شاب عندى 25 سنه وخاطب بنت الجيران عندها 17 سنه وكان ليها قصه سنتين قبل الخطوبة مع شاب وكنت مسافر ورجعت واتقدمت ليها ووفقت واول يوم معها سألتها مقتنعه بالخطوبها وكده يعنى قالت انا كان ليا قصه وانتهت والشاب ده بقى زى اخويا وخطبتها خصوصا انا اهلها محترمين جدا واعرفهم كويس وهما عارفنى وكده يعنى وبعد الخطوبة 3 شهور اكتشفت انها بتكلم الشاب ده فى الموبايل صارحتها قالت ايوه حصل طيب ليه تقول زى اخويا مش اكتر من كده وانا فعلا غلطانة من الحصل وقررت اكمل معاها نظرنا لاحراج الاهل وقلت لسه صغيره ومش فاهمه ومحدش عرف حاجه بس هى عملت البدع علشان اكمل معاها مثلا طلبت منها تسيب المدرسه وفعلا سابتها ومافيش خروج نهائى وفعلا مش خرجت من حوالى 4 شهور وقطعت علاقتها باصدقائها كلهم ولو حد راح عندها البيت تطرده يعنى من الاخر بقت حاجه رهيبه بجد حسيت بحبها وانها عايزه تعملى اى حاجه علشان تردينى وفعلا حبتها ومن حوالى اسبوع طلبت منها نتكلم فى الموضوع ده تانى ليه حصل كده وليه كلمته تانى ايه السبب واتكلمت بس المره دى كانت بكل صراحه حتى انها صارحتنى بحاجه تانيه لوحدها وكانت بعد الخطوبه كمان بس حسيت انها بتكلم بندم اعمل ايه خصوصا انا كان ليا علاقه بانسانه مخطوبة وعارف ايه الى بيحصل الشك هيموتنى اعمل اية مع انى حاسس انها اتغيرت وعمرها ما هتعمل كده تانى وحاسس انها كانت قصه وقت المراهقه ممكن؟؟؟ وممكن تعمل كده تانى؟؟؟؟؟؟؟ وانا ممكن انسي الى حصل ده ؟؟؟؟؟اعمل ايه
مشاكل الشباب
خاطب بنت الجيران والشك هيموتنى
اضيف بتاريخ: Thursday, September 16th, 2010 في 10:47
كلمات مشاكل وحلول: الخطوبة, بنت, بنت الجيران, خطوبة, مخطوبة
انصحك انك تنهى الموضص وع دة و تسيبها ترجع مدرستها و تسيبك منها خالص و استغفر ربنا على اللى انت عملته قبل كدة عشان ربنا يرزقك بواحدة احسن منها لان اكيد ربنا خلص فيك اللى انت عملته قبل كدة فى الانسانة دى لان مع احترامى ليك مفيش حاجة اسمها حبيبها الاولانى يبقى زى اخوها لان الحب يستحسل انه يتحول لاخوة او صداقة وصدقنى لو كملت معاها هتفضل طول عمرك شاكك فيها و هتبقى حياتك عذاب . بالتوفيق
“ومن حوالى اسبوع طلبت منها نتكلم فى الموضوع ده تانى ليه حصل كده وليه كلمته تانى ايه السبب واتكلمت بس المره دى كانت بكل صراحه حتى انها صارحتنى بحاجه تانيه لوحدها وكانت بعد الخطوبه كمان” يعني انت كل مره تكتشف حاجه جديده بالتقسيط ؟؟ اذا هي انسانه صريحه كانت قالتلك كل حاجه من البدايه بدون متحاصرها بالاسئله
اذا ازاي زي اخوها والعلاقه انتهت وبعدين تتفاجي بانها بتكلم الشاب ده فى الموبايل !! وبعدين مع احترامي لحضرتك ملكش دعوة باحراج الاهل طالما الموضوع مش مريحك وحاسس بشك يبقى تنهي افضل خاصه بعد ماكتشفت انها رجعت تكلمه تاني وبدون علمك .. وباي صفه تكلم شاب وهيا مخطوبه ؟؟ اذا اتجاهلت الموضوع هيفضل الشك يحاصرك حتى بعد الزواج وهتشك فيها لاقل الاسباب حتى اذا هيا اتغيرت ولكن بعد مارمت بذره الشك في نفسك والشك عمره مابيقل بالعكس زي البذره كل يوم بيكبر ويزيد عن اليوم الي قبله … نصيحتي لك وانا اختك انتبه منها لانها انسساه مش سهله *_*
