انا حاسه اني مدايقة من نفسي اوي انا لنت عندي 14 سنه انا عرفة اني صغيرة وبردو عرفة انكم هتقولولي اني مراهقة وانا معترفة بس ايه الحل في كلمة مراهقة انا عيزة حل ومشكلتي هي اني كنت بحب ولد معاية في الدرس وبعد كده مشي وبقي في مجموعة غير بتعتي اصل باخد مع مدرسة في بيتها وهي عمله ان الطلاب بيجو ورا بعض فهو كان في المجموعة اللي وراية وكنت بشوفه وببقي عيزه اكلمو وطبعا مش بكلمو عشان اهلي مربيني وبعد كده في يوم وانا نزله من عند بيت الميس لقيته واقف مع اصحابه وانا واصحابي روحنا نشتري حاجة من المحل اللي جنبهم وبعد كده راحلي المحل وقالي انا عيز اقولك حاجة قولتلو نعم قالي انا بحبك رحت قولتو اعملك ايه يعني قالي يعني ايه انا بقولك انا احبك رحت قولتلو طيب ماشي ومشيت انا واصحابي رغم اني كان نفسي اقولو وانا وكمان بس مش عرفة انا قولتلو كده ليه المهم بعد كده سمعت صحبو وهو بيقول لهم انا بحب البنت دي وشاور عليه وبعد كده حصلت مشكله مابنهم واتخنقو امام بيت الميس واعدو يقلو لبعض ملكش دعوة بيها والحصة اللي جت بعد الخناقة رحت لقيت صاحبه اللي سمعتو بيقول انو بيحبني قالي في وشي انا بحبك مرددش عليه وميت وسيبته والحصة اللي بعدها واحد تاني بردو بياخد معانة بس ده مكنش في الخناقة وميعرفش حاجة قالي انا بحبك رحت صرخت في وجهه وقلت ارحموني بقا كل شوية حد يقولي بحبك ومشيت ففي اليوم اللي قبل الامتحان راح صاحب الولد اللي شاور عليه اداني هديه وقالي دي من صحبي ولازم تخديها عشان لو مختيهاش مش هيعرف يحل رحت ختها ولقيت ان الولد الي بيحبني سمع وشافني وانا باخد الهدية وبصلي باستحقار وقلي اشمعنه هو احسن مني في ايه ومشي وسبني وانا بجد زعلانة ومش عرفة اعمل ايه ارجوكو قولولي علي حل يفهم حبيبي اني بحبو هو بس
مشاكل حب المراهقة
مش عارفة اعمل ايه؟
اضيف بتاريخ: Wednesday, February 23rd, 2011 في 08:00
كلمات مشاكل وحلول: بنت, حب, حب المراهقة, صغيرة, مراهقة, مشاكل البنات, مشاكل الحب, مشاكل المراهقة
يا حبيبتى انتى لسه مراهقه لسه ايامك جايه
الواضح انك بنت حلوة وزي القمر والعيال كلهم معجبين بك وكل واحدفيهم يقول لك اانه يحبك وجنابك فرحانة بكلهذا خلاص عاجبك الوضع والمسخرة دي لوكنت فعلا بنت محترمة ومتربية ماتوقفيش في الشارع وتعبيرهم خالص ولا تسمح لواحد من الزبالة دول يقول لك الكلام ده البنت المحترمة تاخذ الجزمة وتضربه على دماغه اوتصفعه بالالم على وشه دي اقل حاجة تعمليها لوكنت فعلا حريصة على اخلاقك وشرفك وسمعة اهلك وكرامتهم عايزك تبطل الاختلاط مع الشباب وتبعدي عنهم خالص وتهتم بدراستك ومستقبلك وربنا يصلحك ويهديك ويسترعليك
انتي بتوت لسه صفيره شوفي نستقبلك احسن عالشن الولد ديما فضين وبيدور علي حاجه تشغلاهم هو بيحب يلعابو كتير الاول انتبهى لمستقبلك الان واتركى حركات المراهقة دى لانك صغيرة على ان تفكرى فى هذة الامور وهذا ليس حب ولكنه اعجاب مش اكثر هو واضح انك بتحبى الولد رقم 1 (اسمحلى ارقهم علشان تهت عقبال مافهمت) وبعدين لما قال لاصحابه انه بيحبك حصلت خناقة واتنين جاءوا اليك وقالوا احنا بنحبك(انا فهمت الترتيب كده ولا ايه)والهديه اللى اخدتيها كانت من اللى انت بتحبيه..اممم
يعنى حتى لو قلتى للولد اللى قالك بحبك انك بتحبيه ده ممكن اصحابه يقتلوه وكل ده فى صراع من اجل الحصول على قلب حضرتك.
