انا بنت عندى 22 سنة الحمد لله طول عمرى ملتزمة فى لبسى وانا فى الثانوية العامة لبست الخمار وفى الكلية لبست الاسدال ولما خلصت الكلية لبست النقاب من سنة تقريبا طبعا واجهت مشاكل بسببة وتعليقات سخيفة كتير لكن كنت لا اتأثر ودة فى البداية لكن بدأوا يحسسونى انى مذنبة وطبعا كلام يكرهونى فية مثلا فى منتقبة عملت كذا وكانت مستترة فى النقاب مثل تانى فى راجل لبس نقاب وسرق كذا بمعنى اصح كانوا بيقللوا من النقاب كنت برضو ارد وادافع وقلت ربنا يبعد شياطين الانس عنى بس منكرش انى عزيمتى قلت لانى انا فيا صفة وعيب فى نفس الوقت انى بتاثر بكلام الناس الحلو والوحش مثلا لبسى للنقاب انى اتحاورت مع صديقة ليا منتقبة وحببتنى فية فلبستة وفى نفس الوقت بهتز لما حد يكلمنى عن حاجة ويقلل منها طبعا كدا مفيش مبدأ وغلط طبعا \ اخيرا انا خالى عايش فى بلد اوروبية من زمان وبعدين من حوالى شهر اتصل وقالى ان فى واحد هو يعرفة معرفة تامة انة بيدور على عروسة متدينة ومحترمة والصدفة انة بيسال خالى فخالى رد علية وقالة هشوف الموضوع دة وهرد عليك خالى قاللى رديت سالتة هو بيصلى ولا لا قالى ملتزم وبيصلى ومستقبلة كويس ومستوى مادى كويس جدا قلت ربنا يسهل خالى والعريس هينزلوا قريب المشكلة ان العريس طلب انى اقلع النقاب وابقى بالحجاب بس عشان ان حصل نصيب لو سافرت موضوع النقاب بيسبب مشاكل كبيرة لية وليا فى المطار وفى البلد الاوروبية دى طبعا نسيت اقولكوا انة شاف صورتى لكن انا مشفتوش وهو من نحيتى وافق لكن هو قال الموضوع متوقف عليها ان من نحيتها فى قبول ولا لآ المشكلة انى خايفة اقلع النقاب لما ينزل فربنا ان حصل نصيب قادر انة يخلينى مش سعيدة معاة ودة يبقى عقاب طبعا مش عارفة اعمل اية ان ارتحتلة هعمل اية ساعتها فى موضوع النقاب لكن لو مكنش فية قبول يبقى خلاص من غير النقاب الموضوع خلص \ فى ناس قريبة بتقولى اقلعيه لان فى اختلاف فية ودول كتير اما قلة القليلة هما اللى يقولوا مينفعش تقلعيه وبرجع اقول ممكن ده يبقى اختبار من ربنا كبير اوى بس عشان نتكلم بصراحة دى فرصة جواز كويسة وفى نصيب انة يتعرض عليا خصوصا ان بيجيلى عرسان طبعا اذا كان كويس فى التدين بتلاقى حالتة المادية مفيش وهنا دور الاهل بيشتغل انهم يرفضوا عشان عاوزين بنتهم تعيش مرتاحة وحالة تانية انى اتخطبت قبل كدة لناس مرتاحة ماديا وخطيبى كان بيصلى لكن شخصية مفيش لدرجة ان بسبب شخصيتة دى سبب مشاكل بين الطرفين وسبتة طبعا لانى كنت هتعذب معاة اخيرا انا 22 سنة وسنة وراها سنة ونفضل نرفض وفى الاخر فى ناس بتاخد اى حد فى الاخر وفى ناس بتعنس فانا زهقت من التفكير وانا طولت عليكوا عايزاكوا تفكروا وتردوا عليا باللى يرضى ربنا اسفة انى طولت عليكوا
مشاكل البنات النفسية
خايفة ومحتارة ومش عارفة اعمل اية في النقاب
اضيف بتاريخ: Friday, September 17th, 2010 في 03:59
كلمات مشاكل وحلول: الثانوية العامة, الحجاب, النقاب, بنت, مشاكل
احترم اراءكل الاخوة واعجبنى ردالاخت -امةالله- واتفق معهافي كل ماقالت لصاحبةالمشكلة نعم الراي الحكيم والصائب عليهاالعمل به لمافيه الخيروالصلاح والسعادة لهافي الدين والدنياونشاءالله في الاخرة وفقهاالله وسترعليهاوكل اخواتناالمسلمات
