مشاكل حب المراهقة

اخجل من مصارحتي بحبي له فأنا مازلت بنت

انا بنت ال19 سنه.. يعني كبرت على ان حد يقولي دي “مراهقة”!! ولا حتى ده اعجاب!!! البداية بس علشان اعرفكوا فين المشكلة..المشكلة اني حبيت شاب معايا في الجامعة فأنه ليس مجرد حب بل وللأسف عشق!! المهم انه مش معايا في نفس التخصص يعني كنت متابعاه من بعيد كده بس لحد ما حسيت اني لازم اتعرف عليه بأي طريقة وكنت بتفرج كل يوم على صوره على الf.c لدرجة اني بعتله مسج واتحججتله باني اعرفة وانه كان معايا في المدرسة زمان عملي add ولما كان بيبقى فاتح محاولش انه يتعرف عليا او حتى يعرف انا مين علما بأنه كثيرا ما رأني الاحقه بالجامعة عدى شهر ع الحال ده!! كلمته انا بعد الحاح من صديقتي من كثرة خجلي فأنا مازلت “بنت”!! تكلم معي بكل أدب و احترام و كنا في فترة الثورة يعني فى اجازة كنت قد تعودت عليه لدرجة اننا كنا نتكلم لمدة 6 ساعات ع النت ولم يطلب مني رقمي ابدا كذلك انا بما اني تمنيت..حتى جاء اول يوم في الجامعة بعد أجازة نصف العام الطويلة كنت قد انتظرت هذا اليوم كثيرآ..اخدت صديقتي لأسلم عليه علمآ بأنه مش بيسلم على بنات بأيده لتدينة “المتوسط” وهذا أكثر ما شدني لشخصيتة فأنا كثيرآ ما حلمت وتمنيت ان أرتبط بمثل هذه الشخصية سلمت بيدي ونسيت انه متدين و علشان مايحرجنيش مد ايده وسلم مع اني كنت بحذر صديقتي قبل انا اسلم عليه الا تسلم عليه بيديها!! تكلمت معه وكنت في قمة الخجل والسعادة في نفس الوقت لا اعرف لماذا؟!! وكان كلامي معه تافه لأقصى درجه يمكن وصفها!! ماكنتش عارفه اتكلم معاه ف ايه من قمة خجلي لدرجة اني كل مره كنت بشوفه فيها كنت باخد صديقتي المقربة معايا علشان بس أسلم عليه و أقوله بس “ازيك” وحدث موقف في نفس اليوم الأول الل] بعد الأجازه اضحكني بشده انا وصديقتي امامه وهو ايضا ضحك لكن وللأسف جخل جدا من شكله امام الناس ومن وقتها حاول البتعاد عني والتهرب حتى من سلامي!!! وأكتفى بالتحدث معي ع النت انا كنت مبسوطة بكده علشان بس كنت بعرف أتكلم معاه براحتي مس أكتر.. وكان في كل مرة يشوفني فيها في الجامعة يتحججلي بان وراه مصلحه لازم يقضيها لحد ما حصل مشادة بيني وبين اصدقائه وصديقتي فقطع علاقتي بيه نهائيآ!! مع العلم اني سبق واعتزرت لهم مع ان هما اللي بدأوا بالغلط وعمليblock كمان..انا بجد مبقتش عارفه اعمل ايه؟؟؟ وبحبه جدآ وبحترمه اوي نفسي اتكلم معاه بس مش عارفة ارجوكوا ردو عليا و أفيدوني انا بجد قربت اتجنن!!!