بس انا حاسس ان العملية فيها هوجة كبيرة اوى وانصحك متبادليش اى حد منهم شعور صادق لان شكلهم بيتسلوا عليكى او كانهم فى مسابقة للحصول على قلبك اولا,نصيحة منى لا تحبى احدا منهم ولا تبادلى احدهم شعور حب صادق …ليه ؟؟؟
لان ممكن الكلام اللى قلته بخصوص التسلية يكون صح وكمان لانك لسه صغيرة (وديه ميزة)ومعنى كده ان الحياة لسه قدامك وهتشوفى ايام احلى من ايام الدراسة والدروس الخصوصية كتير وده ان شاء الله فى الكلية لما تكبرى ان شاء الله وتخشى كلية محترمة
فبلاش تكسرى قلبك بنفسك وتحبى حد منهم وتسلميله قلبك بسهولة وبعدين ممكن ميكملش معاك,
وبلاش تتسرعى فى الحصول على قصة حب فى هذة السن المبكرة وانتظرى قليلا
حلو الكلام ده ولا ايه……خليك تقيلة معاهم وطنشى ليهم كلهم….واتمنى انى اكون افدتك
انا شفت المشكله متاخر لكن يا حببتى اذان انتى هتحبى وانتى عندك 14 سنه امال لما يكون عندك 19 او20 هتعملى ايه كله اعجاب رجعى الهديه وملكيش دعوه بحد وانصحك نصيحه بدل ما تنشرى مشكلتك وتنطزرى رد احكي لى مامتك وهى تحلها خلى امك صديكتك لانك فى السن ده ممكن تحلى المشكله خطا فاامك افضل
احذري من الكلاب دول ممكن يشوهواسمعتك ويخلوك مسخرةلكل من في الجامعة ولاتستاهلي في الكلام معهم خليك بنت محترمةومودبة ماتحكي معهم ابدا ولاتاخدي منهم اي شي وصدقيني لوشافوك مش معبرتهم ولامهتمة في مايقولوا بيسبوك لحال سبيلك وربي يكفيك شرهم ويسترعليك
السلام عليكم
خليكي مع ربنا لانه مالك أمرنا
وانتي لسه صغيره اكيد الكلمه دي اتقالتلك كتيييييييييير بس فعلا انتي لسه صغنونه اووووووي والحاجات اللي بتفكروا فيها دي لسه بدري عليها انا اكبر منك في ثانوي ولازم متعتبريش من دلوقتي ان يكون حلمك هو الرجل لالالالالالالالالا انتي لازم يكون ليكي احلام واهداف وتهتمي بدراستك وقربك من ربنا وكبري دماغك من الولاد دي لانهم مش ………….
