السلام عليكم ورحمه الله وبركاته
انا عندى 26 سنه و متجوزة من 3 سنين جوزى عندة 29 سنه ولدتى اتوفت من 11 سنه ولدى اتجوز وانا عشت مع خالتى انا بحب زوجى جدا بس هو كل حاجه يحكيها لولدته مهما كانت صغيرة او كبيرة بالعلم ان ولدته عمرها ما قالت له انت غلطان على طول تقول لى الست اللى بتستحمل ومتردش على جوزها مهما عمل فيها انا عصبيه جدا ومع ذلك اتكلمت معاه كتير وقلت له ان دى اسرار بيتنا مفيش حد يعرف عنها حاجه علشان كدا المشكله بتكبر بيننا واحنا بنتصالح وولدتك بتزعل منى كان يرد ماما مش زى اى حد كان يروح يحكلها وهى كانت تقول لى ابنى مش ممكن يخبى عليا اى حاجه زادت بنا المشاكل بسبب الموضوع دا وبسبب انه عاوزنى اروح وابات عندهم مع ولدته واخواته انا كتير اتخانئت مع عندهم بس هو كان بيعلى صوته علشان ولدته تسمع وتيجى بس انا كمان مكنتش بسكت خلص وكنت بتكلم عادى ومكنتش بخاف منها ولا على زعلها كنت بحس انها المفروض تقول له خليها براحتها الست مترتحش غير فى بتها بس هى كانت تقول خليكوا معانا واهم حاجه راحتها هى وحصلت مشكلة علشان انا برد على زوجى بس والله هو بيخرجنى عن شعورى وراح حكلها وهى اتصلت بولدى وقالت له زى ما دخلنا بالمعروف نخرج بالمعروف ولدى اتصل بيا وكان منهار وقال لى انزلى من البيت علشان الناس دى مش عوزاكى وبالرغم من كدا انا اتصلت بحماتى وبتكلم معها قالت لى اللى يزعل ابنى ميلزمنيش وقفلت السكه فى وجى رميت هدوم زوجى على الارض وكسرت الdvd ونزلت وبعدها باسبوع اتصل زوجى بيا بس مردتش عليه خالص وبعدها 15 يوم ولدته اتصلت بس مردتش اتصلت بي بابا بس ما قالت له خليها تروح بتها قالت له هى غلطانه وجابت مشاكل قديمه وعماله تتكلم فيها زوجىة جالى مرتين بس خالتى قالت له لازم ولدتك زى ما تردتها تيجى تاخدها فا مشى بس صعب عليا كلمته وقلت له انت اللى عملت كدا بالعلم انهم عملوا خطوبه اخته وانا محدش قالى اى حاجه بس جالى تانى بس لوحده ومروحتش معاه برده بس كنت زعلانه جدا بس مئدرتش روحت لوحدى تانى يوم بس اهلى زعلو منى وقالوا بعد 35 يوم عايزة تمشى لوحدك مسمعتش كلام حد وروحت بس انا دلؤتى مش بكلم ولدته بس حاسه انه زعلان انا كدا مرتاحه وانا بعيد عنهم وقلت له انى مش هحدر خالص اى فرح عندهم علشان مينفعش نفسى حماتى تسبنى فى حالى وملهاش دعوا بيا خاص بالعلم انى على طول اوصى عليها وعلى اخواته بس قلت له سبنى انا براحتى هل دا هو الحل انى ابعد عنهم بس نفسى افضل كدا
مشاكل الازواج
حماتي متسلطة وبيتى فى خطر
اضيف بتاريخ: Wednesday, May 4th, 2011 في 05:47
كلمات مشاكل وحلول: الحياة الزوجية, مشاكل الازواج, مشاكل زوجية, مشاكل زوجية
احسن حاجه عملتيها اختصريها احسن بس خليكى انتى الاحسن وكل مناسبه اتصلى بيها سلمى عليها وبس وبدعيلك ان ربنايهديها عليكى ويهدى كل الحموات ع مرتات ولادها
قلبى معاك امشى بالمثل اللى بيقول الباب اللى يجيللك منة الريح سده واستريح
طيب يا اختي انا ما راح اقول لك اصبري او لازم تتأقلمي مع الوضع أواضغط عليكي لكل انسان طاقه معينة ، بس انتي من كلامك اللي انا فهمته انك حاقده على أم زوجك حقد أعمى يمكن لو تحاولي فيها يضبط بس انتي صفي النيه اول شي ، ثاني شي يعني الجنة تحت اقدام الامهات يعني هو ربنا مبارك فيه انتي لا تخلي تفكيرك سلبي بالعكس صيري دايم حفزيه يبقى جنب أمه وهي من تلقاء نفسها لو عرفت انك تسوين هالشي يمكن ربنا يهديها وتغير معاملتها جذرياص معك.