مشاكل وحلول ذات صلة

اضيف بتاريخ: Sunday, April 24th, 2011 في 06:31

كلمات مشاكل وحلول: , , , , , ,

22 رد to “اخجل من مصارحتي بحبي له فأنا مازلت بنت”

  1. علا
    25/04/2016 at 13:42

    بصى لو كان بيحب بجد زى مبيقول كان هو اللى ابتدا بما ان الولاد اجرا وكان عرفك بحبه تقبلى ولا لا دى حاجه تخصك لكن هو ولا بيحب ولا نيله هو بس لقى واحده مدلوقه عليه ووقته فاضى فحب يتسلى شويه

  2. النجم
    23/10/2011 at 01:50

    الحل الو حيد انك فى الجا معه تعملى مش شيفاه وعلى النت تكلميه بس تلمحيله من بعيد لبعيد با لكلام انك معجبه بيه بس فى حدود المسموح بيها وعلى فكرة هو الى هيكلمك ابقى ادعيلى

  3. moto
    17/08/2011 at 07:01

    بصى انا عندى 14 سنه لاكن عندى بضع من الخبره انتى تخليكى وراه لاكن من بعيد و تحاولى تلفتى نظره شويه لاكن بحدود و خليكى ماشيه على النت بس بلاش موضوع الجامعه خليكى فى الجامعه من بعيد لبعيد كده و ربنا يقدم الى فيه الخير و يكون من نصيبك يا رب بجد انتى محظوظه بواحد ذى ده

  4. moto
    17/08/2011 at 06:58

    بصى يا ستى انا عندى 14 سنه بس الصراحه و من غير تكبر عندى خبره فى الحب انتى تخليكى وراه لاكن بحدود يعنى بلاش كلام فى الجامعه لما تشوفيه بلاش تبصيله كتير كلام على النت بس و لو انقطع حالك بيه فا دا النصيب بس انتى تعملى الى عليكى و بس و تحاولى فقط التقريب منه

  5. صاحبة المشكلة
    20/07/2011 at 21:48

    باركوليييييييييييييييييييي,,خلاص كل أللي كنت بتمناه أتحقق ربنا بجد كان عالم بيا و بحالي وأللي كان جوايا من فترة ياناس أنا كنت بنام ودموعي على خدي ومكانش حد داريان ولا حاسس بيا غير ربنا الفترة أللي فاتت, أنتوا كلوكوا وشكوا حلو عليا أوي خلاص أنا وهو بقينا أقرب 2 لبعض, كل الحواجز أللي كانت بينا اختفت, بقيت أسعد أنسانة في الدنيا,ما خلاص هيفضل جنبي طول عمره, طول طول الفترة دي كان محتاجلي بس كان خايف يقرب أو يصارحني بأللي جواه يلاقي رد فعل مني غير أللي في دماغة,,بس أللي اكتشفتة أنه لا متدين ولا منطوئ ولا حاجه انسان عادي جدآ وغير خجول زي ما كنت فاكرة هو بس ليه عادات تحسس أللي حواليه أنه متدين شويهبس بجد أنا مبسوطة وبحبه أوي وعمري ما هزعلة أبدآ,,أدعولي بس علاقتنا تستمر ومايجيش أللي يشوش عليها ولا شئ يعترضنا ويعترض عشقنا لبعض ونبقى أسعد 2 في الدنيا 🙂 🙂

  6. yuyo
    01/07/2011 at 23:38

    يا بنتى فكك منه خالص هو لاقاكي مدلوقة عليه وبتطارديه فطفش منك وبعدين يا كوكو انتى وهو لسه ف الجامعة يعنى وراه مستقبل مظلم لسه وراه جيش ومش عارف هيشتغل ايه خدى شهادتك الاول وبعدين فكرى ف الحب والجواز متخفيش الحب هييجي هييجي متستعجليش

