السلام عليكم :
اخوكم شاب 17 سنه ,,,, مشكلتي هي اني حبيت واحده وانا في سن ال 15 وحبتها حب رهيب جدا واستمرت العلاقة بنا حوالي سنه كامله
وما كنتيش عارف سواء كانت بتحبني ولا لاء ده ,,, بسبب ان ده كان اول حب واول مشاعر حب في حياتي فمش هقدر اعرف او اميز الاشخاص
بعد مرور السنه مع الفتاه ,, اتفاجأت اني في مكان والقي البت ديه في مكان مع شاب ,, تعبت جدا بعد ما سبتها ده بعد ما بهدلتها هي والي كانت بتكلمه من الاخر يعني ”مشاكل” المهم اني كلمت واحده بعد ما سبت البنت ديه وقعدت معاها حوالي 6 شهور البنت حبتني جدا وانا ما حبتهاش لدرجه اني لما جيت اسيبها عملتلي مشاكل مع اسرتي والعيله ,, انا من وقت ما سبت البنت الاولنيه الي حبتها وانا مش واثق في اي بنت كلمت بعديها بنات كتير وجرحت ناس كتير وانا ما حستيش من نحيتهم اي حاجه ….
بكلم واحده دلوقتي وهي بتحبني وجارتي وكده بس انا خايف اصلا اني اقولها بحبك ,, خايف من بعد كده ايه الي يحصل ,, وانا نفسي فعلا احب واحس نفس الشعور لما كنت بحب البنت الاولنيه بس خايف جدا
ارجو النصيحه من اخواني واخواتي
مشاكل الشباب مع البنات
خايف من الاعتراف بالحب عشان ما تجرحش
اضيف بتاريخ: Friday, June 1st, 2012 في 11:52
كلمات مشاكل وحلول: حب المراهقة, شاب, مشاكل الشباب
يا ولد خلك من هالحب ومن هالخرابيط !
الحب ما جاب الا النكد !!
والله لاحظت هالشيء في كل المواضيع !
فـ لو تركت هالحب ربي بيعوض لك حب ما له مثيل إن شاء الله !!
البنت اللي بتحبها قولها لانها حتي لو مش بتحبك بتفرح انها لقت حد بيحبها ولو محبتكش في الاول هتحبك بعدين لان الكلمه ديه بتسحر البنات صدقني
نصيحه قصيره بس معناها كتير كبير ياأخي الكريم((حب بس الي بحبك عنجد ومن ألبه…طبعا بعد ماتتأكد انو عنجد بحبك حاول ورد عالنصيحه وماراح تكون الا كسبان انا مجرب كتير
متقولش لأى بنت انك بتحبها غير اللى هتحبها بجد وهتثق فيهاوهتتمناها كزوجة مستقبلية ليك وهتتأكد انها بتحبك بجد وانها مبتكلمش حد غيرك
أخي العزيز…. الحب احساس جميل و مفهوش خوف…. قبل ما تقول لأي حد انك بتحبه لازم تتأكد ان في لو اعجاب او اي شعور متبادل….ساعات كتير كنا بنفتكر اننا بنحب و بيطلع اعجاب مش اكتر…
نصيحتي لو عرفت تتكلم مع الأولي شوف هتوصل لأيه – ده لو انت عاوز تعرفها بجد…أوعي تجرح اي حد و التزم الاحترام و الصراحة
أول بنت بتحبها مش راح تنساها حتى لو حبيت بعدها كل بنات الدنيا بس الاولى مستحيل تنساها بس دير بالك تعمل مشاكل مع عائلتها لانك هسة شب طايش ممكن تعمل اي اشي ، صح عمري 22 بس مريت بحالات حب كتيييييييييييييييرة و اكتشفت انو الحب الاول ما ينتسا
بص…انت يمكن تكون حبيت الاولانيه بجد وهي جرحتك وهي طبعا غلطانه في كده ويمكن تكون ماكانتش كويسه من الاول اصلا بس انت كمان غلطان اكتر منها انك اتجرحت منها وقررت تجرح بنات الناس يعني ازاي حاجه جرحتك اوي وانت حسيت بالجرح ده وتعمله في بنات الناس يمكن البنات اللي جرحتهم دول يكونوا بنات كيسين وحروك بجد وانت هتندم بعد كده……من الاخر منغير ما الومك خليك مع اللي بتحبك دي ولو انت مستريحلها فكر برضه كتير قبل ماترطبت بيها لانك لازم في النهاية ترتبط بيها ولو مش هيحصل سيبك من الموضوع كله احسن ومش تبهدلها بس اتقولهاش بحبك استني لما تتأكد انها بتحبك وهي اللي تقولهالك الاول
أنت مراهق وعشان كدة حتلاقى نفسك حيران
أنصحك أتأكد من مشاعرك الأول ومن مشاعرها هى كمان وبعدين صلى أستخارة وربنا يوفقك
هو اااه الى انت فيه ده ياعم ارجع باه للاولانيه وريح نفسك وريح الى حواليك حرام عليك ومتجرحش حد تانى واوعى تنسى(افعل كما تشاء فكما تدين تدان)بنصحك ياخى انك ترجع للاولانيه علشان ترتاحو انتو الاتنين….!