كل اللي تعملوه داكلهاحركات مراهقين وكلو كدب واوهام اوعك تصدقيهابص لمذاكرتك ومستقبلك اهم من الخرابيط ولعب العيال وجنون المراهقةوربي يهديك
انا من رايي انك تروحي للشاب اللي انتي بتحبيه فعلا و تتاسفيله و هو اكيد حيسامحك علشان اللي بيحب بيسامح و بعد كدة قوليلو انك فعلا بتحبيه و بكل جرئة تروحي للولد اللي انتي مش بتحبيه و تقوليله على الحقيقة انك مش بتحبيه و تتاسفيلو علشان ما تكسريش قلبو بس و على فكرة انا حصلي كدة قبل كدة بس كانو مع اربعة و رغم كدة عرفت اصلح المشكلة مع اني اصغر منك بكتير انا عندي 12 سنة
الاول تتركى لنفسك فرصة تفكرى فيها اية اللى انتى عايزاة الحب ولا المستقبل الجرى ورا العوطف الخداشة ولا المستقبل الباهر انتى عندك 14 سنة ياعنى لسة صغيرة سيبك لا حب بلا كلام عواطف اهتمى بنفسك ةسيبك بالباقى وفية بنات كتير استحملوا وخبوا حبهم علشان مسقبلهم المهم تفكرى فى الحاجة اللة فيها مصلحتك اية للى هايفيدك اذاكان فى الموضوع دى خدى المحب للناس وللصحاب وفكرى مليا انك تحت حسار القلب الملهف على اعشق
واخير بس اوعى تعملى الحاجة دى اللى الكل بيقع فيها وهو مش دارى (وتنسى نفسك وكانك لم تكن )
يا صديقتي انا عمري 13 سنة يعني انت اكبر مني بسنة ,,, و الحل اللي هو احسن انك تتركي قلبك يختار يعني المفروض انه تكوني مع اللي انت حبيتيه ما هو كمان حبك و اول واحد قلك انو بيحبك و يمكن هو ارسل صحابه دول على شان يختبرك هو اذا كنت بتحبيه ولا .. عملت غلط لانك مسكتي الهدية كان من المفروض انك قلتي للي عطاك الهدية انا بنت ما يتلعبش عليها عشان تخلي ثقة حبيبك فيك كبير و يا ريت تصلحي خطأك دك قبل ما يوقع مشكل و لازم ماماك تعرف بالموضوع اسأليها بالاول يمكن متوافقش هيا على الشغلانة دي خالص
علىفكرة انا اصغر منكب3سنين بس الموقف دة حصل معايا كتير من الولاد اللى فسنى بس الحب مش عيب ولاحرام بسخدى بالك ان الولد اللى فسن دة مبيؤش فاهمين يعنى اه حب بجد عكس البنات عندها مشاعر
من الاخر شكلك بنت قمر والشباب كلهم هيموتوا عليكي ههههههههههههههههههه
بصي يا اختي لازم البنت تكون عندها حزم وصرامه مع الشباب وربنا اللي قال كدا (فلاتخضعن بالقول فيطمع الذي في قلبه مرض يعني لما تكلمي شاب كلميه بجزم ومع اخترام برده وشكرااااا
حبى واناكمان هحب علشان الحب دة اجمل حاجة فى الحياة
مع اطيب التمنيات الـى الجميع ارد منك ان تكونى بنوتة مستقلة فـى بدايه سنك ده ان تكونـى شجاعة مثل الجندى عنده مهمه حاسمة لابد من اختيار شخصا واحد هو انتـى ايتها الجنديه الجميله طبعا بس احنا بنات مثل بعض هذة شعور لا تقدر بشئ لان ليس حب بل مهمه واجبه على سنك حاليا انتى مثل مافهمت انتى معجبه بزميلك اعتقد انه من الضرورى تصرحى مامتك على الاقل هذا واجب مامتك صديقتك واقرب من اى شخص اخر تسمحى انى اقولك انتى غير قابله للمسؤليه دائمااا خائفه مامتك هى الامان والحنان واثمن الاشياء ارجعى الـى مامتك وافهمـى من طلب المساعده اليهـا وصدقينى سوف تشعـر بيكى استسمحكم عذرا واى خدمه
يا حبتي انتي يا بتعت الهديه بص انا ادك والله وبيحصلي الي بيحصلك بس اوعي تروحي تقوليلوا انا بحبك لان ممكن الولاد يكون بيتسل وبعدين انتي متربيه ومحترمه وبنت ناس يعني ماينفعش تعمالي كده انا برده بحش نفس الاحساس الي انتي بتحسي بس اعمل اي وانتي غلطانه انك اخدتي منه الهديا ما كنتي تمشي وتسيبه
ياجماعة السن مالهوش علاقة بالنضح اى نعم فى فترة المراهقة بنبقى متطربين عاطفيا بس دة مش شرط ان الحب مايكونش حقيقى او الشخص اللى فيه اهبل وم ش فاهم حاجة !!