ربي يحفظك…
لوتسمعى نصحتى اصبرى واصبرى وعودى نفسك انك مش كل الكلام تردى عليه طنشى وتعلمى البرود بكره تخلفى ويبقى عندك ولاد ح تلاقى نفسك مرتاحه وهى ح تسيبك فى حالك وتضحكى على الايام دى وتقولى قد ايه الانسان بيكون متسرع ادعيلى بس انتى
من كلامك حسه ان خالتك كانت بترجعلك كرامتك كان لازم تتقلى شويه عشان امه مابتعملش نفس العمله تانى وبعدين زوجك لسه صغير فى السن الراجل ديمانضجه بيكون بعد ال30 يعنى ممكن مع مرور الوقت تتغير خصله ان كل حاجه يقولهالامه لان كده هو السبب انه وصل العلاقه بينه وبين امه بالشكل ده وانتى فهميه انك عايزه تعيشى فى حالك بدون مشاكل لكن كمان ماينفعش تقطعيهم يعنى افراحهم احضريها احزانهم اقفى جنبهم فيها اطلعى احسن منهم كده محدش يغلطك وتبانى واثقه من نفسك اماخطوبه اخته يمكن عشان انتى كنتى فى بيت اهلك والمشاكل محدش قالك فكبرى دماغك وخليكى ناصحه وياريت لمااهلك ياخدوا موقف اعرفى انه فى صالحك لان همادول اكتر ناس فى الدنيايهمها شكلك ومنظرك اتعاملى بقى مع اهل زوجك عادى بحدود ولو هو حكى اى مشكله بينكم تانى متكلميش معاه فتره اجتنبيه وقوليله انت المسئول انك تحل مشاكلك مش ولادتك تحل مشاكلنا لكن برضوا اعملى الاصول ومتخليش حد يمسك عليكى حاجه يعنى خليكى فى حالك اه لكن اعملى برضوا الاصول واطلعى الاحسن
بصراحه انا مش معاكى خالص يمكن الحاجه الوحيده الصح فى مشكلتك انك روحتى بيت زوجك وبعدين واضح فعلا انك عصبيه جدا لا الحياه الزوجيه مش كده خالص مش معنى ان والدته قالتك لازم تستحملى زوجك تبقى هيه غلطانه ده عادى جدا كل ام كده لما تشوف زوجه ابنها بتيجى عليها وكمان بتيجى على ابنها لما يكونوا لوحدهم مش قدامك اما حكايه انه بيقول كل حاجه تخصكم لوالدته فدى حاجه تضايق لو بيحكى عن الاعلاقه الحميميه بينك وبينه دى فعلا مصيبه لكن الكلام العادى اننا رحنا او اشترينا او سوينا كده ده عادى جدا واكيد انتى كمان ممكن تحكى لخالتك عن حاجات ذى دى لو انتى مقربه منها وصدقينى مفيهاش حاجه اما تقعدى شويه او تباتى عند حماتك بس لو ملهوش اخوات ذكور عزاب وبعدين استعملى الدبلوماسيه وذكاء المراه مش كل حاجه بالخناق لزم تكونى ذكيه وعاملى والدته كانها والتك وكل ام بتحب ابنها ذياده متحبش انه يكون زعلان واضح من كلامك انك عاوزة تثتاثرى بزوجك وعاوزاه يبعد عن مامته وبعدين بكرة يكون لكى ولاد هل تحبى ان ابنك بعد ما يكبر وتشقى وتسهرى على تربيته ان زوجته تكرهه فيكى او تقوله متقولش اى حاجه لمامتك عنك مش معقوله طبعا يا اختى راعى ربنا فى تصرفاتك واعلمى ان مفيش حاجه بتروح عند ربنا وبعدين لو حتى زوجك رضى بخصامك لوالدته بس قلبه هيكون شايل منك وممكن يفتعل معاكى اى مشكله بعيد عن والدته وبعدين انتى ناسيه حاجه اهم من كل الكلام ده انه لا يجوز هجر المسلم لاخيه المسلم فوق ثلاث ايام يعنى انتى كده كمان بتزعلى ربنا