انا بنت مخطوبة وعندى 19 سنة اتخطبت بقالى سنة وكنت عارفاه قبل الخطوبة ولكن مكنتش بحبه ولا هو انا بينى وبينه مشاكل كتير وطرحت قبل كده مرتين مشاكلى معاه بس كنت بصبر ومن كلام الناس اللى حوليا كملت وفكرت اكتر من مرة اسيبه بس انا بحبه لكن فى نفس الوقت لو كملنا واتجوزنا هنتعب اوى مع بعض وهواتغير كتير المشكلة اللى هحكى عنها دلوقتى مشكلة خاصة جدا وسرية جدا وتعبانى اوى فارجوكم ردوا عليا من غير تجريح لان بناءا على نصائحكم هاخد قرار نهائى لانى تعبت من كتر تانيب الضمير انا وخطيبى علاقتنا كانت طبيعية فى الاول وانا بحكم شخصيتى وعائلتنا مقفول علينا ومنعرفش اى حاجة و الحب عندنا يعنى جواز يعنى بنت بريئة مش ليا علاقات ولا اصحاب ولا خروج ولا بعرف اى حاجة بمرور الوقت بنا بقينا نقعد لوحدنا وحصل منه تجاوزات بحدود العلاقة بين المخطوبين انا برفض بشده بس احترامه وادبه اللى الناس كلها بتشهد بيه خلونى احبه وبعض الناس بيقولو ان التجاوز ده طبيعى في حدود العلاقة بين المخطوبين كنت بزعل اوى وهو كمان وعدنى كتير وحلفلى انه مش هيعمل كده تانى وانا صدقته وبرده المشاكل مبتهداش مهما نصلح فى نفسنا التجاوز وصل لدرجة كبيرة وانا اسفة انى بتكلم عن مواضيع كده بس والله العظيم انا تعبانة ونفسى ربنا يرضى عنى المهم انى لسه بنت وهو مقربش من المنطقة دى انا اهلى احيانا بيسيبوا البيت وانا بكون لوحدى ومرتين جه البيت ومفيش حد بس كنت بكلمه من على الباب ومكنش بيدخل المرة دى مكنش فى حد والمفروض انى راحة مشوار وهو كان قريب من البيت فقالى انا هعدى عليكى ونروح سوا قلتله لا اقابلك برة قالى انا قريب هعدى عليكى قلت ماشى وانت جاى رن عليا عشان البس قالى ماشى اتفجئت انه على الباب قلتله مش هدخلك قالى روحى البسى انتى وانا هدخل الحمام دخلت لبست وطلعت وانا كنت مضايقة جدا المهم حصل بنا تجاوز زى اى مرة بس اللى معذبنى ان ممكن اى حد يجى البيت ايوة الباب كان مفتوح بس انا مش قادرة احترمه تانى واحتقرته خالص لانه بينتهز الفرصة عشان يعمل كده انا لو هسيبه عشان الموضوع ده هسيبه بس المشكلة انا هيتحسب عليا اتخطبت والبنت هى اللى بيكون عليها اللوم وخايفه لو سبته اندم لانه بحسب انطباع الناس عليه مؤدب ومحترم بس مش غنى قولولى اعمل ايه انا من ساعتها مش بكلمه ولا قادرة اشوفة ارجوكم سامحونى وادعولى بالمغفرة
ازاي مقفول عليكي وبتخرجوا مع بعض عادي وازاي بتسمحيله يدخل نصيحه حتي لو هو ملاك بلاش خروجات مع خطيبك دا يعتبر غريب عنك مش علشان دبلتين ف الايد يبقي خلاص لا دا اجنبي عنك وحرام ذي اي حد وبلاش يدخل البيت حتي انك تملميه ف التليفون حرام الدين بيقول كدا مش انا
انا كمان حصل معايا نفس الحكايه وقررت انى اسيبه بس ش عارفه اقول لاهلى ايه وكمان هو يبقى قريب
يابنات ان حصل معايا كدا وخطيبى بيحبنى كدا وقالى انه مش حرام واحنا هنتجوز قريب وانا صممت كذا مره انى اسيبه بس هو يبقى قريبى واهله ناس كويسين خالص وهو طيب قوى ولما قولتله ممكن ميحصلش نصيب بينا فاانا مش هعمل كدا تانى قالى ليه بتقولى كدا وزعل منى كمان هو كان عارف بنات كتير قوى ولما عرفنى وخطبنى حبه حبه بعد عن الكل انا مش عارفه اعمل ايه تعبت قوى وكل مره بحس التجاوز بينا هيزيد
اختي هناك اخطاء كبيرة وقعت فيها انت وخطيبك وتجاوزتم بها حدود علاقة الخطوبة 1-اباحتم الخلوة بينكم بدون محرم 2- زيارته للبيت واهلك مش موجودين 3- السماح له بالبوسة والقبلات والتمادي في ذلك 4- النظرات المتبادلة بينكم تثير الشهوات وتوقع في الفتنة والمحرمات عليكم بالكف عن كل هذةالتصرفات المحرمةوالغيراخلاقية والابتعادعنها فورا اثناءفترةالخطوبة و التوبة لله عزوجل وكثرةالاستغفار والحفاظ على شرفك واخلاقك وتربيتك ومن الافضل لكما الاسراع في تحديد موعد الزواج وتعجيله والله يهديكم ويصلح حالكم ويبعدكم عن المحرمات والمعاصي ويكفيكم شر الشيطان وطريقه وشر نفسكم الامارةبالسوء