بصى اولا انتى طبيعى جدا انك تحبى بس زى ماقالت رودى والل عجبنى ردها اوى خليه بينك وبين نفسك وهو ممكن يبان من غير ماتعملى اى حاجة بس كدة هتعلى فى نظر الكل ومتستمحيش لاى حد انو ياذيكى بكلمة لان اغلبهم بقى دة الهدف الاساسى ( مش بعممم )) عشان مايزعلوش ههههه
حبيبة قلبي أنا عارفة احساسك وشعورك من نحيته,,وعارفة قلبك بيدق ازاي أول مابتشوفية كل ده كلما مرينا بيه الحب مش عيب ولا حرام,,حبي مافيهاش حاجة بس خلي الحب ده بينك و بين نفسك,تخيلي ,شكلي أحلامك بنفسك,,لكن أوعي تعترفي للبتحبيه بحبك خليكي عاقلة,عيشي سنك هزري وأضحكي,وألعبي,وماتسبيش لحظة حلوة في حياتك تعدي كده,,بس نصيحة سبيه للآخر وطولي بالك عليه لو بيحبك هيجيلك…بس…رجعي الهدية لصاحبة أو أرميها قدامهم كلهم في الزبالة وأسمعي كلام البنت أللي في ثانوي,عاقلة ومرت بكل أللي مريتي بيه,,وعايزة أقولك أنتي لسة معشتيش الحب الحقيقي أنا كنت زيك وكل سنة وسعات ترم كمان كنت بحب واحد شكل وأكتشفت في ألأخر ان ده كان مجرد اعجاب وكنت بمووت من الضحك كل ما أفتكر كل ده,لكن ماعشتش الحب الحقيقي الا في أولى ثانوي أللي عدتها,,لأني حسيت بالفرق لحد انهارده بفتكرة بكلمة حتى بعد ما أتجوز بس مافيش بينا حاجة مشكلتنا بس ان كل واحد فينا مش قادر ينسى التاني ده بعد مرور 4 سنسين..بكرة أنتي كمان تحسي بالفرق ده ولما تفتكري أللي كنتي فيه هتقولي أيه التفاهه أللي كنت فيها دي..أتمنالك كل الخير والسعادة والحب
بسى ياروح قلبى انتى غلطى اة لكن الى بيحب لازم يسامح وهو لو بيحبك بصحيح لازم يسامحك ويفضل يحبك وعلى فكرة انتى فكرتينى بقصة حبى مع ابن الجيران بحبة حب مقدرش اوصفة ومش عارفة هو بيحبنى ولا لا لكن بحس انة بيحبنى من خلال نظاراتة لية ولان البلكونة فى وش البلكونة لم بيوقف وانا بكون واقفة بيشغل لية اغانى رومانسية هل هو بيحبنى ام لا ارجوكم ردوا عليا
المفروض مكنتيش ختي الهديه علشان متقليش من نظر الي بتحبيه والمفروض الي بتحبيه لمل جه يصارحك كنتي قو لتيلو هفكر علشان ده الي انتي بتحبي انتي ضيعتي فرصه كبيره من ايدك انا عندي 14 سنه وبحب ولد جارنا وهو بيحبني بس مش عارف يقولي علشان كده حاسه بيكي
بوصوا يا جماعه اللي بيقول انها لسه صغيره فا هيا موش صغيره ولازم تعرف كده والحب مش بالسن
يا بنتي انتي لسه صغيره جدا علي الحب وكل ده مجرد اعجاب مش حب بس ده كله لعب عيال وحلك من كل ده وابعدي عنه ولو بيحبك يبقي يحبك جواه وانت يا تحبيه جواكي يا بلاش خالص وبعدين الحب الحقيقي لما تكبري
انا عايزة اقولك انتى بتحبى بس انتى اتفجاتى وهو كمان بيحبك واسمحيلى اقولك ملكيش دعوه بالاولاد التانين لان البنت مالهاش الاسمعتها
] دة هبل اسمحيلى يعنى انا عرفة انك هتضيقى من كلمى بس انتى المفروض انك متسمحيش لحد انوا يكلمك وا والمفروض لما الاولنى الى انتى بتحبية وقفك كنتى مشيتى وسبتى ومتتكلميش مع حد وتخلى حبك جوه قلبك ا اشئلينى انا لان اساسا لما تكبرى وتفتكرى الحاجات دى هتموتى على نفسك من الضحك صدقينى
ملكيش دعوه بل انتى مش بتحبيهم المهم الى انتى بتحبيه وبس واعترفى له بحبك وعيشى سنك انا عندى 14 سنه زيك
