انا شاب في الصف الاول الثانوي، اول مره افضفض كده بس انا تعبان بجد.
وانا في اولى اعدادي حبيت وحده من اول نظرة (عارف اني كنت لسه صغير) المهم قعدت ابصلها وهيا تبصلي واتأكد ان هيا أعجبت بيا او حاجه زي كده.
مرت سنة وحاولت اكلمها بس من اول كلمة عملتلي بلوك، عملت اكاونت تاني وكلمتها وبرضه بلوك بلوك بلوك،.
جيت في تالته اعدادي بحاول انساها مش عارف وصحابي ينصحوني يبني دي مش بتحبك والكلام ده ومبقدرش انساها، واشوف صورها وافضل اموت من العياط.
وانا كل يوم أزور البروفايل بتاعها فالمهم لاحظت ان هيا وصاحبها بيلقحو عليا حاحه زي كده والي تقولها الي كان معجب والخ.
حسيت اني مهزأ ومليش كرامة وبحاول اكرهها او انساها، بس بجد والله ما قادر واول مفتكرها بعيط مش عارف بقي هيا كرهاني ليه.
بفضل طول الليل اسأل نفسي يمكن انا شكلي وحش او فيا عيب بدأت اشك في نفسي واعيط برضو,
وامي وابويا يقولولي مالك اقولهم شكلي وحش، انا تعبت ومفيش حد حاسس بيا انا نفسي حتى اشوف وشها كل يوم بس من غير ما تاخد بالها.
انا بحبها والله والله بحبها وهيا بتكرهني هوا انا اول مرة اكتب لحد كومنت بس عاوز افضفض.
بص سيبك من البنات بشكل عام لان الموضوع متعب بجد وهتدخل في دوامة ،انصحك تنساها صدقني انا مريت بحاجة شبه كدا ونسيت عادي لان الوقت بينسي ،ركز في نفسك يعني ابني نفسك ،اهتم بمذكرتك هي اللي هتنفعك بعد صلاتك طبعا ووقتها هي ولا غيرها يطولو يكلموك اساسا ،وادعي ربنا أنه يبعد عنك شر الناس ،وبس
مرت سنة كاملة على رسالتك، فأنا مش عارفة أحوالك إيه دلوقتي، لكن أرجو تكون بخير وتكون تخلصت من الهم ده…
ولكن لو كنت لسا على حالك …، فإليك ردي وأرجو من الله أن يصبر قلبك ويهديك لسبل الرشاد…
أولا : إنت قلت إنك بصتلها وهي بصتلك والحاجات دي، ده مش ينفع يابني إنت مسلم وربنا أمرنا بغض البصر عن الأجانب مش نفضل نبحلق فيهم ، وده والله لحمايتنا مش تشدد ولا حاجة، مقدرة مشاعرك ومقدرة حرقة قلبك، ولكن ده مش يجوز ليك بإطلاق البصر.
ثانياً : القاعدة بتقول إن لما الشاب يعجب بفتاة، عنده حلين، لو هو في سن مناسب ويقدر يتقدم فالباب مفتوح، ولو مش يقدر = الصبر ثم الصبر والمجاهدة، الرسول عليه الصلاة والسلام بيقول: يامعشر الشباب من استطاع منكم الباءة فليتزوج…، ومن لم يستطع فعليه بالصوم فإنه له وجاء. وجاء يعني بيقلل الشهوة.
___
وإنت يابني دلوقتي في سنك ده، طبيعي تحس بمشاعر تجاه فتاة وإتنين كمان وفي نفس الوقت وده كله لأنك في سن مراهقة وده مش حب أبدا حتى لو طالت فترته لأن طول الفترة إنت اللي صنعتها بكثرة تفكيرك وإتحاذك لطرق ملتوية لا تليق بالمسلم يا بني أبداً.
الحل: الصبر ثم الصبر والمجاهدة ولتحفظ ماء وجهك ، وبإذن الله سيعوضك الله التقية العفيفة الشريفة التي تحبك وتحبها في الحلال، اصبر…