دى شباب اخر زمن ربنا يهدى شبابنا وبناتنا وتوفنا مسلمين ع الطاعة والايمان
انا كان معايا زميلي ف الشغل اصغر مني ب سنه ونص ..المهم اعدنا اصدقاء و زمايل مده 9 شهور مافيش حاجه بيني و بينه وهو بيكنلي كل الاحترام والتقدير.و ارتبطنا ببعض جدا كأصدقاء و تحولت الصداقه الي حب من الطرفين وكانت علاقه حب محترمه جدا و تطورت العلاقه بينا بحك الشغل و كده و بنعد كتير مع بعض و هو بيسافر للدراسه..المهم ان العلاقه تطورت جدا و لسه احنا ف مرحله الارتباط ومفيش حاجه رسمي بينا وهو بيحبني وانا بحبو جدا وهو بيعد يقلي ان الي حصل بينا ده ميغيرش حاجه وهو بيكون مدايق وانا كمان لغايت اخر يوم ليه معايا ف الشغل ومسافر للدراسه .حصل حجات كتير .بس لسه انا بنت ..انا مش عرفه اعمل ايه و لسه قدامه مشوار طويل عشان الجواز و كده .اتعامل ازاي انا عرفه انا غلطانه و هو كمان بس لما بنبقي مع بعض بننسي التفكيراصلا مع العلم ان هو شخص حافظ القرأن وانا كمان و عرفين اخلاق بعض كويس وهو اول حب ف حياتي مع اني انا اكبر منه .، يمكن فارق السن ده هو المشكله و لا ملهاش ارتباط بالسن ..
السلام عليكم ياجماعه ده كله عادى بين اى اتنين مخطبين عشان تقولى واحد خطب واحده ومدعكهاش تبقى بتشتغل نفسها لازم اى اثنين مخطوبيين او مش مخطوبيين بس بيحبوا بعض وعلى راي المثل لازم ناخد وندى بشكل ودى بس ارجع واقول لكم كل حاجه وليها حدود بوسه ماشى وحضن ميزعلش بس كله اللى المنطقه الخطر اكيد كلكم عارفين المقصود بالمنطقه الخطر هههههه نصيحه اخويه للاخوت اللى عندها 19 سنه يا حبيبت اخوكى قولى لممتك يا ماما خطيبى شقى فلو سمحتى يا امى ماتسيبناش فى البيت لوحدنا بس انتى لو سبتيه هروح لغيرك وغيرك مش هيحرمه وترجعى تندمى عشان النهارده العريس مفيش حد لاقيه عقلك فى راسك تعرفى خلاصك وهرجع واقولك اوعى تفرطى فى دقه اللباس ومع تحياتى وشكرا
السلام عليكم ياجماعه ده كلو عادى بين اى اتنين مخطبين عشان تقولى واحد خطب واحدهودعكهاش تبقى بتشتغل نفسك لازم اى اثنين مخطوبيين او مش مخطوبيين بس بيحبوا بعض وعلى راي المثل لازم ناخد وندى بشكل ودى بس ارجع واقول لكم كل حاجه وليها حدود بوسه ماشى وحضن ميزعلش بس كله اللى المنطقه الخطر اكيد كلكم عارفين المقصود بالمنطقه الخطر هههههه نصيه اخويه للاخوت اللى عندها 19 سنه يا حبيبت اخوكى قولى لممتك يا ماما خطيبى شقى فلو سمحتى يا امى ماتسيبناش فى البيت لوحدنا بس انتى لو سبتيه هروح لغيرك وغيرك مش هيحرمه وترجعى تندمى عشان النهارده العريس مفيش حد لاقيه عقلك فى راسك تعرفى خلاصك وهرجع واقولك اوى تفرطى فى دقه اللباس ومع تحياتى وشكرا
انا شاب ودخلت ع الصفحة هنا عن طريق الصدقة بفكر الايام دى فى الارتباط وعندى تخوف شديد من البنات بصراحة خصوصا الجيل الحالى حاجة فى قمة التسيب الا ما رحمة ربى , واكيد مش الشكل بس كالعادة الوحش دايما اللى فى الصورة والحلو دايما قليل, المهم انا احتارت فى الرد على سؤالك لانة مرتبط بعلم الغيب لان ربنا بس هو اللى يعلم باللى فى قلوب الناس وبيعلم بنواياهم , هبدا بااسئلة وارد عليها : قولتى ان الناس بتقول انة انسان كويس ؟ الرد : مع احترامى هنا انتى غلطانة لان الواجب رايك انتى اية من معرفتك بية هاتقولى مااعرفهوش هاقولك كان لازم تعرفية الاول قبل ماتدى الامان بمعنى تختبرية ، سؤال 2: هل هو يرضى بكدا لاختة؟ الرد: محدش يرضى بكدا الا اذا كان….، بس انتى لية رضيتى بكدا لنفسك، معنى كدا انة انسان وحش؟ الرد: الله اعلم بالنوايا انا مش بحكم انا بساعدك على التفكير، هل انا انسانة وحشة انى وافقت بكدا؟ الرد: مااقدرش اقول وحشة لان لو وحشة كنتى تجاهلتى الموضوع وماكنتيش طلبتي النصيحة، الفكرة انك صغيرة فى السن زى ماقولتى 19 سنة وانك مش بتخرجى من بيتك ودا يدل عن قلة الخبرة وبرضة دا كان من ثقة زيادة منك فية علشان كدا انتى فى النقطة غلطانة ، لازم تشوفى بنفسك علشان تحكمى مش بتاخدى بكلام الناس بس، كلام الناس كان ممكن تعتبرية دافع للخطوبة لكن!!!!! مش موافقة كاملة !! طب اية الحل وهل صورتى انكسرت جواة واخد عنى فكرة وحشة؟ الحل: هو الجراءة والصراحة ، اقعدى معاه عيدى الكلام من الاول خالص بكل جرأة وقولى انا وافقت عليك لما عرفت اخلاقك ولما حصل اللى حصل بنا كان ثقة منى فيك انك مش مجرد بتتسلى واعتبرتة حب زيادة منك وشعور مكبوت جواك ودلوقتى انا فى حيرة انا حاسة انى كسرت صورتى جواك ولا اية الحقيقة ؟ وقوليلة لو صورتى زى ماهى قولى علشان استريح من الوسسواس اللى ملازمنى ولو عايزنا نكمل مع بعض يبقى بالشروط اللى ترضى ربنا، ولو صورتى جواك انكسرت فاانا اسفة مش هاقدر اكمل مع انسان وثقت فية وخان ثقتى، ولازم تظهريلة انك بجد مجروحة وانك غير راضية عن اللى حصل لعلى وعسى ان كان اخد فكرة وحشة يتقى ربنا فيكى. اسف ان كان كلامى فية انشا كتير بس دة وربنا لانى احب ابسط الكلام والم بكل حاجة ربنا يعينك على الحيرة اللى انتى فيها اذا كان الموضوع مش يمسنا ومحتارين فى الرد اية هايكون حال صاحب الموضوع نفسة ، خليكى قوية وواجهى مشاكلك بصراحة ان كان كويس هايفهمك صح وان كان وحش ربنا يسهلة وهاضيف على كلامى راى ً” صبرا ال ياسر” وهاقولك حكمة مشهورة بالعامية بتاعتنا : مش عيب اننا نغلط لكن العيب ان نتمادى فى الغلط. ربنا يسامحنى اذا كنت اسات لحد منكم بدون قصد فى كلامى
معلش بس انتي ابعدي عنه وهو هيرجع لك وعجلو في الزواج وربنا يسترك ويستر كل المسيمين
علي فكرة انتي معندكيش اي تجارب تستفدي منها انتي ممكن تخدس ثواب كبير في اصلاحه و بعدين انتي مكنشي ينفع تسيبيه يعمل اللي عمله و تكتمي في نفسك يا بنت الحلال انتي تقليله اتق الله و تبعدي عنه فترة و تحسسيه نك حتسبيه اذا لم يرجع عما يفعله ساعتها حيبوس رجلك عشان تتجوزيه
ففروا الى الله )افضل شيئ التوبة والرجوع الى الله وعدم الاصرار على المعاصى قال تعالى (والذين اذا فعلوا فاحشة او ظلموا انفسهم ذكروا الله فاستغفروا لذنوبهم ومن يغفر الذنوب الا الله ولم يصروا على ما فعلوا وهم يعلمون)
لازم تتحملية لانو رح يكون زوجك و اذا حاسة حلك مزلومة اتناقشو في هدا الموضوع و اذا ما كان هناك حل حاولو ان تنفصلو بكل هدوء و احترام (اللة يوفقك)
شوفو اشرحلكم شوي :
المخطوبين قبل كتب الكتاب :
المفروض ما يكون في خلوة بينهم يعني التقبيل والمداعبة ….. الخ ممنوع
المخطوبين بعد كتب الكتاب :
المفروض يكون في خلوة بينهم ( خلوة بغرفة ضيوف او الصالة مش بغرفة نوم ! )
وطبعا كل شيء مسموح عدا فض غشاء البكاره بحكم كتب الكتاب بينهم وللمداعبة والتقبيل فوائد اهمها ( الالفة بين الزوجين وتعودهما على بعضهما وعدم نفورهما وخوفهما واسألو المجربين )
دمتم بود
اخوكم ابو نرجس
ولا تنسوا عنوان الموضوع الاصلى تقول انها احتقرت خطيبها بسبب تجاوزه للعلاقة
فما هو رد فعل خطيبك ونظرته ليكى بعد تجاوبك معه
الرد متروك لكل البنات
اتقوا الله
فأنتى جوهرة ثمينة جدا لا تعطيها إلا لمن يستحقك وبصدق
أنا خاطب من سنة والحمد لله خطيبتى على خلق ومتدينة جدا والحمد لله لم أفكر أن ألمس يدها او ان اقول لها لفظ يجرح مشاعرها او نظرة جارحة وانا اقول لا فتاة مخطوبة اتقى الله فى نفسك فأنتى جوهرة ثمينة فلا تعطى لخطيبك أكثر مما يستحق فى فترة الخطوبة فبعد كتب الكتاب يحق له بعض التجاوز وبعد الدخلة يحق له كل شيئ
اقول كلمة اخيرة لا تفقدى احترام خطيبك لكى فيوجد حكمة تقول الممنوع مرغوب دائما
فمن الممكن ان يكون بيختبر أخلاقك فتخيبى ظنه فيكى وتتجاوبى معاه وممكن يكون عايز كدا لأن اخلاقه كدا عادى يعنى
المرأة هي أكبر مربية للرجل..فهي تعلمه الفضائل الجميلة ..وآداب السلوك ..ورقة الشعور ..
