انا بنت مصرية عندى 20 سنة فى الجامعة ومخطوبة بقالى سنة وكام شهر انا تعبت وقرفت من الخطوبة والزواج وكرهت الحب من مشاكل الخطوبة اللى كل مرة منمش بالايام عشان الاقى حل لمشاكلنا وفى واقوله لخطيبى وفى الاخر يقولى حاضر وميعملش حاجة واللى تاعبنى انه هو هادى او اكتر بارد بس ساعات بيبقى عصبى وبيقول ان اللى بنا دى مش مشاكل وهو عايش حياته وبيخرج وبيروح الشغل وبيقابل ناس وبيضحك عادى كان مفيش حاجة بنا والاكتر بيكون قدامى عشان يغيظنى وانا بقوله اللى جاى بعد الجواز اكتر لو حصل ان شاء الله فى اطفال فلازم نفهم بعض اكتر من كده ونهدى اللى مبنا شوية
بيفضل يوعدنى بحاجات كتير يغيرها فى ومفيش حاجة بتتحقق وانا من يوم مااتخطبت وحاسة انى غريبة عنه وهو غريب عنى اللى اعرفة عنه مهما كان كتير احس انى معرفوش
بتعب نفسى تفكير واسال ناس اكبر منى وينصحونى وهو مبيعملش حاجة وميقبلش اى كلام من حد حتى اهله معرفش اعمل ايه معاه ….. انا ببقى محتاجه حاجات منه يعملها مبيعملهاش وبقوله زى انه لما يزعلنى يجى ويصالحنى من غير ماحد يقوله او يطلب يشوفنى ويخرجنى او يتقرب منى ويفهنى نفسه كويس مفيش فايدة وكنت بقوله لازم اللى محتاجه الاقيه معاك انا مش هتجوز 100 راجل هو واحد بس ولازم احبه ومحسش ان فى حاجة نقصانى لكن هو ولا خطوة بيخطيها انا نفسى يعمل حاجات كتير من عنده من غير مااقوله وبصراحة انا حاسة انى مبقتش احترمه ولا اعمل حساب لكلامه من كتر مابيدى وعود ومش بيوفيها
انا نفسى اى حد يقولى اعمل ايه معاها وياترى فى امل يتغير انا مش عايزة اتجوزه وهو كده وبرده مش عايزة اسيبه رغم ان الفكرة دى جاتلى كتير بس بصبر ……وشكرا لكل من يفيدنى ويشرفنى بنصائحه
والسلام عليكم ورحمة االله وبركاته
اختي خطيبك هذاانسان غيرمبالي باي احد ورخم واستحالة يتغير في يوم وليلة لانو غلب عليه الطبع دا افضل حل لكي فسخ الخطوبة من الان وكل واحد ينام عل الجنب اللي يريحه
سيبية دا الحل الطبع بيغلب التطبع دا الحل
انا عندى نفس المشكلة وبرضو مش عارفة اعمل اية بس الفرق انى بحبة قوى وهوة كمان بيحبنى بس ساعات بيقصر معايا فى الاتصالى والاهتمام بيا واحنا مخطوبين لبعض عن قصة حب
صلي صلاة الاستخارة وان شاء الله سوف تتضح لك الأمور
حاولى تهدديه بلانفصال من باب المداعبه والهزار ان اتحرك وخاف تضيعى منه يبقى بيحبك وشريكى وان متحركش وحسيتى ان عادى ولم يبدى اى اسباب فورا انتى حره فى حياتك
المشكلة انى خايفة اندم لو سبته وهو لحد دلوقتى مش مقتنع انه فيه عيب انا بقيت حاسة انى عادى عنده مش ليا خصوصية…. وعلى حسب انه مؤدب ومحترم وبيحبنى خايفة اندم لو سبته وبعدين كمان انا مش بحب كلام الناس اللى دايما يجيبوا العيب على البنت….
يااختي ده مش هيسعدك وانتي مش هتغيريه عشان الطابع غالب صلي صلات استخارة وربنا هيرشدك للطريق الصح
صدقيني مشاكل الاهل اهون ميت مرة من مشاكل الزوج
ماتستعجليش انتي لسا صغيرة وربنا اكيد هيكرمك بزوج احسن منه
ربنا يوفقك يارب
انا عبيطه ربنا يسمحك علي ردك دا وبعدين بيت ابويا دا اللي قرفني ونفسي امشي اتجوز بسببهم
يا اختى فترة الخطوبه دى ليه طبعا عشان العريس والعروسه يعرفوا ويفهموا بعض فيها وطبعا ده محصلش طيب منتظره ايه بقى كل حاجه سهله وانتى لسه على البر وربنا يقدم ما فيه الخير وشكرا
اختى الكريمه الراجل الجاد معروف والغير جاد معروف انا راىء انك هتتعبى جدا معاه لان الرجل اللى ميوفيش بوعده مش راجل ابعدى عنه وربنا يرزقق احسن منه \ملللللللللححححححححوظه هامه\\\ صلى صلاه اسخاره وربنا هيبينلك ازا كان ينفعلك ام لا
يا بنتي الحل انك تسيبيه ومتتعبيش نفسك معاه اكتر من كدهواكيد ربتا هايرزقك باللي احسن منه وربنا يوفقك
السلام عليكم ورحمة الله وبركاته
مادام مفيش حب ولا تفاهم, انا انصحك بفسخ الخطوبة, وانت لسة صغيرة وقدامك العمر طويل, يعنى فيه فرصة انك تحبى شخص افضل منه. وبلاش تتعسى نفسك لان الزواج مش يوم ولا يومين بل هو حياة ابدية,ومسؤلية ضخمة تحتاج الى رجال اقوياء يتحملون هذه المسئولية.
ونا حاسة انك مش بتحبيه ,ويبدو انه شخص ضعيف وانانى ولديه برود عاطفى . وعشان كده انصحك بفسخ الخطوبة, وشوفى حياتك مع شخص غيره, وتأكدى ان المحترمين كتير. وربنا يسعدك وتلاقى الزوج الصالح.