انا بنت عندى 18 سنه وبحب زميلى فى الكليه بقالنا سنه ونص مع بعض فقالى ان من عادات اهله الختان فقولتله بس انا مش كدا فاتعصب وقالى ازاى وكداااا فحسيت انى مش طبيعيه وغير كدا قالى احنا اصلنا صعايدة ومينفعش محسسنى انى غير البنات واصلا اللى اعرفو ان محدش بيعمل ختان دلوقتى بس هو مش فاهمنى وانا مش عارفة اعمل ايه ؟؟؟؟؟
قال تعالى ” الذى خلقك فسواك فعدلك فى أى صورة ما شاء ركبك ” – و قال تعالى ” و صوركم فأحسن صوركم ” – وقال تعالى ” هو الذى يصوركم فى الأرحام كيف يشاء ” – و قال تعالى ” و كل شىء عنده بمقدار ” – و قال تعالى ” لاتبديل لخلق الله ” – و قال تعالى ” و لاّمرنهم فليغيرن خلق الله و من يتخذ الشيطان وليا من دون الله فقد خسر خسرانا مبينا ” – و قال تعالى ” و إذا الموؤدة سئلت بأى ذنب قتلت ” – و قال تعالى ” و الذين إذا فعلوا فاحشة قالوا وجدنا عليها اّباءنا و الله أمرنا بها ” – وقال تعالى ” الذى خلق فسوى ” – و قال تعالى ” هو الخالق البارىء المصور ” – و قال تعالى ” و خلقنا الإنسان فى أحسن تقويم ” – و قال تعالى ” صنع الله الذى أتقن كل شىء ” – و قال تعالى ” إنا كل شىء خلقناه بقدر ” – و قال تعالى ” و فى أنفسكم أفلا تبصرون ” – و قال تعالى ” أحسن كل شىء خلقه “- و قال تعالى ” ربنا ما خلقت هذا باطلا ” – و قال تعالى :- ” لقد خلقناكم ثم صورناكم ثم قلنا للملائكة إسجدوا لاّدم ” – و قال تعالى ” فإذا سويته و نفخت فيه من روحى فقعوا له ساجدين ” صدق الله العظيم
الختان حرام شرعا لمخالفته كتاب الله و لا حجية لأية روايات تنسب للرسول الكريم صلى الله عليه و سلم مهما كانت صحتها من حيث الرواة ( و هو منها براء ) تناقض كتاب الله – يا أختى العزيزة يجب أن تنهى علاقاتك بهذا الشاب فورا لأنه يشكل خطرا محققا عليك و إذا خضعت لهذه العملية الإجرامية فسوف تندمين أشد الندم طوال حياتك ( إذا كتبت لك الحياة مرة أخرى ) .
متخلف اتركيه لو هو انسان يحبك يعرف انتي بنت محترمه بدون ختان ولو يحبك كان فكر براحتك بعد الزواج
اختى…سامحينى..خطيبك جاهل ومادام فكر فى اذيتك دى يبقى ميستحقكيش…تفى فى وشه دا مش راجل ولا يستاهلك
هو حببيك دة اهبل ولاعبيط ازاي يتكلم معاكي في موضوع زي دة وانتي ازاي سمحتيله
لو كانت حاجة ضرورية اوي موضوع الختان كان ربنا خلقنا كدة من غير ختان وصدقيني هو لو بيحبك مش هيفرق معا حاجة زي كدة انتي مش لسمح اللة فيكي حاجة غلط وصدقيني انتي صح
لو كان الختان صح كان ربنا خلقنا متختنين دة رايي وعلى العموم انا مش متختنة ولا هاختن ولادى لما اتجوز
ختان البنت لا يتم الا فى حالة واحدة فقط وهذه الحالة لا تحدث الا بنسبة ضئيلة جداااااااااا فى البنات وهى ان يكون البظر كبير جداااااااا وبارز بطريقة ملحوظة عن الشفرين وشرط ان يسبب لك الم بمجرد احتكاك الملابس الداخلية او يكون مظهره شاذ وان هذا كلام طبيب لديه ابنتين وانا عندى اربعة بنات وتناقشت معه فى هذا الامر وكان بناتنا صغار فى السن واخبرنى بهذه الحقيقة وعليه لم اقوم انا ولا هو بعمل الختان لبناتنا والحمد لله لم تظهر اى مشكلة وبناتنا تزوجن وعقبالك ابنتى
هو عبيط ولا ايه وازى يتجرا ويقول كده ولو فى نيته انو يتجوزك خلاص ومتهيالى انك كبيرة فامينفعشوفعلا معظم الصعايده عليهم تحكمات غريبه
صح عندك حق يعنى المشكله مش فى ان انت مصحبه ولد وبتتكلموا فى حاجات مينفعش تتكلموا فيها ومسكه فى مشكلت انك عملتى عمليه الختان ولا لأ
فعلا معاك حق :
يعنى انتم سيبين انها مصحبه واحد زميلها فى الكليه ووصل بينها وبينه الكلام على الختان و انها نختونه ولا لا !! و بتكلموا على ايه بس ؟؟ مينفعش يا اختى الكريمه انك تتكلمى مع بنت فى الموضوع دا مش ولد ودا من الحياء و الحياء شطر الايمان وشعبه من شعبه – قبل ما نتكلم فى ان الختان سنه و لا لا . متتجوزيش واحد صعيدى و عنده تقاليد كذا و كذا اتجوزى واحد متدين محترم ميرتبطش بيكى قبل الجواز و يحافظ عليك و يحترم تربيتك و عقلك مش يقيم على الاساس دا !!
