مشاكل عائلية

حيرة ام ومعاناتي من ابنائي

انا ام لولدين انا بقول مشكلتي عشان مش لاقية حل عايزة حد عاقل يحلها لي ابني الكبير متجوز وكان شغال في شركة وبعدين دخل شغل لحسابة وورط نفسة واداين وزوجتة مش سائلة فية وانا متورطة معاة هو اللي ورطني بضعف قدامة اما يقولي انا عليا فلوس والناس عايزاهم مني واتصرفتلة بمبلغ كبير ولا هو عارف يسدة ولا انا عارفة اسدة زوجي موجود بس معندوش اي مساعدة لحد فيهم وابني الصغير كان اخد شقة وفاضل علية مبلغ وانا عشان ابني اتصرفتلة فية واتصرفتلة في فلوس تانية يسد بيها ديونة ولا دة سال فيا ولا دة سال فيا ومش عارف اعمل اية ومعرفة والدهم علي كل حاجة ولا حتي شاغل بالة ولا هما حاسين بيا وانا مستعدة اضحي بروحي عشانهم ودة مراتة ممكن تتصرفلوة ودة مراتة ممكن تتصرفلة بالله عليكم ساعدوني بالحل انا في حيرة دية جزاتي في الاخر

مشاكل وحلول ذات صلة

اضيف بتاريخ: Sunday, May 19th, 2019 في 06:40

كلمات مشاكل وحلول: , ,

3 رد to “حيرة ام ومعاناتي من ابنائي”

  1. ابوالبتول
    03/07/2019 at 11:23

    انت ياستي ورطت روحك دول رجالة مش عيال صغيرين لازم يتصرفوا ويتحملوا مسوولياتهم والمثل يقول -اللي شايل قربه تخر عليه- انت لحمدلله ربيتهم وعلمتيهم وكبريتهم وجوزتيهم وماقصرت معاهم في حاجة كثر خيرك ياحاجة لازم يقوموا بحملهم بقا وجزاك الله كل الخير ماتخافيش عليهم كفايك دلع فيهم وان شاء الله كل الامور تنحل وربنا يفرجها عليكم عماقريب

  2. Ahmed
    23/06/2019 at 15:27

    يا امي كلمي ولادك
    اي راجل ميستحملش يرى امه في نبرة حزنك دي

    اقعدي معاهم وانبي ضميرهم لعل وعسى يفوقوا من غفلتهم
    ربي يعطيكي الصحة والعافية
    مشكورة انتي امي على ما فعلتيه
    جزاكي الله كل الخير

  3. الحمد لله
    31/05/2019 at 19:00

    حاولى تروحى تقولى الموضوع ده خصوصا فى رمضان لامام جامع منطقتكم ويجمع لك تبرع أو تروحى لتاجر حديد أو أسمنت فى منطقتك وتطلبى منه تبرع لمشكلتك وانه يصبر عليكى فى سد دينك.واوعى تدخلى نفسك فى مشاكل ولادك تانى كفاية اللى حصل منها لغلية كده

اترك رداً أو حلاً لهذه المشكلة