ربنا كرمك ولبستي النقاب بلاش تقلعيه لما ينزل خالك والعريس وتقعدو مع بعض لو لقيتي في راحه وقبول مفيش فيها حاجه لو اتجوزتو وسافرتي معاه لان معظم وقتك هيكون في البيت ده لو انتي مش بتشتغلي وفي الاخر استخيري رب العباد وربنا يوفقك
السلام عليكم ، اختي الكريمة حفظك الله ورعاكي
والله ان عزك في نقابك ،فاستعين بالله فهذا ابتلاء واختبار من الله لكِ،قال تعالى :”أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ (2) وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ ” فبالله عليكي ككوني من الذين صدقوا ، فانت ارتضيتي بهذه الملابس
وتتقربي بها الى الله بغض النظر عن انها فرض او سنه ، ولكي ان تعلمي اختي في الله انه فرض وهنا ليس مجال لنقاش هذا الامر ، ولكن تذكري انك جوهرة لا يراكي الا من يستحق ، فاستعيني بالله
واعلمي انك تتشبهي بخير النساء نساء النبي وبناته ولا تنسي انه من تشبه بقوم حشر معهم
وتذكر يانه ما انت فيه نعمة من الله يحسدك عليها الكثير من الفتايات ، فالكثير منهن يتمنون لبس النقاب ولكن لا ييسر الله لهن فهلا قابلتي النعمة بالشكر واستعنتي بالله على امرك .ثبتك الله
بصي حبيبتي النقاب فضيلة وليش فرض الرسول عليه الصلاة والسلام لما اتكلم عن الحجاب سمع للمرأة ان تكشف وجهها وايدها بس يعني مقالش تغطي وشها يعني متقلقيش انت مش هتعملي جريمة وكفاية نيتك في ارضاء ربنا
غير كدا انتي مسافرة دولة اجنبية مفيش داعي خالص باه للنقاب لانك هتعملي مشاكل كتير لنفسك شوفي التعليقات اللي بتعرضيلها في بلدك امال برا هتعملي ايه كفاية اوي حجابك وانتي كدا متفتكريش ابدا انك ناقصة في تدينك ..ربنا يباركلك ويتمللك على خير وخليكي دايما عارفة ان الدين يسر وليس عسر
انصحك بان تستمرى فى لبس النقاب ولا تستمعى لاحد هؤلاء اعداء الدين
والى بيتكلم طنشيه ودن من طين ودن من عجين
شوفي يا بنتي ربنا امر عباد بلستر والحشمه وانا الاي بعرفو من دينا
انو ما بيامنع انو الوج يكون مكشوف انا بعرف لازم الشعريكون مستور ويكون الباس طويل ومحتشم وانا تكون ملتزم بلدين وهاد الا بعرفو انا وبعرف البرقع او الخمار هو من الامور التشدد والتعصب فقط لا غير
انا سمعت في برنامج واحدة سالت شيخ من علماء الازهر انها عايزة تقلع النقاب وخايفة يكون حرام
الشيخ رد عليها بان النقاب ليس فرض وان مفيش اي حرمانية لو قلعته لان اصلا ربنا ما امرش بلبسه انت خايفه كمان انك تقلعيه ولو ما حصلشي نصيب تزعلي لا متتضايقيش انت اصلا مش مقتنعة بيه يعني حتى لو لاقدر الله العريس معجبكيش وكنتي خلعتي النقاب ماتلبسيهوش تاني خلاص
وربنا يعمللك الخير
اختي الكريمة اذكرك و نفسي بقول الله تعالى “ومن يتق الله يجعل له مخرجا” فأنت ليس عندك مشكلة بل هي امتحان لتمحيص ايمانك و قوة التزامك بدين الله واي نجاح يسبقه اختبار و فتن ثم ان الزوج رزق من الله وما عند الله لايجلب الا بطاعته سبحانه فتشبتي اختي بدينك وعضي عليه بالنواجد فهو عزك و شرفك و يكن عندك هينا كسقط المتاع وقفي صخرة شامخة امام رياح الانسلاخ وتقي أن النصر حليفك و أن الله يعطي على الصبر بغير حساب و العاقبة للمتقين, و في الاخير انصحك اخي بقراءة سير السلف الصالح كيف فتنوا في دينهم فصبروا فكانوا هم الغالبون ودخلوا ابواب التاريخ حتى عرفناهم واحببناهم فاصبري اختي و استعيني بالله وايقني بالنصر فأنت الفائزة باذن الله, ولاتنسينا من صالح دعائك الاخ الناصح