إزاي أصلا تتكلموا في كدا ؟؟؟ دا هبل منه دا أو حجه علشان يفركش بيها … سيبيه
السلام عليكم
و اولا انا ساقص عليكم قصتى بايجاز انا شاب 37 سنه تزوجت منذ 3 سنوات وحدث طلاق بعد 3 اشهر والسبب هو الختان ان زوجتى لا ترغب فى الجنس ولا تشعر باى متعه بسبب تعرضها لعنليه ختان على يد سيدة جاهله قامت ببتر جميع اجزاء الحس عندها بالرغم انى كنت امارس الجنس معها لاكثر من ساعتين ولكن اصيبت بالاحباط لدرجه انى كرهت الزواج لانى شعرت اننى اقوم بعمليه اغتصاب لانسانه ميته بلا احساس كم تعذبت وكم نمت وانا حزين والدموع تنهمر من عيونى لسوء حظى مع العلم انى اقدر العلاقه جدا واحبها الى درجه لم يتخيلها عقل وهذه نعمه احمد الله عليها ولكننى قررت الانفصال لاننى لست ممن يغتصبون الاجساد بدون ارواح وانا الان اننيه حياتى ان اتزوج بنت او امراء مطلقه او ارمله بس تكون مش مختتنه هذا حلم عكرى الان فلا للختان وعلى فكرة ليست هناك احاديث تامرنا بختان الاناث والله اعلم وصدقونى انا نفسى الناس تبطل العاده الفرعونيه دى مع احترامى لجميع الاراء وشكرا
بصى يا انسة فية حديث عن الرسول صلى الله عليو سلم بيقول اذا تقابل الختانين وجبت الطهارة هو حديث ضعيف ايوة معاكى بس على فكرة انا متجوز من6 سنين وبقلك ان الختان مش وحش ومش حرام وبعدين انا فعلا مبسوط جنسيا مع مراتى مع الختان
وربنا يفرحنا بيكم ونيجى نمسك الشمع فى الفرح
الختان مش ضد الدين، بس ده لما تكون البنت معرضة للفتن، مش لما تكون هتتجوز.
المفروض أن المتزوجة مش محتاجة للختان لأن عندها زوجها.
السلام عليكم اولا بالنسبة للختان فنسال الطب والعلم والشرع فسالوا اهل الذكر ان كنتم لا تعلمون لكن رايي المتواضع انة سنة قال رسول الله صلى الله علية وسلم حفوا ولا تنهكوا -وبالنسبة للاخ واحد من الناس بيعلق على كل شىء خلقناه بقدر ولا زم نسيب كل حاجة زى ماهية اسمحلى اخالفك الراى امال انت ازاى مختون ولا يمكن سايبينك زى مانت كدة بالجلدة بتاعتك وبعد كدة ازاى نقلل من علمائنا الافاضل عمر حد فيكم شاف مسيحى او يهودى او حتى ملهوش ملة بيشتم على قسيس او راهب او حبر من احبار اليهود يااخى الفاضل اتقى الله وبالنسبة للصعايدة بتتريقوا عليهم عشان متمسكين بمبادى العفة ومعندهمش جيرل فرند يااخى الفاضل متنساش ان الصعايدة دول حاميين مصر بعد ربنا سبحانة وتعالى فاكر ايام الاستعمار ولما دخلوا الفرنسيين والانجليز مصر مقدروش يدخلوا الصعيد وعملوا كل الفضايح لكن كان اخرهم محافظة الجيزة ولم يدخلوا بنى سويف وفاكر لما اسرائيل كانت بتهدد بضرب السد العالى مبارك قالهم اية فى التليفزيون وعلى الهواء انا ممكن اخلى محافظة واحدة من الصعيد توقفهم عند حدهم وخليهم يقربوا على فكرة لوكل واحد سال ابوة او جدة هيلاقية فى الاخر اصلة صعيدى الصعيد مفيهاش قصة ولبانة للشباب ولا شواذ ومحدش يقدر يبص لوحدة ماشية فى الشارع كان اصغر ولد يعلقة من رجلية لكن بعض الناس اتبعت تقاليد الغرب بسم الله الرحمن الرحيم تمسكوا بحبل الله جميعا ولا تفرقوا
لازم فى اسرع و قت … تفهمى لاقرب ماليه اى حد مقرب ليكوا انتوا لاتنين … و هو هيقدر الموقف و يحل المشكله ..هو اصلام افيش حاجه … يا رب نفرح بعيلكواااااااااااا
أولا انا لازم اعتذر عن الصراحة اللى هاتكون فى كلامى و اطمع فى سعة صدر الاعضاء الكرام
اختنا العزيزة
أولا الختان مش واجب فى كل الحالات و علشان كده الختان بالنسبة للبنات مش بيكون فى اول حياتها زى الصبيان, يعنى لازم يكون فى تأكد ان الختان عملية ضرورية و دا عن طريق حجم الاجزاء اللى بيحصل لها الختان
ثانيا هوا يعنى الختان هوا الشئ الوحيد اللى بيميز مستوى الاحترام و الادب و التربيه عند البنت دلوقتى ؟