في الحديث عن معقل بن يسار أن رسول الله صلى الله عليه وسلم قال: “لأن يطعن في رأس أحدكم بمخيط من حديد خير له من أن يمس امرأة لا تحل له” رواه الطبراني والبيهقي .
انا بيقولى ادينى بوسه على الفون و مره كان بيكلمنى بليل و يقولى هو انتى نايمه ازاى .. انا على قد ما اقدر بحاول اغير الموضوع و بحاول اصده بس بردوا بيرجع يقولى كدا تانى انا عبت والله و نفسى افسخ الخطوبه بس بردوا اهلى حيدايقو ا و مش عاوزه اكسر فرحتهم … بدعى ربنا يهديه و يصبر لان انا مش قادره و بردوا مش عاوزه اخسره نفسى يتغير نفسى يحبنى من غير ما يكون فى دماغه الحاجات دى يحبنى لشخصى مش عارفه اعمل ايه الموضوع بدأ يأثر على نفسيتى و هو بيقولى انتى لازم ترضينى ارضيه ازاى دا بروح اهله .. حسبى الله و نعم الوكيل فيك
انا كمان مخطوبه وكان بيحصل معايا كده بس انا سيته شويه لغايت مارجع لوحده اتأسفلى وحس بغلطه وحلف انها مش هتتكر تانى وكبرت فى نظره جدابس فكرى بعقلك مش بقلبك
انا زيك بالظبط ومش عارفة اعمل وكان نفسى اسيبه بس مش عارفه اقول ايه لاهلى او ايه السبب لفك الخطوبة
اكيد هنكون متفقين ان اللى عملة دة ش صح بالمرة بلاش تتصلى او تكلمية وشوفى رد الفعل هيكون اية وبعد كدة هتعرفى تاخدى القرار الصح وادعيلوا بالهداية يا رب رزقك بالزوج الصالح الذى يقر بة عينك
السلام عليكم بصى كل البشر بتغلط والمهم اننا نعرف ان احنا غلطنا مش تسيبيه بس فهميه براحه ان ده حرام وان فى يوم من الايام هتكونى ليه فى الحلال وربنا يخليكو لبعض ويهدهولك ان شاء الله
اختي هذه مشاكل الخطوبة وتجاوز الحدود قبل كتب الكتاب حرام حاولي تتفاهم معاه بشرع ربنا ؤتفهميه انك بتحبو بغض النظر عن العلاقة الجنسية لا تخليه يجيك البيت ولا تختلي به لوحدك لا تقيسي الحب بها الشي لانو الحب اكثر من كذا هو ممكن يكون يحبك وهذه التجاوزات ما هي الا وسيلة للتعبير حتى لو كتبتو كتابكم ما لازم تتجاوز الحدود اللهم ان كانت مداعبات سطحية لانو ما تدري شو راح يصير موت فراق لا قدر الله صلي صلاة الاستخارة وادعي الله وربي يوفقك
انا نفس الموضوع بالضبط بس عالجته بالكلام المعقول والهدوء والاحترام المتبادل اهم شئ لازم يحس بقيمتك واهم حاجه اياكى ثم اياكى والجلوس لوحديكم الخطوبه فتره تعارف وارتباط ليس فقط بين اثنين ولكن عائلتين فدائما اذكرى الله وعامليه باحترام وزوق
اولا الموضوع ده بيحصل كتير بين المخطوبين وخصوصا لو كانوا صغيرين في السن يعني 18 كده بيكون كل واحد فيهم محتاج كده مع العلم انه غلط ومرفوض من الشرع ومن الدين
ثانيا انا في سؤال محيرني هو ليه دايما احنا بنجيب اللوم علي الولد طيب محنا كلنا عارفين انه لو البنت مش عايزه تعمل كده محدش هيقدر يجبرها انها تعمل حاجه هيا مش عايزاها مع العلم ان البنت في الوقت ده بتكون مستمتعه بكده صح يعني الموضوع بيكون نظام مشاركه انا حاسس ان كل الناس بتقول ان الولد بيغتصب البنت مع ان البنت لو مش عايزه او مش قابله عمره مهيقدر يعمل حاجه ياريت الناس تفهم الموضوع صح وتحاول ترد علي كلامي لو كان صح او غلط
انا حصل معايا الموضوع دا بس كان قبل ما يسافر بيوم واحد وكان هيغيب عنى اكتر من سنة ومش هينزل الا علي الزواج بس انا حمدت ربنا انة سافر وعلي فكرة دا اول حب في حياتى وطول اربع سنين مفكرش يلمس ايدى بس بجد كان شئ تلقائى وبيحبنى كتير وحاسة انى اتعلق بيا اكتر وانا اتعلقت بية اكتر واكتر لانة ملاكىmy angel