  7. صاحبة المشكلة
    23/06/2011 at 18:42

    ربنا يخليكي يادودي أنا مبسوطةاوي بجد ان لقيت حد يحس بيا الحب لا هو عيب ولا هو حرام أنا حبيته غصب عني مش بمزاجي وبعدين في عرسان كتير بيتقدمولي الفترة دي وأنا عمالة برفضهم بحجج فارغة ولا ليها اي معنى أنا بس خايفة اظلم حد معايا ويدعي عليا في الأخر ياريت بجد أسمع رأيك هو كويس معايا بس فجأه وبدون اي سبب بيقلب عليا يعملي BLOCK يشوفني ومايسلمش بيسمع لأصحابه كتير وهما شايفين اني مش لايقه عليه ولا أصلحله مش عارفة في أيه بعضهم كويسين معايا بس اللي هما مش قريبين منه أوي أللي قريبين منه بقى مش كويسين معايا وبيحاولوا يبعدوه عني ومش عارفه انا عملت وكل شويه يعملي BLOCK ويرجعني بعديها بكام يوم لدرجة اني بعتله مسج قلتله فيها”ايه أللي أتغير طيب,,بجد أنا مش فهماك” مردش عليا ولما سألته بتعمل كده ليه قالي أنا مش بعرف أعمل BLOCK وحلفلي بس أنا بلاقيه يختفي من عندي فجأة كمان الدليل على كدة بلاقية متغير معايا في الجامعة لو سلمت عليه قدام أصحابوا بيسلم بسرعة ويقصر كلامه معايا ويتجج اي حجة علشان يمشي أما لو لوحدة واصحابه مش قدامه او ماجوش الجامعة بنفضل مع بعض طول اليوم و بيفضل يفتح في مواضيع ويضحك معايا ويبقى كويس أوي حتى بخاف اقول لصحبتي لا يتحسد أنا بجد قربت أتجنن ده أنا بعد أقرا عن برجه القوس علشان أحاول أفهمه وألصم فيه وعرفت ان برج القوس متقلب جدآ جدآ قلولي بجد اعمل أيه أنا خلاص قربت أتجنن على ايديه أرجوكوا ردوا عليه وفيدوني برأيوكوا,,أشكركم جميعآ لأهتمامكم

  8. dode
    21/06/2011 at 23:57

    وانا اسفه لو كان كلامى زعل شخص فيكوا والله مش اقصد بس هى صعبت عليا واكيد انتو مش جربتوا حبها ده دى بتقول عشق يعنى مش حاجه سهله وشكرا ليكوا وربنا معاكى ويحققلك كل امانيكى يارب

  9. dode
    21/06/2011 at 23:56

    على فكره ياجماعه فى اراء فيكم صحيحه وقيه منها غير صحيحه من رايى وكمان انتو بتحسسوها انها رخيصه اوى لا هى مش عارفه تسيطر على نفسها المفروض تقدموا لها النصيحه كويسه مش تهزاوها بالادب لا اتكلمو معاها وانصحوها بطريقه كويسه

  10. ماجد المصرى
    05/06/2011 at 20:38

    اختى الغاليه حولى تكونى رزينه شويه فى تصرفتك علشان تعرفى تقربى منه وحولى تخليه هو اللى يحبك مش انتى اللى بتحبيه غيرى من نفسك من كلامك انتى مندفعه نوعا ما اندفع عوطف مش اكتر قليلى الاندفع ده شويه
    بس فى حاجه هنا تانيه الانسان اللى زى ده بيبقى قلبه مرتبط نوعا ما بحب تانى حب من طرف واحد والشخصيات دى بتبقى مش شايفه غير حبيبته اللى عايش ليه بس
    وممكن يكون من الشخصيات اللى ماشيه على مقوله ما لا ترضه على نفسك لا ترضه على غيرك
    لا تكونى مندفعه فى عوطفك
    ومن كلامك انك شخصيه محترمه جدا فكونى كما انتى وقليلى الاندفع

  11. صاحبة المشكلة
    29/05/2011 at 04:54

    وعلى فكرة فاتحته في موضوع الblock على الface قالي أنه مش بيعرف يعمل block لحد وأنه مكانش زعلان مني خالص مع ان طريقته معايا كانت غريبة أوي فعلآ انسان متقلب ومايتفهمش أبدآ وأنا خلاص ولله الحمد قربت أتجنن…كمان فاتحني في موضوع الmsg اللي بعتهاله على الface قالي أيه قصتها وابتسملي كده وقالي أنتي فعلآ كنتي فكراني كنت معاكي في المدرسة بجد قلتلة في الأول آه وسكت شوية وبعدين قلتلة لأ أنا مش بحب الكدب دي كانت حجة وبصراحة أنا كنت حابه أتقرب منك ونبقى زمايل عادي في الجامعة للأني حسيت انك شخصية مثيرة للأهتمام مش أكتر ضحك وقالي مفيش مشكلة بس مكانش ليه داعي اللي أنتي عملتيه ده كده كده احنا في جامعة واحدة كان ممكن تتعرفي عليا في الجامعة وماكنتشش هفهمك غلط ولا حاجه لأن أحنا مع وكان مسيير الصدفة تجمعنا لأني أعرف معظم أصحابك وأنتي كذلك وأنهى الموضوع بأبتسامه لن أنساها وكنت مبسوطة جدآآآآآ كمان أصحابة أللي حصلت بينهم وبيني مشكلة أعتزرولنا وأبدوا لنا كل أحترامهم لأنهم كانوا فعلآ غلطانين بس حاليآ أصبحنا زمايل ولما بنشوفهم ويشوفونا بنسلم على بعض…قولولي أيه رأيوكوا في كل أللي حصل وهل أنا كدة طريقتي معاه كويسة ولا لأ أرجوكوا ردوا عليا في أسرع وقت ممكن