على خلعلك للنقاب مش جريمه و لا حرام لان النقاب من باب الفضل مش الفرض و النقاب ترتديه السيده فائقة الجمال حتى لا تفتن من يراها ام السيده التى جمالها غير فاتن فلها ان تلتزم بما جاء بالقرأن و هى ان يظهر منها الوجه و الكفيين والاستدلال على ذلك عند ذهابك الى الحج و العمره فانك تخلعى النقاب
عموما استخيرى ربنا و اسئل اهل الذكر انما قلتى وجهه نظرى و ليست فتوى و الله اعلم و رسوله
اختي العزيزة لكي مني الف تحية بسبب التزامك بسنة من سنن نبينا محمد صلى الله عليه وسلم ولكن اختي العزيزة طالما ان الانسان دا كويس وملتزم فاحب اقولك ان النقاب قد اختلف فيه فسيدنا عبد الله بن مسعود اقسم ان المقصود بالاية هو النقاب وسيدنا عبد الله بن مسعود اقسم انه الحجاب ولم ينكر عليهم سيدنا محمد صلى الله عليه وسلم وكذلك اختلف فيه علمائنا واساتذتنا الافاضل فيا اختي الحجاب ايضا سنه من سنن الله عز وجل فانا لست اكرهك في النقاب ابدا ولكن دا كويس ودا كويس وطالما ان لبسك محتشم وانت انسانه متدينة فحافظي على الحجاب وتوكلي على الله حتى يجعل الله لك مخرجا في هذه الدولة ويتمكن لدين ربنا فعندها عادي ممكن ترتدي النقاب وبعدين سيدنا الامام الشافعي له مقولة يقسم فيها ان الله لا يعذب في مسالة اختلف فيها والله اعلم
نقترح على كل خطيبين ان يجيبا على هذه الاسئلة
وقد جربت هذه الاسئلة وكانت لها نتائج ايجابيه وناجحه في الزواج .
1- ما هو طموحك المستقبلي وما هدفك في الحياة؟
إن لكل إنسان أمنية في حياته يسعى لتحقيقها سواءً في المجال الاجتماعي أو الديني أو الأسري أو العلمي وغيره ،ومن المهم في بداية التعارف بين الخاطب والمخطوبة أن تكون الرؤية المستقبلية للطرفين واضحة. وكلما كانت الرؤية واضحة كلما قل الخلاف بين الزوجين في المستقبل.
2-ما هو تصورك لمفهوم الزواج؟
إن هذا السؤال من الأسئلة المهمة بين الطرفين ،وذلك حتى يتعارف الطرفان على بعضهما أكثر، تقول إحدى المتزوجات: فوجئت عندما عرفت أن مفهوم الزواج عند زوجي هو مجرد تحقيق رغباته الجنسية فقط ، وأما أنا فلا احترام لي ولا تقدير وكل المسئوليات ملقاة علي . ويقول الزوج : كم فوجئت عندما علمت أن مفهوم الزواج عند زوجتي أنة من أجل الأبناء وأنا معها في مشاكل دائمة وإلي الآن لم يرزقنا الله الولد . فمعرفة مفهوم الزواج عند الطرفين والحوار حوله من الأمور التي تساعد على الاستقرار الأسري مستقبلاً.
3-ما هي الصفات التي تحب أن تراها في شريك حياتك؟
جميل أن يتحدث الإنسان عن مشاعره وما يحب وما يكره وأجمل من ذلك كله أن يكون مثل هذا الحوار قبل الزواج بين الخاطب والمخطوبة ، حتى يستطيع كل طرف أن يحكم على الطرف الآخر إذا كان يناسبه من عدمه. ونقصد بالمحبوبات والمكروهات إلى النفس من السلوك والاخلاقيات والأساليب والمطعومات والهوايات وغيرها .
4-هل تر من الضروري إنجاب الطفل في أول سنة من الزواج؟
لعل البعض يعتقد أن هذا السؤال غير مهم ، ولكن كم من حالة تفكك وانفصال حصلت بين الأزواج بسبب هذا الموضوع وخصوصاً إذا بدأ أهل الزوج أو الزوجة يضغطون على الزوجين في موضوع الإنجاب ، ولكن على الزوجين ان يتفقا فيما بينهما على هذا الموضوع. وأن لا يكون سبباً من أسباب المشاكل الزوجية في المستقبل ، ونحن لم نققل أن الأفضل الإنجاب في أول سنة أو التأخير وإنما نترك هذه المسألة لاتفاق الخطيبين.