اسمعى كلامى الولاد مالهومش امان انا ذيك فى السن وبحس دايما ان فى زمايل ليا ولاد بيحبونى بس انا عمرى ما اتاثرت بكل الهبل ده فى بنات اصحابى بيقولوا عنى انى معقدة ومغرورة وشايفة نفسى بس انابصى خديها منى نصيحة انا ذيك فى السن ابعدى عنه بسرعة قبل ما تحبيه واذا شوفتيه بعد كدة بصى من فوق لتحت وخاليكى واثقة من نفسك وانتبهى لمذاكرتك وماتسبايش الاحداث وان شاء الله لما تكبرى هيبقالك عريس حلو اوى واسمعى كلامى ابعدى عن الرجالة دول مالهومش امان ربنا يكفينا شرهم
سيبك من الكلام الفارغ ده وكويس انك قولتى كده بس لازم لازم تتنقلى مجموعه بحيث انك متشوفيش اى حد من العيال دى عشان مفيش حد يتعرضلك منهم تانى بكلمه
صدقينى يا حبيبتى كل ده هتضحكى على نفسك فى الاخر لما تكبرى هتعرفى الحب بجد وهتتمنى انك مكنتيش كلمتى اى حد قدام نفسك بس انتى فكرى وخلى فيكى البراءه لحد ما تكبرى وحبيه وكل حاجه بس بلاش كلام ولا علاقه ولا اى حاجه من دى حبيه بينك وبين نفسك لان ده لازم لازم يحصل لاى حد
اللى عملتية هو الصح المفروض تقولى لللى بتحبية الحقيقة و المفروض يصدقك لو بيحبك لان انا زيك بالضبط لو بحب حد و هو قالى بحبك بقول انا مش بحبك و انا عندى 14 سنة
لازم تكونى جريئة ومش اى حد يقولك انا بحبك تصدقية كلهم كدابين اسئلينى انا جربت قبل كدة دا كلة كلام اوهام ومش هو دة اللى هتكملى معاة حياتك ولو حبيتى بعد كدة لازم تحبى واحد يكون بيحبك وبيخاف عليكى قبل ما تظهرى مشاعرك لية
فى شقين لمشكلتك الشق الاول المراهقة : المشكلة الحقيقية ان الانسان لما يكون لسه موصلش للنضوج بيبقى شايف انسان يعتقد اانه بيحبه فللاسف هو معرفش يفرج بين الاعجاب والحب ممكن يكون حابب يحس الاحساس ده او شاف حد حنين عليه فاعتقد انه بيحبة . لكن الحب ملوش دعوة بالسن
الحاجة التانية : الانسان الى بتحبيه زعل منك وانتى عايزة تصلحية ممكن فى الدرس الجي تجيبي وردة وتقديميها له وتقوليلوا اني انك اتكسفتي ترجعى الهدية للولد التاني وده حل مش هيخليكي تتحرجي وهيخليه يفهم وميزعلش
نصيحة حاولى تقطعى الطريق عن اي حد تاني وتبقى فى حالك
يابنتي خليك في حالك هذا الحب كلام فاضي في هذا السن خليك انسان محترمه لا تخلين الشاب يضحك عليك بكلمتين بعدين كلمه ورا كلمه في الكلام المعسول حتى يسحبك الى مهو في بالك وياخذ منك اقلا شي عندك خليك بنت محترمه من بيتك الى مدرستك وخلي عينك في الارض والله يستر عليك وعلا ينات المسلمين
فعلا لسة صغيرة يعني انتي مخطرش في بالك يكون الهديه دي من الولد اللي شاور عليكي ما علينا
اما بالنسه للولد الول هو بيحبك دلوقتي معرفش بعد ما يكبر هايفضل يحبك ولا هايعمل زينا
بالنسبه للتاني طبعا ده مستبعد تماما انه يكون بيحبك بعد الحركة الزبالة دي
وشدي حيلك في دراستك وسيبي الامور دي لبعدين
اولا ده مش حب ده رهان عليكى بينهم ومحدش فيهم بيحبك كله عايز يكلمك عشان يكسب الرهان من اصحابه اما اللى انتى بتحبيه ميستهلش انك تحبيه لانه مش بيحبك وده واضح اووى من اللى انتى بتحكيه وانتى كمان مش بتحبيه والدليل انك ختى الهديه منه انتى عايشه فى وهم وهما بيترهنوا عليكى