  12. RODY
    29/05/2011 at 04:20

    بصوا هو حاول يتقرب مني وبقينا اصحاب اكتر من الاول مليون مرة وتخطينا مرحلة الخجل جدآ بس مشكلتي اني مش عارفه افهمه هو متقلب المزاج جدآ وشخصيتة غامضة جدآ جدآ مش عارفة أتعامل معاه ازاي احنا بنعد مع بعض كتير أوي ونهزر ونضحك ونتكلم في كل حاجة بس أنا كتير بحس بوجود حاجز كبير أوي بينة وبيني مشكلتي بس اني مش عارفه أفهمه وبحبه والله يعلم اني بحبه ونيتي صافية جدآ وخالصة لله وحده قولولي أعمل أيه أنا جيبتيلكوا آخر أخباري أهو خليكوا معايا بقى وشفولي حل بسرعة الله يخليكوا

  13. tota
    26/05/2011 at 22:31

    السلام عليكم انا بنت الاول كده لازم تفهميه سوء التفاهم ده بس متعترفيش بحبك سيبيه يبدأْ هو بجد اوعى هتسقطى من نظره جدا شكرا ده رأى

  14. ميمي
    22/05/2011 at 11:33

    السلام عليكم

    اختي الشاب بيحب البنت الثقيلة مش الي تجري وراه
    لازم هوا يتعذب علشان يطولها وهوا الي يجري وراها فهمتي ازاي
    والشباب عامة اهمليهم ومتديهمش وش يتجننو عليكي ويخترعو الصدف علشان يشوفوكي أوكي

    اتقلي بقى وخلي عندك رزانة
    وواثقة من نفسك
    لو هوا بيحبك هيعمل ويوصلك
    ولو كنتي زي اي بنت زميلته والسلام
    يبقى خلاص
    يبقى كل واحد راح في سبيله
    المهم متعيرهوش اي أهتممام..
    وركزي بس في دراستك عشان هيا سلاحك في الحياة

    واما يبقى يحاول يتقربلك تاني
    تبقى تفهميه انو اذا نيته خير يبقى يتقدملك يا حلوة

    ولو عايزك بحق
    يبقى وقتها يجيكي من الباب(باب بيتك أكيد) مش من الشباك(النت)

    تمام يا قمر

    السلام عليكم

  15. RODY
    07/05/2011 at 20:25

    على فكرة انا متشكرة اوي على طريقتكم دي كمان انا محترمة جدا اقسم بهذا لبسي واسع و طويل حتى اني كثيرا م ارتدي ب كم واقل من الكوع لا ارتدي ومش فاهمة الرد ده من ايه ده على اساس ان مافيش حد فيكوا حب بجد قبل كدة الحب لا هو عيب ولا حرام….بجد عيب عليكوا اللي انتوا بتقولوه ده شكرآ على ذوقكوا حسستوني اني “راقصة في كباريه”

  16. pepars
    01/05/2011 at 00:43

    على فكرة عمره ماهيصل توافق بينكم هوا شاب خجول ومتدين انت بتقولى انك خجولا بس الواضح من كلامك غير كده خلاص
    وبعدين فين العفه وفين الخجل ازاى تسمحى لنفسك انك تطارديه بالطرية دى هوا طبعا اخد عنك فكرة مش كويسه علشان كده بعدحاولى تنسيه او يكون فيه نصيب وربنا يرجعولك بالحلال لاكن الى انتى حكتيه دا متعملهوش تانى علشان مترخصيش فى نظره وربنا يسترك ويصلح حالك

