مشاكل الخطوبة

خطيبي طلب مني مشاهدة افلام اباحية لانجاح زواجنا

معلش هطول عليكم بس مغلوبة علي امري
انا مخطوبة من 6 شهور ،اصغر مني بسنة اتعرفت عليه لما اتقدملي وكنا متفاهمين مع بعض جدا وعقله ناجح وده خلاني اوافق ارتبط بيه ، مر بالظبط شهر ع الخطوبة كنا تمام جدا بعدها حصلتله مشاكل ف الشغل اثرت عليه نفسيا جامد وده كان بيخليني اشوفه كتير عشان احاول ادعمه نفسيا ، بس ف الفترة دي حصل تجاوزات بسيطة جدا وانا ندمت عليها وهو كمان اعتذرلي وده خلاني اثق فيه اكتر ومحسش انه بيستغلني ، لكن ف يوم صرحلي انه بيتعب وبيشوف افلام اباحية وانا قلتله انها غلط وحرام بس هو فهمني انه لو اتأثر ومنع نفسه ممكن يجيله علي المدي البعيد امراض وحشة في البروستاتا واقنعني انه العادة السرية او الاستمناء عموما للرجال مفيدة ب، حاولت كتير اوي معاه اني ابعده عن الافلام دي عشان ميتعودش عليها واني امنعه عن انه يفكر ف الحجات دي اصلا من الاول عشان الخيال ميجيبش بعضه معاه ، بس كنت بفشل دايما لحد لما خطرلي فكرة من غبائي وزعلت من نفسي جدا اني اكون جنبه بغرض انه ميتعبش بعدين زي ما اقنعني ، ف الاول خالص شكرني وقالي اني مش مجبرة ع ده وانه بيحترمني وكان تمام اوي واهتمامه وحبه ليا ذادو وده صل بالظبط 3 مرات و بعدين فوقت ورجعت لربنا ، بعدها بدات احس انه بيطلبها مني امر عشان يبقي فيه تفاهم بينا بقت احس انه لازم اعمل د عشان يكون باله مرتاح ومبسوط ، لما جيت ارفض بقي كل يومين بالظبط تحصل مشاكل ، وعلي فكرة طريقة رفضي كانت عقلانية ومتهاونة مش فيها اهانة ولا اي حاجة خالص بالعكس ، دلوقتي احنا ف ماشكل كتير اوي اوي ، 80% من كلامه وهزاره حتي بقي ف الموضوع ده انا اتخنقت و كرهته وكرهت اني زعلت ربنا بسببه ، لكن ف اوقات كتير بحبه فيها مبقددرش ابعد واسيبه يإذي نفسه بقيت بحس بالمسئولية نحيته خصوصا انه حكالي اسراره دي ولما بيزعل بحس بغصة ف قلبي بتعب وبخاف اوي وقولوني بيتعب بتدمر نفسيا ، دلوقتي قالي انه مفيش بينا اي تفاهم وان الرجالة انواع وجرحني قالي اني باردة عاطفيا وطلب مني اشوف افلام اباحية بس قدامه هو بس عشان اتعلم حركات البنات و دلهعم ، انا مخنووووقة ومش عايزة اعمل ده ومش مقتنعة ان د الوقت المناسب لكل ده احنا جوازنا ف اخر السنة وجوايا اصوات كتير صوت بيقولي انه بيحبني له فعلا تصرفات بتدل ع ده بعيدا عن الجنس وصوت تاني بيقولي انه اناني وعايز كل حاجة ع مزاجه واكن فيكون وان بعد الجواز هيقولي اني باردة اكتر و مش هيبقي فيه بينا تواصل مع ان ربنا عالم انا بفكر ف جوازنا ومسئوليتي د قد ايه وبستعدلها مع نفسي وبقرألها
بس تعبت وحاسة اني لوحدي لوحدي اوي ، ماما رمياني وف كل مشكلة تقولي انا الغلطانة وبتقف في صفه وبتروح تصالحني عليه محدش جنبي ماليش اب حتي ياخدلي حقي منه لما بيزعلني
ساعدوني وقولولي اعمل ايه وشكرا طولت عليكم

مشاكل وحلول ذات صلة

اضيف بتاريخ: Sunday, April 2nd, 2017 في 05:36

كلمات مشاكل وحلول: , , , , , , ,

4 رد to “خطيبي طلب مني مشاهدة افلام اباحية لانجاح زواجنا”

  1. ابوالبتول
    05/09/2017 at 00:50

    اتفق مع الاخوة- انسان- دكتور -فاعل خير- في كل ماذكروه للاخت السائلة اتمنى انها تستفيد من كل ماقيل لها وتنفذه في حياتها والله يسترعليها ويصلح حالها وكل بنات المسلمين اجمع