5-هل تعاني من أي مشاكل صحية ؟ أو عيوب خلقية؟
لا شك أن معرفة الأمراض التي يعاني منها الطرف الأخر لا قدر الله تؤثر في قرار الاختيار الزواجي بل إن إخفاء المرض على الطرف الأخر يعتبر من الغش في العقد فلا بد أن يكون ذلك واضحاً بين الطرفين سواًكان به عاهة مستديمة أو برص في أماكن خفية من جسدة أو مرض السكر أو غيرها من الأمراض أو العيوب التي يعاني منها المقبل على الزواج.
6-هل أنت اجتماعي؟ ومن هم أصدقاوك؟
إن العلاقات الاجتماعية هي أبرز ما يميز الإنسان ، ومهم أن يكون الإنسان اجتماعي الطبع يألف ويؤلف ، يحب ويحب ومهم عند التعارف أن يتعرف على الطرف الأخر من الناحية الاجتماعية كمعرفة أصدقائه وقوة علاقته بهم. وهل هو من النوع الاجتماعي أو الانطوائي.
7-كيف هي علاقتك بوالديك؟(إخوانك ، أخواتك ، أرحامك).
إن معرفة علاقة الخاطب أو المخطوبة بوالديه وأهله أمر في غاية الأهمية وذلك لأنة كما يقال إن الزواج ليس عقداً بين طرفين فقط وإنما هو عقد بين عائلتين فالزوج لن يعيش مع زوجته بمفرده منقطعاً عن العالم من حوله ، وإنما سيعيشان معاً وكلما كانت العلاقة بالوالدين بالوالدين حسنة كلما بارك الله في هذا الزواج ، وكتب لهذه العائلة التوفيق.
8-بماذا تقضي وقت فراغك ؟ وما هي هواياتك.
كلما ازداد التعرف على الطرف الأخر كلما كان القرار بالاختيار سهلا و ميسراً ، وإن معرفة ما يحب الإنسان عملة في وقت فراغه دليل على شخصيته ومعيار لطموحه وأهدافه في الحياة ونظرته لمستقبله وشخصيته.
9-هل لك نشاط خيري أو تطوعي ؟
كلما كانت علاقة الشخص بربه قوية كلما كان مأمون الجانب ويفضل أن تكون الفتاة أو الفتى يقتطعا جزءاً من وقتهما للعمل الخيري التطوعي وذلك من خلال تقديم عمل انمائي أو مساعدة أو حضور مجالس الخير والاستفادة منها فإن هذا النشاط مما يجدد الحياة الزوجية ويقوي العلاقة بينهما لأنهما يسعيان في هذه الدنيا من أجل هدف واحد وهو مرضاة الرب.
10-ما رأيك لو تدخلت والدتي أو والدتك في حياتنا الشخصية؟
إن هذا السؤال ينبغي أن يطرحة المقبل على الخطوبة وذلك ليتعرف كل واحد منهما على الأخر في هذا الجانب ومدى حساسيته عنده فيتفقا إذا اختلفا في وجهة النظر على سياسة في التعامل بينهما وطريقه في حل الخلاف لو حصل تدخل من الوالد أو الوالدة أو حتى الجدة في علاقتهما الخاصة. ويمكن أن تراجع صفحة تجارب ناجحة لتستفيد مما ذكر فيها
سؤال صعب فعلا فمن يتحمل الجواب. النقاب يراه البعض فريضة والآخر فضيلة ووجود الخلاف يخرجه من دائرة الحرام. وعليه فأنتي أميرة نفسك إن كنت تستطيعين الصبر حتى يأتي إليك من ترضين دينه وخلقه ووضعه المادي وخلافه فحسنا. نعم غالبا ما يختار الأقارب من يرونه مناسبا في أعينهم ولكن أنت من ستعاشرين في النهاية فتأكدي أن من تريدين ترك الفضيله له أهل لأن تتركي نقابك له. في بلاد الغرب لا ينظرون للمرأة بالصورة التي ينظر بها لها في المشرق ولذا يختلف شكل الفتنة وتقدر أيضا بدرجة جمالك. لكن يمكن أن تحتاطين لنفسك. عموما أكتبي في ورقة كافة المميزات والعيوب وأدرسي هذا الشخص وأنظري هل هو من يناسبك وهل ستكون هذه بداية تنازلات أم فقط لوضع الغرب من نظرتهم للنقاب فقط. هناك موقع للأستاذ جاسم المطوع وكان له مجموعة من الدروس عن البيوت السعيدة وأحسب لو بحثت بالموقع فستجدين مقالات له عن أسئلة الخطوبة وغيرها مما قد يهمك ويساعك في الإختيار والله الموفق لك ويهديك لما أختلف فيه من الحق.