بصى انا ف ثانوية عامه ومريت عليا الحاجات دى كتير ولسه برده بتمر عليا مش هقلك غير انهم شوية عيال وبيحسوا باحساسيس اى حد بيحس بيها ف الوقت واكيد انتى هتسمعى انه ده حب مراهقه وانا كانت بتيجيلى هدايا كتير جدا بس عمرى ما قبلتها وكان ف حد برده كنت بحبه وهو برده كبرت جدا ف نظره من يوم ما مرضتش اخد هدايا من حد ابدا وعايزاكى مش تكلمى اى ولد خالص خالص بجد وعايزاكى تبقى عاقله اوى قدام الا بتحبيه ولو حد جه كلمك تانى قليله لو ده حصل تانى ووقفتنى كده بجد مش هيحصل كويس عايزايهم يشوفوكى بمية راجل بجد ده هيخليكى تكبرى ف نظر الا بتحبيه جدا وعايزاكى مش تقبل اى هدايا حتى لو من الا بتحبيه لان ده هيحصل كتير بالنسبه لان انت ازاى تعرفيه ان انت بتحبيه طبعا لانى مش شفته بس هقلك حاولى تبينله بس مش معنى كده ان انتى تبصيله وتضحكى ولا الحركات دى لاء يعنى باحترام وكده وحاولى تبينى ان انتى بتخافى عليه بس اهم حاجة مش تكلمى ولاد وياريت لو لسه معاكى الهديه ترجعيها للى خدتيه وحاولى تحافظى ع تربيه اهلك ليكى يا حبى لان بكره تعرفى ان البنت ملهاش الا سمعتها وزى ما بقلك انا مش كبيره اوى ومريت بالحاجات ولسه كمان بس يوم ورا يوم بكبر ف نظر حبيبى باحترامى وكده يعنى هو اكيد هيحس بس نصيحه صغيره اوى بعد كده هو هيحب تانى مش هقلك ابعدى عنه لانك مش هتعرفى ده ف الفتره دى بس لو هو راجل وبيحبك بجد وانتى كمان بتحبيه هتفضلوا مع بعض اوك
(السلام عليكم ورحمة الله وبركاته)
يابنتى انتى لسه صغيره جدا على الكلام ده ده مجرد حب مراهقه موش اكتر انتى لما تدخلى الجامعه
المشاعر اللى جواكى دى هتتغير وبعدين ازاى انتى تقبلى هديه من حد سيبك من الكلام ده وركزى فى دراستك احسن
ما تدى انتى الدرس بدل الميس بتاعتكو دى وخلااااص
بصى اقوللك حاجة
مش هقوللك انتى صغيرة وكل الكلام ده بس حاجة واحده وخدى بالك منهاااا موووت
اى بنت ف سنك كده لو عملت حاجة او كلمت حد وهى ف السن ده صدقينى الصبيان هتتداول الكلام ده بينهم وهتبقى سيرتك على كل لسان
لان ف السن ده بيبقى القصص مش كتير _ف اى حاجة بتحصل بتبان علطول
لحاااااااااااد ما تبقى سيرتك على كل لسااان وهتلاقى نفسك كل واحد معندوش ضمير طبعا
جاى يقوللك بحبك ما هو عارف بقى اللى فيها
بقيتى عتبه او محطه وقوف ومش عشان حب
فخدى بالك من دى اوى اوى اوى
بجد انتى لسسه العمر قدامك واوعى تستعجلى وخليكى عاقله
المهم انتى بالطريقه دى يابنتى على اخر السنه سمعتك هتتشوه
فالحل تبعدى عن كل دول وما ترديش على أى مخلوق سواء اللى بتحبيه او غيره
وتحاولى تقولى لأهلك ان الولاد اللى معاكى فى الدرس بيدايقوى علشان ياخدوا موقف جاد من الكلام ده كله والولاد دول لو مالقوش حد يوقفهم هتتعبى جامد
اما لو حد من اهلك اتصرف هيخافوا ومحدش هيقدر تانى يجى ناحيتك
وفكك من الواد اللى بيقلك بحبك ده لان لو مشيت معاه حاليا وبعد اللى حصل ده هيتقال عليكى كلام لحد ما تزهقى واصبرى ومع الوقت هتنسى كل ده وهتقابلى اللى أحسن منه مليون مره
دى نصحيتى ليكى
ومن كلامك باين انك حلوه لأن نص شعب مصر بيقولك بحبك فخدى بالك من نفسك 😀
السلام عليكم
ايه الاعترافات الكتيرة ديه.