اختي في الله ادعوا الله ان يهدي كل شباب المسلمين وينور بصيرتك ويهديك لطريق الخير والصواب اتمني منك الرجوع الي الله عز وجل وان تعزمي النية انك تحافظي ع نفسك ولازم تاخدي موقف منه وتحسسيه ان موقفك صارم وانه لازم يحافظ عليكي اكتر من كده وان ربنا شاهد عليكوا في كل مكان وعجلي بالزواج وربنا يجمع بينكم ع خير اللهم امين
بصي انا كمان مخطوبة بس لواحد بيحبني من اربع سنين وانا ياما رفضته وبرضوا يقولي بحبك وعاوز اتجوزك واخيرا وافقت واتخطبنا بقالنا 7 شهور لو اقولك بيتمنالي الرضا ارضي بدأت بينا العلاقة تزيد وطلب يكتب الكتاب 100 مرة بس انا برفض عشان احس بالخطوبة احسن
المهم صار بنا حاجات كتير بس في حدود اني بنت بس وانا بكتب الكلام ده قررت اني ارجع تاني جامدة بصراحة انا بحبه ومتأكدة انو بيعشقني بس مش عاوزه لذة الجواز تروح باللي بنعمله ده يارب عيني علي كده واهديني يارب واهدي جميع المسلمين والمسلمات
كونى قوية شوية وقفية عند حدة وهددية انك ممكن تسبية ومتخفيش هيحبك اكتر وهيتمس بيكى اكتر وراضية قلوليلة بكرة هبقى مراتك وهسعدك وهحققلك كل اللى انت عاوزة بس الان مستحيل حتى ولو لمسة
انا كمان مخطوبه وخطيبي مش بيستغلني لاء حاول انه يقبلني لكن انا طردته من بيتي ووقفته عند حده ورجع هو اتصل بيا وصالحني وعرف انه غلطان بالرغم من الاهانه الي انا اهنتها ليه ومش عمل كدا تاني بس صدقيني كل الشباب في عصر النت هتلاقيهم نفس النظام لكن عاوزه بقا شاب ملتزم يبقا خدي من العصر القديم الجيل القديم شويه
يمكن ده شي طبيعي بين المخطوبين بس هو غلطان عارف انو مافي حدا بلبيت ليش يجي لازم يخاف عليكي اكتر من كدا وانت شوفي قلبك شو بيقول ماتسمعي من كلام الناس لان هيدي حياتك
انا مشكلتي بالضبط بالضبط مثل مشكلتك بس الفرق بطلب من الحاجه دي بالتلفون يعني برتاح بالتلفون واتكررت كم مره وفي كل مره بنتشاكل وبقول لي مابكررها دي آخر مره وبتتكرر كثير وبقول لي صوتك بس بتعبني لمن أشوفك بتعب ولو ماإرتحت بتحصل لي مشكلهوبدي أرتاح معك إنت بس….
بدي أعرف هل اكلام ده صحيح فعلا لو ما إرتاح بتحصل ليهو مشكله؟؟؟؟؟
أخبروني وانا حاليا مخاصماهو في السبب ده ارجوكم ردولي ارجوكم هل الكلام ده حقيقه
نفس الحاجات البتحصل ليك بتحصل لي كلها وهو إنسان من محترم ومن أسره كويسه بس احترت ومش عارفه أعمل ايه
كنت علي علاقه به قبل الخطوبه بشهرين وحصلت لي الحاجه دي مرتين وزعلت وقال لي عشان تتأكدي إني بحبك حأجي أخطبك وفعلا جاء وخطبني وأغلبية مشاكلنا ونقاشاتنا في الحاجه دي وخلاص زهجت وتعبت وبقول لي إنو كلمة بحبك بس بتعمل فيني عمايل وماعايز ارتاح إلا معاك إنتي لأنو ماعايز أتكلم في الكلام ده مع بنت تاني …. أعمل شنو أفيدوني أرجوكم
أختي السائلة استغفري الله وتوبي إليه فنحن بشر خطاءون ولكن خيرنا من تاب وعمل عملا صالحا. وتانيب ضميرك دليل على خوفك من الله وخطيبك شاب لديه كبت جنسي فلا تحكمي عليه بالاعدام وعليك ان تصلحيه وعلى فكرة الأمر يتوقف عليكي انت فلن يستطيع فعل أي شيء بدون موافقتك. والأفضل أن لا تقعدا لحالكما وأن لا يأتي البيت وليس فيه أحد ومهما يحدث لا تفتحي له.
وعليكي بصلاة الاستخارة حول استمرارك في الخطوبة فصلي أكثرمن مرة واستمري في الخطوبة
واعلمي لو ان الأمر فيه خير فسوف ييسره الله ولو أن فيه شر فسوف يصرفه الله عنك.