  2. انسان
    02/08/2017 at 14:31

    بصي يا ماما لازم تفهمي ان موضوع مشاهدة الافلام الاباحية اللي عنده مش من السهل يبطلها بعد الجواز
    وبالتالي لو هتتجوزيه تبقى عارفة ان في احتمال كبير يسوف افلام ويمارس عليها العادة الشبابية
    الراجل بعد الجواز بعد شهر بيحفظ تفاصيل مراته
    والعلاقة بتبقي شئ روتيني وعشان كده بتبدأ تقل مع الوقت
    يعني بتبدأ كل يوم بعد كده يوم ويوم لحد ما بتوصل مرة في الأسبوع
    وده لو الاتنين شاطرين وفي بينهم وفاق والست بتجدد في نفسها
    وطبعا في فترات زي الحمل خصوصا الشهور الاولى والاخيرة وزي ان الناس بترضع وماعندهاش وقت تدخل الحمام حتى
    بيقل فيها الجنس جدا
    هيعمل ايه في الفترة دي؟
    واذا كان قبل الخطوبة لمجرد انك منعتي عنه الجنس ابتدا يحصل مشاكل
    طيب لما الجنس يبقى روتيني مش هيبدأ يحصل مشاكل؟
    وهل برضه هيطلب منك بعد الجواز مشاهدة افلام جنسية معاه؟
    او التصوير
    او الحاجات الشاذة اللي بيشوفها في الافلام؟
    في رايي اللي مش بيعرف يضبط نفسه قبل الزواج مش هيعرف بعده
    فكري كويس
    واعرفي انك لو اتجوزيته انك قبلاه بعيبه ده
    انه بيشاهد افلام جنسية
    ولو حصل بعد الزواج وفضل العادة السرية على العلاقة الزوجية
    ماتنهاريش وتبقى عارفة هتتعاملي مع ده إزاي
    واوعي تقبلي انك تشوفي افلام
    او تسيبيه يتكلم معاكي كلام جنسي على اساس انك هتتجوزوا وانتي مراته والهجس ده
    او يطلب منك اي حاجة مخلة في الخطوبة
    كل الكلام ده هتندمي عليه بعد الجواز وهو كمان هيندم انه حصل
    ومش بعيد الشيطان يلعب بعقله ويقوله زي ما بتعمل معايا كده ايه المانع انها تعمل كده مع اي حد تاني
    خلي بالك من نفسك وخليكي صاحية

  3. Dr
    08/04/2017 at 14:18

    اختي الكريمةالرسول عليه الصلاة والسلام يقول (لا طاعة لمخلوق في معصية الخالق)،انت اخطأت لكن لاتستمر في الخطأ، وصدقيني لو أعطيته مايريد فلن يبارك لك الله وسيرميك خطيبك لأنه سيحتقرك داخليا، اتق الله وصل الاستخارة في اتمام الخطوبة أو إنهائها، لأنه يبدو بشكل واضح أنه لايناسبك وإن تم الزواج فسيهينك وربمايخونك ،ولاتندم على شئ طالما أنه رضا لله، ومن ترك شيئا لله عوضه خيرا منه، وسيبدلك الله في الأفضل وستذكرين كلماتي هذه إن عملت بها يوما، ربنايسدد خطاك، ويحميك من شر نفسك وشركل ذي شر، وإن خالفتك الدنيا كلها وليس فقط أمك وخطيبك، فيكفي أن الله معك

  4. فاعل خير
    03/04/2017 at 15:09

    بصى اولا ده غلط خالص اوعى تعصى ربنا عشان مخلوق مهما كان بالنسبالك ايه راعى ربنا فى كل تصرفاتك اولا انتى تحاولى تاخدى موقف بجد وتوقفيه عند حده وتنهى الكلام فى الموضوع ده تمام ولو حاول يفتحه تانى خاصميه يوم واتين حتقولى بحبه بس صدقينى لو راضيته على حساب ربنا صدقينى عمرها ما حتكمل على خير ولو سمع الكلام وبطل يبقى خير وبركة وكانت ضاحك الشيطان عليه او لو فضل مصمم ساعتها او حاول بعديها نصيحتى افسخى الخطوبةوافتكرى المقولة دى (من ترك شيئا لله عوضه الله خيرا منه) وصدقينى ربنا حيكرمك باحسن منه يحبك لذاتك ويعزك ويحطك جه عينه مش لحاجة تانية انت دلوقتى استغفرى ربنا وتوبى توبة نصوحة واستخيرى ربنا وربنا يعملك اللى فيه الخير

اترك رداً أو حلاً لهذه المشكلة