هو واضح انك بتحبى الولد رقم 1 (اسمحلى ارقهم علشان تهت عقبال مافهمت) وبعدين لما قال لاصحابه انه بيحبك حصلت خناقة واتنين جاءوا اليك وقالوا احنا بنحبك(انا فهمت الترتيب كده ولا ايه)والهديه اللى اخدتيها كانت من اللى انت بتحبيه..اممم
يعنى حتى لو قلتى للولد اللى قالك بحبك انك بتحبيه ده ممكن اصحابه يقتلوه وكل ده فى صراع من اجل الحصول على قلب حضرتك.
بس انا حاسس ان العملية فيها هوجة كبيرة اوى وانصحك متبادليش اى حد منهم شعور صادق لان شكلهم بيتسلوا عليكى او كانهم فى مسابقة للحصول على قلبك اولا,نصيحة منى لا تحبى احدا منهم ولا تبادلى احدهم شعور حب صادق …ليه ؟؟؟
لان ممكن الكلام اللى قلته بخصوص التسلية يكون صح وكمان لانك لسه صغيرة (وديه ميزة)ومعنى كده ان الحياة لسه قدامك وهتشوفى ايام احلى من ايام الدراسة والدروس الخصوصية كتير وده ان شاء الله فى الكلية لما تكبرى ان شاء الله وتخشى كلية محترمة
فبلاش تكسرى قلبك بنفسك وتحبى حد منهم وتسلميله قلبك بسهولة وبعدين ممكن ميكملش معاك,
وبلاش تتسرعى فى الحصول على قصة حب فى هذة السن المبكرة وانتظرى قليلا
حلو الكلام ده ولا ايه……خليك تقيلة معاهم وطنشى ليهم كلهم….واتمنى انى اكون افدتك
بصى ياحبيبتى انتى عارفة انك لسة صغيرة وكمان فى سن المراهقة ودى طبيعة بشرية ان اى واحد فينا بيحب بس لازم يكون الحب ده صح انتى لسه سنك صغير مش هينفع طبعا تروحى تقولى ليه انا بحبك ماينفعش البنت هى اللى تروح حتى لو كنت بتموتى فيه وكمان هو لسه صغير بس اللى بينكم ده مش حب ممكن يكون اعجاب وكل واحد فكره حب انتى ممكن تروحى تفهميه على حكاية الهدية دى عشان مايفهمكيش غلط ولو ليكم نصيب فى بعض يبقى دى ارادة ربنا لكن انا شايفة ان لسه بدرى اوى لسه قدامكم مراحل لحد ماتبداو حياتكم واتمنى ليكى السعادة وربنا يوفقك ويحفظك
ابنتى العزيزة انتبهى لدراستك وانبهك انك واقعة وسط مجموعة من الشباب المراهق الغير مكتمل النضج العقلى بعد
انتبهى لمستقبلك الان واتركى حركات المراهقة دى لانك صغيرة على ان تفكرى فى هذة الامور وهذا ليس حب ولكنه اعجاب مش اكثر وفى المستقبل تقدرى تفكرى فى هذة الاشياء بعد دخولك الجامعة بشرط الجدية
الاول لازم تكونى مش بتتكسفى وبعدين روحى ادام اللى انتى بتحبية والواد بتاع الهدية وارميلة الهدية فى وشة وتروحى تقولى للى انتى بتحبية انا ب كنت بحبك انت وتديلة رقمك فى ورة وخلاص