متهيألى فى حاجات من شانها انها تبين مستوى نقاء و طهارة البنت اكتر من مجرد الختان زى غشاء البكارة مثلا
لو تخيلنا بقى ان غشاء البكارة دا أصلا ممكن يكون مش موجود او حصل له تمزق فى الطفولة او مرحلة عمرية مبكرة او مطاطى مثلا و دى حالات حسن النية و طبعا الغشاء دا فى عمليات كتير بيعملوها اطباء غايب عندهم الضمير المهنى و الانسانى علشان يرجعوه زى ما كان فى الحالات اللى فيها حاجات غير حسن النية ” اتمنى كلامى يكون مفهوم ”
ثالثا فى حالة الزواج من زوج متشكك من البداية و متشكك فى جزء من جسمك ربنا خلقه يبقى من الطبيعى لو حد قال لك ” السلام عليكم ” و انتى رديتى عليه السلام يبقى الدنيا هاتقوم و مش هاتقعد
رابعا الجواز مبنى على الاستقرار و علشان اى شاب يحقق الاستقرار دا و علشان كمان مايكونشى مقصر فى حق اولاده اللى لسه هاييجو فى المستقبل انشاء الله لازم ينتقى امهم بعناية
يعنى لو انا دخلت بيت ناس من اصل طيب و شفت بنتهم و كان باين عليها علامات الادب و انها عارفه ربنا و هاتصون اسم زوجها زى ما حافظت على اسم عيلتها الفترة دى كلها و بعد ما شفتها صليت صلاة استخارة و بعد كده لقيت نفسى مرتاح
بعد كده علشان ماحصلهاش عملية ختان و هيا ممكن ماتكونشى محتاجاها اصلا اسيبها و امشى ؟
يعنى لازم بقى بعد كده كل ما اروح اخطب بنت اسألها اذا كانت هيا مختونة و لا لأ ؟؟
و لو مختونة يبقى هيا كده مثال للشرف و العفة
لو بنفكر بالمبدا دا يبقى على الدنيا السلام
صلى صلاة استخارة اولا
لكن للامانة و من وجهة نظرى الشخصية الجواز بشخص زى كده هايكون فيه مشاكل كتير فى المستقبل
اتمنى اعرف تعليقات الاعضاء
اولا انا مع سارة 100 بال100، لكن احب اطمنكم انا مثلا زوجتى مختونة واحنا فى غاية السعادة الزوجية مع بعض سواء جنسيا او اجتماعيا والحمدلله فهى نظيفة جدا وجميلة وربنا يخليها ليا ولاولادنا، بس انا كنت اتمنى ان زوجتى متكنش مختونة علشان هى دايما فاكرة يوم الختان ده لانه كان يوم قاص جدا عليها، لكن حمدى ربنا ويسيبك من العقلية الرجعية دى وخليه يتجوز ابن عمه ارحم، وللبنات المختونة لا تخافوا انتوا بس دلعوا ازواجكم وكله هيبقى زى الفل ان شاءالله
بصي يا بنتي انا مختونة بس ختان خفيف يعني ولسه متجوزتش وخايفه موت اكون بادره
احمدي ربنا انك مش مختونه وسيبك من الواد العبيط ده ومتتجوزيهوش لانه لو اتجوزك هيفضل شاكك فيكي وكمان هو عايز واحده مختونة عشان يداري خيبته بيها
يا ريت اللى بيقول ان الختان دليل على العفة (هانى)ارجو انه يخللى باله من كلامه انا بنت ومش مختونةواكره ان حد يقول على انى مش عفيفة والختان عمره ماكان دليل على العفة وعملية الختان نفسها عملية غير آدمية كفاية انها بتتعمل للبنت وهى عندها 6 سنين ومن غير بنج ….. الهدف من الختان هو اخافة البنت من الجنس والدليل على كده اللى بيحصل للواحدة لما تتجوز من برود عاطفى واللى يقول غير كده يبقى ربنا يسامحه انا عندى اكثر من صاحبة اهلها ختنوها ومتعرفوش اد ايه بيعانوا لما اتجوزوا واد ايه كارهين اللى حصلهم يوم ما اتختنوا … اتقوا الله
يعنى انتم سيبين انها مصحبه واحد زميلها فى الكليه ووصل بينها وبينه الكلام على الختان و انها نختونه ولا لا !! و بتكلموا على ايه بس ؟؟ مينفعش يا اختى الكريمه انك تتكلمى مع بنت فى الموضوع دا مش ولد ودا من الحياء و الحياء شطر الايمان وشعبه من شعبه – قبل ما نتكلم فى ان الختان سنه و لا لا . متتجوزيش واحد صعيدى و عنده تقاليد كذا و كذا اتجوزى واحد متدين محترم ميرتبطش بيكى قبل الجواز و يحافظ عليك و يحترم تربيتك و عقلك مش يقيم على الاساس دا !!