ان الذين اجرموا كانوا من الذين امنوا يضحكون … اختاه كفاكى هذه الاية الكريمة واذكرك بقول الرسول صلى الله عليه وسلم “من التمس رضا الناس بسخط الله سخط الله عنه واسخط عليه الناس ومن التمس رضا الله بسخط الناس رضى الله عنه وارضى عنه الناس ”
لا تجعلى الناس تؤثر فى ايمانك ولا فى عقيدتك اختاه واعلمى ان مع العسر يسرا
وانا انصحك ان تذهبى الى احد الشيوخ الثقاه وتسأليه عن مشكلتك وان شاء الله تجدى عنده الحل
فمشكلتك تحتاج الى فتوى من عالم دين وليس من موقع عادى
السلام عليكم هذا اول رد لي في الموقع.. ارجو ان يكون ردي يلقي قبولك . هقولك قصة يمكن تريح اعصابك ليه صديق مقرب جدا قريبه كان مرتبط ببنت منقبة وطلب منها خلع النقاب .. وفعلا خلعته بكامل ارادتها ولبست اسدال وبعد مالبست الاسدال منها ولوحدها دون طلب حد لبست حجاب شرعي وبعدها لبست حجاب من اياهم صدقيني اللي في عقيدته بيضعف في شي بيخسر كل حاجة واذا نزعتي نقابك اوعدك انك هتلبسي حجاب من اياهم اللي بيقولوا ع نفسهم محجبين صراحة وبكل امانة انا لو حابب ارتبط بانسانة وعارف انها منقبة لو هتنبطق السما علي الارض مش هقولها اقلعيه ولا اعتقد ان الانسان اللي هيبقي حاببك الطاعة لله والثبات علي دينك هيقولك اقلعي نقابك وبكرة هيقولك اقلعي اسدالك ..صدقيني واقسملك بالله اهم مافي الزوج الزوج اللي بيعين علي الطاعة مش اللي يقلعك نقابك مهما كانت الاسباب ..كتير من الازواج بيصلوا بس ماحدش بيقول لمراته صلي .. ده رايي وفي القصة اللي قولتها في البداية خير دليل ..لازم تبقي فاهمة ان النقاب بالنسبة للبنت بالذات اكبر اختبار من ربنا .. انتي قولتي اتحملتي كتير عشان تثبتي علي التزامك ونقابك ودينك يبقي ماتضيعيش ده كله عشان الزواج من انسان امرك بخلع النقاب .. كوني علي يقين انك طول ما انت مع ربنا ربنا مش هيضيعيك وهيكرمك باللي احسن منه ..
من وجد الله ماذا فقط ومن فقد الله ماذا وجد .. اسال الله لك الثبات وان ينعم عليكي بالزوج الصالح الذي يعينك علي الطاعة والسلام عليكم
هو الموضوع عادى مش صعب ولا حاجة
هو انتى لما تسافرى تقلى نقاب وداا طبيعى علشان البلادى كدااا
ولما تيجى البسية عادى
واستخيرى ربنا فى العريس دااا
واكيد خالك مش هيجبلك حد اى كلام داا الخال والد
وبالتوفيق وربنا يكرمك
لا تغضبى ربك برضا الناس وخير اكلام ماقل ودل اختى فيه ناس كتير وبنات لابسه على الموضه وبيسرقوا حد بيتكلم عنهم فى بنات كتير متبرجات لدرجه انهم سافرات فى لباسهن ويكشفن اجسادهن فى بردوا ناس بتتكلم عنهم دول مخفوش ومهمهمش كلام الناس واتبعوا الشيطان على حساب ربهم وكلام الناس انتى ارضى ربك طالما انك تفعلين الخير لايهمك الناس بل من الممكن ان تواجهى حرب اكثر من ذلك بكثير لكن اصبرى استعينى بالله ووالله سيرزقكك الله اكاد اجزم بذلك بمن يتقى الله فيكى ويسعدك فى حياتك مادمت رضيتى الله على حساب الناس
} يَا أَيُّهَا الَّذِينَ آمَنُواْ عَلَيْكُمْ أَنفُسَكُمْ لاَ يَضُرُّكُم مَّن ضَلَّ إِذَا اهْتَدَيْتُمْ إِلَى اللّهِ مَرْجِعُكُمْ جَمِيعًا فَيُنَبِّئُكُم بِمَا كُنتُمْ تَعْمَلُونَ