسيه والحنيه التى لا تنفع فى هذه القرارات المصيرية التى تتحكم فى مصير حياتك باكملها اذا كنتى حقا تريدى ان تتركيه فعليكى بالقرارات الحاسمة القوية لانك بطريقتك هذه فانتى تعشقيه ولا تريدى ان تبعدى عنه.
واخيرا يا اختى العزيزة اريد ان اقول لكى انك بتلعبى بالنار وان لم تفكرى بجدية فى هذاالامر وتاخذى القرار الصحيح فان هذه النار سوف تدمرك فى الدنيا الى مش هتعيشى فيها سعيدة ابدااااااااا وهتدمرك فى الاخرة لانك تبيعى حياتك الابدية مقابل لاحظات فى الدنيا واقسم لكى انها لاحظات بمجرد ما ياخذ ما يريده منكى سوف تعيشى فى جحيم فى الدنيا وفى الاخره حتى لو تزوجتى منه لن تكونى سعيده ايضا, تذكرى كلامى جيدا والايام سوف تثبته لكى.
اعتذر على الاطالة وارجو منكى الرد والتعليق على رايى فى اقرب فرصة ربنا معاكى ويرشدك للصواب.
بسم الله الرحمن الرحيم :
* الحمد لله .ربنا يهدينا جميعا .
* والله أعلم ***
من الآخر..علاقة مكتوب عليها الفشل وتحمل فى جوفها بذرة الفشل …انسى الموضوع
يسم الله الرحمن الرحيم :
* يجوز زواج الرجل المسلم من المرأة الكتابية ( اليهودية أو النصرانية ) ، إذا كانت محصنة ،شريفة ، عفيفة .
* لو بدَّل دينه لأجلك ، فاتركيه : فإن من يترك الدنيا و الآخرة و الحقَ المبين ، يترك مَن دُونهما ؛ امرأة أو ابنا أو شرفا أو عفة .
* غيِّري أرقام هواتفك ، و صديه عنك صدودا . و أعلميه أنك ستتزوجين من رجل على دينك ، يرضاه أهلُك .
* مَن هانت عليه ديانتُه ( الإسلام ) ، هانت عليه حبيبته .
* “وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا (27) يَا وَيْلَتَى لَيْتَنِي لَمْ أَتَّخِذْ فُلَانًا خَلِيلًا (28) لَقَدْ أَضَلَّنِي عَنِ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلْإِنْسَانِ خَذُولًا ” .
* اللهم اهدنا الصراط المستقيم .
*** و الله أعلم ***