ياجماعه هحاول اختصر بكل بساطه موضوع الختان شرعي وعملي الختان واجب للرجل مكرمه للمراه ولكن للاسف الشديد اي مراه يكون الختان لها مكرمه هل جميع النساء لابالطبع يا اخوه هناك اجناس معينه من النساء يكون البظر وهو العضو الذي يتم فيه الختان كبير بدرجه تتجاوز حدود شفرتين الفرج لدي المراه وفي هذه الحاله وفور بلوغ البنت سن الحيض تقوم الام اوالطبيب ان وجد ب الكشف عن هذا الامر ويتم التخلص من الجزء الزائد فوق حدود شفرتين الفرج وليس كمايحدث وحدث من استئصال كامل لهذا العضو المسئول مسئوليه كامله عن الشهوه الجنسيه والاستثاره لدي المراه فتصبح البنت ولاحول ولاقوة الا بالله جسد بالاروح في علاقتها مع زوجها اذا اولا ليس كل النساء لهم ختان ثانيا الختان يكون في الجزء الزائد عن حدود شفرتين الفرج لمن اراد ان يفعل ذللك والحكمه في ذللك ان البظر اذا زاد عن حدود شفرتين الفرج مع احتكاكه بالملابس الداخليه والاستثاره من الممكن ان يحدث مالا يحمد وحديث النبي صلي الله عليه وسلم فيما معناه ولا اعلم مدي صحة الحديث من عدمه لان فيه اقوال اشمي ولا تنهكي بمعني خذي من البظر جزءا يسيرا ولاتجهزي عليه كله والله اعلم وللعلم هذا مجرد اجتهاد شخصي مبني علي تجارب شخصيه في حدود اسرتي والحمد لله ليس هناك اي مشاكل في تنفيذ الختان للمراه بهذا الشكل
معظم الرجال يعانون قبل زوجاتهم من الختان لأن هذا الجزء المبتور له فائدة عظيمة في اشباع الناحية الجنسيةوالإستمتاع لكل من الرجل والمرأة فتستقر الحياة الزوجية ويشبع كل منهما الآخر وللأسف كان يتم للبنت وهي طفلة لا حول لها ولا قوة كالوأد تماما .
حرام عليكم بقى أنا تعبت من كتر القراءة في مثل هذه الموضوعات المقززة مؤيد بيأيد عشان هو ياأمة راجل وعايز يفرض سيطرته على من هم أضعف منه أو امرأة معقدة وترجوا أن يبتلى الآخرون كما ابتليت هي أنا فتاة مصرية للأسف مختونة أنا من أسرة متوسطة تميل للثراء ولي 5 أخوات أنا أصغرهم والغريب في الموضوع أننا لسنا جميعا مختونات فالثلاثة الأوائل هكذا وأما الأختين الرابعة والخامسة عافاهم الله ليسوا والحمد لله وأما أنا فلا أدري ما الأسباب في هذا فربما وعيهن الذي لم تستطيع الأم الجاهلة الضحك عليهم كما حدث لي ولكن ما حدث فقد حدث ونفذ القدر ولكني الآن فتاة في عمر الزهور كما يطلقون عليه ولكنها زهور ذابلة متعفنة تظهر الجمال وتحوي في باطنها الأشواك التي لا تضر أحد سواها أدرس والمجتمع المحيط بي هم من طبقة تميل للارستقراطية وأغلبهم من المثقفين أنا الحمد لله محجبة وأراعي الحشمة مصلية وصوامة وزائرة لبيت الله أعرف أنه لا يجوز المصاحبة بين الجنسين كما هو شائع بما يطلق عليه أنتمة ولكن ما ابتلاني به الله عقل أحاول أن يكون راجح وليس خاو ولباقة في الحديث وجاذبية وبسبب هذه الابتلاءات كثيرا ما يميل الآخرين لي وعلى عكس أي شعور لابد أن تحسه أي بنت في مثل عمري إلا أنني لا أحس سوى بالنفور الشديد والقرف الشديد بسبب تلك الاعجابات فأندفع باحثة عما يحبوه في مثل هذه