انا متجوزة بقالي تلت شهور في بيت عيلة و حامل و مشوفتش في التلت شهور يوم حلو بسبب أن زوجي غاصب عليا اني اطلع اقعد طول اليوم عند أهله و انا رافضة و حماتي متدخلة و وحشة جدا وجاهلة و مفروض عليا فطار غدا عشا معاهم لما اتكلمت اني عايزة يكون ليا حياتي الخاصة رفض و بيزهقني أنه طول اليوم قاعد عندهم و مش معبرني انا فكرت كذا مرة اسيب البيت و اروح لاهلي بس ده مش حل و كلمت عمو باباه و اهلي اتكلموا معاه بس زي ماهو و مع العلم اني حرفيا بموت بسبب التصرفات اللي بيعملها و تجاهله ليا و هو شخص عنيد جدا و كمان بيقرفني أن احنا مش بتخرج غير مع أهله و انا مش حابة كده
اختي العزيزة انتم لسه في بداية حياتكم الزوجية وحامل وتنتظري مولودك الجديد اصبري وتحملي فالحياة عايزه كدا ودول اهله لازم تتعاملي معاهم كويس عشان جوزك يحبك وهم برضو يحبوك بلاش تخليهم من البداية يكرهونك او يخلقوا لك المشاكل ربنا يصلحك ويهديك ويؤفقك ويسعدك طوال حياتك الزوجية