انا شاب بالعمر ال ٢٠ انا في إحدى الجامعات الخاصة انا لست ولد ذكي او وسيم او شاطر بالجامعة
سنة اوله سقطت بكل المواد و ماقولتش لأبي او اي حد مثلة ان نجحت و انه كله تمام و قولت هعيد السنة سراً و انجح و في الاجازة أخد ٣ مواد من تانية و أجازة ٣ نفس الكلام حتي استطيع ملاحقتهم و اتخرج في نفس المعاد بدون اخبار احد
و ها انا في اخر السنة و سقطت مادتين و هسقط تاني هفضل لسه في اوله و انا بكذب علي كل اهلي انني ناجح و داخل تلته ، حالتنا المادية مش كويسة اوي لدرجة انه ابقي عادي اعيد السنة و كده ربنا يعلم والدي بيعمل ايه عشان يجيب حق مصاريف الجامعة و انه مارداش اخش معهد او حاجة اقل من الجامعة حتى بعد ما مجموعي في الثانوية. العامة مايدخلنيش حاجة حكومة .
انا قرفت من نفسي و من كذبي و من عدم تقديري لاي شئ انا مرتبط و المفروض هخطب السنة الجاية علي اساس اني في تالته و بجد كل حاجة معايا تفاهم و ثقة و حب لكني غبييييييي غبي و مش كذاب و مش مقدر و مش قادر اعمل حاجة الاسبوع الفات حاولت انتحر و اخدت ٥٠ حباية منوم و ماحصلش حاجة غير اني نمت ٤ ايام و ضغطي وطي ٧٠ ٣٠ و اهلي كانوا في غاية الاهتمام و الرعاية و عملنا تحليل قد كده عشان يطمنوا علي الانيمية و الغدد و ضربات القلب و كله بان تمام و مافيش اي حاجة بينت اني خدت حاجة تسبب ذالك ، مع كل الاهتمام من والدي و والدتي و اخواتي و صديقتي و أصدقائي انا كنت بكره نفسي اكتر و اكتر و حقيقي ال كام يوم الجايين قبل الامتحانات انا هاخد ٢٥٠ حباية و اتمني فعلا يقضوا عليا من كل قلبي
هموم الشباب
خدعت اهلي وكدبت عليهم وبحاول انتحر
اضيف بتاريخ: Saturday, April 20th, 2019 في 17:29
كلمات مشاكل وحلول: الثانوية, الثانوية العامة, الجامعات الخاصة, الجامعة, شاب
اياك ثم اياك ثم اياك تنتحر هتستعجل عذاب جهنم اشد اضعاف من اللي انت فيه والدنيا لسة قدامك فيه غيرك فشل اكتر منك غيرك معاق ومش عارف يعتمد على نفسه وحاسس انه عاله على المجتمع محدش قابله لكن عنده امل وما زال بيكافح وبيشق طريقه حرام والله اللي انت عملتو اياك تاخد حبوب تاني بحذرك
الكون في ايد ربنا قرب منه صلي صلواتك وواظب عليها ادعي ادعي كتير ربنا يخرجك من الضيق والازمة اللي انت فيها صدقني عمر ما كان الانتحار حل والله ما كان حل والله الحل في افكارنا وقلوبنا لو اتحكمنا فيه هنتغير كتير وهل يتكون الانسان على ما هو عليه الا من افكار والافكار في ايدك التحكم فيها ..وهل تكون العظماء الا عندما نجحوا في التحكم وقيادة افكارهم للطريق الصواب واختارو جانب الامل مع ان حياتهم مليئة بالاخفاقات بالمئات ..