الفتاة الناقصة والمحطمة نفسيا ومؤخرا تعرفت على شاب راجح العقل أزهري من مستوى اجتماعي متقارب لمستوى أسرتي ومستواه العقلي والعلمي رائع باختصار فهو شاب متدين مثقف لطيف طموح نمتلك تقريبا نفس الاهتمامات ويبلغ من العمر خمسة وعشرون ربيعا لم يفاتحني حتى الآن ولكني استطعت أن أعلم كم يكن لي هذا الإنسان المحترم من مشاعر ولكن ما يؤرقني دائما هو ماذا لو تقدم مثل هذا الشاب لخطبتي أأوافق أن أظلم شخص طيب القلب خطأه الوحيد أنه أحبني أنا أم أرفض وأبقى هكذا فاقدة كل أمل في تكوين أسرة تشعرني بالحب والاستقرار وأبناء أبني فيهم قواد المستقبل الذين سيعزوا الإسلام وينفعوا المسلمين ردواعلي يا مؤيدين أو يا معارضين فالأمر سواء فأنا الآن لا أسألكم أأفعل أم لا ولكن أسألكم أنه قد فُعِل بي فماذا أنا فاعلة؟؟؟؟؟؟؟؟؟؟؟
من غير لم كمل السؤال اوعى تعملى حاجة وبعدين هو للى انسان مش طبعيى وبعدين اية هو دة دةبستعبط بجد انتى لو بنت جدعة فعلا اوعى تسمعى كلامة فى حاجة وعلى رائ للا قال حجة واضحة تماما
بصى ده بيلعب وعايش معاكى في الوهم ومن الاخر شاكله لقى حاجه يتلككلك بيها ساعة ما يتزنق في الجواز لان اصلا ده مش هايتجوز غير بأمر من عيلته وواحده قريبته من الصعيد يعنى انتى في نظره متعه خياليه بيدوقها كده لحد ما يرجع لارض الواقع… الصعيد.
معلش يا جماعه .. أنا لافت نظرى ظاهره طرأت خلال التلاتين سنه اللى فاتوا ..
إنتوا عايزين تتركوا أهل العلم الحقيقيين وتجروا ورا أهل الأستنطاع إللى بيفرضوا نفسهم على الناس بالعافيه ..
بقى تسيبوا الأزهر اللى عمره 1000 عام وبتمشوا ورا شوية ناس مربيه دقنها وعماله تعمل فتن وتجعجع بلا علم وخلاص ؟
إيه ده يا شباب ؟
وبعدين إيه حكاية كل شويه تقولوا أصل دول الشيوخ بتوع الدوله ؟
هو كمان الختان هيدخل فى السياسه ؟
جرى إيه يا إخوانا؟
هو إنتوا هتمشوا ورا القنوات إياها لغاية ما تخلوها افغانستان تانيه ولا إيه ؟
لاء يا جماعه كده غلط ..
مصر طول عمرها كانت مستقره بالأزهر وبس .. يعنى بدون الجوينى وأمثاله .
بل بالعكس .. والله ما ظهر الفساد فى مصر إلا متوازيا مع ظهور هؤلاء الجعاجعه دول .
يا جماعه حرام عليكم بلدكم .. إعقلوا الأمور وفكروا صح ..
ده رأيى .. اللى مختلف هو حر انا لست بفارض رأى على أحد .. لكم تحياتى .. سلام
إسمعى يا بنتى .. إسمعوا يا شباب .. الختان هذا للبنات .. درب من دروب التخلف .. وليس هذا فحسب .. بل من دروب النفاق .. وإن المنافقين لفى الدرك الأسفل من النار ..
التخلف .. لأنه اصلا عاده قديمه من قبل نزول الأديان أى لم يحكم بها لا رسول ولا ملك ونبى .. بعنى أنا شوفت مره ناس جايبين حصان دكر وخلوه مارس الموضوع مع فرسه نتايه عشان تحبل .. وبعدين فوجئت جايبين حديده سخنه مولعه نار .. ومن بعيد لسعوا بيها مكان الجماع فى الفرسه وطبعا اتألمت ورفصت وحاجات زى كده .. فسألتهم ده ليه .. قالوا لى وقتها والكلام ده شفته من 40 سنه تقريبا .. قالوا عشان ما يقربش ليها حصان دكر تانى فيحصل لها سقوط حمل ..