كما تدين تدان
كما تدين تدان
انت بس يا اخي ربنا حاب يدوئك طعم الشك والخيانه
اتمني ان يهديك الله ويهديها ويوفققكما معا
دع الشك وثق بها
كما تدين تدان
ولو كنت انت زدت مع علاقتك السابقه لزادت هى مع هذا الشاب
اتقى الله واستغفره وسامحها وان تكرر اى موقف فهى لن تكون لك حتى لا تحدق بعد فتره طويله والعياذ بالله خيانه عظمى
يا أخى لا تنسى ان الله يغفر الذنوب جميعا….لماذا لاتغفر لها ولو حتى أخطأت…..هى خلاص اتغيرت بشهادتك…… ضمها اليك وحسسها بحبك وانك الشخص الوحيد فى حياتها وهى الوحيده فى حياتك….. صدقنى هتكره الشخص الاخر لان ده كان حب مراهقه,,,,, املأ الفراغ الذى فى حياتها وانته هتعيش احلى عيشه مادام اهلها كويسين ومادام بتسمع كلامك…..وابعد الشيطان عنك وربنا معاك
انا من رايى مادام هيا عملت كل الحاجات اللى انت قولت عليها يعنى هيا بتحبك بس انت برضه متسلملهاش اوى يعنى بالمعنى اللى قصدى عليه اتقل عليها شويه بس مش اوى برضه وشوف هيا هتعمل ايه لو لقيتها كويسه يبقى خلاص كل انسان بيغلط مش علشان غلط صغير يبقى تفقد الثقه فيها على طول وربنا يسعدكم يارب
بص يا مان , من تجربة , البت لسه عيلة , اول حاجة انته قتلت البت لما قلتلها سيبى المدرسة , والبت مخنوقة وعاوزة تكلم اى حد , خلى البت ترجع مدرستها وما توقفش حال البت وانته قرفان منها
السلام عليكم…انا عرفة ان الراجل بطبيعتة بيحب انة يكون اول حد فى حياة البنت اللى حيرتبط بيها ودة حقك بس هى كان مممكن متقولكش اصلا على الشاب اللى كانت بتكلمة…وتقنعك انك اول حد فى حيتها وعلى فكرة سهلا جدا عرفة بنات كتييير عملها بس هى كانت صدقة معاك من الاول ..ومعنى انهم اتكلموا مكلمة دة مش معناه انها خنتك او مشبتحبك هى ثابتوا خلاص واكيد لو كانت بتحبوا مكنتش وفقت عليك ولا رضيت بتحكماتك اللى انا شيفة انها ذيادة عن اللزوم هى لسة مش مراتك وفى حكم اهلها…ولية تعليق على كلام اللى اتكتب ان بعض الظن اثم وانتم متعرفوهاش والمفروض نسمع وجة نظر الطرفين عشان منظلمهاش …ونصيحة انك لو مشقادر تصدق يبقى سبها دة فى مصلحتها بدل مترتبط بيهاوتعذبها بشكك فيها
انت عاوز ايه اكتر من كدا هيه لسه عيله 17 سنه يعنى لسه ما نضجتش بالشكل الكافى اللى يخليها تتصرف صح وغير كدا مهى سابت المدرسة وعملت كل اللى قولت عليه بالظبط وانت مدام حاسس انها ندمت خلاص وربنا غفور رحيم وابدأ صفحة جديدة وانت لازم نتسى كفايه اوى انها محترمة وماخدعتكش وخبت عليك كلامها مع الشاب صراحتها اكبر دليل انها مش بتحب تعمل حاجة غلط والمسامح كريم وهيه لسه صغيرة اما لو لا قدر الله صدر منها حاجة تانيه يبقى اتصرف تصرف حاسم وساعتها لن تلام عليه ابدا لانك اعطيتها فرصه عظيمةلبداية جديدةوصحيحة وشكرا
لوانت حاسس انها بتحبك بجد ومتاكد انها مش هاتعمل دا تانى كمل معاه وحبها اكتر وفهمها ووعيها انت اعقل وادرك ولو الشك هايسيطر عليك وتخلى حياتك وحيلتها تعيسة ابعد وانفصلوا وبلاش تعذب نفسك وتعذها