غيرك واجه في حياته اعظم المصائب مصائب اكبر بكتير وما زال حي وما زال مكافح وما زال عنده امل انت زيك كتير فشلو وفشلو وفشلو وبعدها نجحو او عرفو ان الحكمه انهم لازم يغيرو طريقهم انت بدل الانتحار ركز جهودك واعمل اللي عليك بدون تقصير ذاكر وما تضيعش وقت ولو تهاونت فترة ارجع تاني بعزم وذاكر من اول السنه واحضر كل المحاضرا وصاب المتفوقين اللي واللي عندهم حب مساعده
وبعدين ما تلومش نفسك خالص ما دمت عملت اللي عليك وبالنسبة لخطيبتك ما فيش حاجة مكتوبة ليك وهتروح منك مهما حصل واللي هيحبك هيصر على كل ظروفك هيقف معاك والشدائد بتكشف اللي يستحقنا بجد وهي ان شاء الله مش هتعمل كده ومش هتسيبك لو حبتك بجد
الحل عند ربنا (بقوله كن فيكون )ممكن تتغير كل حياتك صدقني لسة الحياه قدامك لازم تكون اقوى من كده والله الواحد واجه مواقف اشبه بالموت فضل فيها فترة طويله وكل لحظه اصعب من التانيه مين قالك ان الدنيا نعيم احنا حياتنا الحقيقية في الاخرة الدنيا دنيا فعلا (دنيه) رخيصة مجرد اختبار للأخرة والغريب انك تنتحر وتختار الفشل في الدنيا والاخرة
••كمان انصحك لازم والدتك عرفها باللي حصل او قول لخالتك او حد قريب منها وهو هيوصلها واعمل كأنك مش عايز يقولو لممامتك بس هم اكيد هيقولو وصدقني كلو هيقف جنبك مش عارفة بس بتلوم نفسك على ايه هم مش ابوك وامك اولى الناس بالرحمة بيك ولا ايه ربنا خلقهم مسؤلين عنك واكءد الفشل والسقوط طبع الانسان احناوهما بشر ناقصين كلنا وهم مسؤليتهم يستحملو الاولاد هو فيه انسان كامل هو بإرادتك سقطت نفسك ؟؟!
اتقى الله واصبر وقول الحقيقه حتى لو اخذت مؤهل متوسط دى حياتك الى حتبنى بيها مستقبلك …شوف انت ناجح فى ايه سواء مهنة حرفية او موهبه من الله
المهم احتا مخلوقين عشان نعبد ربنا ويكون راضى عنا وليس عشان نسقط وغيره
الانتحار الموت كافر
يعني هتعيش كداب وتموت كافر… الله عليك أنا عن نفسي مبسوط بيك جدا…
صحصح لنفسك ولمستقبلك الانتحار وسيله الفاشل بدل ما تنتحر صلح اللي إنتا عملته واستعين بالله وابدا شغل عقلك وارضي ربنا واهلك اللي صعبانين عليك..وانتا مش أول واحد يغلط بالعكس ده في ناس بتعجن الدنيا اكتر منك بكتير.. أنا هقولك على حاجه وانتا حر وأنا رأيي خلي ثقه اهلك زي ما هي فيك وابدا تركز في دراستك وانتا بتقول أنهم عارفين إنك في سنه تالته.هنعتبر إنك في سنه أولي حاول تعدي السنه بأي طريقة ولو ما عدتشي السنه دي عرفهم في البيت إنك سقطت في اربع مواد وده كله علي كتير من الدفعه..وعيد سنه أولي ولما تنجح انشاء الله تعرفهم إنك نجحت في تالته..وتسجيل علي نفسك في سنه تانيه وطبعا قدامهم هتبقى في رابعه نفس اللي قولته سقطت في ٣مواد والدفعه نصها كده والكلام ده ولما تعيدها هتبقى وصلت انشاء الله لسنه تالته…. وبعد كده يبقي فاضلك سنه ابقي خلصها مع نفسك..خلي بالك الايام بتعدي والدنيا عاوزه اللي يواجه ويغلط ويقوم تاني وتالت.والحل التاني إنك تقول لوالدك وتعترفله بكل حاجه وتخلص زمتك من ربنا… شوف إيه اللي هيمشي معاك واعمله..وربنا هيوفقك أكيد.