المهم .. هو ده تصرف تلقائى موروس زى عادة الختان قبل ظهور الأديان كانت زى دى .. يعنى الختان ده هو التطوير بتاع وإذا الموؤدة سألت بأى ذنب قتلت .. كان فى نظرهم هؤلاء المتخلفين الجهله أن اى أنثى تبقى عار عليهم .. ونسيوا الهبل الجهله بأن هما مولودين من نفس الأنثى أيضا .
فلما إتقدموا شويه .. تطوروا من زمن الوئد إلى زمن الختان ..
طيب نيجى لموضوع النفاق .. لماذا الختان نفاق ؟
الختان نفاق .. لأن أى واحده ست لما بتسأل أى شيخ عن شيل اى شعره من حواجبها مثلا .. يقول لها حرام .. ليه يا عم الشيخ ؟ .. يقول لك لأن هذا تغيير فى خلق الله ..
سبحااااااااااااااان الله يا ربىىىىىىىىىىىىىى
ألطف بينا يا رب ..
طيب لما انت مش عاوز تشيل شعرايه زائده .. عشان ان ربنا اللى خالقها ..
أمال عايز تقطع حتة من لحم أنثى أزاى وليه ؟
يا ترى هو الشيطان اللى خالقها يا عم الشيخ ؟ هو ده إللى عقلك قدرك عليه ؟
وبعدين تعالوا بقى نشوف النفاق الأكبر فى حته تانيه وأهم كمان ..
لما واحد يشتكى فى حياته لشيخ من أى شىء تتخيله .. من صابع طلع له زياده .. من كليه ناقصه مخلوق كده يعنى .. من فقر حل به .. بيرد عليه الشيخ ويقول له هو إنت مش مؤمن يبنى ؟ .. يرد عليه ويقول له ونعم بالله يا عم الشيخ ..
برد الشيخ ويقوله .. ألم تقراء .. وكل شىء خلقناه بقدر ؟
ههههههههههههههههههههه
بقت مشكلة السائل لازم يقبل بيها لأنه مشكلته إنها مخلوقه بيقدر .. طيب وحتة اللحمه اللى فى الأنثى دى مخلوقه يا ترى بإييييييييييييه؟؟؟؟؟؟ …. بعبث ؟ … بهزار ؟ …….. لا حول ولا قوةة الا بالله ..
والخلاصه يا بنتى ..
الختان جهل .. الختان غباء .. الختان تعدى على خلق الله ..
فأتركى نفسك على طبيعتك لأن هذه هى نعمه من الله لكى .. وتابعى وأبحثى عن إناث موجودين فى الدنيا وهما عكسك تماما مخلوقين من غير هذه القطعة من اللحم ويتمنوا يكونوا مكانك .. لأنهم موريين أزواجهم الجحيم فى عز الضهر .. مشاكل ليل نهار بسبب البرود الجنسى الناتج عن فقد هذا الجزء المهم فى حياة الأنثى ..
لذا فإننى أؤكد عليكى بعدم تنفيذ هذه العادة القذرة .. وإن اصر .. فلا تسألى عنه حتى ولو أدى إلى فسخ الخطبه إفسخيها أكرم لكى ولا تنفذى هذه الجريمة البشعة ..
إللى أنا قلته ده .. كله خلاصة قراءات فى هذا الموضوع .. وعشان أطمنك لصحة ما أقول .. الأزهر .. ووزارة الصحة .. متفقين على تجريم هذه العادة .. ومعاقبة من يمارسها بالسجن .. أنا قلت لك ما يمليه عليا ضميرى وربنا يوفقك .. والسلام عليكم ..
الاخ امير الظلام و الكلمة لجميع الاخوة:
آفة المجتمعات العربية الانفراد بالرأى وعدم قبول الرأى الآخر ولو بتشويهه و تجريح اصحابه, فكما قلت لاخى من قبل انك اذا كنت تتبع احدى الاراء فلك ذلك ,لكن لا يجوز الانكار على من لم يأخذ به,واذا كان الاخ الكريم مال إلى اتهام العلماء الكرام بالعمالة للدولة دون أن يعلمهم ,فأقول له أن الشيخ القرضاوى كان هذا رأيه ******
والشيخ القرضاوى هو اعلم علماء الارض لمن لا يعلم ,وعلينا بالتحرى قبل اتهام الناس جزافا ,خصوصا علماء الدين “اللى هما على عينا و على راسنا”عشان أبناء الاديان الاخرى يحترمونا.