ملحوظة ولو كملت عاهد نفسك ان الشك ما يسيطرش عليك علشان ما تتعبش وتتعس حياتك بايدك وخلى الثقة مفتاح حياتك وحبك والسم لو كان وسط الحياة يتحول بفضل الحب لرحيق يحلى الحياة
اولا الجواز يا عزيزي قسمة ونصيب .. وعلشان تبدأ حياتك من اول الخطوبة بشكوك ومنغصات وحاجات تحرق الدم وكان كل املك في الدنيا انك ترتبط بانسانه محترمه وهذا المهم مع الاحترام الكامل لاسرتها وما يهمك هو شخصيتها واخلاقها وصدقها وبرائة سنها لانك سوف ترتبط بهذه الفتاة وليس بأهلها واهلها على العين والرأس .. اعتقد بانك اذا بدأت هذا المشوار بهذه الطريقة سوف تتعب كثيرا ولن يهدأ لك بال بالكثير من الافكار والاوهام المسمومة الفكر والشك . هذا من منطلق اعترافها بخطأها واعتذارها وعدم تكرار ذلك وان تعتبر انت ما حدث هو بمثابة نزوة مراهقة في سن مبكر ومن الطبيعي ان يحدث ذلك لاي بنت حتى ولو بطريق المعاكسة المعتادة في الشارع والتي تتعرض لها الاف بل ملايين البنات في كل لحظة كما انك ايضا مريت بمثل هذه التجربة والفرق بين تجربة البنت عن الولد ان البنت سرعان ما تسنى اي تجربة مادامت انها تجد من يقدر على ملء هذا الفراغ العاطفي في حياتها ولكن .. ولكن .. ولكن .. ارى انها فرصة كبيرة في ان تكون باسلوبك المتحضر وبالرحمة والمودة وعدم اغلاق الباب عليها بان تضع امامها كل ما هو افضل واجمل لمستقبلكم ولبناء اسرة سعيدة وان تجعلوا ايديكم متكاتفة ببعض لان الحياة تحتاج من الطرفين لان يعوض كل منها النقص في الاخر لتكتمل الصورة الصحيحة والناجحة في الحياة .. وليس سياسة الباب المغلق على المرأة مهما كانت الظروف والاحوال ما يجعلها ترضخ وتخاف وتتنازل لان المرأة اذا ارادت ان تفعل اي شيء لن ولم يقدر احد ان يوقفها ولكن بالمحبة والعطف والثقة بالنفس تقدر فقط ان تجعلها زوجة صالحة وامً فاضلة وحياة هادئة هانئة .
بص بص يا ابن الحلال اول غلط في العلاقة انها بتعمل كل حاجة عشان ترضيك مش عشان هي عايزة كدة
ثانيا حاول تتأكد انها مش بتكلمه من تليفون امها او حد من اخواتها او حتي من الشارع
ثالثا متاخدش معاها خطوة اجابية تانية الا اما تتاكد انك مش بتشك فيها لانكم لسة علي البر و
و بتشك فيها امال بعد الجواز بتلات او اربع سنين هتعمل ايه
رابعا خد بالك لانك لو بتحبها هتحاول تخلق لها اعزار من الهواء و تقنع نفسك بيها و تصدقها
خامسا حاول تسمع من حد مش بيحبها اوي او عايز يكرهك فيها عشان تعمل توازن لمشاعرك
سادسا السن ده بيكون ليه الرغبة في اجتياز اعجاب الرجال و انها عايزة تشوف كل الناس ملهوفة عليهت و نفسهم ينولوا حبها
و سابعا حكمة قالوها زمان بتقول يحتاج الشيطان 10 ساعات ليخدع رجل و تحتاج المرأة ساعة
واحدة لتخدع 10 رجال …. و النوع ده مبيعمرش يا ابني
ثامنا حاول تلغي مشاعرك حتي و لو لمدة ساعتين و تفكر بجد و متسألأش في المديات اللي انت صرفتها عليها لان لحظة شك واحدة تساوي ملاين تدفعها عشان متحسهاش