ريه علشان هو شاب واكيد ملهوش تجارب قبل كده وحب يجرب الموضوع ده معاكي ومع انه غلط بس نفكر بشكل منطقي ولازم نفكر ف الطرف الاخر والظروف اللي خلته يعمل كده يبقى الصح انك تتفهمي الموقف وتحسسيه انه الحلال افضل وتعجلي بالزواج ومتنسيش برده انه مااجتمع رجل وامراة الا وكان ثالثهم الشيطان خلي حد من اهلك معاكي ف المقابلة لغاية الجواز بس اذا كان انسان محترم بجد وانتي حاسة انه غصب عنه يبقى كملي معاه وبالتوقيق
اعرف واحده زملتي لها نفس مشكلتك والشخص كل الناس برضه بتشكر فيه وتقول مؤدب بس هي فكت خطوبتها بيه علطول بعد ماحصل زيكي
وكل المشاعر اللي كانت جواها لخطيبها انتهت لانها بعد ما بعدت عنه بدات تفهمه اكتر وتفهم نيته وحاليا هي نسيت كل مشاعر الحب دي اللي كانت جواها بعد ما فكت الخطوبه ب5 خس شهور
وهي دلوقت بتشكر ربنا انها سابته وان ربنا انقذها من انسان حست انه بيستغلها مش بيحبها زي ما كان بيقول
السلام عليكم اخواتى واخوانى ارسل لكم جزيل الشكر على نصائحكم التى اراحتنى كثير اما بعد
انا اللى حصل ده من فترة حواللى شهر وانا فعلا بعد عنه وزعلت وتقريبا كنت هسيبه بس كانت فى حاجة جوايا انى بحبه وهو انسان كويس بجد بس الشهوة اوقات كانت تضعفنا انا حسسته بنفر شديد منى وحسسته انى هسيبه لو متغيرش وكمية المشاكل اللى بنا اللى اهلى شيفينها مع رفضهم الشديد انى اسيب خطيبى لاننا ناس بنشترى مش بنبيع شايفين صحتى فى النازل دايما وحالتى النفسية سيئة لدرجة انى رحت لدكتور نفسى بعلم ابى وامى كان بيقولى انتى مش مريضة بس حساسة شوية وعشان اول تجربة فى حياتك ومن حال بنوتة صغيرة لخطيبة ناضجة وقلة خبرتك بتزعلى من اقل حاجة انا بحاول اعالج امورى بالهدوء وبحاول اغير نفسى وخطيبى رغم انى حاسة ان اللى بعمله معاه من شدة مش كفاية لكن حسيت انه اترجع وخاف اضيع منه ولقيته وافق على شغل كان رافضه قبل كده عشانى وعشان يعجل بالزواج وبيقولى عشان اجبلك اللى انتى عايزاه قلتله انا ميهمنيش اى حاجة فى الدنيا غير راحتى النفسية ونعيش سعدا
بس اريد ان اسأل سؤال: انا فعلا بعدت نفسى عنه وبقيت احافظ على نفسى ومش بنقعد لوحدنا دلوقتى الحمدلله سؤالى لو بطل الحكاية دى وانا كمان اتغيرت هيرجع تانى ينظرلى نظرة البنت الكويسة ذو الخلق وميقتكرش اللى حصل فى الخطوبة والا هتبقى صفحة سود فى حياتى؟
وعلى فكرة والله العظيم خطيبى عارف ومتاكد انى بنت محترمة وانه اول حد فى حياتى وعارف كان فى ناس اتقدمولى لما مش لقوا من استجابة وهو عارف كل ده ومتاكد منه
وشكرا جزيلا وسوف اعمل ان شاء الله بنصائحكم والسلام عليكم ورحمة الله
اختى الكريمة دا شخص غير محترم بالمرة وغير مسؤل ولا تنظرى لكلام الناس من حولك الناس مش هتنفعك لما تتجوزيه وتكونى ومش مرتاحةاساسا الحب والزواج اساسه الاحترام واننا نخاف على بعض ودا لا هو محترم ولا خاف عليكى
سيبك من كلام الناس نصيحة من اخوكى سيبيه بدون تردد
بكرة ربنا يعوضك عنه خير بواحد محترم يقدرك ويحترمك
حبيبتي هو لو محترم زي الناس مابتقول وبيراعي ربنا فيكي وبيحبك كان حافظ عليكي وماكنش عمل كده ابدا حتي لو مقفول عليكم باب وحتي لو انتي اللي طلبتي منه يعمل كده بس ماتزعليش مني انتي اللي ادتيله الفرصة انه يعمل كده لو من اول مرة وقفتيه عند حده كان خاف وحرم وعايزه رايي فيه بصراحة دا مش راجل محترم ومايتامنلوش وخليكي واقعية شويه لو حصلتلك ظروف وانتي معاه لوحدك صدقيني هايستغلك اكتر من كدا وصدقيني لو دخل علي اخته وهي قاعدة مع خطيبها وشافها بيتعمل معاها زي ما بيعمل معاكي هايدبحهم .حبيبتي الرجل عاوز الواحدة المضمونة اللي تحافظ علي بيته وبموافقتك تصرفه كدا معاكي هايشوفك غيرمضمونة ماتزعليش مني وهو اللي هايسيبك ويسئ بسمعتك قدام الناس .شباب كتير اخلاقها مش كويسه بس لمل بيخطبوا بنات بيحبوها بيحافظوا عليهم.فنصيحتي ليكي ابعدي عنه لانه مش اخلاق وحاولي تحافظي علي نفسك اكتر من كدا لما تتخطبي لواحد تاني ان شاء الله يكون بيعرف ربنا من جواه مش ادام الناس .وياريت تتقربي من ربنا اكتر من كده لان ده اللي هايحميكي.