أما جملة ” الست من اول ماتقف امام المرأة تستعد للزنى اكثر من الرجل ” فقد جانبك الصواب فى اختيار الالفاظ,وكأنك تعلل تقدم الزانية على الزانى فى الاية الكريمة لان المرأة اكثر ميلا للزنى !!ده العكس تماما ,معنى الاية ان المرأة اكثر قدرة على التحكم فى السقوط فى هذه الرذيلة من منعه , فهى قد تعطى الضوء الاخضر باستخدام الاثارة والفنة او قد تمنع الرجل منها,فالرجل اكثر استعدادا للسقوط فى الفتنة ولكن المرأة اكثر قدرة على منعه بحفظها لنفسها ,لذلك حملها القرآن المسئولية الاولى ولكن ساوى بينهم فى العقاب و لا تنس ذلك,ولسيت كل امرأة تقف امام المرأة هى ترغب فى الزنى !! وللعلم ,المرأة قد تقوم بالفتنة ليس لان ميولها الجنسية تتحكم بها,فقد تكون امرأة ملفتة ومثيرة ولكنها تعانى من الفتور الجنسى و ذلك ان مسألة المظهر الخارجى و الاغواء هى مسألة تتعلق بالاخلاق و ليس بالرغبة الجنسية ,وبما أن الختان لا يحسن من الاخلاق شيئا ,فليس بالضرورة ان الختان يغير من واقع الفتن التى نعيشها شيئا
تحياتى لجميع الاعضاء
الاستاذة نهله ربنا سبحانه وتعالى فى كتابه الكريم القرأن الكريم قال فى السرقه والسارق والسارقة تقطع ايديهم وقدم هنا السارق للذكر عن الانثى السارقة لان الرجل عندة استعداد للسرقة اكثر وجاء فى الزنى وقال والزانيه والزانى وجاء هنا بالانثى فى الاول لان الست من اول ماتقف امام المرأة تستعد للزنى اكثر من الرجل ثم باالنسبه للشيخ ابو اسحاق الحوينى وكثير من الشيوخ قالو برأى الشيخ ابو اسحاق الحوينى اما شيوخ الحكومه دة امر مباشر انهم يقولو ان الختان لايجوز
للعلم انا بشتغل فى السعوديه وسألت العديد من الشيوخ وقالو فعلا ان الختان سنه لكن ديه سياسه دوله ولانقدر ان نتكلم بها وبعدين ايه البرود اللى الازواج بيعانو منه فى علاقتهم بزوجاتهم يعنى فين اجدادنا وفين كانو بيختنو وبفضل الله كانو عايشين وكانو افضل الناس وبعدين لو فعلا مااخدناش العلم من اهل العلم والدين هناخدو من مين وانا قولت رايى واللى عرفته من شيوخ ولكم حريه الاختيار لان لو ماقولتش اللى انا عرفته من علماء وبلغته يبقة انا شيطان اخرص والحمد لله والله على مااقول شهيد اللهم انى قد بلغت اللهم فأشهد
وربى يعف كل مسلمه ويستر على جميع اولادنا وبناتنا وبنات المسلمين
السلام عليكم * معاه حق مو هو قال لكى انه صعيدى ؟؟ يعنى يبقى هو صعيدى مع احترامى لكل الصعايدة * الختان اصله يسبب برود جنسى للمرأة * هاذا اصله مايعرف شئ احمدى ربك تخلصتى منه وانا والله اكره اتزوج وحدة تكون مختونة ولا راح اتزوج وحدة مختونة ابدا طبعا مع احترامى لثقافة الاخرين* انتى طبيعية ومافيكى شئ هو فقط الذى غير طبيعى ويريد له علاج فى الحال علاج لفكره *والسلام على من اتبع الهدى
دة كلام فاض هو عيز بنت م مختونة يروح ياخدها من الصعيد من بلدة ويبف يقابلنى لو لقى دة ولد فاضى وقليل الادب
يا شخية دة واحد فاضي ساب كل كلام الحب وبيدور على إنك متطهرة ولا لآ دة واحد جاهل وإنتي ألت الأدب عشان تتكلمي معاه في حاجة ذي دي
اللى اعرفة ان لازم الختان للبنت اومال يسبوها كده من غير ختان ع الشباب لازم يكون فى حواجز والختان حاجة ضرورية هو ده اللى اتربيت عليه وبصراحة محدش مضيع الدنيا الا الاعلام والزفت وفعلا واللهى الاعلام بيبوظ الدنيا حتى الزنى بيجبوة فى التلفزيون اكنه عادى وحاجة طبيعية يعنى فعلا هو فساد
يا استاذ امير الظلام ,نلوم الاتنين ايه رأيك؟
ثانيا انت سمعت الكلام ده من الشيخ الحوينى و لا من الرسول نفسه ؟؟طالما انه من الشيخ الحوينى يبقى يجب ان نسمع من غيره ايضا من الشيوخ يمكن يكون عندهم ايضا حجة ,ولا يمكن انى احقر من رأى شيخ عشان انا مقتنع برأى شيخ تانى,ادى فرصة لغيرك يقتنع و يميل لرأى شيوخ اخرين وله شأنه ,و خروجا بقى من المجادلة فى قضية اولى بالعلماء السجال فيها مش العامة ,خلينا نتكلم فى اللى نفهم فيه وهو الوضع الحالى ,كثيييير من الازواج يشتكى من زوجاته بسبب برودها الجنسى و الذى تسبب فيه الختان ,ده غير التشوهات اللى ساعات بتحدثها مثل هذه العمليات للمرأة,واذا كنت غير معترف بمضاره فكلمنى عن منافعه,انا بنت ولم يسبق لى الختان و اتشرف بعفتى و حصانتى رغم انى لم اتزوج بعد ,وان كانت العفة مش بتيجى غير بالختان كان زمان الرجال اكثر عفة من النساء,العفة يا سيدى مش محتاجة عملية جراحية,العفة تربية فى الاساس ,إلا اذا كنت تعتبر ان الشهوة الجنسية دى اصلا ذنب و المفروض نتخلص منه ,او انها ذنب على المرأة تحديدا ووزر ينبغى ان تتخلص منه ؟
لا ختان للانثى.ومن يمارس هذه العاده لبنته فهو جاهل وضال.