  17. قال تعالى وما انفقتم من شىء فهو يخلفه وهو خير الرازقين
    26/04/2011 at 12:06

    هو فيه ايه البنت دلوقتى هى اللى بتعاكس الولد وعاوزه تتعرف عليه لا حول ولا قو الا بالله يا اختى لازم تكونى غاليه ومش اى حد تعجبى بيه تحاولى تكلميه عادى كده فين الاصول والدين حرام حرام حرام

  18. آه يا عمرى
    25/04/2011 at 22:01

    ما كنش ينفع تفرضى نقسك عليه بالطريقه دى من كلامك انه شاب ملتزم متحاوليش تتعرضيله تانى ربما يفهم انك بتتسلى بيه واسبتيله بالذوق انك ملتزمه ومكنتيش بتلعبى بيه وخلى الكلام بينكم انتم الاثنين يمكن يتفهم الوضع ويرجعلك

  19. زائر
    25/04/2011 at 20:53

    عزيزتى السائله نصيحتى لكى أن تشغلى بالك بدراستك وتخليه هو كمان يشوف مصلحته وبعدين نصيبك هيجيلك ان شاء الله المهم قربى من ربنا واعرفى ان مجرد كلامك معاه على النت حرام حرام ولا يرضى الله وابعدى عنه حتى تكملى دراستك
    وخلى ربنا يدبرلك أمرك.

  20. احمد
    25/04/2011 at 10:31

    اختى الغالية مادام مش مراهقه ومش صغيرة كما تظنين فلابد ان اصارحك بالحقيقة فانتى بهذه الافعال تقللين من نفسك فلا يصح لبنت ان تحاول ان تتعرف على شاب فالرجل هو الذى يفعل ذالك
    اختى بلاش تحقرى من نفسك الى هذا الحد وكونى على قدر الاحترام الذى تعلين بيه اسم عائلتك وترفعى به من قدرك
    اختى قد يكون كلامى قاسى بس اى كلام غير ده هيكون مجاملة على حساب مصلحتك
    ان كنتى تريدين زوج صالح فأدعى الله ان يرذقك اياه
    واسال الله ان يرذقك بالزوج الصالح
    اختى كونى عفيفه ملتزمه متدينة ولا تفعلى ما يدمر حياتك

  21. Hanoon
    24/04/2011 at 22:22

    السلام عليكم
    ياحبيبتى انتى رايحه الجامعه مش النادى .
    افتكرى دايما انك انتى رايحه جامعه ع شان التعليم والتعليم وبس مش ع شان تتعرفى ع ده وده وشغل النوادى ده وكانك بالظبط فى نادى .
    وخليكى دايما فاكره شئ مهم اوووى .
    ان لو حصل ورجعتوا لبعض واخدتوا ع بعض اكتر او حتى لو حصل نصيب مسيره هيجى فى يوم ويفكرك انك انتى اللى كنتى بتجرى وراه .
    وشوفى بقى انتى معناها ايه ان بنت تجرى ورا ولد ؟؟
    ده المفروض هو اللى يجرى وراكى مش انتى .
    المهم سيبك منه وابعدى عنه زى ماهو عمل كده .
    وانتبهى لدروسك ومذاكرتك .
    وربنا يوفقك ان شاء الله .

  22. رانا
    24/04/2011 at 17:41

    على فكرة ده حب من طرف واحد لو كان حبك ماكنش بعد بالطريقة دى معليش ما تزعليش منى بس هو ده اللى انا شيفاه بس انت ممكن تحولى تلفتى نظره مثلا” بادبك فى لبسك وكلامك …الخ شوفى صديقة تكون قريبة من واحد صاحبه قوى تخليه يلفت نظره من غير ما تكونى فى الموضوع ويصلح كل شئ وربنا يوفقك

اترك رداً أو حلاً لهذه المشكلة