اتزوجو بسرعه ولا تعملي معاه شي يغضب الله واستغفري فلن يبارك الله زواجكم اذا استمريتو علغلط لله معاكي
حاولي توقفي الموضوع خلاص كفاية اوي كدة ولو الموضوع دة بيحصل مبي ناس مخطوبة كتير متبقيش انتي منهم ابقي انتي احسن الناس خليكي عزيزة متديش ليه فرصة ولا حتي لنفسك الحلال حلو لو اخد منك حاجة مش حيشتغل بجد عشان يخدك والحماس حيقل بل وينعدم وحيفكر مليون مرة فيكي بعد الموضوع دة والثقة حتتهز جواه اتكلمي معاه وانهي الموضوع اللي بؤيحصل مبينكم ولو رفض ابعدي عنوا وانتي الكسبانة بعد الجواز كله بيتقالوكان لم يكن وربنا معاكي
لا انكر انك انسانة محترمه ولكن كيف يدخل البيت وتسمحي له بذلك ؟
اختي الكريمه البدايه منة والنهاية عندك انت
لا ينفع الكلام فيما مضى الآن .
لا تكرري ذلك ابداً ويجب عليكي اخذ موقف حازم وحازم جدا
اظهري رد فعلك له . لا تتأثري بكلامه المعسول اثناء عتابك له . فسيبرر كلامه بمنطقه هو . وغالبا ما ستقطنعي به . انما ما بداخله هو الطامة الكبرى . فاقلها تولد شكه فيكي
قال رسول الله(ما اجتمع رجل و امرأه الا وكان الشيطان ثالثهما) انتي غلطانه انك جعتلي نفسك في خلوه مع خطيب ليس له اي حقوق عليكي..صحيح هو لم يتق الله فيماحدث معك وجرئ انه لمسك بدون حقق وانتي غريبه عنه بس انتي برضو غلطانه وربنا يغفرلكم..وصدقيني هوا كمان بيفكر نفس التفكير واكيد بيحتقرك برضو -اسف جدا بس دي الحقيقه -المهم انك لو مش مرتاحه نفسيا لزواجك به ياريت لو تصلي استخاره وتفلكشي لو مش مرتاحه نفسيا للارتباط وانك يتقال عليكي كنتي مخطوبه افضل من مطلقه وكلاهما افضل من بقاءك في الدنيا معذبه مع شخص لاتحبيه ولا تثقي به او مش مرتاحاله نفسيا… اتمني لكي القرار السليم ودعواتي لكم بالتوفيق لما فيه الخير لكم في الدنيا و الاخره.
اخوكي محمد المصري
محاسب بسلطنه عمان
السلام عليكم
حبيبتي اذا كان مكتوب كتاب الشيخ فهالشي مو حراملان بالشرع صار زوجك وبالعكس بصير يحبك وتحبيه اكتر ويشتقلك وتشتاقيله اكتر وايام الخطوبة احلى ايام العمر فلاتضوعيها من ايدك بس كل شي له حد يعني لا تزودوها
والله يوفقك ياعمري
حاقولك على حاجه بسرعه تعمليهاحسيسه انك مشتاقه ليه وتتمني اليوم الي تكون مع بعض من غير متخافوا من اهليكم عشان يحس انك مشتاقه ليه ويعجل في الزواج مالهاش حل غير كدهولو حس انك بترفضي حايسيبك بعد ماشبع بس انتي حاولي اهلك مايخرجوش من البيت ولو خرجوا اخرجي لاختك لا اقرابئك مع اهلك عشان مايطمع فيكي وتندمي وقبل الفوت ماينفعش الصوت ربي معاكي ان شاءالله قولي اميين وانتي والي بيشوفوا ردي اميين يارب
بصى يااختى انا بنت زيك وعرفه يعنى ايه حب
بس مش لدرجه العلاقه بين المتزوجين ده حرام حرام
سورى يعنى هو كان بيستغل الفرصه منك وانتى سمحتيه اكتر من مره واتعود على كده منك
انتى شكلك محترمه وبتخافى ربنا واهلك وخافى على نفسك منه
سبيه شويه عرفيه انك زعلانه منه واتكلمى معاه بصراحه
انه لو عمل كده تانى تسبيه وشوفى رد فعله ايه
اختى العزيزة اى بنت فى فترة الخطوبة بيكون فية مداعبة بس خفيفة ودا دليل على الاحساس والشعور بالحب بس عاوزة اقولك خلى بالك لان ممكن يسيبك لاى سبب من الاسباب وفى لحظة ضعف الشطان شاطر وممكن وقتها مش هتتحكمى على اعصابك وتقعى فى المعصية وهو لو بيحبك اكيد هيخاف عليك اقولك خلى بالك من نفسك وخليقى قوية ومتماسكة على اعصابك وربنا يكرمك
hاتقى اللة وعودى الى اللة واكثرى من الصيام والصلاة وقراءة القران واحرصى على صلاة الفجر وتوجهى الى اللة بالدعاء لعل اللة يهدية ويهديك ويهدينا جميعا وحافظى على نفسك ولاتخافى الا من اللة وكلما امتنعت عنة ذاد حبة لك وذاد حفاظة عليك وتمسكة بك