وانا انصحك بعدم الاستمرار مع هذا الشساب المتخلف.
حازم حمام/محاسب الكترونى فى الخليج
لابد من ختاااااااااااااااااااااااااااان البنت وانا ضدد اللى يقول غير كده
وانا رئيي مع الاخ امير الظلام مع تحياتى وبعدين ياريت كل واحد مسلم له بنت او اخت لازم تكون عفيفه لو مش عفيفه ان حر بئافى اختك او بنتك
الاخ خالد وجهة نظرك ايه بقة لو كلامك صحيح فى الجيل المهبب دة اللى بيتكلمو فى مواضيع زى ديه بينهم ان الختان ضرورى لكى يحد من الظاهرة ديه ويعمل هدوء جنسى للست وبعدين انا سمعت من الشيخ أبو أسحاق الحوينى محدث اهل الارض فى الاحاديث الشريفة وتصحيحها ومدى صحتها وخطأها فى ردى واثبت باالاحاديث والمواقف ان الرسول صلى الله عليه وسلم كان يختن بناته ولنا فى رسول الله اسوة حسنه وأظن انه اصدق منى ومنك ومن شيوخ كتير نعرفهم اتقو الله فى بناتنا وفى الايام اللى جايه ربنا يخرجنا منها سالمين اللهم استرنا فوق الارض وتحت الارض ويوم العرض عليك واستر بنات المسلمين وانت يااستاذ خالد تلوم على الصعيدى انه سألها ولا تلوم على البنت انها اعطته فرصه انه يسأل الحق حق
هى فرض للرجل ومكرمه للانثى واذا اغلقت البنت فخزيها وظهر البظر يقطع ما ذاد عن ذلك هذا ما تعلمناه فى ديننا ولكن قطع وبس من غير ما يكون يستدعى ذلك وليس البظر بحاجه لذلك وان طوله ليس بظاهر بعد غلق الفحذين فهذا لا يجوز والله اعلم وبعدين يا بنتى العفيفه عفيفه مش بالطهاره او عدمها وللكن يرجع للتربيه السليمه لان الانسان المحترم الذى يخاف الله لا يمكن يقع ابدا فى ما حرم الله وبعدين خطيبك لو يفهم ان ده سعاده له بعد ذلك ولك ايضا فلن يطلب منك ذلك ولاه اصلا هو يسالك هذه الاسئله المحرجه دا انتم جيل مهبب ومعندهوش حياء الله يسامحكم المفروض انه صعيدى يعنى حيي ويخجل من هذا الكلام حاجه تفرح والله
لا يجوز ختان المرأة
اتركوا المرأة كما خلقها الله سبحانه وتعالى
نا من رايي لازم الختان لانه سنه عن الرسول صلى الله عليه وسلم
لا طبعا ختان البنات مرفوض جيدا لانه بيذى البنات مش بيفدها ودى عاده قديمه كانوا ماشين عليها الفراعنه قبل نزول الاسلام اصلا
السلام عليكم اختى الكريمه
بصرف النظر عن انهم صعايدة او لا
الختان سنه عن الرسول صلى الله عليه وسلم
واتركى وسائل الاعلام واللى بيقوله صدقينى انه سنه عن الرسول فى حديث صحيح عن الرسول صلى الله عليه وسلم أذا التقى الختنان وجب الغسل صدق الرسول الكريم
ازاى بقة خلوة ختان واحد ارجوكى اتقى الله وراجعى شيوخ فى الامر مش الشيوخ بتوع الحكومه دول حرررررررررررررررررررررررررام والله والله حرام اسمعى للشيخ محمد حسان او محمد حسن يعقوب صدقونى اليهود عايزين يخلقو جيل جديد فاسد وشاذ فى كل شىء ارجوكو حاربو موضوع منع الختان وحاولو تساهمو فى الموضوع دة ولو بكلمه
هتسأل يوم الدين عملت ايه او استنكرت ولا لا ارجوكو والله انى بحبكم فى الله