انا كنت شغاله فى شركه خاصه وبعدين المدير كان مبسوط منى جدا وقالى ان شغلك حلو جدا لان انا فعلا كنت ببذل اقصى ما عندى لغايه ما جه المدير فى يوم وحسيت انه عايز يمشينى روحت وقدمت استقلتى قبل ما يقولها قالى انا هعتبرك فى اجازه لقتره مؤقته لانى مش محتاج موظفين الشهرين دول وحاول يقنعنى انه غصب عنه يستغنى عنى الوقت الحالى وان زميلى اللى معايا هيمشى كمان ارتحت شويه لما عرفت انى فى حد تانى ماشى غيرى واقتنعت انه فعلا مزنوق فى الرواتب بعد فتره لقيت زميلى اللى شغال معايا ماسبش الشغل وتقدملى وكان متمسك بيا جدا وقال مستعد اعمل اى حاجه عشان تكونى ليا لكن انا حاسه انه هو اللى حرض مديرى يمشينى لان المدير بيحبو جدا وبيسمع كلامه فى كل حاجه وانا مضايقه جدا على الموقف الوحش ده لان انا روحى فى الشغل لما هو عايز يتقدملى ليه مش يكلمنى انا بعيد عن المدير والشغل وكمان قصير عنى بس مش كتير بس اكيد الفرق هيبان عموما انا حاسه انى عايزه اعقبه وارفضه واتمسك برفضى هو اتقدم رسمى ومستنى الرد واتصل بيا وسالنى على ردى انا شخصيا لان اهلى قالولو احنا راضين لكن الرد الاخير ردها فسالنى وانا معلقاه لانى بجد مش ضيقاه ازاى يحرمنى من حاجه انا بحبها عشان نفسه ومن غير كمان مايعرف رائى فيه ايه يا جماعه قولولى الحل معاه ايه ده ازاى احرق قلبو زى ماحرق قلبى على شغلى
مشاكل البنات قبل الزواج
حرمني من شغلي كي يتقدم لخطوبتي
اضيف بتاريخ: Sunday, April 24th, 2011 في 21:50
كلمات مشاكل وحلول: الزواج, خطوبة, عمل, مدير, مشاكل البنات
وافقي عليه فورآ هو فيه بنات لاقيه عرسان اليومين دول أنتي حتتبطري علي أيه المهم الراجل حيتجوزك وحيقعدك في البيت وحيعيشك ملكة عايزه أيه تاني أنسي كل شيء ووافقي فورآ لا ترفضيه وتندمي بعدين وعصفورآ في اليد خير من عشرة علي الشجر
لا عدى الموضوع وفى الخطوبة هيكون فية كلام تانى لانكم هتكونوا اخدتوا على بعض شكلو بيحبك خليكى معاة وبعد الخطوبة كلمى المدير يقولو هوة نزلها الشغل وبارل يقدم الا فية الخير ليكى
هى الطريقه غلط ما انكرش بس احب اوضحلك حاجه هو معجب بيكى جدا ومتمسك بيكى وعايزك تكونى ليه لوحده فانتى لو شايفه انه زوج مناسب ليكى اقبلى لانى سوق الزواج زى الزفت اليومين دول بس زى ما قولتلك مناسب وهو معاكى فى الشغل اكيد عندك خلفيه عنه.
قبل ما تديه رأيك روحي كلمي المدير وجها لوجه و اساليه لو فعلا الكلام ده صح
بس خدي منه كلمه انه مش هيقول لخطيبك
اعملي صلاة استخاره
بس لو ثبتت التهمه نصيحه مني ارفضي