يا اختى العزيزة انا عشت تجربه مثل هذة وكان سببها حبى الشديد وشغفى بخطيبتى وهى لم تنقص فى عينى ابدا لانى كنت على يقين من حسن اخلاقها وادابها وانها ما فعلت ذلك الا حبا فى و لارضائى لكننا كنا شباب يتملكنا عدم ادراك الامور جيدا وكنت على علاقه صداقه بابى فاخبرته برغبتى فى تعجيل ميعاد الزواج لعدم قدرتى على الصبر على طول الخطوبه التى اعتبرها مضرة والحمد لله تزوجنا وارتحنا من تعب الخطوبه واوصيكى بالاتى :-
1- الاستغفار والحرص على الصلاة لانها سوف تحفظك على طهارة دائما
2- تجنبى الجلوس بمفردكم قدر الامكان واخبرى امك بذلك
3- اخبرى خطيبك ان قطف العسل فى ميعادة له طعم خاص وان القبلات المسروقه ليس لها مذاق مثل مذاق الامان المتوفر فى بيت الزوجيه
4- اعلمى انه يحبك وحاولى ترويض شهوته بشكل غير مباشر وبذكاء الانثى الذى لا يخطئ الى شكل عاطفى منه جسدى
وربنايوفقك ويصلح حالك ويجمع بينكم فى الخير
اللى يقولك دة طبيعى بين المخطوبين يبقا بيضحك عليكى الطبيعى بقا بين المخطوبين انهم ما يقعدوش سوا مع بعض بدون حد من اخواتها الطبيعى ما يلمسهاش لحد ما تبقا مراتة الطبيعى ما يشوفش منك شعرة الا فى الحلال معلش يا اختى انتم كدة لما ييجيلك والبيت مفهوش حد معلش كدة زى العشاق حرام عليكى انتى شكلك بنت محترمة وكويسة ومحترمة لا تضعفى امامة مرة تانية وخليكى زعلانة فترة وعرفية ان الشى دة ما يحصلش تانى غير بعد الزواجوربنا يوفقك
كل مرة بتسمحى ليه بهذه الأفعال تأكدى إن قيمتك عنده بترخص وثقته فيك بتقل والمصيبة السودة إنك مش هاتعرفى كدا غير بعد الزواج عاطفته تقل يوم بعد يوم حتى لغة كلامه معاك كلها استهزاء وسخرية لأنكم هدمتم كل القيم والأعراف ولم تراعى حرمة أبيك وبيته في كل هذه الأفعال أنتم على خطأ كبير أرجوك أوقفى هذه المهاذل وكل أخت أرجو منكن إدراك قيمتك كأنثى غلية يجب أن تحافظ على قيمتها كأى شىء غال تمتلكينه فما بالك بالعرض ولشرف فهذه الأفعال لا تكون إلا في بيت الزوجية اتقوا الله في آبائكن وتعاملوا فى حدود مايرضى الله ورسوله وإيه معنى هيكون زوجى ذالك في علم الله وهذا غيب والاعتماد على تحقيقه عيب لأنه بيد الله
انا زيك بالظبط يا اختي ربنا يكون في عونك بس الله الحاجات دية عادي دية مشاعر مكبتة جواكي وجواة وطالما انتي واثقة انة حيتجوزك وبيعمل كدة عشان بيحبك يبقي خلاص بس برضوا مش تزوديها يعني اوي يعني في الحدود يا اختي وربنا يكرمكوا يارب ويهدينا كلنا بصراحة الخطوبة دية بلوة سودا مصيبة والله تبوظ الاعصاب وخلاص ربنايسترعلينا كلنا
uعلاج مشكلتك الزواج الفورى من خطيبك لانو لو زادة الفتره متعرفيش العواقب هتكون ايه وانتى كمان متحاوليش تقعدى معاه تانى وقوليلو انو لو فيه اى شي يبقى ببيتنا لما نتجوز و المفروض
بصى هوه طبعا الموضوع ده حرام بس هوه امر عادى بين المخطوبين انا كمان مخطوبة ويمكن حصل معايا نفس الى حصلك وكل مره اقوله لا حرام ومش هنعمل كده تانى ويحلفلى برضو وفى الاخر ينتهز اى فرصه لوحدينا برضو بس مره مع مره انا قدرت استيطر على الموقف وخليته مش يعمل كده تانى وادبة واحترامه مع الناس شىء ومعاكى شىء تانى مش فى ولد مودب فى المواضيع دى بصراحه بصى حاولى انك تعجلى للجواز وحافظى على نفسكوقربيه من ربنا لو مش بيصلى شجعوا بعض وخليه يصلى قوليله ان ربنا شايفنا وان لازم تراعوا ربنا علشان يبركلكم فى الزواج ووحده وحده لو بيحيك هيتغير بس اصبرى عليه مدام بتحبيه
مش مهم الناس شايفه ايه المهم انتي شايفه ايه
مدام بيتجاوز كدا في مرحلة الخطوبة فهوا بجد مش فاهم يعني ايه خطوبة اصلا الخطوبة فترة ندرس
فيها صفات و اخلاق بعض مش اكتر من كدا
انا لو منك كنت من اول محاولة سبته و رميت دبلته في وشه
حتى لو كنت هاموت في الثانية اللي بعد دي بس اموت بكرامتي
الراجل دا مش هيتقي الله فيكي
و مش كل الناس من جوا زي ما هي من برا
شغلي مخك و على راي عبد الوهاب عشق الروح ملوش اخر لكن عشق الجسد فاني